Surah سورة الصافات

Verse 1

ﭑﭒ ﭓ

(Allāhu búra pẹ̀lú) àwọn mọlāika olùtò-lọ́wọ̀ọ̀wọ́ tààrà;

Verse 2

ﭔﭕ ﭖ

àti àwọn mọlāika t’ó ń wọ́ ẹ̀ṣújò kiri tààrà;

Verse 3

ﭗﭘ ﭙ

àti àwọn mọlāika òǹké-tírà ìrántí.

Verse 4

ﭚﭛﭜ ﭝ

Dájúdájú Ọlọ́hun yín, Ọ̀kan ṣoṣo ni;

Verse 5

ﭞﭟﭠﭡﭢﭣﭤ ﭥ

Olúwa àwọn sánmọ̀ àti ilẹ̀ àti ohunkóhun tí ń bẹ láààrin àwọn méjèèjì. Òun sì ni Olúwa àwọn ibùyọ òòrùn.

Verse 6

ﭦﭧﭨﭩﭪﭫ ﭬ

Dájúdájú Àwa fi àwọn ìràwọ̀ ṣe sánmọ̀ ilé ayé ní ọ̀ṣọ́

Verse 7

ﭭﭮﭯﭰﭱ ﭲ

àti ìṣọ́ níbi (aburú) gbogbo èṣù olóríkunkun.

Verse 8

ﭳﭴﭵﭶﭷﭸﭹﭺﭻ ﭼ

(Àwọn èṣù) kò sì níí lè tẹ́tí sí ìjọ (mọlāika t’ó wà ní) àyè gíga jùlọ (nínú sánmọ̀). (Àwọn mọlāika) yó sì máa ku (àwọn èṣù) lókò (ẹ̀ta ìràwọ̀) ní gbogbo agbègbè (sánmọ̀).

Verse 9

ﭽﭾﭿﮀﮁ ﮂ

Wọ́n ń lé wọn dànù. Ìyà àìlópin sì wà fún wọn.

Verse 10

ﮃﮄﮅﮆﮇﮈﮉ ﮊ

(Wọn kò níí gbọ́ ọ̀rọ̀ ní kíkún) àyàfi ẹni tí ó bá rí ọ̀rọ̀ àjígbọ́ gbé, nígbà náà (ni mọlāika) yó sì fi ẹ̀ta ìràwọ̀ iná t’ó máa jó o tẹ̀lé e.

Verse 11

ﮋﮌﮍﮎﮏﮐﮑﮒﮓﮔﮕﮖﮗ ﮘ

Bi wọ́n léèrè wò pé ṣé àwọn ni ìṣẹ̀dá wọn lágbára jùlọ ni tàbí àwọn (ènìyàn) tí A dá? Dájúdájú Àwa dá wọn láti ara erùpẹ̀ t’ó lẹ̀ mọ́ra wọn.

Verse 12

ﮙﮚﮛ ﮜ

Rárá (kò jọra wọn); ìwọ ṣèèmọ̀ (nípa al-Ƙur’ān), àwọn sì ń ṣe yẹ̀yẹ́.

Verse 13

ﮝﮞﮟﮠ ﮡ

Àti pé nígbà tí wọ́n bá ṣe ìrántí fún wọn, wọn kò níí lo ìrántí.

Verse 14

ﮢﮣﮤﮥ ﮦ

Nígbà tí wọ́n bá tún rí àmì kan, wọn yóò máa ṣe yẹ̀yẹ́.

Verse 15

ﮧﮨﮩﮪﮫﮬ ﮭ

Wọ́n sì wí pé: "Èyí kò jẹ́ kiní kan bí kò ṣe idán pọ́nńbélé.

Verse 16

ﮮﮯﮰﮱﯓﯔﯕ ﯖ

Ṣé nígbà tí a bá kú tán, tí a ti di erùpẹ̀ àti egungun, ṣé dájúdájú Wọn yóò tún gbé wa dìde ni?

Verse 17

ﯗﯘ ﯙ

Ṣé àti àwọn bàbá wa, àwọn ẹni àkọ́kọ́?"

Verse 18

ﯚﯛﯜﯝ ﯞ

Sọ pé: "Bẹ́ẹ̀ ni. Ẹ̀yin yó sì di ẹni yẹpẹrẹ."

Verse 19

ﯟﯠﯡﯢﯣﯤﯥ ﯦ

Nítorí náà, igbe ẹyọ kan mà ni. Nígbà náà ni wọn yóò máa wò sùn.

Verse 20

ﯧﯨﯩﯪﯫ ﯬ

Wọ́n á wí pé: "Ègbé wa! Èyí ni Ọjọ́ ẹ̀san."

Verse 21

ﯭﯮﯯﯰﯱﯲﯳ ﯴ

Èyí ni ọjọ́ Ìdájọ́ èyí tí ẹ̀ ń pè nírọ́.

Verse 22

ﯵﯶﯷﯸﯹﯺﯻﯼ ﯽ

Ẹ kó àwọn t’ó ṣàbòsí jọ, àwọn ìyàwó wọn àti ohun tí wọ́n ń jọ́sìn fún

Verse 23

ﯾﯿﰀﰁﰂﰃﰄ ﰅ

lẹ́yìn Allāhu. Kí ẹ sì júwe wọn sí ojú ọ̀nà iná Jẹhīm.

Verse 24

ﰆﰇﰈﰉ ﰊ

Ẹ dá wọn dúró ná, dájúdájú wọ́n máa bi wọ́n léèrè ìbéèrè.

Verse 25

ﭑﭒﭓﭔ ﭕ

Kí ni kò jẹ́ kí ẹ ranra yín lọ́wọ́?

Verse 26

ﭖﭗﭘﭙ ﭚ

Rárá, wọ́n ti juwọ́ jusẹ̀ sílẹ̀ ní òní ni.

Verse 27

ﭛﭜﭝﭞﭟ ﭠ

Apá kan wọn yóò dojú kọ apá kan, tí wọn yóò máa bira wọn léèrè ìbéèrè.
____________________
Ẹ wo ìtọsẹ̀-ọ̀rọ̀ fún sūrah al-Mu’minūn; 23:101.

