Surah سورة النبأ

Verse 1

ﭑﭒ ﭓ

Nípa kí ni wọ́n ń bíra wọn léèrè ná?

Verse 2

ﭔﭕﭖ ﭗ

Nípa ìró ìkọ̀kọ̀ ńlá ni,

Verse 3

ﭘﭙﭚﭛ ﭜ

èyí tí wọ́n ń yapa ẹnu sí.

Verse 4

ﭝﭞ ﭟ

Rárá! Wọ́n ń bọ̀ wá mọ̀.

Verse 5

ﭠﭡﭢ ﭣ

Lẹ́yìn náà, ní ti òdodo wọ́n ń bọ̀ wá mọ̀.

Verse 6

ﭤﭥﭦﭧ ﭨ

Ǹjẹ́ Àwa kò ṣe ilẹ̀ ní ìtẹ́ bí,

Verse 7

ﭩﭪ ﭫ

àti àwọn àpáta ní èèkàn (fún ilẹ̀)?

Verse 8

ﭬﭭ ﭮ

A sì ṣẹ̀dá yín ní oríṣiríṣi (akọ àti abo).

Verse 9

ﭯﭰﭱ ﭲ

A ṣe oorun yín ní ìsinmi.

Verse 10

ﭳﭴﭵ ﭶ

A tún ṣe alẹ́ ní ìbora.

Verse 11

ﭷﭸﭹ ﭺ

A tún ṣe ọ̀sán ní (àsìkò fún) wíwá ìjẹ-ìmu.

Verse 12

ﭻﭼﭽﭾ ﭿ

A tún mọ sánmọ̀ méje t’ó lágbára sókè yín.

Verse 13

ﮀﮁﮂ ﮃ

A tún ṣe òòrùn ní ìmọ́lẹ̀ t’ó ń tàn gbòlà.

Verse 14

ﮄﮅﮆﮇﮈ ﮉ

Àti pé A sọ omi t’ó ń bọ́ tẹ̀léra wọn kalẹ̀ láti inú àwọn ẹ̀ṣújò

Verse 15

ﮊﮋﮌﮍ ﮎ

nítorí kí Á lè fi mú kóró èso àti irúgbìn jáde

Verse 16

ﮏﮐ ﮑ

pẹ̀lú àwọn ọgbà t’ó kún digbí fún n̄ǹkan oko.

Verse 17

ﮒﮓﮔﮕﮖ ﮗ

Dájúdájú ọjọ́ ìpínyà, ó ní gbèdéke àkókò kan.

Verse 18

ﮘﮙﮚﮛﮜﮝ ﮞ

(Ìyẹn ni) ọjọ́ tí wọ́n á fọn fèrè oníwo fún àjíǹde. Ẹ̀yin yó sì máa wá níjọ-níjọ.

Verse 19

ﮟﮠﮡﮢ ﮣ

Wọ́n sì máa ṣí sánmọ̀ sílẹ̀. Ó sì máa di àwọn ìlẹ̀kùn.

Verse 20

ﮤﮥﮦﮧ ﮨ

Wọ́n máa mú àwọn àpáta rìn (bọ́ sí àyè mìíràn). Ó sì máa di ahúnpeéná.

Verse 21

ﮩﮪﮫﮬ ﮭ

Dájúdájú iná Jahanamọ, ó lúgọ sílẹ̀ lójú ọ̀nà.

Verse 22

ﮮﮯ ﮰ

(Ó jẹ́) ibùgbé fún àwọn alákọyọ.

Verse 23

ﮱﯓﯔ ﯕ

Wọn yóò máa gbé inú rẹ̀ fún ìgbà gbọọrọ.

Verse 24

ﯖﯗﯘﯙﯚﯛ ﯜ

Wọn kò níí rí ìtura tàbí ohun mímu kan tọ́wò nínú rẹ̀,

Verse 25

ﯝﯞﯟ ﯠ

àyàfi omi gbígbóná àti àwọyúnwẹ̀jẹ̀.

