Surah سورة الواقعة

Verse 1

ﮃﮄﮅ ﮆ

Nígbà tí Ìṣẹ̀lẹ̀ (Àjíǹde) bá ṣẹlẹ̀,

Verse 2

ﮇﮈﮉ ﮊ

- kò sí irọ́ kan nípa ìṣẹ̀lẹ̀ rẹ̀-E4983

Verse 3

ﮋﮌ ﮍ

ó máa mú (àwọn kan) wálẹ̀ (sínú Iná), ó sì máa gbé (àwọn kan) sókè (nínú Ọgbà Ìdẹ̀ra).

Verse 4

ﮎﮏﮐﮑ ﮒ

Nígbà tí wọ́n bá mi ilẹ̀ tìtì ní mímìtìtì,

Verse 5

ﮓﮔﮕ ﮖ

àti nígbà tí Wọ́n bá fọ́ àwọn àpáta ní fífọ́ wómúwómú,

Verse 6

ﮗﮘﮙ ﮚ

- wọ́n sì máa di eruku àfẹ́dànù - E4987

Verse 7

ﮛﮜﮝ ﮞ

ẹ̀yin sì máa jẹ́ oríṣi mẹ́ta.
____________________
Àwọn kristiẹni lérò pé āyah t’ó pín ẹ̀dá sí mẹ́ta ní ọjọ́ Àjíǹde tako āyah t’ó pín wọn sí ìjọ méjì.
Èsì: Kò sí ìtakora láààrin wọn. Nínú sūrah yìí, Allāhu (subhānahu wa ta'ālā) sọ pé oríṣi ìjọ mẹ́ta ni àwọn ẹ̀dá máa pín sí ní ọjọ́ Àjíǹde. Ìjọ ọ̀tún, ìjọ òsì àti ìjọ aṣíwájú. Àmọ́ nínú sūrah al-Balad; 90:18-19 àti sūrah az-Zalzalah; 99:6-8, Allāhu (subhānahu wa ta'ālā) pín wọn sí ìjọ méjì. Ìjọ méjì kúkú ni gbogbo ẹ̀dá ní ọ̀run, ìjọ ọ̀tún àti ìjọ òsì nítorí pé, Ọgbà Ìdẹ̀ra wà fún ìjọ ọ̀tún, Ọgbà Iná sì wá fún ìjọ òsì. Àmọ́, Allāhu (subhānahu wa ta'ālā) ṣe àtúnpín ìjọ ọ̀tún sí ìjọ ọ̀tún àti ìjọ aṣíwájú nítorí pé, ìgbádùn ìkíní kejì yàtọ̀ gan-an síra wọn. Ìdí nìyí tí Allāhu fi sọ nípa ìgbádùn ìjọ aṣíwájú láti āyah 10 sí āyah 26. Ó sọ nípa ìgbádùn ìjọ ọ̀tún láti āyah 27 sí āyah 40. Ó sì sọ nípa oníran-ànran ìyà ìjọ òsì láti āyah 41 sí āyah 56.

Verse 8

ﮟﮠﮡﮢﮣ ﮤ

Àwọn èrò ọwọ́ ọ̀tún, kí ni (ó máa ti dára tó fún) àwọn èrò ọwọ́ ọ̀tún?

Verse 9

ﮥﮦﮧﮨﮩ ﮪ

Àwọn èrò ọwọ́ òsì, kí ni (ó máa ti burú tó fún) àwọn èrò ọwọ́ òsì?

Verse 10

ﮫﮬ ﮭ

Àwọn aṣíwájú sì ni àwọn aṣíwájú.

Verse 11

ﮮﮯ ﮰ

Àwọn wọ̀nyẹn ni alásùn-únmọ́ (Allāhu)

Verse 12

ﮱﯓﯔ ﯕ

nínú Ọgbà Ìdẹ̀ra.

Verse 13

ﯖﯗﯘ ﯙ

Wọ́n pọ̀ nínú àwọn ẹni àkọ́kọ́.

Verse 14

ﯚﯛﯜ ﯝ

Wọ́n sì kéré nínú àwọn ẹni Ìkẹ́yìn.