Verse 28

ﭡﭢﭣﭤﭥﭦ ﭧ

(Àwọn ènìyàn) wí pé: "Dájúdájú ẹ̀yin l’ẹ̀ ń gba ọ̀tún wọlé sí wa lára (láti ṣì wá lọ́nà)."
____________________
Gbígba ọ̀tún wọlé sí ni lára ni pé, wọ́n ń lo orúkọ ’Islām láti fi pe àwọn ènìyàn lọ síbi ìṣẹbọ dípò mímú Allāhu ní Ọ̀kan ṣoṣo. Àpẹẹrẹ àwọn wọ̀nyí ni àwọn àáfà tí wọ́n bá àwọn àlùjọ̀nnú dòwò pọ̀ tán, tí wọ́n sọra wọn di oníṣẹ́-ìyanu àti àwọn onibidiah bí ìjọ Ahmadiyyah àti ìjọ Tijāniyyah.

Verse 29

ﭨﭩﭪﭫﭬ ﭭ

(Àwọn àlùjànnú) wí pé: "Rárá o (àwa kọ́), ẹ̀yin ni ẹ kò jẹ́ onígbàgbọ́ òdodo.

Verse 30

ﭮﭯﭰﭱﭲﭳﭴﭵﭶﭷﭸ ﭹ

Àti pé àwa kò ní agbára kan lórí yín, ṣùgbọ́n ẹ̀yin jẹ́ ìjọ olùtayọ-ẹnu àlà.

Verse 31

ﭺﭻﭼﭽﭾﭿﮀ ﮁ

Ọ̀rọ̀ Olúwa wa sì kò lé wa lórí pé dájúdájú àwa yóò tọ́ Iná wò.

Verse 32

ﮂﮃﮄﮅ ﮆ

Nítorí náà, a ṣì yín lọ́nà. Dájúdájú àwa náà sì jẹ́ olùṣìnà."

Verse 33

ﮇﮈﮉﮊﮋ ﮌ

Dájúdájú ní ọjọ́ yẹn, akẹgbẹ́ ni wọ́n nínú Ìyà.

Verse 34

ﮍﮎﮏﮐ ﮑ

Dájúdájú báyẹn ni Àwa yóò ti ṣe pẹ̀lú àwọn ẹlẹ́ṣẹ̀.

Verse 35

ﮒﮓﮔﮕﮖﮗﮘﮙﮚﮛ ﮜ

Dájúdájú nígbà tí wọ́n bá sọ fún wọn pé "Kò sí ọlọ́hun tí ìjọ́sìn tọ́ sí àfi Allāhu.", wọn yóò máa ṣègbéraga.

Verse 36

ﮝﮞﮟﮠﮡﮢ ﮣ

Wọ́n sì ń wí pé: "Ṣé a máa fi àwọn òrìṣà wa sílẹ̀ nítorí eléwì wèrè kan?"

Verse 37

ﮤﮥﮦﮧﮨ ﮩ

Kò rí bẹ́ẹ̀. Ó mú òdodo wá ni. Ó sì ń jẹ́rìí sí òdodo àwọn Òjíṣẹ́ náà.

Verse 38

ﮪﮫﮬﮭ ﮮ

Dájúdájú ẹ máa tọ́ ìyà ẹlẹ́ta-eléro wò.

Verse 39

ﮯﮰﮱﯓﯔﯕ ﯖ

A ò níí san yín ní ẹ̀san kan àfi ohun tí ẹ̀ ń ṣe níṣẹ́.

Verse 40

ﯗﯘﯙﯚ ﯛ

Àfi àwọn ẹrúsìn Allāhu, àwọn ẹni ẹ̀ṣà.

Verse 41

ﯜﯝﯞﯟ ﯠ

Ti àwọn wọ̀nyẹn sì ni arísìkí tí wọ́n ti mọ̀;

Verse 42

ﯡﯢﯣ ﯤ

àwọn èso. Àwọn sì ni alápọ̀n-ọ́nlé

Verse 43

ﯥﯦﯧ ﯨ

nínú àwọn Ọgbà Ìdẹ̀ra.

Verse 44

ﯩﯪﯫ ﯬ

Lórí àwọn ìtẹ́ ni wọn yóò ti kọjú síra wọn.

Verse 45

ﯭﯮﯯﯰﯱ ﯲ

Wọn yóò máa gbé ife ọtí mímọ́ káà kiri ọ̀dọ̀ wọn.

Verse 46

ﯳﯴﯵ ﯶ

Funfun ni (ọtí náà). Ó ń dùn lẹ́nu àwọn t’ó máa mu ún.

Verse 47

ﯷﯸﯹﯺﯻﯼﯽ ﯾ

Kò sí ìpalára kan fún wọn nínú rẹ̀, wọn kò sì níí hunrírà lórí rẹ̀.

Verse 48

ﯿﰀﰁﰂ ﰃ

Àwọn obìnrin tí kì í wo ẹlòmíìràn, àwọn ẹlẹ́yinjú ẹgẹ́ yó sì wà lọ́dọ̀ wọn.

Verse 49

ﰄﰅﰆ ﰇ

Wọ́n dà bí tinú ẹyin.
____________________
Àwọn kristiẹni, nínú ọ̀rọ̀ wọn kan tí wọ́n ń fi tàbùkù àwọn ìkẹ́ inú Ọgbà Ìdẹ̀ra, wọ́n sọ pé, “Nítorí ọ̀wọ́n èso ní erúkùsù ilẹ̀ Lárúbáwá ni Allāhu fi ṣàdéhùn ọ̀pọ̀lọ́pọ̀ èso fún àwọn mùsùlùmí nínú Ọgbà Ìdẹ̀ra Rẹ̀; nítorí pé àwọn Lárúbáwá fẹ́ràn ọtí àmupara ni Allāhu fi bá wọn pèsè ọtí ọ̀pọ̀lọ́pọ̀ sílẹ̀ dè wọ́n nínú Ọgbà Ìdẹ̀ra Rẹ̀; nítorí pé àwọn Lárúbáwá fẹ́ràn àgbèrè ṣíṣe ni Allāhu fi bá wọn pèsè obìnrin ọ̀pọ̀lọ́pọ̀ sílẹ̀ fún ẹnì kọ̀ọ̀kan àwọn mùsùlùmí nínú Ọgbà Ìdẹ̀ra Rẹ̀!”
Èsì: Ọ̀rọ̀ ẹnu àwọn kristiẹni wọ̀nyí, yàtọ̀ sí pé ó ń fi wọ́n hàn gẹ́gẹ́ bí aláwàdà kẹríkẹrì, ó tún jẹ́ kí á mọ̀ pé wọn kò retí ìkẹ́ kan kan lọ́run ní tiwọn. Tí ó bá jẹ́ pé, wọ́n ń retí ìkẹ́ kan ní ọ̀run, irú ìkẹ́ wo gan-an ni wọ́n ń retí nígbà náà? Síwájú sí i, kì í kúkú ṣe Lárúbáwá nìkan ni mùsùlùmí. Gbogbo àwọn Ànábì àti àwọn Òjíṣẹ́ Allāhu ni mùsùlùmí. Àwọn kristiẹni ṣe wá ń sọ̀rọ̀ bí ẹni pé nítorí Lárúbáwá nìkan ni Allāhu fi dá Ọgbà Ìdẹ̀ra! Ìgbádùn inú Ọgbà Ìdẹ̀ra wulẹ̀ pọ̀ tayọ èso, ọtí tí kìí pani àti obìnrin. Àmọ́ sá, kò wulẹ̀ sí ìgbádùn kan kan fún àwọn aláìgbàgbọ́ lọ́run bí kò ṣe Iná gbére.

