Surah سورة الأعلى

Verse 1

ﮟﮠﮡﮢ ﮣ

Ṣàfọ̀mọ́ fún orúkọ Olúwa rẹ, Ẹni gíga jùlọ.

Verse 2

ﮤﮥﮦ ﮧ

Ẹni tí Ó dá ẹ̀dá. Ó sì ṣe (oríkèé-ríkèé rẹ̀) ní dọ́gbadọ́gba.

Verse 3

ﮨﮩﮪ ﮫ

Ẹni tí Ó yan kádàrá (fún ẹ̀dá). Ó sì tọ́ ọ sọ́nà.
____________________
Nínú āyah yìí, mẹ́ta gbòòrò ni ìtọ́sọ́nà náà èyí tí Allāhu (subhānahu wa ta'ālā) ń ṣe fún àwa ènìyàn àti àlùjànnú. Ìkíní: ìtọ́sọ́nà ẹ̀sìn ’Islām. Nítorí ìtọ́sọ́nà yìí gan-an ni Allāhu (subhānahu wa ta'ālā) ṣe sọ àwọn Tírà Rẹ̀ kalẹ̀, tí Ó sì gbé àwọn Òjíṣẹ́ Rẹ̀ dìde sí wa. Ìkejì: ìtọ́sọ́nà ẹ̀rí-ọkàn. Nípa èyí ni a fi mọ ohun rere àti ohun burúkú ní ọ̀tọ̀ọ̀tọ̀. Ìfirinlẹ̀ rẹ̀ sì ń jẹyọ nínú àwọn tírà sánmọ̀ àti nínú ọ̀rọ̀ àwọn Òjíṣẹ́ Allāhu (a.s.w.).
Ìkẹta: ìtọ́sọ́nà òye àtinúwá. Nípa èyí ni a ṣe ń ṣàmúlò àwọn ohun àmúṣọrọ̀ fún ìgbáyé-gbádùn. Ìtọ́sọ́nà yìí kò sì sọ ẹnikẹ́ni di Òjíṣẹ́ Allāhu. Tí irú ẹni bẹ́ẹ̀ kò bá rí ìtọ́sọ́nà ẹ̀sìn ’Islām nínú ìṣẹ̀mí ayé rẹ̀, kò sí ẹ̀san rere kan fún un lórí rẹ̀ ní ọ̀run. Ó kàn wúlò dànù fún ayé ni.

Verse 4

ﮬﮭﮮ ﮯ

Ẹni tí Ó mú koríko tútù (hù) jáde,

Verse 5

ﮰﮱﯓ ﯔ

Ó sì sọ ọ́ di gbígbẹ t’ó dúdú.

Verse 6

ﯕﯖﯗ ﯘ

Àwa yóò máa ké (al-Ƙur’ān) fún ọ. Ìwọ kò sì níí gbàgbé.

Verse 7

ﯙﯚﯛﯜﯝﯞﯟﯠﯡﯢ ﯣ

Àyàfi ohun tí Allāhu bá fẹ́. Dájúdájú Ó mọ gban̄gba àti ohun t’ó pamọ́.
____________________
Ìyẹn nípasẹ̀ fífí ìdájọ́ kan pa ìdájọ́ t’ó ṣíwájú rẹ̀ rẹ́. Ẹ wo sūrah al-Baƙọrah; 2:106.

Verse 8

ﯤﯥ ﯦ

Àwa yó sì ṣe iṣẹ́ rere ní ìrọ̀rùn fún ọ.

Verse 9

ﯧﯨﯩﯪ ﯫ

Nítorí náà, ṣèrántí ní àyè tí ìrántí ti wúlò.
____________________
Ìyẹn ni pé, wọ́n fẹ́ kí ṣíṣe ìrántí ọ̀rọ̀ Allāhu jìnnà sí àyè ìhunrírà (bí ilé ọtí), ilé eré àti ilé awàdà nítorí pé, àwọn ènìyàn t’ó wà níbẹ̀ kò níí kọbi ara sí olùsọ̀rọ̀. Āyah yìí jọ sūrah an-Nisā’; 4:140 àti sūrah al-’Ani‘ām; 6:68.

Verse 10

ﯬﯭﯮ ﯯ

Ẹni tí ó máa páyà (Allāhu) máa lo ìrántí.

Verse 11

ﭑﭒ ﭓ

Olórí-burúkú sì máa takété sí i.

Verse 12

ﭔﭕﭖﭗ ﭘ

(Òun sì ni) ẹni tí ó máa wọ inú Iná t’ó tóbi.

Verse 13

ﭙﭚﭛﭜﭝﭞ ﭟ

Lẹ́yìn náà, kò níí kú sínú rẹ̀, kò sì níí ṣẹ̀mí (àlàáfíà).

Verse 14

ﭠﭡﭢﭣ ﭤ

Dájúdájú ẹni tí ó bá ṣàfọ̀mọ́ (ọkàn rẹ̀) ti jèrè.

Verse 15

ﭥﭦﭧﭨ ﭩ

Ó tún rántí orúkọ Olúwa rẹ̀, ó sì kírun.

Verse 16

ﭪﭫﭬﭭ ﭮ

Rárá, ńṣe l’ẹ̀ ń gbé àjùlọ fún ìṣẹ̀mí ayé.

Verse 17

ﭯﭰﭱ ﭲ

Ọ̀run sì lóore jùlọ, ó sì máa wà títí láéláé.

Verse 18

ﭳﭴﭵﭶﭷ ﭸ

Dájúdájú èyí wà nínú àwọn tákàdá àkọ́kọ́,

Verse 19

ﭹﭺﭻ ﭼ

tákàdá (Ànábì) ’Ibrọ̄hīm àti (Ànábì) Mūsā.

Ìtumọ̀ سورة الأعلى

سورة الأعلى

Ìtumọ̀ Sura الأعلى ní اليورباوية láti الترجمة اليورباوية

الترجمة اليورباوية

الترجمة اليورباوية