ترجمة سورة الهمزة

محمد جوناگڑھی - Urdu translation
ترجمة معاني سورة الهمزة باللغة الأردية من كتاب محمد جوناگڑھی - Urdu translation .

ہمزہ


بڑی خرابی ہے ہر ایسے شخص کی جو عیب ٹٹولنے واﻻ غیبت کرنے واﻻ ہو

جو مال کو جمع کرتا جائے اور گنتا جائے

وه سمجھتا ہے کہ اس کا مال اس کے پاس سدا رہے گا

ہرگز نہیں یہ تو ضرور توڑ پھوڑ دینے والی آگ میں پھینک دیا جائے گا

اور تجھے کیا معلوم کہ ایسی آگ کیا ہوگی؟

وه اللہ تعالیٰ کی سلگائی ہوئی آگ ہوگی

جو دلوں پر چڑھتی چلی جائے گی

وہ ان پر ہر طرف سے بند کی ہوئی ہوگی

بڑے بڑے ستونوں میں
Icon