Surah سورة الدخان

Verse 1

ﭑ ﭒ

Hā mīm.

Verse 2

ﭓﭔ ﭕ

(Allāhu) búra pẹ̀lú Tírà t’ó yanjú ọ̀rọ̀ ẹ̀dá.

Verse 3

ﭖﭗﭘﭙﭚﭛﭜﭝﭞ ﭟ

Dájúdájú Àwa sọ̀ ọ́ kalẹ̀ nínú òru ìbùkún. Dájúdájú Àwa ń jẹ́ Olùkìlọ̀.

Verse 4

ﭠﭡﭢﭣﭤ ﭥ

Nínú òru náà ni wọ́n ti máa yanjú gbogbo ọ̀rọ̀ tí kò níí tàsé (lórí ẹ̀dá).

Verse 5

ﭦﭧﭨﭩﭪﭫﭬ ﭭ

Àṣẹ kan ni láti ọ̀dọ̀ Wa. Dájúdájú Àwa l’À ń rán àwọn Òjíṣẹ́ níṣẹ́.

Verse 6

ﭮﭯﭰﭱﭲﭳﭴﭵ ﭶ

Ìkẹ́ kan ni láti ọ̀dọ̀ Olúwa rẹ. Dájúdájú Allāhu, Òun ni Olùgbọ́, Onímọ̀.

Verse 7

ﭷﭸﭹﭺﭻﭼﭽﭾﭿ ﮀ

Olúwa àwọn sánmọ̀ àti ilẹ̀ àti ohunkóhun tí ń bẹ láààrin méjèèjì tí ẹ̀yin bá jẹ́ alámọ̀dájú.

Verse 8

ﮁﮂﮃﮄﮅﮆﮇﮈﮉﮊﮋ ﮌ

Kò sí ọlọ́hun tí ìjọ́sìn tọ́ sí àfi Òun. Ó ń sọ ẹ̀dá di alààyè. Ó sì ń sọ ẹ̀dá di òkú. Olúwa yín àti Olúwa àwọn bàbá yín, àwọn ẹni àkọ́kọ́.

Verse 9

ﮍﮎﮏﮐﮑ ﮒ

Síbẹ̀, wọ́n sì wà nínú iyèméjì, tí wọ́n ń ṣeré.

Verse 10

ﮓﮔﮕﮖﮗﮘ ﮙ

Nítorí náà, máa retí ọjọ́ tí sánmọ̀ yóò mú èéfín pọ́nńbélé wá.

Verse 11

ﮚﮛﮜﮝﮞﮟ ﮠ

Ó máa bo àwọn ènìyàn mọ́lẹ̀. Èyí ni ìyà ẹlẹ́ta-eléro.

Verse 12

ﮡﮢﮣﮤﮥﮦ ﮧ

(Àwọn ènìyàn yóò wí pé): Olúwa wa, gbé ìyà náà kúrò fún wa, dájúdájú àwa yóò gbàgbọ́ ní òdodo.

Verse 13

ﮨﮩﮪﮫﮬﮭﮮ ﮯ

Báwo ni ìrántí ṣe lè wúlò fún wọn (lásìkò ìyà)? Òjíṣẹ́ pọ́nńbélé kúkú ti dé bá wọn.

Verse 14

ﮰﮱﯓﯔﯕﯖ ﯗ

Lẹ́yìn náà, wọ́n gbúnrí kúrò ní ọ̀dọ̀ rẹ̀. Wọ́n sì wí pé: "Wèrè tí ènìyàn kan ń kọ́ ní ẹ̀kọ́ ni."

Verse 15

ﯘﯙﯚﯛﯜﯝﯞ ﯟ

Dájúdájú Àwa máa gbé ìyà náà kúrò fún ìgbà díẹ̀. Dájúdájú ẹ̀yin yóò tún padà (sínú àìgbàgbọ́).

Verse 16

ﯠﯡﯢﯣﯤﯥ ﯦ

Ọjọ́ tí A óò gbá (wọn mú) ní ìgbámú t’ó tóbi jùlọ; dájúdájú Àwa yóò gba ẹ̀san ìyà (lára wọn).

