Surah سورة النازعات

Verse 1

ﮢﮣ ﮤ

Allāhu búra pẹ̀lú àwọn mọlāika t’ó ń fi ọ̀nà èle gba ẹ̀mí àwọn aláìgbàgbọ́.

Verse 2

ﮥﮦ ﮧ

Ó tún búra pẹ̀lú àwọn mọlāika t’ó ń fi ọ̀nà ẹ̀rọ̀ gba ẹ̀mí àwọn onígbàgbọ́ òdodo.

Verse 3

ﮨﮩ ﮪ

Ó tún búra pẹ̀lú àwọn mọlāika t’ó ń yára gágá níbi àṣẹ Rẹ̀.

Verse 4

ﮫﮬ ﮭ

Ó tún búra pẹ̀lú àwọn mọlāika t’ó máa ṣíwájú ẹ̀mí àwọn onígbàgbọ́ òdodo wọnú Ọgbà Ìdẹ̀ra tààrà.

Verse 5

ﮮﮯ ﮰ

Ó tún búra pẹ̀lú àwọn mọlāika t’ó ń ṣètò ilé ayé.

Verse 6

ﮱﯓﯔ ﯕ

Ní ọjọ́ tí ìfọn àkọ́kọ́ fún òpin ayé máa mi gbogbo ayé tìtì pẹ̀lú ohùn igbe.

Verse 7

ﯖﯗ ﯘ

Ìfọn kejì fún Àjíǹde sì máa tèlé e.

Verse 8

ﯙﯚﯛ ﯜ

Àwọn ọkàn yóò máa gbọ̀n pẹ̀pẹ̀ ní ọjọ́ yẹn.

Verse 9

ﯝﯞ ﯟ

Ojú wọn yó sì wálẹ̀ ní ti ìyẹpẹrẹ.

Verse 10

ﯠﯡﯢﯣﯤ ﯥ

Wọn yóò wí pé: "Ṣé Wọ́n tún máa dá wa padà sí ìbẹ̀rẹ̀ ìṣẹ̀mí (bíi tayé ni)?

Verse 11

ﯦﯧﯨﯩ ﯪ

Ṣé nígbà tí a ti di eegun t’ó kẹfun tán?"

Verse 12

ﯫﯬﯭﯮﯯ ﯰ

Wọ́n wí pé: "Ìdápadà òfò nìyẹn nígbà náà (fún ẹni t’ó pè é nírọ́.)"

Verse 13

ﯱﯲﯳﯴ ﯵ

Nítorí náà, igbe ẹyọ kan sì ni.

Verse 14

ﯶﯷﯸ ﯹ

Nígbà náà ni wọn yóò bára wọn lórí ilẹ̀ gban̄sasa.

Verse 15

ﯺﯻﯼﯽ ﯾ

Ǹjẹ́ ọ̀rọ̀ (Ànábì) Mūsā ti dé ọ̀dọ̀ rẹ?

Verse 16

ﯿﰀﰁﰂﰃﰄ ﰅ

(Rántí) nígbà tí Olúwa rẹ̀ pè é ní àfonífojì mímọ́, Tuwā.

Verse 17

ﭑﭒﭓﭔﭕ ﭖ

Lọ bá Fir‘aon, dájúdájú ó ti tayọ ẹnu-àlà.

Verse 18

ﭗﭘﭙﭚﭛﭜ ﭝ

Kí o sì sọ pé: "Ǹjẹ o máa ṣàfọ̀mọ́ ara rẹ (kúrò nínú àìgbàgbọ́) bí?

Verse 19

ﭞﭟﭠﭡ ﭢ

Kí èmi sì fi ọ̀nà mọ̀ ọ́ dé ọ̀dọ̀ Olúwa rẹ. Nítorí náà, kí o páyà (Rẹ̀)."

Verse 20

ﭣﭤﭥ ﭦ

Ó sì fi àmì t’ó tóbi hàn án.

Verse 21

ﭧﭨ ﭩ

(Àmọ́) ó pè é lópùrọ́. Ó sì yapa rẹ̀.

Verse 22

ﭪﭫﭬ ﭭ

Lẹ́yìn náà, ó kẹ̀yìn sí i. Ó sì ń ṣiṣẹ́ (takò ó).

Verse 23

ﭮﭯ ﭰ

Ó kó (àwọn ènìyàn) jọ, ó sì ké gbàjarì.

Verse 24

ﭱﭲﭳﭴ ﭵ

Ó sì wí pé: "Èmi ni olúwa yín, ẹni gíga jùlọ."

