Surah سورة القمر

Verse 1

ﮬﮭﮮﮯ ﮰ

Àkókò náà súnmọ́. Òṣùpá sì là pẹrẹgẹdẹ (sí méjì).

Verse 2

ﮱﯓﯔﯕﯖﯗﯘ ﯙ

Tí wọ́n bá rí àmì kan, wọ́n máa gbúnrí. Wọn yó sí wí pé: "Idán kan (t’ó lágbára) t’ó máa lọ ni."

Verse 3

ﯚﯛﯜﯝﯞﯟﯠ ﯡ

Wọ́n pè é nírọ́. Wọ́n sì tẹ̀lé ìfẹ́-inú wọn. Gbogbo iṣẹ́ ẹ̀dá sì máa jókòó tì í lọ́rùn.

Verse 4

ﯢﯣﯤﯥﯦﯧﯨ ﯩ

Dájúdájú èyí tí wọ́n fi ohùn líle kọ̀ wà nínú àwọn ìró t’ó dé bá wọn.

Verse 5

ﯪﯫﯬﯭﯮﯯ ﯰ

Ìjìnlẹ̀ òye t’ó péye ni; ṣùgbọ́n àwọn ìkìlọ̀ náà kò rọ̀ wọ́n lọ́rọ̀.

Verse 6

ﯱﯲﯳﯴﯵﯶﯷﯸﯹ ﯺ

Ṣẹ́rí kúrò ní ọ̀dọ̀ wọn. Ní ọjọ́ tí olùpèpè yóò pèpè fún kiní kan tí ẹ̀mí kórira (ìyẹn, Àjíǹde),

Verse 7

ﭑﭒﭓﭔﭕﭖﭗﭘ ﭙ

Ojú wọn máa wálẹ̀ ní ti àbùkù. Wọn yó sì máa jáde láti inú sàréè bí ẹni pé eṣú tí wọ́n fọ́nká síta ni wọ́n.

Verse 8

ﭚﭛﭜﭝﭞﭟﭠﭡﭢ ﭣ

Wọn yó sì máa yára lọ sí ọ̀dọ̀ olùpèpè náà. Àwọn aláìgbàgbọ́ yó sì wí pé: "Èyí ni ọjọ́ ìṣòro."

Verse 9

ﭤﭥﭦﭧﭨﭩﭪﭫﭬﭭ ﭮ

Ìjọ (Ànábì) Nūh pe òdodo nírọ́ ṣíwájú wọn. Nígbà náà, wọ́n pe ẹrúsìn Wa ní òpùrọ́. Wọ́n sì wí pé: "Wèrè ni." Wọ́n sì kọ̀ fún un pẹ̀lú ohùn líle.
____________________
Àwọn kristiẹni sọ pé, “Gbólóhùn ìparí āyah yìí ń sọ pé, ‘ìjọ Nūh lé Nūh jáde kúrò nínú ìlú’. Àmọ́ sūrah Hūd; 11:38 ń sọ pé, ‘Nígbàkígbà tí àwọn ọ̀tọ̀kùlú nínú ìjọ rẹ̀ bá kọjá lọ́dọ̀ rẹ̀, wọ́n yó sì máa fi ṣe yẹ̀yẹ́.” Wọ́n ní, “Kò gbọ́dọ̀ jẹ́ Nūh tí wọ́n ti lé jáde kúrò nínú ìlú ni ẹni tí wọ́n fi ń ṣe yẹ̀yẹ́!”
Èsì: Kò sí ìtakora kan nínú rẹ̀. Al-Ƙur’ān kò fi rinlẹ̀ níbì kan kan pé, ìjọ Nūh lé Ànábì Nūh ('alaehi-ssọlātu wa-ssalām) jáde kúrò nínú ìlú. Ìpìlẹ̀ “wa-zdujir” ni “zajara” láti ara “zajr” – kíkọ n̄ǹkan àti híhánnà n̄ǹkan pẹ̀lú ohùn líle. Ìyẹn ni pé, wọ́n fi ohùn líle kọ òdodo sílẹ̀ fún Ànábì Nūh ('alaehi-ssọlātu wa-ssalām) ní kíkọ̀ àlésá-sẹ́yìn fún wọn nípasẹ̀ sísọ ọ̀rọ̀ burúkú sí i, híhalẹ̀ mọ̀ ọn, dídúnkokò mọ́ ọn nítorí kí ó lè máa wò wọ́n níran. Ìtúmọ̀ “wa-zdujir” yìí ni Allāhu ṣàpèjúwe rẹ̀ nínú sūrah aṣ-Ṣu‘arā’; 26:116 pé wọ́n ń fi lílẹ̀ lókò halẹ̀ mọ́ ọn. Ìtúmọ̀ kíkọ̀ náà ni ìtúmọ̀ t’ó jẹyọ nínú “muzdajar” t’ó parí āyah 4 ṣíwájú. Ìtúmọ̀ àkànlò fún “zajr” sì jẹyọ nínú sūrah as-Sọ̄ffāt; 37:2. Kókó ọ̀rọ̀ ni pé, ìjọ Nūh fi ohùn líle kọ ọ̀rọ̀ sí Ànábì Nūh ('alaehi-ssọlātu wa-ssalām) lẹ́nu ni, kì í ṣe pé wọ́n lé e jáde kúrò nínú ìlú. Wọ́n kọ ìtẹ̀lé Ànábì Nūh ('alaehi-ssọlātu wa-ssalām) sílẹ̀ pẹ̀lú sísọ ọ̀rọ̀ burúkú sí i. Àmọ́ Ànábì Nūh ('alaehi-ssọlātu wa-ssalām) wà nínú ìlú pẹ̀lú wọn títí ó fi kan ọkọ̀ ojú omi. W-Allāhu ’a‘lam.

