Surah سورة الطور

Verse 1

ﮞ ﮟ

(Allāhu búra pẹ̀lú) àpáta Tūr.

Verse 2

ﮠﮡ ﮢ

(Ó tún búra pẹ̀lú) Tírà tí wọ́n kọ sílẹ̀

Verse 3

ﮣﮤﮥ ﮦ

sínú tákàdá tí wọ́n tẹ́ sílẹ̀.

Verse 4

ﮧﮨ ﮩ

(Ó tún búra pẹ̀lú) Ilé Àbẹ̀wò náà.

Verse 5

ﮪﮫ ﮬ

(Ó tún búra pẹ̀lú) àjà tí wọ́n gbé sókè (ìyẹn, sánmọ̀).

Verse 6

ﮭﮮ ﮯ

(Ó tún búra pẹ̀lú) agbami odò iná.

Verse 7

ﮰﮱﯓﯔ ﯕ

Dájúdájú ìyà Olúwa rẹ máa ṣẹlẹ̀.

Verse 8

ﯖﯗﯘﯙ ﯚ

Kò sí olùdènà kan fún un.

Verse 9

ﯛﯜﯝﯞ ﯟ

(Ó máa ṣẹlẹ̀) ní ọjọ́ tí sánmọ̀ máa mì tìtì tààrà.

Verse 10

ﯠﯡﯢ ﯣ

Àwọn àpáta sì máa rìn lọ tààrà (bí eruku àfẹ́dànù).

Verse 11

ﯤﯥﯦ ﯧ

Ní ọjọ́ yẹn, ègbé ni fún àwọn olùpe-òdodo-nírọ́,

Verse 12

ﯨﯩﯪﯫﯬ ﯭ

àwọn tí wọ́n wà nínú ìsọkúsọ, tí wọ́n ń ṣeré.

Verse 13

ﯮﯯﯰﯱﯲﯳ ﯴ

(Rántí) ọjọ́ tí wọn yóò tì wọ́n lọ́ sínú iná Jahanamọ ní ìtìkutì.

Verse 14

ﯵﯶﯷﯸﯹﯺ ﯻ

Èyí ni Iná náà tí ẹ̀ ń pè nírọ́.

Verse 15

ﭑﭒﭓﭔﭕﭖ ﭗ

Ṣé idán ni èyí ni tàbí ẹ ò ríran?

Verse 16

ﭘﭙﭚﭛﭜﭝﭞﭟﭠﭡﭢﭣﭤ ﭥ

Ẹ wọ inú rẹ̀ lọ. Ẹ fara dà á tàbí ẹ ò fara dà á, bákan náà ni fun yín. Ohun tí ẹ̀ ń ṣe níṣẹ́ ni A óò fi san yín ní ẹ̀san.

Verse 17

ﭦﭧﭨﭩﭪ ﭫ

Dájúdájú àwọn olùbẹ̀rù (Allāhu) máa wà nínú àwọn Ọgbà àti ìdẹ̀ra.

Verse 18

ﭬﭭﭮﭯﭰﭱﭲﭳ ﭴ

Wọn yóò máa jẹ ìgbádùn pẹ̀lú ohun tí Olúwa wọn fún wọn. Àti pé (Allāhu) yóò ṣọ́ wọn nínú ìyà iná Jẹhīm.

Verse 19

ﭵﭶﭷﭸﭹﭺ ﭻ

Ẹ máa jẹ, ẹ máa mu ní gbẹdẹmukẹ nítorí ohun tí ẹ̀ ń ṣe níṣẹ́.

Verse 20

ﭼﭽﭾﭿﮀﮁﮂﮃ ﮄ

Wọn yóò rọ̀gbọ̀kú sórí àwọn ibùsùn tí wọ́n tò ní ọ̀wọ̀ọ̀wọ́. A sì máa fún wọn ní àwọn ìyàwó ẹlẹ́yinjú ẹgẹ́.