Verse 15

ﯞﯟﯠ ﯡ

(Wọn yóò wà) lórí ìtẹ́ tí wọ́n fi góòlù hun.

Verse 16

ﯢﯣﯤ ﯥ

Wọn yóò rọ̀gbọ̀kú sórí rẹ̀, wọn sì máa dojú kọra wọn.

Verse 17

ﭑﭒﭓﭔ ﭕ

Àwọn ọ̀dọ́kùnrin tí kò níí darúgbó yó sì máa lọ bọ̀ láààrin wọn

Verse 18

ﭖﭗﭘﭙﭚ ﭛ

pẹ̀lú àwọn ife omi, ohun ìrọmi fẹ̀ǹfẹ̀ àti ife ọtí aládùn.

Verse 19

ﭜﭝﭞﭟﭠ ﭡ

Kò níí fọ́ wọn lórí; kò sì níí mú wọn húnrìrà.

Verse 20

ﭢﭣﭤ ﭥ

Èso tí wọn yóò máa ṣẹ̀ṣà nínú rẹ̀ (tún wà fún wọn).

Verse 21

ﭦﭧﭨﭩ ﭪ

Àti ẹran ẹyẹ, èyí tí wọ́n ń fẹ́ (yó wà fún wọn).

Verse 22

ﭫﭬ ﭭ

Àwọn obìnrin ẹlẹ́yinjú ẹgẹ́ (tún wà fún wọn).

Verse 23

ﭮﭯﭰ ﭱ

Wọ́n dà bí òkúta olówó-iyebíye tí wọ́n fi pamọ́.

Verse 24

ﭲﭳﭴﭵ ﭶ

(Ìwọ̀nyí ni) ẹ̀san fún ohun tí wọ́n ń ṣe níṣẹ́.

Verse 25

ﭷﭸﭹﭺﭻﭼ ﭽ

Wọn kò níí gbọ́ ìsọkúsọ àti ọ̀rọ̀ ẹ̀ṣẹ̀ nínú Ọgbà Ìdẹ̀ra.

Verse 26

ﭾﭿﮀﮁ ﮂ

Àyàfi ọ̀rọ̀ àlàáfíà, àlàáfíà.

Verse 27

ﮃﮄﮅﮆﮇ ﮈ

Àwọn èrò ọwọ́ ọtún, kí ni (ó máa ti dára tó fún) àwọn èrò ọwọ́ ọtún?

Verse 28

ﮉﮊﮋ ﮌ

(Wọn yóò wà) ní ìdí igi tí kò ní ẹ̀gún,

Verse 29

ﮍﮎ ﮏ

àti ọ̀gẹ̀dẹ̀ t’ó so jìgbìnnì,

Verse 30

ﮐﮑ ﮒ

àti ibòji t’ó gbòòrò,

Verse 31

ﮓﮔ ﮕ

àti omi t’ó ń ṣàn láì dáwọ́ dúró,

Verse 32

ﮖﮗ ﮘ

àti ọ̀pọ̀lọ́pọ̀ èso,

Verse 33

ﮙﮚﮛﮜ ﮝ

tí kò níí já (ní ọ̀dọ̀ wọn), kò sì níí dèèwọ̀ (fún wọn).

Verse 34

ﮞﮟ ﮠ

(Wọ́n máa wà lórí) ìtẹ́ tí wọ́n gbé sókè.

Verse 35

ﮡﮢﮣ ﮤ

Dájúdájú Àwa tún (àwọn obìnrin wọn) dá ní ẹ̀dá ọ̀tun.

Verse 36

ﮥﮦ ﮧ

A sì ṣe wọ́n ní wúńdíá,

Verse 37

ﮨﮩ ﮪ

olólùfẹ́ ọkọ. Wọ́n sì dọ́gba ní ọjọ́ orí.

Verse 38

ﮫﮬ ﮭ

(Wọ́n wà) fún àwọn èrò ọwọ́ ọ̀tún.

Verse 39

ﮮﮯﮰ ﮱ

Wọ́n pọ̀ nínú àwọn ẹni àkọ́kọ́.

