Surah سورة المرسلات

Verse 1

ﮑﮒ ﮓ

Allāhu búra pẹ̀lú àwọn atẹ́gùn t’ó ń sáré ní tẹ̀léǹtẹ̀lé.

Verse 2

ﮔﮕ ﮖ

Ó búra pẹ̀lú àwọn ìjì atẹ́gùn t’ó ń jà.

Verse 3

ﮗﮘ ﮙ

Ó búra pẹ̀lú àwọn atẹ́gùn t’ó ń tú èṣújò ká.

Verse 4

ﮚﮛ ﮜ

Ó búra pẹ̀lú àwọn t’ó ń ṣèpínyà láààrin òdodo àti irọ́.

Verse 5

ﮝﮞ ﮟ

Ó tún búra pẹ̀lú àwọn mọlāika t’ó ń mú ìrántí wá (bá àwọn Òjíṣẹ́).

Verse 6

ﮠﮡﮢ ﮣ

(Ìrántí náà jẹ́) àwíjàre tàbí ìkìlọ̀.

Verse 7

ﮤﮥﮦ ﮧ

Dájúdájú ohun tí A ṣe ní àdéhùn fun yín kúkú máa ṣẹlẹ̀.

Verse 8

ﮨﮩﮪ ﮫ

Nítorí náà, nígbà tí wọ́n bá pa (ìmọ́lẹ̀) ìràwọ̀ rẹ́,

Verse 9

ﮬﮭﮮ ﮯ

àti nígbà tí wọ́n bá ṣí sánmọ̀ sílẹ̀ gbagada,

Verse 10

ﮰﮱﯓ ﯔ

àti nígbà tí wọ́n bá ku àwọn àpáta dànù,

Verse 11

ﯕﯖﯗ ﯘ

àti nígbà tí wọ́n bá fún àwọn Òjíṣẹ́ ní àsìkò láti kójọ, (Àkókò náà ti dé nìyẹn).

Verse 12

ﯙﯚﯛ ﯜ

Ọjọ́ wo ni wọ́n so (àwọn ìṣẹ̀lẹ̀ wọ̀nyí) rọ̀ fún ná?

Verse 13

ﯝﯞ ﯟ

Fún ọjọ́ ìpínyà (láààrin àwọn ẹ̀dá) ni.

Verse 14

ﯠﯡﯢﯣﯤ ﯥ

Kí sì ni ó mú ọ mọ ohun t’ó ń jẹ́ Ọjọ́ ìpínyà?

Verse 15

ﯦﯧﯨ ﯩ

Ègbé ni ní ọjọ́ yẹn fún àwọn olùpe-òdodo-nírọ́.

Verse 16

ﯪﯫﯬ ﯭ

Ǹjẹ́ Àwa kò ti pa àwọn ẹni àkọ́kọ́ rẹ́ bí?

Verse 17

ﯮﯯﯰ ﯱ

Lẹ́yìn náà, A sì máa fi àwọn ẹni Ìkẹ́yìn tẹ̀lé wọn (nínú ìparun).

Verse 18

ﯲﯳﯴ ﯵ

Báyẹn ni A ó ti ṣe pẹ̀lú àwọn ẹlẹ́ṣẹ̀.

Verse 19

ﯶﯷﯸ ﯹ

Ègbé ni ní ọjọ́ yẹn fún àwọn olùpe-òdodo-nírọ́.

Verse 20

ﭑﭒﭓﭔﭕ ﭖ

Ṣé A ò ṣẹ̀dá yin láti inú omi lílẹ yẹpẹrẹ bí?

Verse 21

ﭗﭘﭙﭚ ﭛ

Lẹ́yìn náà, A fi sínú àyè ààbò (ìyẹn, ilé-ọmọ)

Verse 22

ﭜﭝﭞ ﭟ

títí di gbèdéke àkókò kan tí A ti mọ̀ (ìyen, ọjọ́ ìbímọ).

Verse 23

ﭠﭡﭢ ﭣ

A sì ní ìkápá àti àyànmọ́ (lórí rẹ̀). (Àwa sì ni) Olùkápá àti Olùpèbùbù ẹ̀dá t’ó dára.

Verse 24

ﭤﭥﭦ ﭧ

Ègbé ni ní ọjọ́ yẹn fún àwọn olùpe-òdodo-nírọ́.

Verse 25

ﭨﭩﭪﭫ ﭬ

Ǹjẹ́ Àwa kò ṣe ilẹ̀ ní ohun t’ó ń kó ẹ̀dá jọ mọ́ra wọn;

Verse 26

ﭭﭮ ﭯ

(ìyẹn) àwọn alààyè àti àwọn òkú?

Verse 27

ﭰﭱﭲﭳﭴﭵﭶ ﭷ

A sì fi àwọn àpáta gbagidi gíga-gíga sínú rẹ̀. A sì fun yín ní omi dídùn mu.