Verse 21

ﮅﮆﮇﮈﮉﮊﮋﮌﮍﮎﮏﮐﮑﮒﮓﮔﮕﮖﮗﮘ ﮙ

Àti pé àwọn t’ó gbàgbọ́ ní òdodo, tí àwọn àrọ́mọdọ́mọ wọn tún tẹ̀lé wọn nínú ìgbàgbọ́ òdodo, A máa da àwọn àrọ́mọdọ́mọ wọn pọ̀ mọ́ wọn. A ò sì níí dín kiní kan kù nínú iṣẹ́ wọn. Ẹnì kọ̀ọ̀kan ni onídùúró fún ohun t’ó ṣe níṣẹ́.

Verse 22

ﮚﮛﮜﮝﮞ ﮟ

A máa fún wọn ní àlékún èso àti ẹran tí wọ́n nífẹ̀ẹ́ sí.

Verse 23

ﮠﮡﮢﮣﮤﮥﮦﮧ ﮨ

Wọn yó sì máa gba ife ọtí mu láààrin ara wọn nínú Ọgbà Ìdẹ̀ra. Kò sí ọ̀rọ̀ ìsọkúsọ àti ìwà ẹ̀ṣẹ̀ nínú Ọgbà Ìdẹ̀ra.

Verse 24

ﮩﮪﮫﮬﮭﮮﮯﮰ ﮱ

Àwọn ọmọ-ọ̀dọ̀ wọn yó sì máa lọ bọ̀ láààrin wọn. (Wọ́n) dà bí àlúùúlù àfipamọ́.

Verse 25

ﯓﯔﯕﯖﯗ ﯘ

Apá kan wọn yóò dojú kọ apá kan, wọn yó sì máa bèèrè ọ̀rọ̀ lọ́wọ́ ara wọn.

Verse 26

ﯙﯚﯛﯜﯝﯞﯟ ﯠ

Wọn yóò sọ pé: "Dájúdájú tẹ́lẹ̀tẹ́lẹ̀ àwa jẹ́ olùpáyà láààrin àwọn ènìyàn wa.

Verse 27

ﯡﯢﯣﯤﯥﯦ ﯧ

Ṣùgbọ́n Allāhu ṣàánú wa. Ó sì là wá níbi ìyà Iná.

Verse 28

ﯨﯩﯪﯫﯬﯭﯮﯯﯰﯱ ﯲ

Dájúdájú àwa máa ń pè É tẹ́lẹ̀tẹ́lẹ̀. Dájúdájú Allāhu, Òun ni Olóore, Àṣàkẹ́-ọ̀run."

Verse 29

ﯳﯴﯵﯶﯷﯸﯹﯺ ﯻ

Nítorí náà, ṣèrántí. Ìwọ kì í ṣe adábigba tàbí wèrè lórí ìdẹ̀ra Olúwa rẹ.

Verse 30

ﯼﯽﯾﯿﰀﰁﰂ ﰃ

Tàbí wọ́n ń wí pé: "Eléwì kan tí à ń retí ikú rẹ̀ ni."

Verse 31

ﰄﰅﰆﰇﰈﰉ ﰊ

Sọ pé: "Ẹ máa retí. Dájúdájú èmi náà wà pẹ̀lú yín nínú àwọn olùretí.

Verse 32

ﭑﭒﭓﭔﭕﭖﭗﭘﭙ ﭚ

Tàbí ọpọlọ wọn ń pa wọ́n láṣẹ èyí ni? Tàbí ìjọ alákọyọ ni wọ́n ni?

Verse 33

ﭛﭜﭝﭞﭟﭠﭡ ﭢ

Tàbí wọ́n ń wí pé: "Ó dá (al-Ƙur’ān) hun fúnra rẹ̀ ni." Rárá o, wọn kò gbàgbọ́ ni.

Verse 34

ﭣﭤﭥﭦﭧﭨ ﭩ

Kí àwọn náà mú ọ̀rọ̀ kan bí irú rẹ̀ wá tí wọ́n bá jẹ́ olódodo.

Verse 35

ﭪﭫﭬﭭﭮﭯﭰﭱ ﭲ

Tàbí wọ́n ṣẹ̀dá wọn láì sí Aṣẹ̀dá? Tàbí àwọn ni wọ́n ṣẹ̀dá ara wọn ni?

Verse 36

ﭳﭴﭵﭶﭷﭸﭹﭺ ﭻ

Tàbí àwọn ni wọ́n ṣẹ̀dá àwọn sánmọ̀ àti ilẹ̀? Rárá o, wọn kò màmọ̀ dájú ni.

