Surah سورة الحاقة

Verse 1

ﮯ ﮰ

Ìṣẹ̀lẹ̀ Òdodo

Verse 2

ﮱﯓ ﯔ

Kí ni Ìṣẹ̀lẹ̀ Òdodo.

Verse 3

ﯕﯖﯗﯘ ﯙ

Kí sì ni ó mú ọ mọ ohun t’ó ń jẹ́ Ìṣẹ̀lẹ̀ Òdodo?

Verse 4

ﯚﯛﯜﯝ ﯞ

Àwọn ìjọ Thamūd àti ìjọ ‘Ād pe Ìpáyà nírọ́.
____________________
Nínú àwọn orúkọ fún Ọjọ́ Àjíǹde ni Ìṣẹ̀lẹ̀ Òdodo àti Ìpáyà.

Verse 5

ﯟﯠﯡﯢ ﯣ

Ní ti ìjọ Thamūd, wọ́n fi igbe t’ó tayọ ẹnu-àlà pa wọ́n rẹ́.

Verse 6

ﯤﯥﯦﯧﯨﯩ ﯪ

Ní ti ìjọ ‘Ād, wọ́n fi atẹ́gùn líle t’ó tayọ ẹnu-àlà pa wọ́n rẹ́.

Verse 7

ﯫﯬﯭﯮﯯﯰﯱﯲﯳﯴﯵﯶﯷﯸﯹﯺ ﯻ

Ó dẹ ẹ́ sí wọn fún òru méje àti ọ̀sán mẹ́jọ láì dáwọ́ dúró. O sì máa rí ìjọ náà tí wọ́n ti kú sínú rẹ̀ bí ẹni pé kùkùté igi dàbínù t’ó ti luhò nínú ni wọ́n.
____________________
Ẹ wo ìtọsẹ̀-ọ̀rọ̀ fún sūrah Fussilat; 41:16.

Verse 8

ﯼﯽﯾﯿﰀ ﰁ

Ǹjẹ́ o rí ẹnì kan nínú wọn t’ó ṣẹ́ kù bí?

Verse 9

ﭑﭒﭓﭔﭕﭖ ﭗ

Fir‘aon àti àwọn t’ó ṣíwájú rẹ̀ àti àwọn ìlú tí wọ́n dojú rẹ̀ bolẹ̀ dé pẹ̀lú àwọn àṣìṣe.

Verse 10

ﭘﭙﭚﭛﭜﭝ ﭞ

Wọ́n yapa Òjíṣẹ́ Olúwa wọn. Ó sì gbá wọn mú ní ìgbámú àlékún.

Verse 11

ﭟﭠﭡﭢﭣﭤﭥ ﭦ

Dájúdájú nígbà tí omi tayọ ẹnu-àlà. A gbe yín gun ọkọ̀ ojú-omi.

Verse 12

ﭧﭨﭩﭪﭫﭬ ﭭ

Nítorí kí Á lè fi ṣe ìrántí fun yín àti nítorí kí etí t’ó ń ṣọ́ n̄ǹkan lè ṣọ́ ọ.

Verse 13

ﭮﭯﭰﭱﭲﭳ ﭴ

Nígbà tí wọ́n bá fọn fèrè oníwo fún ikú ní fífọn ẹyọ kan,

Verse 14

ﭵﭶﭷﭸﭹﭺ ﭻ

tí wọ́n gbé ilẹ̀ àti àpáta sókè, tí wọ́n sì rún méjèèjì wómúwómú ní rírún ẹ̀ẹ̀ kan,

Verse 15

ﭼﭽﭾ ﭿ

ní ọjọ́ yẹn ni Ìṣẹ̀lẹ̀ máa ṣẹlẹ̀.

Verse 16

ﮀﮁﮂﮃﮄ ﮅ

Àti pé sánmọ̀ yó fàya pẹ́rẹpẹ̀rẹ. Ó sì máa fúyẹ́ gẹgẹ ní ọjọ́ yẹn.

Verse 17

ﮆﮇﮈﮉﮊﮋﮌﮍﮎﮏ ﮐ

Àwọn mọlāika sì máa wà ní àwọn ẹ̀gbẹ́ẹ̀gbẹ́ rẹ̀. Àti pé ní ọjọ́ yẹn, lókè wọn, àwọn (mọlāika) mẹ́jọ ni wọ́n máa ru Ìtẹ́ Olúwa rẹ.

Verse 18

ﮑﮒﮓﮔﮕﮖ ﮗ

Ní ọjọ́ yẹn, wọn yóò máa ṣẹ́rí yín wá (fún ìṣírò-iṣẹ́). Kò sì níí sí àṣírí yín kan t’ó máa pamọ́ (fún Wa).