Verse 17

ﯧﯨﯩﯪﯫﯬﯭﯮﯯ ﯰ

Dájúdájú A dán àwọn ènìyàn Fir‘aon wò ṣíwájú wọn. Òjíṣẹ́ alápọ̀n-ọ́nlé sì dé wá bá wọn.

Verse 18

ﯱﯲﯳﯴﯵﯶﯷﯸﯹﯺ ﯻ

(Ó sọ pé): “Ẹ kó àwọn ẹrúsìn Allāhu lé mi lọ́wọ́. Dájúdájú èmi ni Òjíṣẹ́ olùfọkàntán fun yín.

Verse 19

ﭑﭒﭓﭔﭕﭖﭗﭘﭙﭚ ﭛ

Ẹ má ṣe ṣègbéraga sí Allāhu. Dájúdájú èmi ti mú ẹ̀rí pọ́nńbélé wá ba yín.

Verse 20

ﭜﭝﭞﭟﭠﭡ ﭢ

Dájúdájú Èmi sá di Olúwa mi àti Olúwa yín pé kí ẹ má ṣe sọ mí lókò pa.

Verse 21

ﭣﭤﭥﭦﭧ ﭨ

Tí ẹ kò bá sì gbà mí gbọ́, ẹ fi mí sílẹ̀ jẹ́."

Verse 22

ﭩﭪﭫﭬﭭﭮ ﭯ

Nítorí náà, ó pe Olúwa rẹ̀ pé dájúdájú àwọn wọ̀nyí ni ìjọ ẹlẹ́sẹ̀.

Verse 23

ﭰﭱﭲﭳﭴ ﭵ

(Allāhu sọ pé): "Mú àwọn ẹrúsìn Mi rìn ní alẹ́ (nítorí pé) wọn yóò tọ̀ yín lẹ́yìn.

Verse 24

ﭶﭷﭸﭹﭺﭻﭼ ﭽ

Kí o sì fi agbami odò sílẹ̀ ní yíyanu sílẹ̀ bẹ́ẹ̀. Dájúdájú àwọn ni ọmọ ogun tí A máa tẹ̀rì sínú agbami.

Verse 25

ﭾﭿﮀﮁﮂ ﮃ

Mélòó mélòó nínú àwọn ọgbà oko àti odò ìṣẹ́lẹ̀rú tí wọ́n fi sílẹ̀ (lẹ́yìn ìparun wọn).

Verse 26

ﮄﮅﮆ ﮇ

Àti àwọn irúgbìn pẹ̀lú àyè àpọ́nlé (tí wọ́n fi sílẹ̀).

Verse 27

ﮈﮉﮊﮋ ﮌ

Àti ìdẹ̀ra tí wọ́n ń gbádùn nínú rẹ̀ (ṣíwájú ìparun wọn).

Verse 28

ﮍﮎﮏﮐﮑ ﮒ

Báyẹn (ni ọ̀rọ̀ wọn ṣe rí). A sì jogún (ìlú) wọ́n fún ìjọ ènìyàn mìíràn.

Verse 29

ﮓﮔﮕﮖﮗﮘﮙﮚ ﮛ

Nígbà náà, sánmọ̀ àti ilẹ̀ kò sunkún wọn. Wọn kò sì fi ìyà wọn falẹ̀.

Verse 30

ﮜﮝﮞﮟﮠﮡﮢ ﮣ

Dájúdájú A gba àwọn ọmọ ’Isrọ̄’īl là nínú ìyà yẹpẹrẹ.

Verse 31

ﮤﮥﮦﮧﮨﮩﮪﮫ ﮬ

(A là wọ́n) lọ́wọ́ Fir‘aon. Dájúdájú ó jẹ́ onígbèéraga. Ó sì wà nínú àwọn alákọyọ.

