Surah سورة البروج

Verse 1

ﭛﭜﭝ ﭞ

(Allāhu) búra pẹ̀lú sánmọ̀ tí àwọn ibùsọ̀ (òòrùn, òṣùpá àti àwọn ìràwọ̀) wà nínú rẹ̀.

Verse 2

ﭟﭠ ﭡ

Ó tún búra pẹ̀lú ọjọ́ tí wọ́n ṣe ní àdéhùn.

Verse 3

ﭢﭣ ﭤ

Ó tún búra pẹ̀lú olùjẹ́rìí àti ohun t’ó jẹ́rìí sí.

Verse 4

ﭥﭦﭧ ﭨ

A ṣẹ́bi lé àwọn t’ó gbẹ́ kòtò (iná),

Verse 5

ﭩﭪﭫ ﭬ

. (ìyẹn) iná tí wọ́n ń fi igi kò (nínú kòtò).

Verse 6

ﭭﭮﭯﭰ ﭱ

(Rántí) nígbà tí wọ́n jókòó sí ìtòsí rẹ̀.

Verse 7

ﭲﭳﭴﭵﭶﭷ ﭸ

Wọ́n sì ń wo ohun tí wọ́n ń ṣe fún àwọn onígbàgbọ́ òdodo.

Verse 8

ﭹﭺﭻﭼﭽﭾﭿﮀﮁ ﮂ

Kò sì sí kiní kan tí wọ́n torí rẹ̀ jẹ wọ́n níyà bí kò ṣe pé wọ́n ní ìgbàgbọ́ òdodo nínú Allāhu, Alágbára, Ọlọ́pẹ́,

Verse 9

ﮃﮄﮅﮆﮇﮈﮉﮊﮋﮌﮍ ﮎ

Ẹni tí Ó ni ìjọba àwọn sánmọ̀ àti ilẹ̀. Allāhu sì ni Ẹlẹ́rìí lórí gbogbo n̄ǹkan.

Verse 10

ﮏﮐﮑﮒﮓﮔﮕﮖﮗﮘﮙﮚﮛﮜ ﮝ

Dájúdájú àwọn t’ó fi ìnira kan àwọn onígbàgbọ́ òdodo lọ́kùnrin àti àwọn onígbàgbọ́ òdodo lóbìnrin, lẹ́yìn náà tí wọn kò ronú pìwàdà, ìyà iná Jahanamọ ń bẹ fún wọn. Ìyà iná t’ó ń jò sì wà fún wọn.

Verse 11

ﮞﮟﮠﮡﮢﮣﮤﮥﮦﮧﮨﮩﮪﮫﮬ ﮭ

Dájúdájú àwọn t’ó gbàgbọ́ ní òdodo, tí wọ́n sì ṣe àwọn iṣẹ́ rere, tiwọn ni àwọn Ọgbà Ìdẹ̀ra kan, tí àwọn odò ń ṣàn ní ìsàlẹ̀ rẹ̀. Ìyẹn sì ni èrèǹjẹ ńlá.

Verse 12

ﮮﮯﮰﮱ ﯓ

Dájúdájú ìgbámú ti Olúwa rẹ mà le.

Verse 13

ﯔﯕﯖﯗ ﯘ

Dájúdájú Òun ni Ó pìlẹ̀ (ẹ̀dá), Ó sì máa dá (ẹ̀dá) padà (fún àjíǹde).

Verse 14

ﯙﯚﯛ ﯜ

Òun ni Aláforíjìn, Olólùfẹ́ (ẹ̀dá),

Verse 15

ﯝﯞﯟ ﯠ

Òun l’Ó ni Ìtẹ́-ọlá, Ẹni-ọ̀wọ̀ jùlọ,

Verse 16

ﯡﯢﯣ ﯤ

Olùṣe-ohun-t’Ó-bá-fẹ́.

Verse 17

ﯥﯦﯧﯨ ﯩ

Ṣebí ìró àwọn ọmọ ogun ti dé ọ̀dọ̀ rẹ,

Verse 18

ﯪﯫ ﯬ

(ọmọ ogun) Fir‘aon àti (ìjọ) Thamūd?

Verse 19

ﯭﯮﯯﯰﯱ ﯲ

Síbẹ̀síbẹ̀ àwọn t’ó ṣàì gbàgbọ́ sì ń pe òdodo nírọ́.

Verse 20

ﯳﯴﯵﯶ ﯷ

Allāhu sì yí wọn ká lẹ́yìn wọn.

Verse 21

ﯸﯹﯺﯻ ﯼ

Àmọ́ sá, ohun (tí A fi ránṣẹ́ sí ọ ni) al-Ƙur’ān alápọ̀n-ọ́nlé,

Verse 22

ﯽﯾﯿ ﰀ

tí ó wà nínú wàláà tí À ń ṣọ́.

Ìtumọ̀ سورة البروج

سورة البروج

Ìtumọ̀ Sura البروج ní اليورباوية láti الترجمة اليورباوية

الترجمة اليورباوية

الترجمة اليورباوية