Surah سورة التكوير

Verse 1

ﭙﭚﭛ ﭜ

Nígbà tí Wọ́n bá ká òòrùn kóróbójó dànù,

Verse 2

ﭝﭞﭟ ﭠ

àti nígbà tí àwọn ìràwọ̀ bá já bọ́ káàkiri,

Verse 3

ﭡﭢﭣ ﭤ

àti nígbà tí Wọ́n bá mú àwọn àpáta rìn (kúrò ní àyè wọn, tí wọ́n kù wọ́n dànù),

Verse 4

ﭥﭦﭧ ﭨ

àti nígbà tí wọ́n bá pa àwọn ràkúnmí aboyún tì,

Verse 5

ﭩﭪﭫ ﭬ

àti nígbà tí Wọ́n bá ko àwọn ẹranko jọ,

Verse 6

ﭭﭮﭯ ﭰ

àti nígbà tí Wọ́n bá mú àwọn agbami odò gbiná,

Verse 7

ﭱﭲﭳ ﭴ

àti nígbà tí Wọ́n bá so àwọn ẹ̀mí pọ̀ mọ́ra wọn, (ẹni rere pẹ̀lú ẹni rere, ẹni ibi pẹ̀lú ẹni ibi)

Verse 8

ﭵﭶﭷ ﭸ

àti nígbà tí ọmọbìnrin tí wọ́n bò mọ́lẹ̀ láàyè bá bèèrè pé

Verse 9

ﭹﭺﭻ ﭼ

ẹ̀ṣẹ̀ wo ni wọ́n pa òun fún,

Verse 10

ﭽﭾﭿ ﮀ

àti nígbà tí Wọ́n bá ṣí àwọn tákàdá (iṣẹ́ ẹ̀dá) sílẹ̀,

Verse 11

ﮁﮂﮃ ﮄ

àti nígbà tí Wọ́n bá ká sánmọ̀ kúrò lókè,

Verse 12

ﮅﮆﮇ ﮈ

àti nígbà tí wọ́n bá mú iná Jẹhīm jò fòfò,

Verse 13

ﮉﮊﮋ ﮌ

àti nígbà tí Wọ́n bá sún Ọgbà Ìdẹ̀ra mọ́ (àwọn onígbàgbọ́ òdodo),

Verse 14

ﮍﮎﮏﮐ ﮑ

(nígbà náà ni) ẹ̀mí (kọ̀ọ̀kan) yóò mọ ohun tí ó mú wá (nínú iṣẹ́ ire àti iṣẹ́ ibi).

Verse 15

ﮒﮓﮔ ﮕ

Nítorí náà, Èmi (Allāhu) ń búra pẹ̀lú àwọn ìràwọ̀ t’ó ń yọ ní alẹ́, t’ó ń wọ̀ọ̀kùn ní ọ̀sán,

Verse 16

ﮖﮗ ﮘ

(ìyẹn) àwọn ìràwọ̀ t’ó ń rìn lọ rìn bọ̀, t’ó ń wọ̀ọ̀kùn sí ibùwọ̀ wọn.

Verse 17

ﮙﮚﮛ ﮜ

Mo tún búra pẹ̀lú alẹ́ nígbà tí ó bá lọ.

Verse 18

ﮝﮞﮟ ﮠ

Mo tún búra pẹ̀lú òwúrọ̀ nígbà tí ó bá mọ́lẹ̀.

Verse 19

ﮡﮢﮣﮤ ﮥ

Dájúdájú (al-Ƙur’ān) ni ọ̀rọ̀ (tí A fi rán Jibrīl) Òjíṣẹ́, alápọ̀n-ọ́nlé,
____________________
Wo ìtọsẹ̀-ọ̀rọ̀ fún sūrah al-Hāƙƙọh; 69:40.

Verse 20

ﮦﮧﮨﮩﮪﮫ ﮬ

alágbára, ẹni pàtàkì ní ọ̀dọ̀ Ẹni t’Ó ni Ìtẹ́-ọlá,

Verse 21

ﮭﮮﮯ ﮰ

ẹni tí wọ́n ń tẹ̀lé àṣẹ rẹ̀ níbẹ̀ yẹn (nínú sánmọ̀), olùfọkàntán.

Verse 22

ﮱﯓﯔ ﯕ

Àti pé ẹni yín (Ànábì Muhammad s.a.w.) kì í ṣe wèrè.

Verse 23

ﯖﯗﯘﯙ ﯚ

Ó kúkú rí i nínú òfurufú kedere.
____________________
Ẹ wo ìtọsẹ̀-ọ̀rọ̀ fún sūrah an-Najm; 53:13.

Verse 24

ﯛﯜﯝﯞﯟ ﯠ

Àti pé kì í ṣe ahun (tàbí ẹni-afurasí) lórí ìró ìkọ̀kọ̀ (tí A fi ránṣẹ́ sí i).

Verse 25

ﯡﯢﯣﯤﯥ ﯦ

Al-Ƙur’ān kì í sì ṣe ọ̀rọ̀ (tí A fi rán) Èṣù, ẹni ẹ̀kọ̀.

Verse 26

ﯧﯨ ﯩ

Nítorí náà, ibo l’ẹ̀ ń lọ?

Verse 27

ﯪﯫﯬﯭﯮ ﯯ

Kí sì ni al-Ƙur’ān bí kò ṣe ìrántí fún gbogbo ẹ̀dá.

Verse 28

ﯰﯱﯲﯳﯴ ﯵ

(Ó wà) fún ẹni tí ó bá fẹ́ nínú yín láti dúró déédé.

Verse 29

ﯶﯷﯸﯹﯺﯻﯼﯽ ﯾ

Ẹ̀yin kò sì níí fẹ́ (láti dúró déédé) àyàfi tí Allāhu bá fẹ́, Olúwa gbogbo ẹ̀dá.

Ìtumọ̀ سورة التكوير

سورة التكوير

Ìtumọ̀ Sura التكوير ní اليورباوية láti الترجمة اليورباوية

الترجمة اليورباوية

الترجمة اليورباوية