Verse 32

ﮭﮮﮯﮰﮱﯓ ﯔ

A kúkú ṣà wọ́n lẹ́ṣà lórí àwọn ẹ̀dá (àsìkò tiwọn) pẹ̀lú ìmọ̀.
____________________
“pẹ̀lú ìmọ̀” ní àyè yìí túmọ̀ sí pé, ṣíṣa àwọn ọmọ ’Isrọ̄’īl lẹ́ṣà lórí àwọn ẹ̀dá ti wà nínú ìmọ̀ Allāhu (subhānahu wa ta'ālā) nípa wọn ṣíwájú ìṣẹ̀dá wọn. Bákan náà, “lórí àwọn ẹ̀dá” ní àyè yìí túmọ̀ sí àwọn ẹ̀dá ìgbà tiwọn. Àmọ́ lẹ́yìn ìgbédìde Ànábì Muhammad (sollalāhu 'alayhi wa sallam), ìjọ rẹ̀ ni Allāhu tún ṣà lẹ́ṣà lórí àwọn ọmọ ’Isrọ̄’īl àti àwọn ènìyàn yòókù pátápátá. Èyí wà ní ìbámu sí sūrah āli ‘Imrọ̄n; 3:110. Kíyè sí i, ibikíbi nínú al-Ƙur’ān tí Allāhu (subhānahu wa ta'ālā) bá ti sọ pé Òun ṣa àwọn ẹ̀dá kan lẹ́ṣà lórí àwọn ẹ̀dá mìíràn, ó dúró fún àwọn ẹ̀dá ìgbà tiwọn nìkan. Ìṣàlẹ́ṣà náà kò sì kan àwọn ará ìgbà mìíràn. Ẹ wo sūrah al-Baƙọrah; 2:47 àti 122, sūrah āli ‘Imrọ̄n; 3:33, sūrah al-’Ani‘ām; 6:86, sūrah al-’A‘rọ̄f; 7:140 àti sūrah al-Jāthiyah; 45:16.

Verse 33

ﯕﯖﯗﯘﯙﯚﯛ ﯜ

A sì fún wọn ní àwọn àmì tí àdánwò pọ́nńbélé wà nínú rẹ̀.

Verse 34

ﯝﯞﯟ ﯠ

Dájúdájú àwọn wọ̀nyí ń wí pé:

Verse 35

ﯡﯢﯣﯤﯥﯦﯧﯨ ﯩ

"Kò sí ikú kan àyàfi ikú àkọ́kọ́ (tí ó pa wá nílé ayé). Wọn kò sì níí gbé wa dìde.

Verse 36

ﯪﯫﯬﯭﯮ ﯯ

(Bí bẹ́ẹ̀ kọ́), ẹ mú àwọn bàbá wa wá tí ẹ bá jẹ́ olódodo."

Verse 37

ﯰﯱﯲﯳﯴﯵﯶﯷﯸﯹﯺﯻﯼ ﯽ

Ṣé àwọn ni wọ́n lóore jùlọ ni tàbí àwọn ènìyàn Tubba‘u àti àwọn t’ó ṣíwájú wọn? A pa wọ́n rẹ́; dájúdájú wọ́n jẹ́ ẹlẹ́ṣẹ̀.

Verse 38

ﯾﯿﰀﰁﰂﰃﰄ ﰅ

A kò ṣẹ̀dá àwọn sánmọ̀, ilẹ̀ àti ohunkóhun tí ń bẹ láààrin méjèèjì pẹ̀lú eré ṣíṣe.

Verse 39

ﰆﰇﰈﰉﰊﰋﰌﰍ ﰎ

A kò dá àwọn méjèèjì bí kò ṣe pẹ̀lú òdodo, ṣùgbọ́n ọ̀pọ̀lọ́pọ̀ wọn ni kò mọ̀.

Verse 40

ﭑﭒﭓﭔﭕ ﭖ

Dájúdájú ọjọ́ òpínyà (ìyẹn, ọjọ́ àjíǹde) ni àkókò àdéhùn fún gbogbo wọn pátápátá.

Verse 41

ﭗﭘﭙﭚﭛﭜﭝﭞﭟﭠ ﭡ

Ní ọjọ́ tí ọ̀rẹ́ kan kò níí fi kiní kan rọ ọ̀rẹ́ kan lọ́rọ̀. A ò sì níí ràn wọ́n lọ́wọ́.