Verse 40

ﯓﯔﯕ ﯖ

Wọ́n tún pọ̀ nínú àwọn ẹni Ìkẹ́yìn.
____________________
Àwọn ẹni àkọ́kọ́ dúró fún àwọn ènìyàn láti àsìkò Ànábì Ādam títí di àsìkò Ànábì ‘Īsā (aleehim sọlātu wa salām). Àwọn ẹni Ìkẹ́yìn sì dúró fún ìjọ Ànábì wa nìkan (sollalāhu 'alayhi wa sallam).

Verse 41

ﯗﯘﯙﯚﯛ ﯜ

Àwọn èrò ọwọ́ òsì, kí ni (ó máa ti burú tó fún) àwọn èrò ọwọ́ òsì?

Verse 42

ﯝﯞﯟ ﯠ

(Wọn yóò wà) nínú atẹ́gùn gbígbóná àti omi gbígbóná,

Verse 43

ﯡﯢﯣ ﯤ

àti ní abẹ́ ibòji eléèéfín dúdú,

Verse 44

ﯥﯦﯧﯨ ﯩ

kò tutù, kò sì dára.

Verse 45

ﯪﯫﯬﯭﯮ ﯯ

Dájúdájú wọ́n ti jẹ́ onígbẹdẹmukẹ ṣíwájú ìyẹn.

Verse 46

ﯰﯱﯲﯳﯴ ﯵ

Wọ́n sì máa ń ṣoríkunkun lórí ẹ̀ṣẹ̀ ńlá.

Verse 47

ﯶﯷﯸﯹﯺﯻﯼﯽﯾ ﯿ

Wọ́n sì máa ń wí pé: "Ṣé nígbà tí a bá di òkú, tí a sì di erùpẹ̀ àti egungun, ǹjẹ́ Wọn yóò tún gbé wa dìde ni?

Verse 48

ﰀﰁ ﰂ

Ṣé àti àwọn bàbá wa, àwọn ẹni àkọ́kọ́?"

Verse 49

ﰃﰄﰅﰆ ﰇ

Sọ pé: "Dájúdájú àwọn ẹni àkọ́kọ́ àti àwọn ẹni Ìkẹ́yìn,

Verse 50

ﰈﰉﰊﰋﰌ ﰍ

dájúdájú A óò kó wọn jọ papọ̀ ní àkókò ọjọ́ kan tí A ti mọ̀."

Verse 51

ﭑﭒﭓﭔﭕ ﭖ

Lẹ́yìn náà, dájúdájú ẹ̀yin olùṣìnà, olùpe-òdodo-nírọ́,

Verse 52

ﭗﭘﭙﭚﭛ ﭜ

dájúdájú ẹ̀yin máa jẹ nínú igi zaƙƙūm (igi iwọ).

Verse 53

ﭝﭞﭟ ﭠ

Ikùn yín sì máa kún bámúbámú fún (jíjẹ) igi náà.

Verse 54

ﭡﭢﭣﭤ ﭥ

Ẹ̀yin yó sì máa mu omi gbígbóná lé e lórí.

Verse 55

ﭦﭧﭨ ﭩ

Ẹ̀yin yóò máa mu ún ní ìmumi ràkúnmí tí òǹgbẹ ń gbẹ.

Verse 56

ﭪﭫﭬﭭ ﭮ

Èyí ni n̄ǹkan àlejò wọn ní Ọjọ́ ẹ̀san.

Verse 57

ﭯﭰﭱﭲ ﭳ

Àwa l’A ṣẹ̀dá yín. Kí ni kò jẹ́ kí ẹ gbàgbọ́ lódodo!

Verse 58

ﭴﭵﭶ ﭷ

Ẹ sọ fún Mi nípa àtọ̀ tí ẹ̀ ń dà jáde (sínú àpòlùkẹ́),

Verse 59

ﭸﭹﭺﭻﭼ ﭽ

ṣé ẹ̀yin lẹ ṣẹ̀dá rẹ̀ ni tàbí Àwa l’A ṣẹ̀dá rẹ̀?

