ﰁ

ترجمة معاني سورة الإنشقاق باللغة اليورباوية من كتاب الترجمة اليورباوية .

من تأليف: أبو رحيمة ميكائيل أيكوييني .

ﰡ

ﭣﭤﭥ ﰀ

Nígbà tí sánmọ̀ bá fàya pẹ́rẹpẹ̀rẹ

ﭧﭨﭩ ﰁ

- ó gbọ́, ó sì tẹ̀lé àṣẹ Olúwa rẹ̀ ni. Ó sì di dandan fún un láti ṣe bẹ́ẹ̀ –

ﭫﭬﭭ ﰂ

àti nígbà tí A bá fẹ ilẹ̀ lójú,

ﭯﭰﭱﭲ ﰃ

ó máa ju ohun tí ó wà nínú rẹ̀ síta, ó sì máa pa sófo

ﭴﭵﭶ ﰄ

– ó gbọ́, ó sì tẹ̀lé àṣẹ Olúwa rẹ̀ ni. Ó sì di dandan fún un láti ṣe bẹ́ẹ̀ – (ní ọjọ́ yẹn ni ẹ̀dá máa rí iṣẹ́ ọwọ́ rẹ̀)

ﭸﭹﭺﭻﭼﭽﭾﭿ ﰅ

Ìwọ ènìyàn dájúdájú ìwọ ń ṣe iṣẹ́ kárakára ní iṣẹ́ àṣepàdé Olúwa rẹ. O sì máa mú un pàdé Rẹ̀.

ﮁﮂﮃﮄﮅ ﰆ

Nítorí náà, ní ti ẹni tí wọ́n bá fún ní ìwé iṣẹ́ rẹ̀ ní ọwọ́ ọ̀tún rẹ̀,

ﮇﮈﮉﮊ ﰇ

láìpẹ́ A máa ṣe ìṣírò-iṣẹ́ (rẹ̀) ní ìṣírò ìrọ̀rùn.

ﮌﮍﮎﮏ ﰈ

Ó sì máa padà sí ọ̀dọ̀ àwọn ènìyàn rẹ̀ (nínú Ọgbà Ìdẹ̀ra) lẹ́ni ìdùnnú.

ﮑﮒﮓﮔﮕﮖ ﰉ

Ní ti ẹni tí wọ́n bá sì fún ní ìwé iṣẹ́ rẹ̀ láti ẹ̀yìn rẹ̀,
____________________
Ẹ wo ìtọsẹ̀-ọ̀rọ̀ fún sūrah al-Hāƙƙọh; 69:25.

ﮘﮙﮚ ﰊ

láìpẹ́ ó máa kígbe ìparun.

ﮜﮝ ﰋ

Ó sì máa wọ inú Iná t’ó ń jò fòfò.

ﮟﮠﮡﮢﮣ ﰌ

Dájúdájú ó ti wà láààrin àwọn ènìyàn rẹ̀ lẹ́ni ìdùnnú (sí àìgbàgbọ́ nílé ayé).

ﮥﮦﮧﮨﮩ ﰍ

Dájúdájú ó lérò pé òun kò níí padà (sí ọ̀dọ̀ Allāhu ni).

ﮫﮬﮭﮮﮯﮰﮱ ﰎ

Rárá (ó máa padà). Dájúdájú Olúwa rẹ̀ jẹ́ Olùríran nípa rẹ̀.

ﯔﯕﯖ ﰏ

Nítorí náà, Èmi (Allāhu) ń búra pẹ̀lú àwòǹpapa.

ﯘﯙﯚ ﰐ

Mo tún búra pẹ̀lú òru àti ohun tí ó kó jọ sínú rẹ̀.

ﯜﯝﯞ ﰑ

Mo tún búra pẹ̀lú òṣùpá nígbà tí ó bá dégbá (pẹ̀lú ìmọ́lẹ̀ rẹ̀).

ﯠﯡﯢﯣ ﰒ

Dájúdájú ẹ̀yin yóò máa bọ́ sínú wàhálà kan láti inú wàhálà kan.

ﯥﯦﯧﯨ ﰓ

Kí l’ó ṣe wọ́n ná tí wọn kò fi gbàgbọ́ ní òdodo?

ﯪﯫﯬﯭﯮﯯﯰ ﰔ

Nígbà tí wọ́n bá sì ké al-Ƙur’ān fún wọn, wọn kò níí forí kanlẹ̀.

ﯲﯳﯴﯵ ﰕ

Rárá, ńṣe ni àwọn t’ó ṣàì gbàgbọ́ ń pè é nírọ́.

ﯷﯸﯹﯺ ﰖ

Allāhu sì nímọ̀ jùlọ nípa ohun tí wọ́n ń fi pamọ́ (sínú ọkàn wọn).

ﯼﯽﯾ ﰗ

Nítorí náà, fún wọn ní ìró ìyà ẹlẹ́ta-eléro.

ﭑﭒﭓﭔﭕﭖﭗﭘﭙ ﰘ

Àyàfi àwọn t’ó gbàgbọ́ ní òdodo, tí wọ́n sì ṣe àwọn iṣẹ́ rere, ẹ̀san tí kò níí pin ń bẹ fún wọn.