Verse 42

ﭢﭣﭤﭥﭦﭧﭨﭩ ﭪ

Àyàfi ẹni tí Allāhu bá kẹ́. Dájúdájú Allāhu, Òun ni Alágbára, Àṣàkẹ́-ọ̀run.

Verse 43

ﭫﭬﭭ ﭮ

Dájúdájú igi zaƙūm

Verse 44

ﭯﭰ ﭱ

ni oúnjẹ ẹlẹ́ṣẹ̀.

Verse 45

ﭲﭳﭴﭵ ﭶ

Ó dà bí epo gbígbá tí ń hó nínú ikùn

Verse 46

ﭷﭸ ﭹ

(t’ó) dà bí híhó omi gbígbóná.

Verse 47

ﭺﭻﭼﭽﭾ ﭿ

Ẹ mú un. Kí ẹ wọ́ ọ sáàrin gbùngbùn inú iná Jẹhīm.

Verse 48

ﮀﮁﮂﮃﮄﮅﮆ ﮇ

Lẹ́yìn náà, ẹ rọ́ ìyà olómi gbígbóná lé e lórí.

Verse 49

ﮈﮉﮊﮋﮌ ﮍ

Tọ́ ọ wò (ṣebí) dájúdájú ìwọ ni alágbára, alápọ̀n-ọ́nlé (gẹ́gẹ́ bí ó ṣe pe ara rẹ).

Verse 50

ﮎﮏﮐﮑﮒﮓ ﮔ

Dájúdájú (ìyà) èyí ni n̄ǹkan tí ẹ̀ ń ṣeyèméjì nípa rẹ̀!

Verse 51

ﮕﮖﮗﮘﮙ ﮚ

Dájúdájú àwọn olùbẹ̀rù Allāhu yóò wà ní àyè ìfàyàbalẹ̀.

Verse 52

ﮛﮜﮝ ﮞ

(Wọn yóò wà) nínú àwọn Ọgbà Ìdẹ̀ra pẹ̀lú àwọn omi ìṣẹ́lẹ̀rú (ní ìsàlẹ̀ rẹ̀).

Verse 53

ﮟﮠﮡﮢﮣ ﮤ

Wọn yóò máa wọ aṣọ àrán fẹ́lẹ́fẹ́lẹ́ àti àrán t’ó nípọn; wọn yó sì máà kọjú síra wọn.

Verse 54

ﮥﮦﮧﮨ ﮩ

Báyẹn (ni ọ̀rọ̀ wọn yó ṣe rí). A sì máa fi àwọn obìnrin ẹlẹ́yinjú-ẹgẹ́ ṣe ìyàwó fún wọn.

Verse 55

ﮪﮫﮬﮭﮮ ﮯ

Wọn yóò máa bèèrè fún gbogbo n̄ǹkan eléso nínú (Ọgbà Ìdẹ̀ra) pẹ̀lú ìfàyàbalẹ̀.

Verse 56

ﮰﮱﯓﯔﯕﯖﯗﯘﯙﯚﯛ ﯜ

Wọn kò níí tọ́ ikú wò níbẹ̀ àyàfi ikú àkọ́kọ́ (tí wọ́n ti kú nílé ayé). (Allāhu) sì máa ṣọ́ wọn níbi ìyà iná Jẹhīm.

Verse 57

ﯝﯞﯟﯠﯡﯢﯣﯤ ﯥ

Ó jẹ́ oore àjùlọ láti ọ̀dọ̀ Olúwa rẹ. Ìyẹn ni èrèǹjẹ ńlá.

Verse 58

ﯦﯧﯨﯩﯪ ﯫ

Nítorí náà, A ṣe (al-Ƙur’ān) ní ìrọ̀rùn lórí ahọ́n rẹ̀ nítorí kí wọ́n lè lo ìrántí.

Verse 59

ﯬﯭﯮ ﯯ

Nítorí náà, máa retí. Dájúdájú àwọn náà ń retí.
____________________
ìparun àwọn agbọ́mágbà

Ìtumọ̀ سورة الدخان

سورة الدخان

Ìtumọ̀ Sura الدّخان ní اليورباوية láti الترجمة اليورباوية

الترجمة اليورباوية

الترجمة اليورباوية