Verse 10

ﭯﭰﭱﭲﭳ ﭴ

Nítorí náà, ó pe Olúwa rẹ̀ pé: "Dájúdájú wọ́n ti borí mi. Ràn mí lọ́wọ́."

Verse 11

ﭵﭶﭷﭸﭹ ﭺ

Nítorí náà, A ṣí àwọn ìlẹ̀kùn sánmọ̀ sílẹ̀ pẹ̀lú omi t’ó lágbára.

Verse 12

ﭻﭼﭽﭾﭿﮀﮁﮂﮃ ﮄ

A tún mú àwọn odò ṣẹyọ lórí ilẹ̀. Omi (sánmọ̀) pàdé (omi ilẹ̀) pẹ̀lú àṣẹ tí A ti kọ (lé wọn lórí).

Verse 13

ﮅﮆﮇﮈﮉ ﮊ

A sì gbé (Ànábì) Nūh gun ọkọ̀ onípákó, ọkọ̀ eléṣòó,

Verse 14

ﮋﮌﮍﮎﮏﮐ ﮑ

t’ó ń rìn (lórí omi) lójú Wa. (Ó jẹ́) ẹ̀san fún ẹni tí wọ́n takò.

Verse 15

ﮒﮓﮔﮕﮖﮗ ﮘ

Dájúdájú A fi sílẹ̀ ní àmì. Ǹjẹ́ olùrántí wà báyìí bí?

Verse 16

ﮙﮚﮛﮜ ﮝ

Báwo ni ìyà Mi àti ìkìlọ̀ Mi ti rí ná (lára wọn)?

Verse 17

ﮞﮟﮠﮡﮢﮣﮤ ﮥ

Dájúdájú A ṣe al-Ƙur’ān ní ìrọ̀rùn fún ṣíṣe ìrántí. Ǹjẹ́ olùrántí wà báyìí bí?

Verse 18

ﮦﮧﮨﮩﮪﮫ ﮬ

Ìran ‘Ād pé òdodo nírọ́. Báwo ni ìyà Mi àti ìkìlọ̀ Mi ti rí ná (lára wọn)?

Verse 19

ﮭﮮﮯﮰﮱﯓﯔﯕﯖ ﯗ

Dájúdájú Àwa rán atẹ́gùn líle sí wọn ní ọjọ́ burúkú kan t’ó ń tẹ̀ síwájú.
____________________
Ẹ wo ìtọsẹ̀-ọ̀rọ̀ fún sūrah Fussilat; 41:16.

Verse 20

ﯘﯙﯚﯛﯜﯝ ﯞ

Ó ń fa àwọn ènìyàn jáde bí ẹni pé kùkùté igi ọ̀pẹ tí wọ́n fà tu tegbòtegbò ni wọ́n.

Verse 21

ﯟﯠﯡﯢ ﯣ

Báwo ni ìyà Mi àti ìkìlọ̀ Mi ti rí ná (lára wọn)?

Verse 22

ﯤﯥﯦﯧﯨﯩﯪ ﯫ

Dájúdájú A ṣe al-Ƙur’ān ní ìrọ̀rùn fún ṣíṣe ìrántí. Ǹjẹ́ olùrántí wà báyìí bí?

