Surah سورة المدثر

Verse 1

ﮪﮫ ﮬ

Ìwọ olùdaṣọbora.

Verse 2

ﮭﮮ ﮯ

Dìde kí o ṣèkìlọ̀.

Verse 3

ﮰﮱ ﯓ

Olúwa rẹ sì ni kí o gbé títóbi fún.

Verse 4

ﯔﯕ ﯖ

Aṣọ rẹ ni kí o fọ̀ mọ́.

Verse 5

ﯗﯘ ﯙ

Òrìṣà ni kí o jìnnà sí.

Verse 6

ﯚﯛﯜ ﯝ

Má ṣe tọrẹ nítorí kí o lè rí púpọ̀ gbà.

Verse 7

ﯞﯟ ﯠ

Olúwa rẹ ni kí o ṣe sùúrù fún.

Verse 8

ﯡﯢﯣﯤ ﯥ

Nígbà tí wọ́n bá fọn fèrè oníwo fún àjíǹde,

Verse 9

ﯦﯧﯨﯩ ﯪ

ìyẹn, ní ọjọ́ yẹn, ni ọjọ́ ìnira,

Verse 10

ﯫﯬﯭﯮ ﯯ

tí kò níí rọrùn fún àwọn aláìgbàgbọ́.

Verse 11

ﯰﯱﯲﯳ ﯴ

Fi Mí dá ẹni tí Mo dá ní òun nìkan.

Verse 12

ﯵﯶﯷﯸ ﯹ

Mo sì fún un ní ọ̀pọ̀lọ́pọ̀ dúkìá

Verse 13

ﯺﯻ ﯼ

àti àwọn ọmọkúnrin t’ó ń bẹ pẹ̀lú rẹ̀.

Verse 14

ﯽﯾﯿ ﰀ

Mo sì ṣe ayé nírọ̀rùn fún un gan-an.

Verse 15

ﰁﰂﰃﰄ ﰅ

Lẹ́yìn náà, ó tún ń jẹ̀rankàn pé kí N̄g ṣe àlékún.

Verse 16

ﰆﰇﰈﰉﰊﰋ ﰌ

Rárá o! Dájúdájú ó jẹ́ alátakò sí àwọn āyah Wa.

Verse 17

ﰍﰎ ﰏ

Èmi yóò la ìyà pọ́nkèpọ́nkè bọ̀ ọ́ lọ́rùn (nínú Iná).
____________________
Orúkọ àpáta ńlá kan nínú Iná ni Sọ‘ūd. Kèfèrí yóò máa pọ́n òkè náà láààrin àádọ́rin ọdún ní àpọ́njábọ́. Ìdí nìyí tí wọ́n fi pe ìyà náà ní ìyà pọ́nkèpọ́nkè.

Verse 18

ﰐﰑﰒ ﰓ

Dájúdájú ó ronú (lódì nípa al-Ƙur’ān). Ó sì pinnu (ọ̀rọ̀ kan nínú ẹ̀mí rẹ̀).

Verse 19

ﭑﭒﭓ ﭔ

Wọ́n sì ṣẹ́bi lé e nípa bí ó ṣe pinnu.

Verse 20

ﭕﭖﭗﭘ ﭙ

Lẹ́yìn náà, Wọ́n tún ṣẹ́bi lé e nípa bí ó ṣe pinnu.

Verse 21

ﭚﭛ ﭜ

Lẹ́yìn náà, ó wò sùn.

Verse 22

ﭝﭞﭟ ﭠ

Lẹ́yìn náà, ó fajú ro, ó sì dijú mágbárí.

Verse 23

ﭡﭢﭣ ﭤ

Lẹ́yìn náà, ó pẹ̀yìn dà, ó sì ṣègbéraga.

Verse 24

ﭥﭦﭧﭨﭩﭪ ﭫ

Ó sì wí pé: "Kí ni èyí bí kò ṣe idán àtọwọ́dọ́wọ́.

Verse 25

ﭬﭭﭮﭯﭰ ﭱ

Kí ni èyí bí kò ṣe ọ̀rọ̀ abara"

Verse 26

ﭲﭳ ﭴ

Èmi yóò fi sínú iná Saƙọr.

Verse 27

ﭵﭶﭷﭸ ﭹ

Kí l’ó mú ọ mọ ohun t’ó ń jẹ́ iná Saƙọr?

Verse 28

ﭺﭻﭼﭽ ﭾ

(Saƙọr) kò níí ṣẹ́ ẹ kù, kò sì níí pa á tì.
____________________
Ìyẹn ni pé, Iná náà yóò máa jó o lọ, kò sì níí gba ẹ̀mí rẹ̀.

Verse 29

ﭿﮀ ﮁ

Ó máa jó awọ ara di dúdú.

Verse 30

ﮂﮃﮄ ﮅ

(Àwọn mọlāika) mọ́kàndínlógún ni ẹ̀ṣọ́ rẹ̀.

