Surah سورة الإنشقاق

Verse 1

ﭣﭤﭥ ﭦ

Nígbà tí sánmọ̀ bá fàya pẹ́rẹpẹ̀rẹ

Verse 2

ﭧﭨﭩ ﭪ

- ó gbọ́, ó sì tẹ̀lé àṣẹ Olúwa rẹ̀ ni. Ó sì di dandan fún un láti ṣe bẹ́ẹ̀ –

Verse 3

ﭫﭬﭭ ﭮ

àti nígbà tí A bá fẹ ilẹ̀ lójú,

Verse 4

ﭯﭰﭱﭲ ﭳ

ó máa ju ohun tí ó wà nínú rẹ̀ síta, ó sì máa pa sófo

Verse 5

ﭴﭵﭶ ﭷ

– ó gbọ́, ó sì tẹ̀lé àṣẹ Olúwa rẹ̀ ni. Ó sì di dandan fún un láti ṣe bẹ́ẹ̀ – (ní ọjọ́ yẹn ni ẹ̀dá máa rí iṣẹ́ ọwọ́ rẹ̀)

Verse 6

ﭸﭹﭺﭻﭼﭽﭾﭿ ﮀ

Ìwọ ènìyàn dájúdájú ìwọ ń ṣe iṣẹ́ kárakára ní iṣẹ́ àṣepàdé Olúwa rẹ. O sì máa mú un pàdé Rẹ̀.

Verse 7

ﮁﮂﮃﮄﮅ ﮆ

Nítorí náà, ní ti ẹni tí wọ́n bá fún ní ìwé iṣẹ́ rẹ̀ ní ọwọ́ ọ̀tún rẹ̀,

Verse 8

ﮇﮈﮉﮊ ﮋ

láìpẹ́ A máa ṣe ìṣírò-iṣẹ́ (rẹ̀) ní ìṣírò ìrọ̀rùn.

Verse 9

ﮌﮍﮎﮏ ﮐ

Ó sì máa padà sí ọ̀dọ̀ àwọn ènìyàn rẹ̀ (nínú Ọgbà Ìdẹ̀ra) lẹ́ni ìdùnnú.

Verse 10

ﮑﮒﮓﮔﮕﮖ ﮗ

Ní ti ẹni tí wọ́n bá sì fún ní ìwé iṣẹ́ rẹ̀ láti ẹ̀yìn rẹ̀,
____________________
Ẹ wo ìtọsẹ̀-ọ̀rọ̀ fún sūrah al-Hāƙƙọh; 69:25.

Verse 11

ﮘﮙﮚ ﮛ

láìpẹ́ ó máa kígbe ìparun.

Verse 12

ﮜﮝ ﮞ

Ó sì máa wọ inú Iná t’ó ń jò fòfò.

Verse 13

ﮟﮠﮡﮢﮣ ﮤ

Dájúdájú ó ti wà láààrin àwọn ènìyàn rẹ̀ lẹ́ni ìdùnnú (sí àìgbàgbọ́ nílé ayé).

Verse 14

ﮥﮦﮧﮨﮩ ﮪ

Dájúdájú ó lérò pé òun kò níí padà (sí ọ̀dọ̀ Allāhu ni).

Verse 15

ﮫﮬﮭﮮﮯﮰﮱ ﯓ

Rárá (ó máa padà). Dájúdájú Olúwa rẹ̀ jẹ́ Olùríran nípa rẹ̀.

Verse 16

ﯔﯕﯖ ﯗ

Nítorí náà, Èmi (Allāhu) ń búra pẹ̀lú àwòǹpapa.

Verse 17

ﯘﯙﯚ ﯛ

Mo tún búra pẹ̀lú òru àti ohun tí ó kó jọ sínú rẹ̀.

Verse 18

ﯜﯝﯞ ﯟ

Mo tún búra pẹ̀lú òṣùpá nígbà tí ó bá dégbá (pẹ̀lú ìmọ́lẹ̀ rẹ̀).

Verse 19

ﯠﯡﯢﯣ ﯤ

Dájúdájú ẹ̀yin yóò máa bọ́ sínú wàhálà kan láti inú wàhálà kan.

Verse 20

ﯥﯦﯧﯨ ﯩ

Kí l’ó ṣe wọ́n ná tí wọn kò fi gbàgbọ́ ní òdodo?

Verse 21

ﯪﯫﯬﯭﯮﯯﯰ ﯱ

Nígbà tí wọ́n bá sì ké al-Ƙur’ān fún wọn, wọn kò níí forí kanlẹ̀.

Verse 22

ﯲﯳﯴﯵ ﯶ

Rárá, ńṣe ni àwọn t’ó ṣàì gbàgbọ́ ń pè é nírọ́.

Verse 23

ﯷﯸﯹﯺ ﯻ

Allāhu sì nímọ̀ jùlọ nípa ohun tí wọ́n ń fi pamọ́ (sínú ọkàn wọn).

Verse 24

ﯼﯽﯾ ﯿ

Nítorí náà, fún wọn ní ìró ìyà ẹlẹ́ta-eléro.

Verse 25

ﭑﭒﭓﭔﭕﭖﭗﭘﭙ ﭚ

Àyàfi àwọn t’ó gbàgbọ́ ní òdodo, tí wọ́n sì ṣe àwọn iṣẹ́ rere, ẹ̀san tí kò níí pin ń bẹ fún wọn.

Ìtumọ̀ سورة الإنشقاق

سورة الإنشقاق

Ìtumọ̀ Sura الإنشقاق ní اليورباوية láti الترجمة اليورباوية

الترجمة اليورباوية

الترجمة اليورباوية