Verse 50

ﰈﰉﰊﰋﰌ ﰍ

Apá kan wọn yóò dojú kọ apá kan, tí wọn yóò máa bira wọn léèrè ìbéèrè.

Verse 51

ﰎﰏﰐﰑﰒﰓﰔ ﰕ

Òǹsọ̀rọ̀ kan nínú wọn yóò sọ pé: "Dájúdájú èmi ní ọ̀rẹ́ kan

Verse 52

ﭑﭒﭓﭔ ﭕ

tí ó ń wí pé, “Ṣé dájúdájú ìwọ wà nínú àwọn onígbàgbọ́ nínú Ọjọ́ Àjíǹde?

Verse 53

ﭖﭗﭘﭙﭚﭛﭜ ﭝ

Ṣé nígbà tí a bá kú tán, tí a ti di erùpẹ̀ àti egungun, ṣé dájúdájú Wọn yóò san wá ní ẹ̀san ni?”

Verse 54

ﭞﭟﭠﭡ ﭢ

Ó sọ pé: "Ṣé ẹ̀yin yóò yọjú wo (ẹni náà tí kò gbàgbọ́ nínú Ọjọ́ àjíǹde)?"

Verse 55

ﭣﭤﭥﭦﭧ ﭨ

Ó yọjú wò ó. Ó sì rí i láààrin gbùngbùn nínú iná Jẹhīm.

Verse 56

ﭩﭪﭫﭬﭭ ﭮ

Ó (sì) sọ pé: "Mó fi Allāhu búra, ìwọ fẹ́ẹ̀ kó ìparun bá mi tán.

Verse 57

ﭯﭰﭱﭲﭳﭴ ﭵ

Àti pé tí kì í bá ṣe ìdẹ̀ra Olúwa mi ni, èmi náà ìbá wà nínú ẹni tí wọ́n máa mú wá sínú Iná.

Verse 58

ﭶﭷﭸ ﭹ

Àwa kò sá níí kú mọ́ báyìí?

Verse 59

ﭺﭻﭼﭽﭾﭿ ﮀ

Àfi ikú wa àkọ́kọ́. Wọn kò sì níí jẹ àwa níyà.

Verse 60

ﮁﮂﮃﮄﮅ ﮆ

Dájúdájú èyí, òhun ni èrèǹjẹ ńlá."

Verse 61

ﮇﮈﮉﮊ ﮋ

Nítorí irú èyí, kí àwọn olùṣẹ̀sìn máa ṣẹ̀sìn lọ.

Verse 62

ﮌﮍﮎﮏﮐﮑ ﮒ

Ǹjẹ́ ìyẹn l’ó lóore jùlọ ní ibùdésí ni tàbí igi zaƙūm (igi ẹlẹ́gùn-ún)?

Verse 63

ﮓﮔﮕﮖ ﮗ

Dájúdájú Àwa ṣe é ní àdánwò fún àwọn alábòsí.

Verse 64

ﮘﮙﮚﮛﮜﮝ ﮞ

Dájúdájú òhun ni igi kan tí ó máa hù jáde láti ìdí iná Jẹhīm.

Verse 65

ﮟﮠﮡﮢ ﮣ

Èso rẹ̀ dà bí orí àwọn èṣù.

Verse 66

ﮤﮥﮦﮧﮨﮩ ﮪ

Dájúdájú wọn yóò máa jẹ nínú rẹ̀. Nítorí náà, wọn yóò fi kún inú wọn bámúbámú.

Verse 67

ﮫﮬﮭﮮﮯﮰﮱ ﯓ

Lẹ́yìn náà, dájúdájú wọn yóò mu n̄ǹkan mímu àwọyúnwẹ̀jẹ̀ gbígbóná lé e lórí.

Verse 68

ﯔﯕﯖﯗﯘ ﯙ

Lẹ́yìn náà, dájúdájú ibùpadàsí wọn ni iná Jẹhīm.

Verse 69

ﯚﯛﯜﯝ ﯞ

Dájúdájú wọ́n bá àwọn bàbá wọn ní olùṣìnà.

Verse 70

ﯟﯠﯡﯢ ﯣ

Àwọn náà sì ń yára tẹ̀lé orípa wọn.

Verse 71

ﯤﯥﯦﯧﯨ ﯩ

Dájúdájú ọ̀pọ̀lọ́pọ̀ àwọn ẹni àkọ́kọ́ ti ṣìnà ṣíwájú wọn.

Verse 72

ﯪﯫﯬﯭ ﯮ

Dájúdájú A ti rán àwọn olùkìlọ̀ sí wọn.

Verse 73

ﯯﯰﯱﯲﯳ ﯴ

Nítorí náà, wo bí àtubọ̀tán àwọn ẹni-akìlọ̀-fún ti rí.

Verse 74

ﯵﯶﯷﯸ ﯹ

Àfi àwọn ẹrúsìn Allāhu, àwọn ẹni ẹ̀ṣà.

Verse 75

ﯺﯻﯼﯽﯾ ﯿ

Dájúdájú (Ànábì) Nūh pè Wá. A sì dára ní olùjẹ́pè.

Verse 76

ﰀﰁﰂﰃﰄ ﰅ

A gba òun àti àwọn ará ilé rẹ̀ là kúrò nínú ìbànújẹ́ ńlá.

Verse 77

ﭑﭒﭓﭔ ﭕ

A dá àwọn àrọ́mọdọ́mọ rẹ̀ sí lẹ́yìn rẹ̀.

Verse 78

ﭖﭗﭘﭙ ﭚ

A sì fún un ní orúkọ rere láààrin àwọn ẹni ìkẹ́yìn.

Verse 79

ﭛﭜﭝﭞﭟ ﭠ

Àlàáfíà kí ó máa bá (Ànábì) Nūh láààrin gbogbo ẹ̀dá.