Verse 26

ﯡﯢ ﯣ

(Ó jẹ́) ẹ̀san t’ó ṣe wẹ́kú (iṣẹ́ wọn).

Verse 27

ﯤﯥﯦﯧﯨ ﯩ

Dájúdájú wọn kì í retí ìṣírò-iṣẹ́.

Verse 28

ﯪﯫﯬ ﯭ

Wọ́n sì pe àwọn āyah Wa nírọ́ gan-an.

Verse 29

ﯮﯯﯰﯱ ﯲ

Gbogbo n̄ǹkan sì ni A ti ṣe àkọsílẹ̀ rẹ̀ sínú Tírà kan.

Verse 30

ﯳﯴﯵﯶﯷ ﯸ

Nítorí náà, ẹ tọ́ (ìyà) wò. A ò sì níí ṣe àlékún kan fun yín bí kò ṣe ìyà.

Verse 31

ﭑﭒﭓ ﭔ

Dájúdájú ìgbàlà wà fún àwọn olùbẹ̀rù (Allāhu).

Verse 32

ﭕﭖ ﭗ

Àwọn ọgbà àti èso àjàrà,

Verse 33

ﭘﭙ ﭚ

àti àwọn ọlọ́mọge, tí wọn kò júra wọn lọ lọ́jọ́-orí,

Verse 34

ﭛﭜ ﭝ

àti ife ọtí t’ó kún dẹnu (ni ẹ̀san wọn).

Verse 35

ﭞﭟﭠﭡﭢﭣ ﭤ

Wọn kò níí gbọ́ ìsọkúsọ àti ọ̀rọ̀ irọ́ nínú rẹ̀.

Verse 36

ﭥﭦﭧﭨﭩ ﭪ

(Ó jẹ́) ẹ̀san láti ọ̀dọ̀ Olúwa rẹ, (ó sì jẹ́) ọrẹ ní ìbámu sí ìṣírò-iṣẹ́ (wọn).

Verse 37

ﭫﭬﭭﭮﭯﭰﭱﭲﭳﭴﭵ ﭶ

(Ẹsan náà wá láti ọ̀dọ̀) Olúwa àwọn sánmọ̀, ilẹ̀ àti ohun t’ó wà láààrin méjèèjì, Àjọkẹ́-ayé. Wọn kò sì ní ìkápá ọ̀rọ̀ lọ́dọ̀ Rẹ̀.

Verse 38

ﭷﭸﭹﭺﭻﭼﭽﭾﭿﮀﮁﮂﮃﮄﮅ ﮆ

Ọjọ́ tí mọlāika Jibrīl àti àwọn mọlāika (mìíràn) yóò dúró ní ọ̀wọ̀ọ̀wọ́. Wọn kò sì níí sọ̀rọ̀ àfi ẹni tí Àjọké-ayé bá yọ̀ǹda fún. Onítọ̀ún sì máa sọ̀rọ̀ t’ó ṣe wẹ́kú.

Verse 39

ﮇﮈﮉﮊﮋﮌﮍﮎﮏﮐ ﮑ

Ìyẹn ni ọjọ́ òdodo. Nítorí náà, ẹni tí ó bá fẹ́ kí ó mú ọ̀nà tó máa gbà ṣẹ́rí padà sí ọ̀dọ̀ Olúwa rẹ̀ pọ̀n (ní ti ìronúpìwàdà).

Verse 40

ﮒﮓﮔﮕﮖﮗﮘﮙﮚﮛﮜﮝﮞﮟﮠ ﮡ

Dájúdájú A fi ìyà t’ó súnmọ́ ṣe ìkìlọ̀ fun yín. Ọjọ́ tí ènìyàn yóò máa wo ohun tí ó tì síwájú, aláìgbàgbọ́ yó sì wí pé: "Yéè, èmi ìbá sì jẹ́ erùpẹ̀, (èmi ìbá là nínú ìyà)."

Ìtumọ̀ سورة النبأ

سورة النبأ

Ìtumọ̀ Sura النبأ ní اليورباوية láti الترجمة اليورباوية

الترجمة اليورباوية

الترجمة اليورباوية