Verse 19

ﮘﮙﮚﮛﮜﮝﮞﮟﮠ ﮡ

Nítorí náà, ní ti ẹni tí wọ́n bá fún ní tírà rẹ̀ ní ọwọ́ ọ̀tún rẹ̀, ó máa sọ pé: "Ẹ gbà, ẹ ka tírà mi.

Verse 20

ﮢﮣﮤﮥﮦ ﮧ

Dájúdájú èmi ti mọ àmọ̀dájú pé dájúdájú èmi yóò bá ìṣírò-iṣẹ́ mi pàdé."

Verse 21

ﮨﮩﮪﮫ ﮬ

Nítorí náà, ó máa wà nínú ìṣẹ̀mí t’ó máa yọ́nú sí

Verse 22

ﮭﮮﮯ ﮰ

nínú Ọgbà Ìdẹ̀ra gíga.

Verse 23

ﮱﯓ ﯔ

Àwọn èso rẹ̀ (sì) wà ní àrọ́wọ́tó.

Verse 24

ﯕﯖﯗﯘﯙﯚﯛﯜ ﯝ

Ẹ jẹ, kí ẹ sì mu pẹ̀lú ìgbàdún nítorí ohun tí ẹ tì síwájú nínú àwọn ọjọ́ tí ó ti ré kọjá.

Verse 25

ﯞﯟﯠﯡﯢﯣﯤﯥﯦﯧ ﯨ

Ní ti ẹni tí wọ́n bá sì fún ní tírà rẹ̀ ní ọwọ́ òsì rẹ̀, ó máa wí pé: "Háà! Kí wọ́n sì má fún mi ni tírà mi!
____________________
Àwọn kristiẹni sọ pé, “Āyah yìí ń sọ pé ọwọ́ òsì ni àwọn aláìgbàgbọ́ máa fi gba ìwé iṣẹ́ wọn, àmọ́ sūrah al-’Inṣiƙọ̄ƙ; 84:10 ń sọ pé láti ẹ̀yìn ni wọ́n máa ti gbà á.” Wọ́n ní, “Ìtakora nìyẹn!”
Èsì: Ìtakora tófẹ́jọbẹ́ẹ̀ ni, kì í ṣe ìtakora tóríbẹ́ẹ̀. Àlàyé rẹ̀ nìyí, méjéèjì ló máa ṣẹlẹ̀ sí wọn nítorí pé, ọwọ́ òsì ni aláìgbàgbọ́ máa tì bọ inú igbá-àyà rẹ̀ bọ́ sí ẹ̀yìn rẹ̀ láti fi gba ìwé iṣẹ́ rẹ̀.

Verse 26

ﯩﯪﯫﯬ ﯭ

Àti pé èmi kò mọ ohun tí ìṣírò-iṣẹ́ mi jẹ́.

Verse 27

ﯮﯯﯰ ﯱ

Háà! Kí ikú sì jẹ́ òpin (ọ̀rọ̀ ẹ̀dá).

Verse 28

ﯲﯳﯴﯵﯶ ﯷ

Dúkìá mi kò sì rọ̀ mí lọ́rọ̀.

Verse 29

ﯸﯹﯺ ﯻ

Agbára mi sì ti parun."

Verse 30

ﯼﯽ ﯾ

Ẹ mú un, kí ẹ dè é ní ọwọ́ mọ́ ọrùn.

Verse 31

ﯿﰀﰁ ﰂ

Lẹ́yìn náà, inú iná Jẹhīm ni kí ẹ mú un wọ̀.

Verse 32

ﰃﰄﰅﰆﰇﰈﰉ ﰊ

Lẹ́yìn náà, inú ẹ̀wọ̀n tí gígùn rẹ̀ jẹ́ àádọ́rin gígùn thar‘u ni kí ẹ kì í sí.
____________________
Gígùn “Thar‘u” kan ni gígùn láti ìlú Mọkkah sí ibi tí ó jìnnà jùlọ sí ìlú Mọkkah.

Verse 33

ﰋﰌﰍﰎﰏﰐ ﰑ

Dájúdájú òun kì í gbàgbọ́ nínú Allāhu, Atóbi.

Verse 34

ﰒﰓﰔﰕﰖ ﰗ

Kì í sì gba ènìyàn níyànjú láti bọ́ àwọn mẹ̀kúnnù.

Verse 35

ﰘﰙﰚﰛﰜ ﰝ

Nítorí náà, kò níí sí ọ̀rẹ́ ìmùlẹ̀ kan fún un níbí yìí ní òní.