Verse 60

ﭾﭿﮀﮁﮂﮃﮄ ﮅ

Àwa l’A yan kádàrá (ọjọ́) ikú fún gbogbo yín. Àwa kò sì lè kágara

Verse 61

ﮆﮇﮈﮉﮊﮋﮌﮍﮎ ﮏ

láti fi irú yín pààrọ̀ yín, kí á sì tun yín dá sínú ohun tí ẹ kò mọ̀.

Verse 62

ﮐﮑﮒﮓﮔﮕ ﮖ

Ẹ kúkú mọ ìṣẹ̀dá àkọ́kọ́, ẹ ò ṣe lo ìrántí?

Verse 63

ﮗﮘﮙ ﮚ

Ẹ sọ fún Mi nípa n̄ǹkan tí ẹ̀ ń gbìn sínú ilẹ̀,

Verse 64

ﮛﮜﮝﮞﮟ ﮠ

ṣé ẹ̀yin l’ẹ̀ ń jẹ́ kí ó hù jáde ni tàbí Àwa l’À ń jẹ́ kí ó hù jáde?

Verse 65

ﮡﮢﮣﮤﮥﮦ ﮧ

Tí A bá fẹ́ ni, Àwa ìbá sọ ọ́ di gbígbẹ, ẹ̀yin yó sì máa ṣèèmọ̀ (tí ẹ óò máa ká àbámọ̀).

Verse 66

ﮨﮩ ﮪ

(Ẹ̀yin yó sì wí pé:) "Dájúdájú àwa ti di onígbèsè."

Verse 67

ﮫﮬﮭ ﮮ

(Àwọn mìíràn yó sì wí pé:) "Rárá o! Wọ́n ṣe ìkórè oko ní èèwọ̀ fún wa ni."

Verse 68

ﮯﮰﮱﯓ ﯔ

Ẹ sọ fún mi nípa omi tí ẹ̀ ń mu,

Verse 69

ﯕﯖﯗﯘﯙﯚﯛ ﯜ

ṣé ẹ̀yin l’ẹ̀ ń sọ̀ ọ́ kalẹ̀ láti inú ẹ̀ṣújò ni tàbí Àwa l’À ń sọ̀ ọ́ kalẹ̀?

Verse 70

ﯝﯞﯟﯠﯡﯢ ﯣ

Tí A bá fẹ́ ni, Àwa ìbá ṣe é ní omi t’ó móró. Ẹ ò ṣe máa dúpẹ́?

Verse 71

ﯤﯥﯦﯧ ﯨ

Ẹ sọ fún Mi nípa iná tí ẹ̀ ń dá,

Verse 72

ﯩﯪﯫﯬﯭﯮ ﯯ

ṣé ẹ̀yin l’ẹ ṣẹ̀dá igi rẹ̀ ni tàbí Àwa ni Aṣẹ̀dá?

Verse 73

ﯰﯱﯲﯳﯴ ﯵ

Àwa ṣe iná ayé ní ìrántí (fún Iná ọ̀run) àti n̄ǹkan èlò fún àwọn onírìn-àjò.

Verse 74

ﯶﯷﯸﯹ ﯺ

Nítorí náà, ṣàfọ̀mọ́ fún orúkọ Olúwa rẹ, Atóbi.

Verse 75

ﯻﯼﯽﯾﯿ ﰀ

Mò ń búra pẹ̀lú àwọn ibùsọ̀ ìràwọ̀.

Verse 76

ﰁﰂﰃﰄﰅ ﰆ

Dájúdájú ìbúra ńlá ni, tí ẹ bá mọ̀.

Verse 77

ﭑﭒﭓ ﭔ

Dájúdájú (al-Ƙur’ān) ni n̄ǹkan kíké alápọ̀n-ọ́nlé,

Verse 78

ﭕﭖﭗ ﭘ

(t’ó wà) nínú Tírà ààbò (nínú Laohul-Mahfūṭḥ).

Verse 79

ﭙﭚﭛﭜ ﭝ

Kò sí ẹni tó lè fọwọ́ kàn án (ní ọ̀dọ̀ Allāhu) àfi àwọn ẹni mímọ́ (ìyẹn, àwọn mọlāika).

