Surah سورة البلد

Verse 1

ﭽﭾﭿﮀ ﮁ

Èmi (Allāhu) búra pẹ̀lú ìlú yìí.
____________________
Ìbúra Allāhu (subhānahu wa ta'ālā) àti ìbúra ẹ̀dá: Nígbà tí ọ̀rọ̀ tàbí ìṣe kan bá jẹ́ kìkìdá òdodo àti àmọ̀dájú, ìbura lórí rẹ̀ jẹ́ ọ̀nà kan pàtàkì tí a lè gba ṣe àfihàn ìdánilójú rẹ̀ fún ẹlòmíìràn nítorí kí ó lè bi iyèméjì àti rújúrújú wó lulẹ̀ nínú ọkàn rẹ̀. Níwọ̀n ìgbà tí ọ̀rọ̀ àti ìṣe Allāhu (subhānahu wa ta'ālā) sì ti dájú pé iṣẹ́ Ọwọ́ Rẹ̀ ni níti òdodo àti àmọ̀dàjù, ẹ̀tọ́ ni fún Allāhu (subhānahu wa ta'ālā) láti fi èyíkéyìí nínú wọn búra. Ṣebí iṣẹ́ ọwọ́ Allāhu ni gbogbo bíbẹ. Àmọ́, ẹ̀dá kan kò gbọdọ̀ fi ẹ̀dá mìíràn búra nítorí pé, ẹ̀dá kan kì í ṣe iṣẹ́ ọwọ́ ẹ̀dá mìíràn. Allāhu nìkan ni òdodo àti àmọ̀dájú fún ẹ̀dá láti fi búra nítorí pé, fífi Allāhu nìkan ṣoṣo búra ni ẹ̀sìn gbà wá láyè mọ láti fi búra. Bíbá Allāhu wá akẹgbẹ́ (ẹbọ ṣíṣe) sì ni fífi n̄ǹkan mìíràn búra lẹ́yìn Allāhu (subhānahu wa ta'ālā).

Verse 2

ﮂﮃﮄﮅ ﮆ

Ìwọ sì ní ẹ̀tọ́ sí ìlú yìí (láti jagun nínú rẹ̀).
____________________
Ẹ̀tọ́ tí Allāhu (subhānahu wa ta'ālā) fún Ànábì Rẹ̀ (sollalāhu 'alayhi wa sallam) ni kíkógun ja ìlú Mọkkah lásìkò ogun Ìṣí Mọkkah “Fat-hu Mọkkah”. Ṣíwájú àsìkò yìí àti lẹ́yìn rẹ̀, kò lẹ́tọ̀ọ́ fún ẹnikẹ́ni mọ́ láti jagun nínú Mọkkah alápọ̀n-ọ́nlé.

Verse 3

ﮇﮈﮉ ﮊ

(Mo tún) búra pẹ̀lú òbí àti ohun t’ó bí.

Verse 4

ﮋﮌﮍﮎﮏ ﮐ

Dájúdájú A ṣẹ̀dá ènìyàn sínú ìṣòro.

Verse 5

ﮑﮒﮓﮔﮕﮖ ﮗ

Ṣé ó ń lérò pé ẹnì kan kò ní agbára lórí òun ni?

Verse 6

ﮘﮙﮚﮛ ﮜ

Ó (sì) ń wí pé: "Èmi ti bàná dúkìá ọ̀pọ̀lọ́pọ̀ (láti fi tako Ànábì s.a.w.)"

Verse 7

ﮝﮞﮟﮠﮡ ﮢ

Ṣé ó ń lérò pé ẹnì kan kò rí òun ni?

Verse 8

ﮣﮤﮥﮦ ﮧ

Ṣé A kò ṣe ojú méjì fún un?

Verse 9

ﮨﮩ ﮪ

Àti ahọ́n pẹ̀lú ètè méjì (tí A ṣe fún un)?

Verse 10

ﮫﮬ ﮭ

A sì fi ọ̀nà méjì mọ̀ ọ́n.

Verse 11

ﮮﮯﮰ ﮱ

Kò sì mú àkàbà ìgbàlà gùn!

Verse 12

ﯓﯔﯕﯖ ﯗ

Kí sì ni ó mú ọ mọ ohun t’ó ń jẹ́ àkàbà ìgbàlà?

Verse 13

ﯘﯙ ﯚ

(Òhun ni) títú ẹrú sílẹ̀ lóko ẹrú.

Verse 14

ﯛﯜﯝﯞﯟﯠ ﯡ

Tàbí fífún ènìyàn ní oúnjẹ ní ọjọ́ ebi.

Verse 15

ﯢﯣﯤ ﯥ

(Ó lè jẹ́) ọmọ-òrukàn nínú ẹbí,

Verse 16

ﯦﯧﯨﯩ ﯪ

tàbí mẹ́kùnnú, ẹni ilẹ̀ẹ́lẹ̀.

Verse 17

ﯫﯬﯭﯮﯯﯰﯱﯲﯳ ﯴ

Lẹ́yìn náà, kí ó wà nínú àwọn t’ó gbàgbọ́ ní òdodo, tí wọ́n ń gbara wọn níyànjú sùúrù ṣíṣe, tí wọ́n sì tún ń gbara wọn níyànjú àánú ṣíṣe.

Verse 18

ﯵﯶﯷ ﯸ

Àwọn wọ̀nyẹn ni èrò ọwọ́ ọ̀tún.

Verse 19

ﭑﭒﭓﭔﭕﭖ ﭗ

Àwọn t’ó sì ṣàì gbàgbọ́ nínú àwọn āyah Wa, àwọn ni èrò ọwọ́ òsì.
____________________
Ẹ wo ìtọsẹ̀-ọ̀rọ̀ fún sūrah al-Wāƙi‘ah; 56:7.

Verse 20

ﭘﭙﭚ ﭛ

A máa ti àwọn ìlẹ̀kùn Iná pa mọ́ wọn lórí pátápátá.

Ìtumọ̀ سورة البلد

سورة البلد

Ìtumọ̀ Sura البلد ní اليورباوية láti الترجمة اليورباوية

الترجمة اليورباوية

الترجمة اليورباوية