Verse 80

ﭡﭢﭣﭤ ﭥ

Dájúdájú báyẹn ni Àwa ṣe ń san àwọn olùṣe-rere ní ẹ̀san (rere).

Verse 81

ﭦﭧﭨﭩ ﭪ

Dájúdájú òun wà nínú àwọn ẹrúsìn Wa, àwọn onígbàgbọ́ òdodo.

Verse 82

ﭫﭬﭭ ﭮ

Lẹ́yìn náà, A tẹ àwọn yòókù rì sínú agbami.

Verse 83

ﭯﭰﭱﭲﭳ ﭴ

Dájúdájú (Ànábì) ’Ibrọ̄hīm wà nínú ìjọ (tí ó tẹ̀lé ìlànà) rẹ̀.
____________________
Ìyẹn ni pé, ẹ̀sìn Ànábì Nūh ni ẹ̀sìn Ànábì ’Ibrọ̄hīm (aleehimọ sọlātu wa salām), ẹ̀sìn ’Islām.

Verse 84

ﭵﭶﭷﭸﭹ ﭺ

(Ẹ rántí) nígbà tí òun náà dojú kọ Olúwa rẹ̀ pẹ̀lú ọkàn mímọ́.

Verse 85

ﭻﭼﭽﭾﭿﮀ ﮁ

(Rántí) nígbà tí ó sọ fún bàbá rẹ̀ àti àwọn ènìyàn rẹ̀ pé: "Kí ni ẹ̀ ń jọ́sìn fún?

Verse 86

ﮂﮃﮄﮅﮆ ﮇ

Ṣé ẹ̀ ń gbèrò láti sọ irọ́ di ọlọ́hun lẹ́yìn Allāhu?

Verse 87

ﮈﮉﮊﮋ ﮌ

Kí sì ni èrò ọkàn yín sí Olúwa gbogbo ẹ̀dá?”

Verse 88

ﮍﮎﮏﮐ ﮑ

Ó ṣíjú wo àwọn ìràwọ̀ gan-an.

Verse 89

ﮒﮓﮔ ﮕ

Ó sì sọ pé: "Dájúdájú ó rẹ̀ mí."

Verse 90

ﮖﮗﮘ ﮙ

Nítorí náà, wọ́n pa á tì, wọ́n sì lọ.

Verse 91

ﮚﮛﮜﮝﮞﮟ ﮠ

Nígbà náà, ó lọ sí ọ̀dọ̀ àwọn òrìṣà wọn. Ó sì sọ pé: "Ṣé ẹ ò níí jẹun ni?

Verse 92

ﮡﮢﮣﮤ ﮥ

Kí ni ó ṣe yín tí ẹ ò sọ̀rọ̀?"

Verse 93

ﮦﮧﮨﮩ ﮪ

Nígbà náà, ó dojú lílù kọ wọ́n pẹ̀lú ọwọ́ ọ̀tún (ó sì rún wọn wómúwómú).

Verse 94

ﮫﮬﮭ ﮮ

(Àwọn abọ̀rìṣà) sáré wá dojú kọ ọ́.

Verse 95

ﮯﮰﮱﯓ ﯔ

Ó sọ pé: "Ṣé ẹ óò máa jọ́sìn fún n̄ǹkan tí ẹ gbẹ́ kalẹ̀ lére ni?

Verse 96

ﯕﯖﯗﯘ ﯙ

Allāhu l’Ó sì dá ẹ̀yin àti n̄ǹkan tí ẹ̀ ń ṣe níṣẹ́."

Verse 97

ﯚﯛﯜﯝﯞﯟﯠ ﯡ

Wọ́n wí pé: "Ẹ mọ ilé kan fún un, kí ẹ sì jù ú sínú iná."

Verse 98

ﯢﯣﯤﯥﯦ ﯧ

Wọ́n gbèrò ète sí i. A sì sọ wọ́n di ẹni yẹpẹrẹ.

Verse 99

ﯨﯩﯪﯫﯬﯭ ﯮ

Ó sọ pé: "Dájúdájú mo máa lọ sí (ìlú tí) Olúwa mi (pa mí láṣẹ láti lọ). Ó sì máa tọ́ mi sọ́nà (láti dé ibẹ̀).
____________________
Ìyẹn ìlú Ṣām.

Verse 100

ﯯﯰﯱﯲﯳ ﯴ

Olúwa mi, ta mí lọ́rẹ ọmọ nínú àwọn ẹni rere."

Verse 101

ﯵﯶﯷ ﯸ

A sì fún un ní ìró ìdùnnú (nípa bíbí) ọmọkùnrin aláfaradà.

Verse 102

ﯹﯺﯻﯼﯽﯾﯿﰀﰁﰂﰃﰄﰅﰆﰇﰈﰉﰊﰋﰌﰍﰎﰏﰐﰑﰒﰓﰔ ﰕ

Nígbà tí (ọmọ náà) dàgbà, tí ó tó bá (bàbá rẹ̀) ṣe iṣẹ́, (bàbá rẹ̀) sọ pé: "Ọmọ mi, dájúdájú èmi lá àlá pé dájúdájú mò ń dúńbú rẹ. Nítorí náà, wòye sí i, kí ni o rí sí i." Ó sọ pé: "Bàbá mi, ṣe ohun tí Wọ́n pa láṣẹ fún ọ. O máa bá mi nínú àwọn onísùúrù, tí Allāhu bá fẹ́."

Verse 103

ﭑﭒﭓﭔ ﭕ

Nígbà tí àwọn méjèèjì juwọ́ jusẹ̀ sílẹ̀, tí (Ànábì ’Ibrọ̄hīm) sì dojú (ọmọ) rẹ̀ bolẹ̀,
____________________
Ìtúmọ̀ “jẹbīn” ni iwájú orí.

Verse 104

ﭖﭗﭘ ﭙ

A pè é (báyìí) pé, ’Ibrọ̄hīm,

Verse 105

ﭚﭛﭜﭝﭞﭟﭠﭡ ﭢ

o kúkú ti mú àlá náà ṣẹ. Dájúdájú báyẹn ni Àwa ṣe ń san àwọn olùṣe-rere ní ẹ̀san (rere).

Verse 106

ﭣﭤﭥﭦﭧ ﭨ

Dájúdájú èyí, òhun ni àdánwò pọ́nńbélé.

Verse 107

ﭩﭪﭫ ﭬ

A sì fi àgbò ńlá ṣèràpadà rẹ̀.

Verse 108

ﭭﭮﭯﭰ ﭱ

A tún fún un ní orúkọ rere láààrin àwọn ẹni ìkẹ́yìn.

