Surah سورة الفجر

Verse 1

ﭤ ﭥ

Allāhu búra pẹ̀lú àfẹ̀mọ́júmọ́.

Verse 2

ﭦﭧ ﭨ

Ó tún búra pẹ̀lú àwọn òru mẹ́wàá kan.

Verse 3

ﭩﭪ ﭫ

Ó tún búra pẹ̀lú méjì àti ẹyọ.

Verse 4

ﭬﭭﭮ ﭯ

Ó tún búra pẹ̀lú òru nígbà tí ó bá lọ (tí ó bá dé).

Verse 5

ﭰﭱﭲﭳﭴﭵ ﭶ

Ǹjẹ́ ìbúra wà nínú ìyẹn fún onílàákàyè?

Verse 6

ﭷﭸﭹﭺﭻﭼ ﭽ

Ṣé o ò rí bí Olúwa rẹ ti ṣe ọ̀rọ̀ ará ‘Ād,

Verse 7

ﭾﭿﮀ ﮁ

(ìyẹn àwọn ìran) ’Irọm, àwọn òmìrán,

Verse 8

ﮂﮃﮄﮅﮆﮇ ﮈ

àwọn tí A ò dá irú wọn mọ́ sínú ìlú?

Verse 9

ﮉﮊﮋﮌﮍ ﮎ

Àti àwọn Thamūd tí wọ́n gbẹ́ (ilé ìgbé) sínú àpáta nínú àfonífojì,

Verse 10

ﮏﮐﮑ ﮒ

àti Fir‘aon eléèkàn (ìyà)?

Verse 11

ﮓﮔﮕﮖ ﮗ

(Àwọn wọ̀nyí ni) àwọn t’ó tayọ ẹnu-àlà nínú ìlú.

Verse 12

ﮘﮙﮚ ﮛ

Wọ́n sì ṣe ìbàjẹ́ púpọ̀ sínú rẹ̀.

Verse 13

ﮜﮝﮞﮟﮠ ﮡ

Olúwa rẹ sì rọ̀jò ìyà lé wọn lórí.

Verse 14

ﮢﮣﮤ ﮥ

Dájúdájú Olúwa rẹ wà ní ibùṣọ́ (iṣẹ́ ẹ̀dá).

Verse 15

ﮦﮧﮨﮩﮪﮫﮬﮭﮮﮯﮰ ﮱ

Nítorí náà, ní ti ènìyàn, nígbà tí Olúwa rẹ̀ bá dán an wò, tí Ó pọ́n ọn lé, tí Ó sì ṣe ìdẹ̀ra fún un, nígbà náà ó máa wí pé: "Olúwa mi ti pọ́n mi lé."

Verse 16

ﯓﯔﯕﯖﯗﯘﯙﯚﯛﯜ ﯝ

Ṣùgbọ́n nígbà tí Ó bá dán an wò, tí Ó gán arísìkí rẹ̀ lé e lọ́wọ́, nígbà náà ó máa wí pé: "Olúwa mi ti yẹpẹrẹ mi."

Verse 17

ﯞﯟﯠﯡﯢﯣ ﯤ

Rárá, kò rí bẹ́ẹ̀. Àmọ́, ẹ̀yin kò ṣàpọ́nlé ọmọ-òrukàn.

Verse 18

ﯥﯦﯧﯨﯩ ﯪ

Àti pé ẹ̀yin kò gbẹra yín lóǹgbẹ láti fún mẹ̀kúnnù ní oúnjẹ.

Verse 19

ﯫﯬﯭﯮ ﯯ

Ẹ tún ń jẹ ogún ní ìjẹkújẹ.

Verse 20

ﯰﯱﯲﯳ ﯴ

Àti pé ẹ nífẹ̀ẹ́ sí dúkìá ní ìfẹ́ púpọ̀.

Verse 21

ﯵﯶﯷﯸﯹﯺﯻ ﯼ

Rárá, (kò yẹ kó rí bẹ́ẹ̀). Nígbà tí wọ́n bá mi ilẹ̀ tìtì ní mímì tìtì (t’ó rún wómúwómú, tí kò sí kòtò, tí kò sí gelemọ),

Verse 22

ﯽﯾﯿﰀﰁ ﰂ

(tí) Olúwa rẹ dé pẹ̀lú àwọn mọlāika ní ọ̀wọ̀ọ̀wọ́ ọ̀wọ̀ọ̀wọ́,

Verse 23

ﭑﭒﭓﭔﭕﭖﭗﭘﭙﭚ ﭛ

ní ọjọ́ yẹn ni wọ́n máa mú iná Jahanamọ wá. Ní ọjọ́ yẹn, ènìyàn yóò rántí (ọ̀rọ̀ ara rẹ̀). Báwo sì ni ìrántí náà ṣe lè wúlò fún un!

Verse 24

ﭜﭝﭞﭟ ﭠ

Ó máa wí pé: "Yéè, èmi ìbá ti ti (iṣẹ́ rere) síwájú fún ìṣẹ̀mí mi."

Verse 25

ﭡﭢﭣﭤﭥ ﭦ

Ní ọjọ́ yẹn, ẹnì kan kò lè fi ìyà jẹ (ẹ̀dá) bí irú ìyà (tí) Allāhu (yóò fi jẹ ẹ́).

Verse 26

ﭧﭨﭩﭪ ﭫ

Ẹnì kan kò sì lè de (ẹ̀dá) ní ìgbèkùn bí irú ìgbèkùn (tí) Allāhu (yóò fi dè é).

Verse 27

ﭬﭭﭮ ﭯ

Ìwọ ẹ̀mí olùfọ̀kànbalẹ̀,

Verse 28

ﭰﭱﭲﭳﭴ ﭵ

padà sí ọ̀dọ̀ Olúwa rẹ ní olùyọ́nú, ẹni ìyọ́nú.

Verse 29

ﭶﭷﭸ ﭹ

Nítorí náà, wọlé sáààrin àwọn ẹrúsìn Mi.

Verse 30

ﭺﭻ ﭼ

Wọ inú Ọgbà Ìdẹ̀ra Mi.

Ìtumọ̀ سورة الفجر

سورة الفجر

Ìtumọ̀ Sura الفجر ní اليورباوية láti الترجمة اليورباوية

الترجمة اليورباوية

الترجمة اليورباوية