Surah سورة المطففين

Verse 1

ﯖﯗ ﯘ

Ègbé ni fún àwọn olùdín-òṣùwọ̀n-kù,

Verse 2

ﯙﯚﯛﯜﯝﯞ ﯟ

àwọn (òǹtajà) t’ó jẹ́ pé nígbà tí wọ́n bá wọn n̄ǹkan lọ́dọ̀ àwọn ènìyàn, wọ́n á gbà á ní ẹ̀kún,
____________________
“Àwọn ènìyàn” ní àyè yìí dúró fún bíi “ àwọn olóko”.

Verse 3

ﯠﯡﯢﯣﯤ ﯥ

nígbà tí àwọn (òǹtajà náà) bá sì lo ìwọ̀n fún àwọn (òǹrajà) tàbí lo òṣùwọ̀n fún wọn, wọn yóò dín in kù.

Verse 4

ﯦﯧﯨﯩﯪ ﯫ

Ṣé àwọn wọ̀nyẹn kò mọ̀ dájú pé dájúdájú A máa gbé wọn dìde

Verse 5

ﭑﭒ ﭓ

ní Ọjọ́ ńlá kan?

Verse 6

ﭔﭕﭖﭗﭘ ﭙ

Ní ọjọ́ tí àwọn ènìyàn yóò dìde nàró fún Olúwa gbogbo ẹ̀dá.

Verse 7

ﭚﭛﭜﭝﭞﭟ ﭠ

Bẹ́ẹ̀ ni, dájúdájú ìwé iṣẹ́ àwọn ẹni ibi kúkú wà nínú Sijjīn.

Verse 8

ﭡﭢﭣﭤ ﭥ

Kí sì l’ó mú ọ mọ ohun t’ó ń jẹ́ Sijjīn!

Verse 9

ﭦﭧ ﭨ

Ìwé tí wọ́n ti kọ iṣẹ́ aburú ẹ̀dá sínú rẹ̀ (tí wọ́n sì fi pamọ́ sínú ilẹ̀ keje ni Sijjīn).

Verse 10

ﭩﭪﭫ ﭬ

Ní ọjọ́ yẹn, ègbé ni fún àwọn olùpe-òdodo- nírọ́,

Verse 11

ﭭﭮﭯﭰ ﭱ

àwọn t’ó ń pe Ọjọ́ ẹ̀san nírọ́.

Verse 12

ﭲﭳﭴﭵﭶﭷﭸ ﭹ

Kò sì sí ẹni t’ó ń pè é nírọ́ àfi gbogbo alákọyọ, ẹlẹ́ṣẹ̀.

Verse 13

ﭺﭻﭼﭽﭾﭿﮀ ﮁ

Nígbà tí wọ́n bá ń ké àwọn āyah Wa fún un, ó máa wí pé: "Àwọn àkọsílẹ̀ àlọ́ àwọn ẹni àkọ́kọ́ (nìwọ̀nyí)."

Verse 14

ﮂﮃﮄﮅﮆﮇﮈﮉﮊﮋ ﮌ

Rárá kò rí bẹ́ẹ̀, àmọ́ ohun tí wọ́n ń ṣe níṣẹ́ ibi l’ó jọba lórí ọkàn wọn.

Verse 15

ﮍﮎﮏﮐﮑﮒ ﮓ

Ní ti òdodo, dájúdájú wọn yóò wà nínú gàgá, wọn kò sì níí rí Olúwa wọn ní ọjọ́ yẹn.

Verse 16

ﮔﮕﮖﮗ ﮘ

Lẹ́yìn náà, dájúdájú wọn yóò wọ inú iná Jẹhīm.

Verse 17

ﮙﮚﮛﮜﮝﮞﮟ ﮠ

Lẹ́yìn náà, wọ́n máa sọ (fún wọn) pe: "Èyí ni ohun tí ẹ̀ ń pè nírọ́."

Verse 18

ﮡﮢﮣﮤﮥﮦ ﮧ

Bẹ́ẹ̀ ni. Dájúdájú ìwé iṣẹ́ àwọn ẹni rere wà nínú ‘illiyyūn.