Verse 109

ﭲﭳﭴ ﭵ

Àlàáfíà kí ó máa bá (Ànábì) ’Ibrọ̄hīm.

Verse 110

ﭶﭷﭸ ﭹ

Báyẹn ni A ṣe ń san àwọn olùṣe-rere ní ẹ̀san (rere).

Verse 111

ﭺﭻﭼﭽ ﭾ

Dájúdájú ó wà nínú àwọn ẹrúsìn Wa, àwọn onígbàgbọ́ òdodo.

Verse 112

ﭿﮀﮁﮂﮃ ﮄ

A tún fún un ní ìró ìdùnnú (nípa bíbí) ’Ishāƙ, (ó máa jẹ́) Ànábì. (Ó sì máa wà) nínú àwọn ẹni rere.

Verse 113

ﮅﮆﮇﮈﮉﮊﮋﮌﮍﮎﮏ ﮐ

Àti pé A fún òun àti ’Ishāƙ ní ìbùkún. Ẹni rere àti alábòsí pọ́nńbélé (t’ó ń ṣàbòsí sí) ẹ̀mí ara rẹ̀ wà nínú àrọ́mọdọ́mọ àwọn méjèèjì.
____________________
Bẹ̀rẹ̀ láti āyah 100 títí dé āyah 113, ó ti hàn kedere pé: (ìkíní) Ànábì ’Ismā‘īl ('alaehi-ssọlātu wa-ssalām) ni àkọ́bí Ànábì ’Ibrọ̄hīm ('alaehi-ssọlātu wa-ssalām); (ìkejì) Ànábì ’Ismā‘īl ('alaehi-ssọlātu wa-ssalām) ni ẹni tí Allāhu (subhānahu wa ta'ālā) pa láṣẹ pé kí Ànábì ’Ibrọ̄hīm ('alaehi-ssọlātu wa-ssalām) pa láti fi jọ́sìn fún Òun; (ìkẹta) Kò sí ohun t’ó jẹmọ́ ẹ̀jẹ́ àti ìmúṣẹ ẹ̀jẹ́ nínú àlá àti ìṣẹ̀lẹ̀ náà; (ìkẹrin) Ìkíní kejì àwọn ọmọ méjèèjì náà ni ẹni ìbùkún. Àmọ́, àwọn kristiẹni, gẹ́gẹ́ bí ìṣe àti àṣà wọn, orúkọ burúkú ni wọ́n ń fún Ànábì ’Ismā‘īl ('alaehi-ssọlātu wa-ssalām). Ẹ tún wo ìtọsẹ̀-ọ̀rọ̀ fún sūrah Hūd; 11:71.

Verse 114

ﮑﮒﮓﮔﮕ ﮖ

Dájúdájú A ṣoore fún (Ànábì) Mūsā àti Hārūn.

Verse 115

ﮗﮘﮙﮚﮛ ﮜ

A gba àwọn méjèèjì àti ìjọ àwọn méjèèjì là kúrò nínú ìbànújẹ́ ńlá.

Verse 116

ﮝﮞﮟﮠ ﮡ

A tún ṣàrànṣe fún wọn. Àwọn ni wọ́n jẹ́ olùborí (ọ̀tá wọn).

Verse 117

ﮢﮣﮤ ﮥ

A sì fún àwọn méjèèjì ní Tírà t’ó yanjú.

Verse 118

ﮦﮧﮨ ﮩ

A tún fi àwọn méjèèjì mọ̀nà tààrà.

Verse 119

ﮪﮫﮬﮭ ﮮ

A fún àwọn méjèèjì ní orúkọ rere láààrin àwọn ẹni ìkẹ́yìn.

Verse 120

ﮯﮰﮱﯓ ﯔ

Àlàáfíà kí ó máa bá (Ànábì) Mūsā àti Hārūn.

Verse 121

ﯕﯖﯗﯘ ﯙ

Dájúdájú báyẹn ni Àwa ṣe ń san àwọn olùṣe-rere ní ẹ̀san (rere).

Verse 122

ﯚﯛﯜﯝ ﯞ

Dájúdájú àwọn méjèèjì wà nínú àwọn ẹrúsìn Wa, àwọn onígbàgbọ́ òdodo.

Verse 123

ﯟﯠﯡﯢ ﯣ

Dájúdájú (Ànábì) ’Ilyās wà nínú àwọn Òjíṣẹ́.

Verse 124

ﯤﯥﯦﯧﯨ ﯩ

(Ẹ rántí) nígbà tí ó sọ fún ìjọ rẹ̀ pé: "Ṣé ẹ ò níí bẹ̀rù Allāhu ni?

