Surah سورة عبس

Verse 1

ﭑﭒ ﭓ

(Ànábì s.a.w.) fajú ro, ó sì pẹ̀yìn dà

Verse 2

ﭔﭕﭖ ﭗ

nítorí pé afọ́jú wá bá a.

Verse 3

ﭘﭙﭚﭛ ﭜ

Kí sì l’ó máa fi mọ̀ ọ́ pé ó ṣeé ṣe kí ó ṣàfọ̀mọ́ (ara rẹ̀ kúrò nínú àìgbàgbọ́)

Verse 4

ﭝﭞﭟﭠ ﭡ

tàbí kí ó gbọ́ ìrántí, kí ìrántí náà sì ṣe é ní àǹfààní?

Verse 5

ﭢﭣﭤ ﭥ

Ní ti ẹni tí ó ka ara rẹ̀ kún ọlọ́rọ̀,

Verse 6

ﭦﭧﭨ ﭩ

òun ni ìwọ tẹ́tí sí.

Verse 7

ﭪﭫﭬﭭ ﭮ

Kò sì sí ẹ̀ṣẹ̀ fún ọ bí kò bá ṣe àfọ̀mọ́ (ara rẹ̀ kúrò nínú àìgbàgbọ́).

Verse 8

ﭯﭰﭱﭲ ﭳ

Ní ti ẹni tí ó sì wá bá ọ, t’ó ń yára gágá (sí ìrántí, ìyẹn afọ́jú),

Verse 9

ﭴﭵ ﭶ

tí ó sì ń páyà (Allāhu),

Verse 10

ﭷﭸﭹ ﭺ

ìwọ kò sì kọbi ara sí i.

Verse 11

ﭻﭼﭽ ﭾ

Rárá (kò tọ́ bẹ́ẹ̀). Dájúdájú al-Ƙur’ān ni ìrántí.

Verse 12

ﭿﮀﮁ ﮂ

Nítorí náà, ẹni tí ó bá fẹ́ kí ó rántí rẹ̀.

Verse 13

ﮃﮄﮅ ﮆ

(Al-Ƙur’ān) wà nínú àwọn tàkádà alápọ̀n-ọ́nlé,

Verse 14

ﮇﮈ ﮉ

A gbé e ga, A sì ṣe é ní mímọ́

Verse 15

ﮊﮋ ﮌ

ní ọwọ́ àwọn òǹkọtíà (ìyẹn, àwọn mọlāika),

Verse 16

ﮍﮎ ﮏ

àwọn alápọ̀n-ọ́nlé, àwọn ẹni rere.

Verse 17

ﮐﮑﮒﮓ ﮔ

Wọ́n ti fi ènìyàn gégùn-ún (nípa) bí ó ṣe jẹ́ aláìmoore jùlọ!

Verse 18

ﮕﮖﮗﮘ ﮙ

Kí sì ni Allāhu fi ṣẹ̀dá rẹ̀?

Verse 19

ﮚﮛﮜﮝ ﮞ

Nínú àtọ̀ l’Ó ti ṣẹ̀dá rẹ̀. Ó sì pèbùbù (ẹ̀yà-ara) rẹ̀.

Verse 20

ﮟﮠﮡ ﮢ

Lẹ́yìn náà, Ó ṣe ọ̀nà àtiwáyé ní ìrọ̀rùn fún un.

Verse 21

ﮣﮤﮥ ﮦ

Lẹ́yìn náà, Ó máa pa á. Ó sì máa fi sínú sàréè.

Verse 22

ﮧﮨﮩﮪ ﮫ

Lẹ́yìn náà, nígbà tí Allāhu bá fẹ́, Ó máa gbé e dìde.

Verse 23

ﮬﮭﮮﮯﮰ ﮱ

Ẹ gbọ́, ènìyàn kò tí ì ṣe n̄ǹkan tí Allāhu pa láṣẹ fún un.

Verse 24

ﯓﯔﯕﯖ ﯗ

Nítorí náà, kí ènìyàn wòye sí oúnjẹ rẹ̀.

Verse 25

ﯘﯙﯚﯛ ﯜ

Dájúdájú Àwa ń rọ òjò ní púpọ̀.

Verse 26

ﯝﯞﯟﯠ ﯡ

Lẹ́yìn náà, A mú ilẹ̀ sán kànkàn.

Verse 27

ﯢﯣﯤ ﯥ

A sì mú kóró èso hù jáde láti inú rẹ̀;

Verse 28

ﯦﯧ ﯨ

àti èso àjàrà àti kànnáfùrù,

Verse 29

ﯩﯪ ﯫ

àti igi òróró Zaetūn àti dàbínù,

Verse 30

ﯬﯭ ﯮ

àti àwọn ọgbà t’ó kún fún igi,

Verse 31

ﯯﯰ ﯱ

àti àwọn èso (mìíràn) pẹ̀lú ewé tí ẹranko ń jẹ, (A mú wọn hù jáde).

Verse 32

ﯲﯳﯴ ﯵ

(Wọ́n jẹ́ n̄ǹkan) ìgbádùn fún ẹ̀yin àti àwọn ẹran-ọ̀sìn yín.

Verse 33

ﯶﯷﯸ ﯹ

Nígbà tí fífọn sínú ìwo nígbà kejì bá ṣẹlẹ̀,

Verse 34

ﯺﯻﯼﯽﯾ ﯿ

ní ọjọ́ tí ènìyàn yóò sá fún arákùnrin rẹ̀,

Verse 35

ﰀﰁ ﰂ

àti ìyá rẹ̀ pẹ̀lú bàbá rẹ̀,

Verse 36

ﰃﰄ ﰅ

àti ìyàwó rẹ̀ pẹ̀lú àwọn ọmọ rẹ̀.

Verse 37

ﰆﰇﰈﰉﰊﰋ ﰌ

Ẹnì kọ̀ọ̀kan wọn ní ọjọ́ yẹn l’ó ti ní ọ̀ràn t’ó máa tó o ó rán.

Verse 38

ﰍﰎﰏ ﰐ

Àwọn ojú kan lọ́jọ́ yẹn yóò mọ́lẹ̀.

Verse 39

ﰑﰒ ﰓ

Wọn yó máa rẹ́rìn-ín, wọn yó sì máa dunnú.

Verse 40

ﰔﰕﰖﰗ ﰘ

Àwọn ojú kan lọ́jọ́ yẹn ni eruku yó sì bò mọ́lẹ̀.

Verse 41

ﭑﭒ ﭓ

Òkùnkùn yó sì bò wọ́n mọ́lẹ̀.

Verse 42

ﭔﭕﭖﭗ ﭘ

Àwọn wọ̀nyẹn, àwọn ni aláìgbàgbọ́, ẹlẹ́ṣẹ̀.

Ìtumọ̀ سورة عبس

سورة عبس

Ìtumọ̀ Sura عبس ní اليورباوية láti الترجمة اليورباوية

الترجمة اليورباوية

الترجمة اليورباوية