Surah سورة القيامة

Verse 1

ﮊﮋﮌﮍ ﮎ

Èmi (Allāhu) ń búra pẹ̀lú Ọjọ́ Àjíǹde.

Verse 2

ﮏﮐﮑﮒ ﮓ

Mo tún ń búra pẹ̀lú ẹ̀mí t’ó máa dára rẹ̀ lẹ́bi.

Verse 3

ﮔﮕﮖﮗﮘ ﮙ

Ṣé ènìyàn lérò pé A ò níí kó àwọn eegun rẹ̀ jọ ni?

Verse 4

ﮚﮛﮜﮝﮞﮟ ﮠ

Rárá o. A lágbára láti to eegun ọmọníka rẹ̀ dọ́gba.

Verse 5

ﮡﮢﮣﮤﮥ ﮦ

Ṣùgbọ́n ènìyàn gbèrò láti pe (Ọjọ́ Àjíǹde) t’ó ń bẹ níwájú rẹ̀ nírọ́.

Verse 6

ﮧﮨﮩﮪ ﮫ

Ó ń bèèrè pé: "Ìgbà wo ni Ọjọ́ Àjíǹde?"

Verse 7

ﮬﮭﮮ ﮯ

Nígbà tí ojú bá kọ mọ̀nà,

Verse 8

ﮰﮱ ﯓ

àti (nígbà) tí òṣùpá bá wọ̀ọ̀kùn,

Verse 9

ﯔﯕﯖ ﯗ

àti (nígbà) tí A bá pa òòrùn àti òṣùpá pọ̀ mọ́ra wọn,

Verse 10

ﯘﯙﯚﯛﯜ ﯝ

ènìyàn yóò wí ní ọjọ́ yẹn pé: "Níbo ni ibùsásí wà?"

Verse 11

ﯞﯟﯠ ﯡ

Rárá, kò sí ibùsásí.

Verse 12

ﯢﯣﯤﯥ ﯦ

Ọ̀dọ̀ Olúwa rẹ ni ibùdúró ní ọjọ́ yẹn.

Verse 13

ﯧﯨﯩﯪﯫﯬ ﯭ

Wọ́n máa fún ènìyàn ní ìró ní ọjọ́ yẹn nípa ohun t’ó tì síwájú (nínú iṣẹ́ rẹ̀) àti ohun t’ó fi kẹ́yìn (nínú orípa iṣẹ́ rẹ̀).

Verse 14

ﯮﯯﯰﯱﯲ ﯳ

Ṣebí ènìyàn dá ara rẹ̀ mọ̀,

Verse 15

ﯴﯵﯶ ﯷ

ìbáà mú àwọn àwáwí rẹ̀ wá.

Verse 16

ﯸﯹﯺﯻﯼﯽ ﯾ

Má ṣe gbé ahọ́n rẹ sí ìmísí láti kánjú ké e.

Verse 17

ﯿﰀﰁﰂ ﰃ

Dájúdájú Àwa l’A máa ṣe ìkójọ rẹ̀ (sínú ọkàn rẹ) àti kíké rẹ̀.

Verse 18

ﰄﰅﰆﰇ ﰈ

Nígbà tí A bá ń ké e (fún ọ), kí o sì máa tẹ̀lé kíké rẹ̀.

Verse 19

ﰉﰊﰋﰌ ﰍ

Lẹ́yìn náà, dájúdájú Àwa l’A máa ṣe àlàyé rẹ̀ fún ọ.

Verse 20

ﭑﭒﭓﭔ ﭕ

Ẹ gbọ́! Ńṣe l’ẹ nífẹ̀ẹ́ ayé.

Verse 21

ﭖﭗ ﭘ

Ẹ sì ń pa ọ̀run tì.

Verse 22

ﭙﭚﭛ ﭜ

Àwọn ojú kan ní ọjọ́ yẹn yóò tutù (fún ìdùnnú).

Verse 23

ﭝﭞﭟ ﭠ

Olúwa wọn ni wọn yóò máa wò.

Verse 24

ﭡﭢﭣ ﭤ

Àwọn ojú kan ní ọjọ́ yẹn sì máa bàjẹ́.

Verse 25

ﭥﭦﭧﭨﭩ ﭪ

(Ojú náà) yóò mọ̀ dájú pé Wọ́n máa fi aburú kan òhun.

Verse 26

ﭫﭬﭭﭮ ﭯ

Ẹ gbọ́! Nígbà tí ẹ̀mí bá dé gògòńgò.

Verse 27

ﭰﭱﭲﭳ ﭴ

A sì máa sọ pé: "Ǹjẹ́ ọlọ́fọ̀ pípè kan wà bí (tí ó máa gbà á sílẹ̀ lọ́wọ́ ikú)?

Verse 28

ﭵﭶﭷ ﭸ

Ó sì máa dá a lójú pé dájúdájú ìpínyà ayé ti dé.

Verse 29

ﭹﭺﭻ ﭼ

Ojúgun yó sì lọ́mọ́ ojúgun.

Verse 30

ﭽﭾﭿﮀ ﮁ

Ọ̀dọ̀ Olúwa rẹ sì ni wíwa ẹ̀dá lọ ní ọjọ́ yẹn.

Verse 31

ﮂﮃﮄﮅ ﮆ

Kò kúkú gba òdodo gbọ́, kò sì kírun.

Verse 32

ﮇﮈﮉ ﮊ

Ṣùgbọ́n ó pe òdodo nírọ́. Ó sì kẹ̀yìn sí i.

Verse 33

ﮋﮌﮍﮎﮏ ﮐ

Lẹ́yìn náà, ó lọ sí ọ̀dọ̀ àwọn ènìyàn rẹ̀, ó sì ń ṣe fáàrí.

Verse 34

ﮑﮒﮓ ﮔ

Ègbé ni fún ọ, ègbé ni sẹ́.

Verse 35

ﮕﮖﮗﮘ ﮙ

Lẹ́yìn náà, ègbé ni fún ọ, ègbé sì sẹ́.

Verse 36

ﮚﮛﮜﮝﮞ ﮟ

Ṣé ènìyàn lérò pé A máa fi òun sílẹ̀ lásán ni?

Verse 37

ﮠﮡﮢﮣﮤﮥ ﮦ

Ṣé kò ti jẹ́ àtọ̀ mọnī tí wọ́n dà jáde sínú àpòlùkẹ́ ni?

Verse 38

ﮧﮨﮩﮪﮫ ﮬ

Lẹ́yìn náà, ó di ẹ̀jẹ̀ dídì. (Allāhu) sì ṣẹ̀dá (rẹ̀). Ó sì ṣe é t’ó dọ́gba jálẹ̀ léèyàn.

Verse 39

ﮭﮮﮯﮰﮱ ﯓ

(Allāhu) sì ṣe ìran méjì jáde láti inú rẹ̀, akọ àti abo.

Verse 40

ﯔﯕﯖﯗﯘﯙﯚ ﯛ

Ǹjẹ́ Ẹni tí Ó ṣe ìyẹn kò níí ní agbára láti jí àwọn òkú dìde bí?

Ìtumọ̀ سورة القيامة

سورة القيامة

Ìtumọ̀ Sura القيامة ní اليورباوية láti الترجمة اليورباوية

الترجمة اليورباوية

الترجمة اليورباوية