Verse 125

ﯪﯫﯬﯭﯮ ﯯ

Ṣé ẹ óò máa pe òrìṣà kan, ẹ sì máa fi Ẹni t’Ó dára jùlọ nínú àwọn ẹlẹ́dàá sílẹ̀,
____________________
Ṣé ẹlẹ́dàá mìíràn wà lẹ́yìn Allāhu (subhānahu wa ta'ālā) ni? Ẹ yiri àwọn gbólóhùn wọ̀nyí wò: أَحْسَنَ ٱلْخَٰلِقِينَ Ẹni t’Ó dára jùlọ nínú àwọn ẹlẹ́dàá. (Ó tún wà nínú sūrah al-Mu’minūn; 23:14)
Irúfẹ́ gbólóhùn yìí nìwọ̀nyí: وَأَنتَ خَيْرُ ٱلرَّٰزِقِينَ Ìwọ sì lóore jùlọ nínú àwọn olùpèsè. (sūrah al-Mọ̄’idah; 5:114); وَهُوَ خَيْرُ ٱلْحَٰكِمِينَ Òun l’Ó sì dára jùlọ nínú àwọn olùdájọ́. (sūrah al-’A‘rọ̄f; 7:87);
وَأَنتَ أَرْحَمُ ٱلرَّٰحِمِينَ Ìwọ sì ni Aláàánú jùlọ nínú àwọn aláàánú. (sūrah al-’A‘rọ̄f; 7:151); وَهُوَ أَسْرَعُ ٱلْحَٰسِبِينَ Òun sì yára jùlọ nínú àwọn oníṣirò. (sūrah al-’Ani‘ām; 6:62); àti وَٱللَّهُ خَيْرُ ٱلْمَٰكِرِينَ Allāhu sì l’óore jùlọ nínú àwọn adéte. (āl-‘Imrọ̄n; 3:54).
Àwọn gbólóhùn wọ̀nyẹn ń fi rinlẹ̀ pé Allāhu (subhānahu wa ta'ālā) ń jẹ́ Ọ̀kan nínú àwọn ẹlẹ́dàá, olùpèsè, olùdájọ́, aláàánú, oníṣirò àti eléte. Kíyè sí i, nínú àwọn iṣẹ́ tí Allāhu máa ń ṣe fún àwọn ẹ̀dá Rẹ̀, àmọ́ tí a tún ń rí àwọn kan nínú àwọn ẹ̀dá Rẹ̀ tí àwọn náà máa ń ṣe wọ́n ni dídá ẹ̀dá, ìpèsè, ẹjọ́ dídá, àánú ṣíṣe, ìṣírò iṣẹ́ àti ète dídá. Ṣùgbọ́n ìkọ̀ọ̀kan àwọn iṣẹ́ náà bùkátà sí àlàyé.
Dídá ẹ̀dá: Ní òdodo ni pé, kò sí ẹ̀dá kan láyé àti lọ́run, ìbáà mọ bíi ọmọ iná igún, àfi kí Allāhu jẹ́ Ẹlẹ́dàá rẹ̀. Kódà àdámọ́, ẹ̀dá kan nínú ẹ̀dá Allahu ni. Àmọ́ ohun tí a gbà lérò pẹ̀lú fífi dídá ẹ̀dá tì sọ́dọ̀ ẹ̀dá ni ṣíṣe iṣẹ́-ọnà bíi ère gbígbẹ́ àti yíya àwòrán n̄ǹkan ẹlẹ́mìí. Èdè abunikù fún agbẹ́gilére ni “ẹlẹ́dàá”. Tí agbẹ́gilére bá mọ súná burúkú tí Allāhu (subhānahu wa ta'ālā) fún òun, tí ó sì mọ̀ pé dájúdájú òun kò lè fi ẹ̀mí sára ère rẹ̀ t’ó ń gbẹ́ kalẹ̀, bóyá ó máa mọ̀ ọ́n ní ọ̀ràn. Ìdí nìyí tí hadīth kan fi sọ pé, lára ìyà tí ń bẹ nílẹ̀ ní ọ̀run nínú Iná de agbẹ́gi-lére ni pé, wọ́n máa sọ fún un pé kí ó fi ẹ̀mí sára ère rẹ̀. Kò sì níí lè ṣe bẹ́ẹ̀. Wàyí, wọ́n ń pé agbẹ́gilére ní “ẹlẹ́dàá” nítorí pé, wọ́n ń fi iṣẹ́-ọnà wọn jọ ẹ̀dá tí Allāhu dá. Tí a bá wá lo orúkọ “ẹlẹ́dàá” fún wọn, dípò oníṣẹ́-ọnà, tí Allāhu (subhānahu wa ta'ālā) sì ń jẹ́ Ẹlẹ́dàá, ta ni Ẹlẹ́dàá t’ó dára jùlọ tí ẹ̀dá tirẹ̀ jẹ́ ojúlówó? Allāhu (subhānahu wa ta'ālā) ni. Ìdí nìyí tí Allāhu fi sọ pé, “Òun ni Ẹni t’ó dára jùlọ nínú àwọn ẹlẹ́dàá.” Pípe “oníṣẹ́-ọnà” ni “ẹlẹ́dàá” kò sì túmọ̀ sí pé ẹ̀dá kan wà t’ó ṣẹ̀dá ara rẹ̀ tàbí pé ẹ̀dá kan wà t’ó ń dá ẹ̀dá mìíràn bí kò ṣe ṣíṣe iṣẹ́-ọnà. Nítorí náà, ìtúmọ̀ àwọn ẹlẹ́dàá nínú āyah yìí ni “àwọn oníṣẹ́-ọnà tàbí àwọn agbẹ́gilére”.
Ìpèsè: Àwọn ẹ̀dá kan gbàgbọ́ pé àwọn òrìṣà kan ń pèsè ìjẹ-ìmu àti owó fún àwọn. Bí àpẹẹrẹ, Yorùbá gbàgbọ́ pé òrìṣà Ajé ń ṣe ìjẹ-ìmu, owó àti okòwò tí wọ́n sọ di “ọrọ̀-Ajé. Àwọn t’ó ń bọ́ ẹlòmíìràn náà ń sọra wọn di olùpèsè. Yàtọ̀ sí pé Allāhu ti fi rinlẹ̀ pé Òun nìkan ni Olùpèsè fún gbogbo ẹ̀dá Rẹ̀. Tí èyí kò bá tí ì dá àwọn kan lójú bẹ́ẹ̀, tí wọ́n sì fẹ́ gbé gbogbo ìpèsè olúkùlùkù lórí ìwọ̀n, ó máa hàn sí wọn kedere pé, ìpèsè ti Allāhu pọ̀ jùlọ, kò sì ṣe é kà. Àti pé nínú ìpèsè Rẹ̀ ni wọ́n ti fún àwọn òrìṣà.
Ẹjọ́ dídá; A kúkú ní àwọn adájọ́ láààrin àwọn ènìyàn, yálà nílé ẹjọ́ tàbí ní àyè mìíràn. Àmọ́ kò sí adájọ́ tí ó jẹ́ arínú-róde. Àti pé ó wà nínú àwọn adájọ́ t’ó ń gba àbẹ̀tẹ́lẹ̀ láti fi ẹjọ́ ṣègbè. Allāhu nìkan ṣoṣo ni kì í fí ẹjọ́ ṣègbè. Àti pé ìdájọ́ Rẹ̀ dúró sórí mímọ ìkọ̀kọ̀ àti gban̄gba olùrojọ́. Nítorí náà, ìdí nìyí tí Allāhu fi mọ ẹjọ́ da jùlọ nínú àwọn adájọ́. Ìdájọ́ Rẹ̀ sì ni òpin.
Àánú Ṣíṣe: Ojú àánú àti ọkàn àánú ń bẹ lára àwọn ẹ̀dá kan, tó bẹ́ẹ̀ gẹ́ tí wọ́n fi ń pè wọ́n ní ẹlẹ́yinjú-àánú. Àmọ́ Allāhu ní àánú ẹ̀dá Rẹ̀ púpọ̀ jùlọ. Àti pé, nínú àánú tí Allāhu fi sí àwọn ẹ̀dá kan lọ́kàn ni wọ́n fi di aláàánú. Nítorí náà, Allāhu ni Aláàánú jùlọ nínú àwọn aláàánú.
Bí àlàyé ṣe máa lọ nìyẹn lórí irú àwọn gbólóhùn bẹ́ẹ̀ nínú al-Ƙur’ān, gẹ́gẹ́ bíi gbólóhùn “Olùyára jùlọ nínú àwọn olùṣírò-iṣẹ́”. Àmọ́ ní ti ète dídá, ẹ wo ìtọsẹ̀-ọ̀rọ̀ fún sūrah al-Baƙọrah; 2:15.