Verse 31

ﮆﮇﮈﮉﮊﮋﮌﮍﮎﮏﮐﮑﮒﮓﮔﮕﮖﮗﮘﮙﮚﮛﮜﮝﮞﮟﮠﮡﮢﮣﮤﮥﮦﮧﮨﮩﮪﮫﮬﮭﮮﮯﮰﮱﯓﯔﯕﯖﯗﯘﯙﯚﯛﯜﯝﯞﯟﯠﯡﯢﯣ ﯤ

Àwa kò ṣe ẹnì kan ní ẹ̀ṣọ́ Iná àfi àwọn mọlāika. Àwa kò sì ṣe òǹkà wọn (bẹ́ẹ̀) bí kò ṣe (nítorí kí ó lè jẹ́) àdánwò fún àwọn t’ó ṣàì gbàgbọ́, àti nítorí kí àwọn tí A fún ní Tírà lè ní àmọ̀dájú àti nítorí kí àwọn tí wọ́n gbàgbọ́ ní òdodo lè lékún ní ìgbàgbọ́ òdodo. (Ó rí bẹ́ẹ̀) nítorí kí àwọn tí A fún ní Tírà àti àwọn onígbàgbọ́ òdodo má baà ṣeyèméjì àti nítorí kí àwọn tí àrùn wà nínú ọkàn wọn àti àwọn aláìgbàgbọ́ lè wí pé: "Kí ni Allāhu gbà lérò pẹ̀lú àpèjúwe yìí?" Báyẹn ni Allāhu ṣe ń ṣi ẹni tí Ó bá fẹ́ lọ́nà, Ó sì ń tọ́ ẹni tí Ó bá fẹ́ sọ́nà. Kò sì sí ẹni tí ó mọ àwọn ọmọ ogun Olúwa rẹ̀ àfi Òun náà. (Iná Saƙọr) kò sì jẹ́ kiní kan bí kò ṣe ìrántí fún abara.

Verse 32

ﯥﯦ ﯧ

Ẹ gbọ́! Allāhu búra pẹ̀lú òṣùpá.

Verse 33

ﯨﯩﯪ ﯫ

Ó tún búra pẹ̀lú alẹ́ nígbà tí ó bá lọ.

Verse 34

ﯬﯭﯮ ﯯ

Ó tún búra pẹ̀lú òwúrọ̀ nígbà tí ojúmọ́ bá mọ́.

Verse 35

ﯰﯱﯲ ﯳ

Dájúdájú (iná Saƙọr) ni ọ̀kan nínú (àwọn àdánwò) t’ó tóbi.

Verse 36

ﯴﯵ ﯶ

(Ó jẹ́) ìkìlọ̀ fún abara.

Verse 37

ﯷﯸﯹﯺﯻﯼﯽ ﯾ

Fún ẹni tí ó bá fẹ́ nínú yín láti tẹ̀ síwájú tàbí láti fà sẹ́yìn.

Verse 38

ﯿﰀﰁﰂﰃ ﰄ

Ẹ̀mí kọ̀ọ̀kan ni onídùúró fún ohun t’ó ṣe níṣẹ́.

Verse 39

ﰅﰆﰇ ﰈ

Àyàfi àwọn èrò ọwọ́ ọ̀tún.

Verse 40

ﰉﰊﰋ ﰌ

Wọn yóò máa bira wọn léèrè ọ̀rọ̀ nínú àwọn Ọgbà Ìdẹ̀ra

Verse 41

ﰍﰎ ﰏ

nípa àwọn ẹlẹ́ṣẹ̀ pé:

Verse 42

ﰐﰑﰒﰓ ﰔ

"Kí ni ó mu yín wọ inú iná Saƙọr?"

Verse 43

ﰕﰖﰗﰘﰙ ﰚ

Wọn yóò wí pé: "Àwa kò sí nínú àwọn olùkírun ni.

Verse 44

ﰛﰜﰝﰞ ﰟ

Àwa kò sì sí nínú àwọn t’ó ń bọ́ àwọn mẹ̀kúnnù.

Verse 45

ﰠﰡﰢﰣ ﰤ

Àwa sì máa ń sọ ìsọkúsọ pẹ̀lú àwọn onísọkúsọ.

Verse 46

ﰥﰦﰧﰨ ﰩ

Àti pé àwa máa ń pe Ọjọ́ ẹ̀san nírọ́

Verse 47

ﰪﰫﰬ ﰭ

títí ikú fi dé bá wa."

Verse 48

ﭑﭒﭓﭔ ﭕ

Ìpẹ̀ àwọn olùṣìpẹ̀ kò sì níí ṣe wọ́n ní àǹfààní.

Verse 49

ﭖﭗﭘﭙﭚ ﭛ

Kí ló mú wọn ná tí wọ́n ń gbúnrí kúrò níbi ìrántí

Verse 50

ﭜﭝﭞ ﭟ

bí ẹni pé àwọn ni kẹ́tẹ́kẹ́tẹ́ t’ó ń sá lọ,

Verse 51

ﭠﭡﭢ ﭣ

t’ó sá fún kìnìhún?

Verse 52

ﭤﭥﭦﭧﭨﭩﭪﭫﭬ ﭭ

Rárá, ńṣe ni ẹnìkọ̀ọ̀kan nínú wọn ń fẹ́ kí Á fún òun náà ní Tírà tí ó máa ṣeé tẹ́ han àwọn ènìyàn (bíi ti al-Ƙur’ān).

Verse 53

ﭮﭯﭰﭱﭲﭳ ﭴ

Rárá. Wọn kò páyà ọ̀run ni.

Verse 54

ﭵﭶﭷ ﭸ

Ẹ gbọ́! Dájúdájú al-Ƙur’ān ni ìrántí.

Verse 55

ﭹﭺﭻ ﭼ

Nítorí náà, ẹni tí ó bá fẹ́ kó rántí rẹ̀.

Verse 56

ﭽﭾﭿﮀﮁﮂﮃﮄﮅﮆﮇﮈ ﮉ

Wọn kò sì níí rántí (al-Ƙur’ān) àfi tí Allāhu bá fẹ́. (Allāhu) Òun l’a gbọ́dọ̀ bẹ̀rù. Òun l’ó sì làforíjìn.

Ìtumọ̀ سورة المدثر

سورة المدثر

Ìtumọ̀ Sura المدّثر ní اليورباوية láti الترجمة اليورباوية

الترجمة اليورباوية

الترجمة اليورباوية