Verse 23

ﯬﯭﯮ ﯯ

Ìjọ Thamūd pe àwọn ìkìlọ̀ nírọ́.

Verse 24

ﯰﯱﯲﯳﯴﯵﯶﯷﯸﯹ ﯺ

Wọ́n wí pé: "Ṣé abara kan, ẹnì kan ṣoṣo nínú wa ni a óò máa tẹ̀lé. (Bí ó bá rí bẹ́ẹ̀) nígbà náà dájúdájú àwa ti wà nínú ìṣìnà àti ìyà.

Verse 25

ﯻﯼﯽﯾﯿﰀﰁﰂﰃ ﰄ

Ṣé òun ni wọ́n sọ ìrántí kalẹ̀ fún láààrin wa? Rárá o, òpùrọ́ onígbèéraga ni."

Verse 26

ﰅﰆﰇﰈﰉ ﰊ

Ní ọ̀la ni wọn yóò mọ ta ni òpùrọ́ onígbèéraga.

Verse 27

ﰋﰌﰍﰎﰏﰐﰑ ﰒ

Dájúdájú Àwa máa rán abo ràkúnmí sí wọn; (ó máa jẹ́) àdánwò fún wọn. Nítorí náà, máa wò wọ́n níran ná, kí o sì ṣe sùúrù.

Verse 28

ﭑﭒﭓﭔﭕﭖﭗﭘﭙ ﭚ

Kí o sì fún wọn ní ìró pé dájúdájú pípín ni omi láààrin wọn. Gbogbo ìpín omi sì wà fún ẹni tí ó bá kàn láti wá sí odò.

Verse 29

ﭛﭜﭝﭞ ﭟ

Nígbà náà ni wọ́n pe ẹni wọn. Ó wá ọ̀nà láti mú (ràkúnmí náà mọ́lẹ̀). Ó sì pa á.

Verse 30

ﭠﭡﭢﭣ ﭤ

Báwo ni ìyà Mi àti ìkìlọ̀ Mi ti rí ná (lára wọn)?

Verse 31

ﭥﭦﭧﭨﭩﭪﭫﭬ ﭭ

Dájúdájú Àwa rán igbe kan ṣoṣo sí wọn. Wọ́n sì dà bí igi koríko gbígbẹ.

Verse 32

ﭮﭯﭰﭱﭲﭳﭴ ﭵ

Dájúdájú A ṣe al-Ƙur’ān ní ìrọ̀rùn fún ṣíṣe ìrántí. Ǹjẹ́ olùrántí wà báyìí bí?

Verse 33

ﭶﭷﭸﭹ ﭺ

Ìjọ Lūt pe àwọn ìkìlọ̀ nírọ́.

Verse 34

ﭻﭼﭽﭾﭿﮀﮁﮂﮃﮄ ﮅ

Dájúdájú Àwa fi òkúta iná ránṣẹ́ sí wọn àfi ará ilé Lūt, tí A gbàlà ní àsìkò sààrì.

Verse 35

ﮆﮇﮈﮉﮊﮋﮌﮍ ﮎ

(Ó jẹ́) ìkẹ́ kan láti ọ̀dọ̀ Wa. Báyẹn ni A ṣe ń san ẹ̀san fún ẹni t’ó bá dúpẹ́ (fún Wa).

Verse 36

ﮏﮐﮑﮒﮓ ﮔ

Ó kúkú fi ìgbámú Wa ṣe ìkìlọ̀ fún wọn, ṣùgbọ́n wọ́n ja àwọn ìkìlọ̀ níyàn.

Verse 37

ﮕﮖﮗﮘﮙﮚﮛﮜﮝ ﮞ

Wọ́n kúkú làkàkà lọ́dọ̀ rẹ̀ láti bá àwọn aléjò rẹ̀ ṣèbàjẹ́. Nítorí náà, A fọ́ ojú wọn. Ẹ tọ́ ìyà Mi àti ìkìlọ̀ Mi wò.

Verse 38

ﮟﮠﮡﮢﮣ ﮤ

Àti pé dájúdájú ìyà gbére ni wọ́n mọ́júmọ́ sínú rẹ̀ ní òwúrọ̀ kùtùkùtù.

Verse 39

ﮥﮦﮧ ﮨ

Nítorí náà, ẹ tọ́ ìyà Mi àti ìkìlọ̀ Mi wò.

Verse 40

ﮩﮪﮫﮬﮭﮮﮯ ﮰ

Dájúdájú A ṣe al-Ƙur’ān ní ìrọ̀rùn fún ṣíṣe ìrántí. Ǹjẹ́ olùrántí wà báyìí bí?