Verse 126

ﯰﯱﯲﯳﯴ ﯵ

(ẹ̀ ń fi) Allāhu (sílẹ̀), Olúwa yín àti Olúwa àwọn bàbá yín, àwọn ẹni àkọ́kọ́?"

Verse 127

ﭑﭒﭓ ﭔ

Wọ́n sì pè é ní òpùrọ́. Nítorí náà, wọ́n máa mú wọn wá sínú Iná.

Verse 128

ﭕﭖﭗﭘ ﭙ

Àfi àwọn ẹrúsìn Allāhu, àwọn ẹni ẹ̀ṣà.

Verse 129

ﭚﭛﭜﭝ ﭞ

A fún un ní orúkọ rere láààrin àwọn ẹni ìkẹ́yìn.

Verse 130

ﭟﭠﭡﭢ ﭣ

Àlàáfíà kí ó máa bá (Ànábì) ’Ilyās.

Verse 131

ﭤﭥﭦﭧ ﭨ

Dájúdájú báyẹn ni Àwa ṣe ń san àwọn olùṣe-rere ní ẹ̀san (rere).

Verse 132

ﭩﭪﭫﭬ ﭭ

Dájúdájú ó wà nínú àwọn ẹrúsìn Wa, àwọn onígbàgbọ́ òdodo.

Verse 133

ﭮﭯﭰﭱ ﭲ

Dájúdájú (Ànábì) Lūt wà nínú àwọn Òjíṣẹ́.

Verse 134

ﭳﭴﭵﭶ ﭷ

(Ẹ rántí) nígbà tí A gba òun àti gbogbo àwọn ará ilé rẹ̀ là.

Verse 135

ﭸﭹﭺﭻ ﭼ

Àyàfi arúgbóbìnrin kan tí ó wà nínú àwọn t’ó ṣẹ́ kù lẹ́yìn (láààrin àwọn tí A parẹ́).
____________________
Ẹ wo ìtọsẹ̀-ọ̀rọ̀ fún sūrah aṣ-Ṣu‘arọ̄’; 26:171.

Verse 136

ﭽﭾﭿ ﮀ

Lẹ́yìn náà, A pa àwọn yòókù run.

Verse 137

ﮁﮂﮃﮄ ﮅ

Dájúdájú ẹ̀yin náà kúkú ń gba ọ̀dọ̀ wọn kọjá láàárọ̀-láàárọ̀

Verse 138

ﮆﮇﮈﮉ ﮊ

àti ní alaalẹ́. Ṣé ẹ ò níí ṣe làákàyè ni?

Verse 139

ﮋﮌﮍﮎ ﮏ

Dájúdájú (Ànábì) Yūnus kúkú wà nínú àwọn Òjíṣẹ́.

Verse 140

ﮐﮑﮒﮓﮔ ﮕ

(Ẹ rántí) nígbà tí ó sá lọ sínú ọkọ̀ ojú-omi t’ó kún kẹ́kẹ́.

Verse 141

ﮖﮗﮘﮙ ﮚ

Ó sì bá wọn muje pọ̀. Ó sì wà nínú àwọn tí aje ṣí mọ́ lórí.
____________________
Ìyẹn ni pé, nígbà tí ọkọ̀ ojú-omi takú sórí omi, wọ́n jọ fẹnu kò pé kí àwọn kọ orúkọ àwọn èrò inú ọkọ̀ ojú-omi sí ara fọ́nrán ọ̀pá kọ̀ọ̀kan. Wọ́n sì jọ fẹnu kò pé ẹni tí wọ́n bá yọ fọ́nrán orúkọ rẹ̀ jáde nínú koto fọ́nrán ni wọn yóò jù sínú odò nítorí kí ọkọ t’ó takú lè lágbára láti rìn. Fọ́nrán orúkọ ti Ànábì Yūnus ('alaehi-ssọlātu wa-ssalām) ni wọ́n rí mú jáde. Wọ́n sì jù ú sínú odò. Ó sì ṣe wẹ́kú ẹnu ẹja.

Verse 142

ﮛﮜﮝﮞ ﮟ

Nítorí náà, ẹja gbé e mì; ó sì ń dá ara rẹ̀ lẹ́bi.

Verse 143

ﮠﮡﮢﮣﮤ ﮥ

Nítorí náà, tí kò bá jẹ́ pé ó wà nínú àwọn olùṣàfọ̀mọ́ fún Allāhu,

Verse 144

ﮦﮧﮨﮩﮪﮫ ﮬ

dájúdájú ìbá wà nínú ẹja títí di ọjọ́ tí wọn yóò gbé ẹ̀dá dìde.

Verse 145

ﮭﮮﮯﮰﮱ ﯓ

Nítorí náà, A jù ú sí orí ilẹ́ gban̄sasa létí omi. Ó sì jẹ́ aláìlera.

Verse 146

ﯔﯕﯖﯗﯘ ﯙ

A sì mú igi Yẹƙtīn hù jáde láti ṣíji bò ó.

Verse 147

ﯚﯛﯜﯝﯞﯟ ﯠ

A tún rán an níṣẹ́ sí ọ̀kẹ́ márùn-ún (ènìyàn) tàbí kí wọ́n lékún sí i.
____________________
Ọ̀kẹ́ márùn-ún ni ẹgbẹ̀rún lọ́nà ọgọ́rùn-ún (100,000). Wàyí, àwọn kristiẹni lérò pé Allāhu kò nímọ̀ nípa pàtó òǹkà ìjọ Ànábì Yūnus ('alaehi-ssọlātu wa-ssalām) l’Ó fi mú ọ̀rọ̀ Rẹ̀ wá pẹ̀lú “ ’ao” - “tàbí”. Ọ̀rọ̀ kò sì rí bẹ́ẹ̀ rárá. Nítorí náà, ẹ wo ìtọsẹ̀-ọ̀rọ̀ fún sūrah al-Baƙọrah; 2:74 fún àlàyé lórí rẹ̀.

Verse 148

ﯡﯢﯣﯤ ﯥ

Wọ́n gbàgbọ́ ní òdodo. A sì fún wọn ní ìgbádùn títí di ìgbà díẹ̀.