Verse 19

ﮨﮩﮪﮫ ﮬ

Kí sì l’ó mú ọ mọ ohun t’ó ń jẹ́ ‘illiyyūn!

Verse 20

ﮭﮮ ﮯ

Ìwé tí wọ́n ti kọ iṣẹ́ rere ẹ̀dá sínú rẹ̀ (tí wọ́n sì fi pamọ́ sí òkè sánmọ̀ ni ‘illiyyūn).

Verse 21

ﮰﮱ ﯓ

Àwọn (mọlāika) tí wọ́n súnmọ́ Allāhu ń jẹ́rìí sí i.

Verse 22

ﯔﯕﯖﯗ ﯘ

Dájúdájú àwọn ẹni rere máa wà nínú ìgbádùn.

Verse 23

ﯙﯚﯛ ﯜ

Wọn yóò máa wòran lórí àwọn ibùsùn.

Verse 24

ﯝﯞﯟﯠﯡ ﯢ

Ìwọ yóò dá ìtutù ojú ìgbádùn mọ̀ nínú ojú wọn.

Verse 25

ﯣﯤﯥﯦ ﯧ

Wọn yóò máa fún wọn mu nínú ọtí onídèérí.

Verse 26

ﯨﯩﯪﯫﯬﯭﯮ ﯯ

Àlùmísìkí ni (òórùn) ìparí rẹ̀. Kí àwọn alápàáǹtètè ṣàpáǹtètè nínú ìyẹn.

Verse 27

ﯰﯱﯲ ﯳ

Tẹsnīm ni wọ́n yóò máa pòpọ̀ (mọ́ ọtí náà).

Verse 28

ﯴﯵﯶﯷ ﯸ

(Tẹsnīm ni) omi ìṣẹ́lẹ̀rú kan, tí àwọn olùsúnmọ́ (Allāhu) yóò máa mu.

Verse 29

ﯹﯺﯻﯼﯽﯾﯿﰀ ﰁ

Dájúdájú àwọn t’ó dẹ́ṣẹ̀, wọ́n máa ń fi àwọn t’ó gbàgbọ́ ní òdodo rẹ́rìn-ín.

Verse 30

ﰂﰃﰄﰅ ﰆ

Nígbà tí wọ́n bá gba ẹ̀gbẹ́ wọn kọjá, (àwọn adẹ́ṣẹ̀) yóò máa ṣẹ́jú síra wọn ní ti yẹ̀yẹ́.

Verse 31

ﰇﰈﰉﰊﰋﰌ ﰍ

Nígbà tí wọ́n bá sì padà sí ọ̀dọ̀ àwọn ènìyàn wọn, wọ́n á padà tí wọn yóò máa ṣe fáàrí.

Verse 32

ﰎﰏﰐﰑﰒﰓ ﰔ

Àti pé nígbà tí wọ́n bá rí (àwọn onígbàgbọ́ òdodo) wọ́n á wí pé: "Dájúdájú àwọn wọ̀nyí ni olùṣìnà."

Verse 33

ﰕﰖﰗﰘ ﰙ

Àwa kò sì rán wọn níṣẹ́ olùṣọ́ sí wọn.

Verse 34

ﭑﭒﭓﭔﭕﭖ ﭗ

Nítorí náà, ní òní àwọn t’ó gbàgbọ́ ní òdodo yóò fi àwọn aláìgbàgbọ́ rẹ́rìn-ín.

Verse 35

ﭘﭙﭚ ﭛ

Wọn yóò máa wòran lórí àwọn ibùsùn.

Verse 36

ﭜﭝﭞﭟﭠﭡ ﭢ

Ṣebí wọ́n ti fi ohun tí àwọn aláìgbàgbọ́ ń ṣe níṣẹ́ san wọ́n lẹ́san (báyìí)?

Ìtumọ̀ سورة المطففين

سورة المطففين

Ìtumọ̀ Sura المطفّفين ní اليورباوية láti الترجمة اليورباوية

الترجمة اليورباوية

الترجمة اليورباوية