Verse 28

ﭸﭹﭺ ﭻ

Ègbé ni ní ọjọ́ yẹn fún àwọn olùpe-òdodo-nírọ́.

Verse 29

ﭼﭽﭾﭿﮀﮁ ﮂ

Ẹ máa lọ sí ibi tí ẹ̀ ń pè nírọ́.

Verse 30

ﮃﮄﮅﮆﮇﮈ ﮉ

Ẹ máa lọ sí ibi èéfín ẹlẹ́ka mẹ́ta.

Verse 31

ﮊﮋﮌﮍﮎﮏ ﮐ

Kì í ṣe ibòji tútù. Kò sì níí rọ̀ wọ́n lọ́rọ̀ nínú ìjòfòfò Iná.

Verse 32

ﮑﮒﮓﮔ ﮕ

Dájúdájú (Iná náà) yóò máa ju ẹ̀tapàrà (rẹ̀ sókè t’ó máa dà) bí pẹ̀tẹ́ẹ̀sì.

Verse 33

ﮖﮗﮘ ﮙ

(Ó máa dà) bí àwọn ràkúnmí aláwọ̀ omi ọsàn.

Verse 34

ﮚﮛﮜ ﮝ

Ègbé ni ní ọjọ́ yẹn fún àwọn olùpe-òdodo-nírọ́.

Verse 35

ﮞﮟﮠﮡ ﮢ

Èyí ni ọjọ́ tí wọn kò níí sọ̀rọ̀.

Verse 36

ﮣﮤﮥﮦ ﮧ

A ò sì níí yọ̀ǹda (ọ̀rọ̀ sísọ) fún wọn, áḿbọ̀sìbọ́sí pé wọ́n yóò mú àwáwí wá.

Verse 37

ﮨﮩﮪ ﮫ

Ègbé ni ní ọjọ́ yẹn fún àwọn olùpe-òdodo-nírọ́.

Verse 38

ﮬﮭﮮﮯﮰﮱ ﯓ

Èyí ni ọjọ́ ìpínyà. Àwa yó sì kó ẹ̀yin àti àwọn ẹni àkọ́kọ́ jọ.

Verse 39

ﯔﯕﯖﯗﯘ ﯙ

Tí ẹ bá ní ète kan lọ́wọ́, ẹ déte sí Mi wò.

Verse 40

ﯚﯛﯜ ﯝ

Ègbé ni ní ọjọ́ yẹn fún àwọn olùpe-òdodo-nírọ́.

Verse 41

ﯞﯟﯠﯡﯢ ﯣ

Dájúdájú àwọn olùbẹ̀rù Allāhu yóò wà níbi ibòji àti àwọn omi ìṣẹ́lẹ̀rú,

Verse 42

ﯤﯥﯦ ﯧ

àti àwọn èso èyí tí wọ́n bá ń fẹ́.

Verse 43

ﯨﯩﯪﯫﯬﯭ ﯮ

Ẹ jẹ, kí ẹ sì mu pẹ̀lú ìgbádùn nítorí ohun tí ẹ̀ ń ṣe níṣẹ́.

Verse 44

ﯯﯰﯱﯲ ﯳ

Dájúdájú báyẹn ni Àwa ṣe ń san àwọn olùṣe-rere ní ẹ̀san (rere).

Verse 45

ﯴﯵﯶ ﯷ

Ègbé ni ní ọjọ́ yẹn fún àwọn olùpe-òdodo-nírọ́.

Verse 46

ﯸﯹﯺﯻﯼ ﯽ

Ẹ jẹ, kí ẹ sì gbádùn fún ìgbà díẹ̀. Dájúdájú ẹlẹ́ṣẹ̀ ni yín.

Verse 47

ﯾﯿﰀ ﰁ

Ègbé ni ní ọjọ́ yẹn fún àwọn olùpe-òdodo-nírọ́.

Verse 48

ﰂﰃﰄﰅﰆﰇ ﰈ

Nígbà tí wọ́n bá sọ fún wọn pé kí wọ́n kírun, wọn kò níí kírun.

Verse 49

ﰉﰊﰋ ﰌ

Ègbé ni ní ọjọ́ yẹn fún àwọn olùpe-òdodo-nírọ́.

Verse 50

ﰍﰎﰏﰐ ﰑ

Nígbà náà, ọ̀rọ̀ wo ni wọn yóò gbàgbọ́ lẹ́yìn rẹ̀?
____________________
Ẹ wo ìtọsẹ̀-ọ̀rọ̀ fún sūrah al-’A‘rọ̄f; 7:185.

Ìtumọ̀ سورة المرسلات

سورة المرسلات

Ìtumọ̀ Sura المرسلات ní اليورباوية láti الترجمة اليورباوية

الترجمة اليورباوية

الترجمة اليورباوية