Verse 36

ﭑﭒﭓﭔﭕ ﭖ

Kò sì níí sí oúnjẹ kan (fún un) bí kò ṣe (oúnjẹ) àwọyúnwẹ̀jẹ̀.

Verse 37

ﭗﭘﭙﭚ ﭛ

Kò sí ẹni tí ó máa jẹ ẹ́ bí kò ṣe àwọn ẹlẹ́ṣẹ̀.

Verse 38

ﭜﭝﭞﭟ ﭠ

Nítorí náà, Èmi ń búra pẹ̀lú ohun tí ẹ̀ ń fojú rí

Verse 39

ﭡﭢﭣ ﭤ

àti ohun tí ẹ ò fojú rí.

Verse 40

ﭥﭦﭧﭨ ﭩ

Dájúdájú al-Ƙur’ān ni ọ̀rọ̀ (tí A fi rán) Òjíṣẹ́, alápọ̀n-ọ́nlé.
____________________
“Ọ̀rọ̀ òjíṣẹ́” ni ìtúmọ̀ “ƙọolu rọsūl, àmọ́ al-Ƙur’ān kì í ṣe ọ̀rọ̀ Òjíṣẹ́ bí kò ṣe “Ọ̀rọ̀ Ọlọ́hun”. Àgbékalẹ̀ irúfẹ́ ọ̀rọ̀ yìí ni ṣíṣe àfitì ọ̀rọ̀ sí ọ̀dọ̀ alágbàsọ. Bákan náà, āyah yìí jọ āyah 19 nínú sūrah at-Tẹkwīr ní ìsọ, àmọ “Òjíṣẹ́” tí wọ́n gbàlérò nínú āyah ti sūrah al-Hāƙƙọh ni Òjíṣẹ́ abara, ìyẹn Ànábì wa Muhammad (sollalāhu 'alayhi wa sallam), Òjíṣẹ́ mọlāika ni wọ́n sì gbàlérò nínú āyah ti sūrah at-Tẹkwīr. Sàkánì ti ìkọ̀ọ̀kan ti jẹyọ l’ó ṣàfi hàn èyí bẹ́ẹ̀.

Verse 41

ﭪﭫﭬﭭﭮﭯﭰﭱ ﭲ

Kì í ṣe ọ̀rọ̀ eléwì. Ohun tí ẹ gbàgbọ́ kéré púpọ̀.

Verse 42

ﭳﭴﭵﭶﭷﭸﭹ ﭺ

Kì í sì ṣe ọ̀rọ̀ adábigba. Díẹ̀ lẹ̀ ń lò nínú ìrántí.

Verse 43

ﭻﭼﭽﭾ ﭿ

Wọ́n sọ̀ ọ́ kalẹ̀ láti ọ̀dọ̀ Olúwa gbogbo ẹ̀dá.

Verse 44

ﮀﮁﮂﮃﮄ ﮅ

Tí ó bá jẹ́ pé (Ànábì) dá àdápa apá kan ọ̀rọ̀ náà mọ́ Wa ni,

Verse 45

ﮆﮇﮈ ﮉ

Àwa ìbá gbá a mú lọ́wọ́ ọ̀tún.

Verse 46

ﮊﮋﮌﮍ ﮎ

Lẹ́yìn náà, Àwa ìbá já isan ọrùn rẹ̀.

Verse 47

ﮏﮐﮑﮒﮓﮔ ﮕ

Kò sì sí ẹnì kan nínú yín tí ó máa gbà á sílẹ̀ lọ́wọ́ (Wa).

Verse 48

ﮖﮗﮘ ﮙ

Dájúdájú (al-Ƙur’ān) ni ìrántí fún àwọn olùbẹ̀rù (Allāhu).

Verse 49

ﮚﮛﮜﮝﮞ ﮟ

Dájúdájú Àwa sì mọ̀ pé àwọn t’ó ń pe al-Ƙur’ān nírọ́ wà nínú yín.

Verse 50

ﮠﮡﮢﮣ ﮤ

Dájúdájú al-Ƙur’ān máa jẹ́ àbámọ̀ fún àwọn aláìgbàgbọ́.

Verse 51

ﮥﮦﮧ ﮨ

Dájúdájú al-Ƙur’ān ni òdodo t’ó dájú.

Verse 52

ﮩﮪﮫﮬ ﮭ

Nítorí náà, ṣàfọ̀mọ́ fún orúkọ Olúwa Rẹ, Atóbi.

Ìtumọ̀ سورة الحاقة

سورة الحاقة

Ìtumọ̀ Sura الحاقة ní اليورباوية láti الترجمة اليورباوية

الترجمة اليورباوية

الترجمة اليورباوية