Verse 25

ﭶﭷﭸﭹﭺ ﭻ

Nítorí náà, Allāhu gbá a mú pẹ̀lú ìyà ìkẹ́yìn àti àkọ́kọ́ (nípa ọ̀rọ̀ ẹnu rẹ̀ ìkẹ́yìn yìí àti àkọ́kọ́).
____________________
Ọ̀rọ̀ àkọ́kọ́ náà nìyí, Fir‘aon wí pé: "Ẹ̀yin ìjòyè, èmi kò mọ̀ pé ọlọ́hun kan tún wà lẹ́yìn mi!" Sūrah al-Ƙọsọs; 28:38

Verse 26

ﭼﭽﭾﭿﮀﮁ ﮂ

Dájúdájú àríwòye wà nínú ìyẹn fún ẹni t’ó ń páyà (Allāhu).

Verse 27

ﮃﮄﮅﮆﮇﮈﮉ ﮊ

Ṣé ẹ̀yin lẹ lágbára jùlọ ní ìṣẹ̀dá ni tàbí sánmọ̀ tí Allāhu mọ?

Verse 28

ﮋﮌﮍ ﮎ

Allāhu gbé àjà rẹ̀ ga sókè. Ó sì ṣe é ní pípé t’ó gún régé.

Verse 29

ﮏﮐﮑﮒ ﮓ

Ó ṣe òru rẹ̀ ní dúdú. Ó sì fa ìyálẹ̀ta rẹ̀ yọ jáde.

Verse 30

ﮔﮕﮖﮗ ﮘ

Àti ilẹ̀, Ó tẹ́ ẹ pẹrẹsẹ lẹ́yìn ìyẹn.
____________________
Ẹ wo ìtọsẹ̀-ọ̀rọ̀ fún sūrah al-Baƙọrah; 2:29.

Verse 31

ﮙﮚﮛﮜ ﮝ

Ó mú omi rẹ̀ àti irúgbìn rẹ̀ jáde láti inú rẹ̀.

Verse 32

ﮞﮟ ﮠ

Àti àwọn àpáta, Ó fi ìdí wọn múlẹ̀ ṣinṣin.

Verse 33

ﮡﮢﮣ ﮤ

Ìgbádùn ni fun yín àti fún àwọn ẹran-ọ̀sìn yín.

Verse 34

ﮥﮦﮧﮨ ﮩ

Ṣùgbọ́n nígbà tí ìparun ńlá bá dé,

Verse 35

ﮪﮫﮬﮭﮮ ﮯ

ní ọjọ́ tí ènìyàn yóò rántí ohun t’ó ṣe níṣẹ́.

Verse 36

ﮰﮱﯓﯔ ﯕ

Wọ́n sì máa fi Iná hàn kedere fún (gbogbo) ẹni t’ó ríran.

Verse 37

ﯖﯗﯘ ﯙ

Nítorí náà, ní ti ẹni t’ó bá tayọ ẹnu-àlà,

Verse 38

ﯚﯛﯜ ﯝ

tí ó tún gbé àjùlọ fún ìṣẹ̀mí ayé,

Verse 39

ﯞﯟﯠﯡ ﯢ

dájúdájú iná Jẹhīm, òhun ni ibùgbé (rẹ̀).

Verse 40

ﯣﯤﯥﯦﯧﯨﯩﯪﯫ ﯬ

Ní ti ẹni tí ó bá páyà ìdúró níwájú Olúwa rẹ̀, tí ó tún kọ ìfẹ́-inú fún ẹ̀mí (ara rẹ̀),

Verse 41

ﯭﯮﯯﯰ ﯱ

dájúdájú Ọgbà Ìdẹ̀ra, òhun ni ibùgbé (rẹ̀).

Verse 42

ﯲﯳﯴﯵﯶ ﯷ

Wọ́n ń bi ọ́ léèrè nípa Àkókò náà pé: "Ìgbà wo l’ó máa ṣẹlẹ̀?"

Verse 43

ﯸﯹﯺﯻ ﯼ

Ọ̀nà wo ni ìwọ lè fi ní (ìmọ̀) ìrántí rẹ̀ ná?

Verse 44

ﯽﯾﯿ ﰀ

Ọ̀dọ̀ Olúwa rẹ ni òpin ìmọ̀ nípa rẹ̀ wà.

Verse 45

ﰁﰂﰃﰄﰅ ﰆ

Ìwọ kúkú ni olùkìlọ̀ fún ẹni t’ó ń páyà rẹ̀.

Verse 46

ﰇﰈﰉﰊﰋﰌﰍﰎﰏ ﰐ

Ní ọjọ́ tí wọ́n máa rí i, wọn máa dà bí ẹni pé wọn kò lò tayọ ìrọ̀lẹ́ tàbí ìyálẹ̀ta (ọjọ́) kan lọ (nílé ayé).

Ìtumọ̀ سورة النازعات

سورة النازعات

Ìtumọ̀ Sura النازعات ní اليورباوية láti الترجمة اليورباوية

الترجمة اليورباوية

الترجمة اليورباوية