Verse 41

ﮱﯓﯔﯕﯖ ﯗ

Dájúdájú àwọn ìkìlọ̀ dé bá àwọn ènìyàn Fir‘aon.

Verse 42

ﯘﯙﯚﯛﯜﯝﯞ ﯟ

Wọ́n pe àwọn āyah Wa nírọ́, gbogbo rẹ̀ pátápátá. A sì gbá wọn mú ní ìgbámú (tí) Alágbára, Olùkápá (ń gbá ẹ̀dá mú).

Verse 43

ﯠﯡﯢﯣﯤﯦﯧﯨﯩ ﯪ

Ṣé àwọn aláìgbàgbọ́ (nínú) yín l’ó lóore jùlọ sí àwọn wọ̀nyẹn (tí wọ́n ti parẹ́ bọ́ sẹ́yìn) ni tàbí ẹ̀yin ní ìmóríbọ́ kan nínú ìpín-ìpín Tírà (pé ẹ̀yin kò níí jìyà)?

Verse 44

ﯫﯬﯭﯮﯯ ﯰ

Tàbí wọ́n ń wí pé: "Gbogbo wa ni a óò ranra wa lọ́wọ́ láti borí (Òjíṣẹ́)"

Verse 45

ﯱﯲﯳﯴ ﯵ

A máa fọ́ àkójọ náà lógun. Wọn sì máa fẹsẹ̀ fẹ́ẹ lójú ogun.

Verse 46

ﯶﯷﯸﯹﯺﯻ ﯼ

Àmọ́ sá, Àkókò náà ni ọjọ́ àdéhùn wọn. Àkókò náà burú jùlọ. Ó sì korò jùlọ.

Verse 47

ﯽﯾﯿﰀﰁ ﰂ

Dájúdájú àwọn ẹlẹ́ṣẹ̀ wà nínú ìṣìnà (nílé ayé, wọn yó sì wà nínú) Iná jíjò (ní ọ̀run).

Verse 48

ﰃﰄﰅﰆﰇﰈﰉﰊﰋ ﰌ

Ní ọjọ́ tí A óò dojú wọn délẹ̀ wọ inú Iná, (A ó sì sọ pé): Ẹ tọ́ ìfọwọ́bà Iná wò.

Verse 49

ﰍﰎﰏﰐﰑ ﰒ

Dájúdájú A ṣẹ̀dá gbogbo n̄ǹkan pẹ̀lú kádàrá.

Verse 50

ﭑﭒﭓﭔﭕﭖ ﭗ

Àṣẹ Wa (fún mímú n̄ǹkan bẹ) kò tayọ (àṣẹ) ẹyọ kan ṣoṣo gẹ́gẹ́ bí ìṣẹ́jú.
____________________
Ìyẹn ni pé, a máa lo ọ̀pọ̀lọ́pọ̀ ọdún nínú sàréè, àmọ́ láààrin ká ṣẹ́jú ká lajú, gbogbo ẹ̀dá máa jí dìde láti inú sàréè wọn.

Verse 51

ﭘﭙﭚﭛﭜﭝ ﭞ

Àti pé dájúdájú A ti pa àwọn irú yín rẹ́. Ǹjẹ́ olùrántí wà báyìí bí?

Verse 52

ﭟﭠﭡﭢﭣ ﭤ

Gbogbo n̄ǹkan tí wọ́n ṣe níṣẹ́ sì wà nínú ìpín-ìpín tírà.

Verse 53

ﭥﭦﭧﭨ ﭩ

Àti pé gbogbo n̄ǹkan kékeré àti n̄ǹkan ńlá (tí wọ́n ṣe) wà ní àkọsílẹ̀.

Verse 54

ﭪﭫﭬﭭﭮ ﭯ

Dájúdájú àwọn olùbẹ̀rù (Allāhu) yóò wà nínú àwọn Ọgbà (Ìdẹ̀ra) pẹ̀lú àwọn odò (t’ó ń ṣàn ní ìsàlẹ̀ rẹ̀).

Verse 55

ﭰﭱﭲﭳﭴﭵ ﭶ

Ní ibùjókòó òdodo nítòsí Ọba Alágbára Olùkápá.

Ìtumọ̀ سورة القمر

سورة القمر

Ìtumọ̀ Sura القمر ní اليورباوية láti الترجمة اليورباوية

الترجمة اليورباوية

الترجمة اليورباوية