Verse 149

ﯦﯧﯨﯩﯪ ﯫ

Bi wọ́n léèrè wò pé: "Ṣé Olúwa rẹ l’ó ni àwọn ọmọbìnrin, tiwọn sì ni ọmọkùnrin?

Verse 150

ﯬﯭﯮﯯﯰﯱ ﯲ

Tàbí A dá àwọn mọlāika ní obìnrin, tí àwọn sì jẹ́ ẹlẹ́rìí?"

Verse 151

ﯳﯴﯵﯶﯷ ﯸ

Gbọ́, nínú irọ́ wọn ni pé dájúdájú wọ́n ń wí pé:

Verse 152

ﯹﯺﯻﯼ ﯽ

"Allāhu bímọ." Dájúdájú òpùrọ́ ni wọ́n.

Verse 153

ﯾﯿﰀﰁ ﰂ

Ṣé (Allāhu) ṣẹ̀ṣà àwọn ọmọbìnrin lórí àwọn ọmọkùnrin ni?

Verse 154

ﭑﭒﭓﭔ ﭕ

Kí l’ó ń ṣe yín tí ẹ fi ń dájọ́ báyìí?

Verse 155

ﭖﭗ ﭘ

Ṣé ẹ ò níí lo ìrántí ni?

Verse 156

ﭙﭚﭛﭜ ﭝ

Tàbí ẹ ní ẹ̀rí t’ó yanjú lọ́wọ́ ni?

Verse 157

ﭞﭟﭠﭡﭢ ﭣ

Ẹ mú tírà yín wà nígbà náà tí ẹ bá jẹ́ olódodo.

Verse 158

ﭤﭥﭦﭧﭨﭩﭪﭫﭬﭭﭮ ﭯ

Wọ́n tún fi ìbátan sáààrin (Allāhu) àti àlùjànnú! Àwọn àlùjànnú sì ti mọ̀ pé dájúdájú wọ́n kúkú máa mú àwọn wá sínú Iná ni.

Verse 159

ﭰﭱﭲﭳ ﭴ

Mímọ́ ni fún Allāhu tayọ ohun tí wọ́n ń fi ròyìn (Rẹ̀).

Verse 160

ﭵﭶﭷﭸ ﭹ

Àfi àwọn ẹrúsìn Allāhu, àwọn ẹni ẹ̀ṣà.

Verse 161

ﭺﭻﭼ ﭽ

Dájúdájú ẹ̀yin àti n̄ǹkan tí ẹ̀ ń jọ́sìn fún (lẹ́yìn Allāhu),

Verse 162

ﭾﭿﮀﮁ ﮂ

ẹ ò lè fi ṣi ẹnì kan kan lọ́nà

Verse 163

ﮃﮄﮅﮆﮇ ﮈ

àfi ẹni tí ó bá fẹ́ wọ inú iná Jẹhīm.

Verse 164

ﮉﮊﮋﮌﮍﮎ ﮏ

Kò sí ẹnì kan nínú àwa (mọlāika) àfi kí ó ní ibùdúró tí wọ́n ti mọ̀.

Verse 165

ﮐﮑﮒ ﮓ

Dájúdájú àwa, a kúkú wà ní ọ̀wọ̀ọ̀wọ́.

Verse 166

ﮔﮕﮖ ﮗ

Àti pé dájúdájú àwa, àwa kúkú ni olùṣàfọ̀mọ́ (fún Allāhu).

Verse 167

ﮘﮙﮚ ﮛ

Wọ́n kúkú ń wí pé:

Verse 168

ﮜﮝﮞﮟﮠﮡ ﮢ

"Tí ó bá jẹ́ pé dájúdájú a bá ní (tírà) ìrántí kan nínú (àwọn tírà) àwọn ẹni àkọ́kọ́,

Verse 169

ﮣﮤﮥﮦ ﮧ

dájúdájú àwa ìbá jẹ́ ẹrúsìn Allāhu, àwọn ẹni ẹ̀ṣà."

Verse 170

ﮨﮩﮪﮫﮬ ﮭ

Ṣùgbọ́n wọ́n ṣàì gbàgbọ́ nínú (Allāhu). Láìpẹ́ wọ́n máa mọ̀.

Verse 171

ﮮﮯﮰﮱﯓ ﯔ

Dájúdájú ọ̀rọ̀ Wa ti ṣíwájú fún àwọn ẹrúsìn Wa, àwọn Òjíṣẹ́.

Verse 172

ﯕﯖﯗ ﯘ

Dájúdájú àwọn, àwọn l’a kúkú máa ṣàrànṣe fún.

Verse 173

ﯙﯚﯛﯜ ﯝ

Àti pé dájúdájú àwọn ọmọ ogun Wa, àwọn kúkú ni olùborí.

Verse 174

ﯞﯟﯠﯡ ﯢ

Nítorí náà, ṣẹ́rí kúrò lọ́dọ̀ wọn fún ìgbà díẹ̀.

Verse 175

ﯣﯤﯥ ﯦ

Àti pé máa wò wọ́n níran ná, àwọn náà ń bọ̀ wá ríran wò.

Verse 176

ﯧﯨ ﯩ

Ṣé ìyà Wa ni wọ́n ń wá pẹ̀lú ìkánjú?

Verse 177

ﯪﯫﯬﯭﯮﯯ ﯰ

Nígbà tí ó bá sọ̀kalẹ̀ sí agboolé wọn, òwúrọ̀ ọjọ́ náà yó sì burú fún àwọn ẹni-akìlọ̀-fún.

Verse 178

ﯱﯲﯳﯴ ﯵ

Kúrò lọ́dọ̀ wọn títí di ìgbà kan ná.

Verse 179

ﯶﯷﯸ ﯹ

Àti pé máa wò wọ́n níran ná, àwọn náà ń bọ̀ wá ríran wò.

Verse 180

ﯺﯻﯼﯽﯾﯿ ﰀ

Mímọ́ ni fún Olúwa rẹ, Olúwa agbára, tayọ ohun tí wọ́n ń fi ròyìn (Rẹ̀).

Verse 181

ﰁﰂﰃ ﰄ

Kí àlàáfíà máa bá àwọn Òjíṣẹ́

Verse 182

ﰅﰆﰇﰈ ﰉ

Gbogbo ọpẹ́ ń jẹ́ ti Allāhu, Olúwa gbogbo ẹ̀dá.

Ìtumọ̀ سورة الصافات

سورة الصافات

Ìtumọ̀ Sura الصافات ní اليورباوية láti الترجمة اليورباوية

الترجمة اليورباوية

الترجمة اليورباوية