Verse 80

ﭞﭟﭠﭡ ﭢ

Wọ́n sọ̀ al-Ƙur’ān kalẹ̀ láti ọ̀dọ̀ Olúwa gbogbo ẹ̀dá.

Verse 81

ﭣﭤﭥﭦ ﭧ

Nítorí náà, ṣé ọ̀rọ̀ (al-Ƙur’ān) yìí l’ẹ̀ ń pè nírọ́?

Verse 82

ﭨﭩﭪﭫ ﭬ

Ẹ sì ń sọ ìdúpẹ́ arísìkí yín di pé dájúdájú ẹ̀ ń pe òdodo nírọ́.
____________________
Ìyẹn ni pé, àwọn ọ̀ṣẹbọ ń dúpẹ́ fún ìràwọ̀ nítorí pé, wọ́n gbàgbọ́ pé òhun l’ó ń rọ̀jò lẹ́yìn Allāhu (subhānahu wa ta'ālā). Irọ́ ni èyí àti àìgbàgbọ́ nínú Allāhu (subhānahu wa ta'ālā), Ẹni t’Ó ń rọ̀jò fún ẹ̀dá Rẹ̀.

Verse 83

ﭭﭮﭯﭰ ﭱ

Kí ni ó máa ti rí (fun yín) nígbà tí ẹ̀mí (yín) bá dé ọ̀nà ọ̀fun,

Verse 84

ﭲﭳﭴ ﭵ

tí ẹ̀yin yó sì máa wòran nígbà yẹn?

Verse 85

ﭶﭷﭸﭹﭺﭻﭼ ﭽ

Àwa sì súnmọ́ ọn ju ẹ̀yin lọ, ṣùgbọ́n ẹ̀yin kò ríran.
____________________
Ẹ wo ìtọsẹ̀-ọ̀rọ̀ fún sūrah al-Mujādilah; 58:7.

Verse 86

ﭾﭿﮀﮁﮂ ﮃ

Ẹ̀yin kò ṣe jẹ́ ẹni tí A ò níí gbẹ̀san lára rẹ̀,

Verse 87

ﮄﮅﮆﮇ ﮈ

kí ẹ sì dá (ẹ̀mí tí ó fẹ́ bọ́) padà, tí ẹ bá jẹ́ olódodo.

Verse 88

ﮉﮊﮋﮌﮍ ﮎ

Ní ti ẹni tí ó bá wà nínú àwọn alásùn-únmọ́ (Wa),

Verse 89

ﮏﮐﮑﮒ ﮓ

ìsinmi, èsè t’ó dára àti Ọgbà Ìdẹ̀ra (ni tirẹ̀).

Verse 90

ﮔﮕﮖﮗﮘﮙ ﮚ

Ní ti ẹni tí ó bá wà nínú àwọn èrò ọwọ́ ọ̀tún,

Verse 91

ﮛﮜﮝﮞﮟ ﮠ

àlàáfíà ni fún ọ láààrin àwọn èrò ọwọ́ ọ̀tún.

Verse 92

ﮡﮢﮣﮤﮥﮦ ﮧ

Ní ti ẹni tí ó bá wà nínú àwọn olùpe-òdodo-nírọ́, àwọn olùṣìnà,

Verse 93

ﮨﮩﮪ ﮫ

n̄ǹkan àlejò (wọn) ni omi gbígbóná

Verse 94

ﮬﮭ ﮮ

àti wíwọ inú iná Jẹhīm.

Verse 95

ﮯﮰﮱﯓﯔ ﯕ

Dájúdájú èyí, òhun ni òdodo t’ó dájú.

Verse 96

ﯖﯗﯘﯙ ﯚ

Nítorí náà, ṣàfọ̀mọ́ fún orúkọ Olúwa rẹ, Atóbi.

Ìtumọ̀ سورة الواقعة

سورة الواقعة

Ìtumọ̀ Sura الواقعة ní اليورباوية láti الترجمة اليورباوية

الترجمة اليورباوية

الترجمة اليورباوية