Verse 37

ﭼﭽﭾﭿﮀﮁﮂ ﮃ

Tàbí lọ́dọ̀ wọn ni àwọn àpótí ọrọ̀ Olúwa rẹ wà? Tàbí àwọn ni olùborí?

Verse 38

ﮄﮅﮆﮇﮈﮉﮊﮋﮌﮍ ﮎ

Tàbí wọ́n ní àkàbà tí wọ́n ń fi gbọ́rọ̀ (nínú sánmọ̀ ni)? Kí olùgbọ́rọ̀ wọn mú ẹ̀rí pọ́nńbélé wá?

Verse 39

ﮏﮐﮑﮒﮓ ﮔ

Tàbí àwọn ọmọbìnrin ni tiRẹ̀, àwọn ọmọkùnrin sì ni tiyín?

Verse 40

ﮕﮖﮗﮘﮙﮚﮛ ﮜ

Tàbí ò ń bèèrè owó-ọ̀yà kan lọ́dọ̀ wọn, ni gbèsè fi wọ̀ wọ́n lọ́rùn?

Verse 41

ﮝﮞﮟﮠﮡ ﮢ

Tàbí ìmọ̀ ìkọ̀kọ̀ wà lọ́dọ̀ wọn, tí wọ́n sì ń kọ ọ́ sílẹ̀?

Verse 42

ﮣﮤﮥﮦﮧﮨﮩﮪ ﮫ

Tàbí wọ́n ń gbèrò ète kan ni? Nígbà náà, àwọn t’ó ṣàì gbàgbọ́, àwọn l’ó máa f’orí kó ète.

Verse 43

ﮬﮭﮮﮯﮰﮱﯓﯔﯕﯖ ﯗ

Tàbí wọ́n ní ọlọ́hun kan lẹ́yìn Allāhu ni? Mímọ́ ni fún Allāhu tayọ n̄ǹkan tí wọ́n ń fi ṣẹbọ sí I.

Verse 44

ﯘﯙﯚﯛﯜﯝﯞﯟﯠ ﯡ

Tí wọ́n bá sì rí apá kan nínú sánmọ̀ t’ó ya lúlẹ̀, wọ́n á wí pé: "Ẹ̀ṣújò rẹgẹdẹ ni (wọn kò níí gbàgbọ́)."

Verse 45

ﯢﯣﯤﯥﯦﯧﯨ ﯩ

Nítorí náà, fi wọ́n sílẹ̀ títí wọn yóò fi bá ọjọ́ wọn tí wọn máa pa wọ́n sínú rẹ̀ pàdé.

Verse 46

ﯪﯫﯬﯭﯮﯯﯰﯱﯲ ﯳ

Ọjọ́ tí ète wọn kò níí fi kiní kan rọ̀ wọ́n lọ́rọ̀. A ò sì níí ràn wọ́n lọ́wọ́.

Verse 47

ﯴﯵﯶﯷﯸﯹﯺﯻﯼﯽ ﯾ

Àti pé dájúdájú ìyà kan ń bẹ fún àwọn t’ó ṣàbòsí yàtọ̀ sí (ìyà ọ̀run) yẹn, ṣùgbọ́n ọ̀pọ̀lọ́pọ̀ wọn ni kò mọ̀.

Verse 48

ﯿﰀﰁﰂﰃﰄﰅﰆﰇﰈﰉ ﰊ

Ṣe sùúrù fún ìdájọ́ Olúwa Rẹ, dájúdájú ìwọ wà ní ojútó Wa. Kí ó sì ṣe àfọ̀mọ́ pẹ̀lú ìdúpẹ́ fún Olúwa rẹ nígbà tí ó bá ń dìde nàró (fún ìrun kíkí).

Verse 49

ﰋﰌﰍﰎﰏ ﰐ

Àti ní alẹ́ (nígbà tí) àwọn ìràwọ̀ bá kúrò níta tán, ṣàfọ̀mọ́ fún Un.

Ìtumọ̀ سورة الطور

سورة الطور

Ìtumọ̀ Sura الطور ní اليورباوية láti الترجمة اليورباوية

الترجمة اليورباوية

الترجمة اليورباوية