Salin ng Sura Si Maria sa الفلبينية mula sa الترجمة الفلبينية (تجالوج)
Verse 1
ﭑ
ﭒ
Kāf, Hā, Yā, `Ayn, Ṣād.
Verse 2
ﭓﭔﭕﭖﭗ
ﭘ
Ang pagbanggit ng awa ng Panginoon mo sa lingkod Niyang si Zacarias
Verse 3
ﭙﭚﭛﭜﭝ
ﭞ
nang nanawagan siya sa Panginoon niya sa isang panawagang kubli.
Verse 4
Nagsabi siya: "Panginoon ko, tunay na ako ay napanghinaan ng mga buto mula sa akin, nagliyab ang ulo sa uban, at hindi naging malumbay sa pagdalangin sa Iyo, Panginoon ko.
Verse 5
Tunay na ako ay nangamba sa mga kalapit kabilang sa maiiwan ko. Ang maybahay ko naman ay baog. Kaya magkaloob ka sa akin mula sa nasa Iyo ng isang kalapit,
Verse 6
na magmamana sa akin at magmamana mula sa angkan ni Jacob. Gawin Mo siya, Panginoon ko, na isang kinalulugdan.
Verse 7
[Sinabi sa kanya:] "O Zacarias, tunay na Kami ay nagbabalita sa iyo ng nakagagalak hinggil sa isang batang lalaking ang pangalan niya ay Juan (Yahya). Hindi Kami gumawa para sa kanya noong una ng isang kapangalan."
Verse 8
Nagsabi ito: "Panginoon ko, paanong magkakaroon ako ng isang batang lalaki gayong ang maybahay ko ay baog at tumuntong na ako sa katandaan bilang isang hukluban?"
Verse 9
Nagsabi siya: "Gayon nga; nagsabi ang Panginoon mo: Iyon sa Akin ay madali sapagkat lumikha Ako sa iyo noong una gayong hindi nangyaring ikaw ay anuman."
Verse 10
Nagsabi ito: "Panginoon ko, gumawa ka para sa akin ng isang tanda." Nagsabi siya: "Ang tanda mo ay na hindi ka magsasalita sa mga tao nang tatlong gabi, gayong malusog."
Verse 11
Kaya lumabas siya sa mga kababayan niya mula sa dasalan at nagpahiwatig sa kanila na magluwalhati sila sa umaga at hapon.
Verse 12
[Sinabi:] "O Juan, kunin mo ang kasulatan nang may lakas." Nagbigay Kami sa kanya ng paghahatol habang isang paslit pa,
Verse 13
ng pagsinta mula sa nasa Amin, at ng kadalisayan. Siya noon ay isang mapangilag sa pagkakasala,
Verse 14
ﭢﭣﭤﭥﭦﭧ
ﭨ
nagpapakabuti sa mga magulang niya, at hindi naging isang mapaniil na masuwayin.
Verse 15
Kapayapaan ay sumakanya sa araw na ipinanganak siya, sa araw ng namatay siya, at sa araw na ibabangon siya bilang buhay.
Verse 16
Bumanggit ka sa Aklat kay Maria noong nagpakalayo siya mula sa mag-anak niya sa isang pook na silanganin.
Verse 17
Gumawa siya, sa pagbukod sa kanila, ng isang tabing. Nagpadala Kami sa kanya ng espiritu Namin at nag-anyo ito sa kanya bilang isang taong lubos.
Verse 18
Nagsabi siya: "Tunay na ako ay nagpapakupkop sa Napakamaawain laban sa iyo kung ikaw ay isang mapangilag sa pagkakasala."
Verse 19
Nagsabi ito: "Ako ay sugo ng Panginoon mo lamang upang maghandog ako sa iyo ng isang lalaking anak na dalisay."
Verse 20
Nagsabi siya: "Paanong magkakaroon ako ng isang anak na lalaki samantalang hindi ako nasaling ng isang lalaki at hindi naman ako isang mapakiapid?"
Verse 21
Nagsabi ito: "Gayon nga. Nagsabi ang Panginoon mo: Ito sa Akin ay madali, at upang gumawa Kami sa kanya bilang isang tanda para sa mga tao at isang awa mula sa Amin. Ito ay isang bagay na naitadhana."
Verse 22
ﯜﯝﯞﯟﯠﯡ
ﯢ
Kaya ipinagbuntis niya ito at nagpakalayo siya kasama nito sa isang pook na liblib.
Verse 23
Nagpapunta sa kanya ang sakit ng panganganak sa katawan ng punong datiles at nagsabi siya: "O sana ako ay namatay bago nito at naging isang limot na kinalimutan."
Verse 24
Kaya may nanawagan sa kanya mula sa ilalim niya: "Huwag kang malungkot; naglagay nga ang Panginoon mo sa ilalim mo ng isang batis.
Verse 25
Yumugyog ka patungo sa iyo sa katawan ng punong datiles, may maglalaglagan sa iyo na mga sariwang datiles na hinog.
Verse 26
Kaya kumain ka, uminom ka, at magalak ka. Kung makakikita ka nga kabilang sa mga tao ng isa man ay sabihin mo: Tunay na Ako ay namanata sa Napakamaawain ng isang pananahimik kaya hindi ako magsasalita ngayong araw sa isang tao."
Verse 27
Pagkatapos ay dumating siya kasama nito sa mga kalipi niya habang binubuhat ito. Nagsabi sila: "O Maria, talaga ngang nagdala ka ng isang bagay na mapanirang-puri!
Verse 28
O kapatid ni Aaron, ang ama mo ay hindi naging isang lalaki ng kasagwaan at ang ina mo ay hindi naging isang mapang-apid."
Verse 29
Kaya tumuro siya rito. Nagsabi sila: "Papaano kami makikipag-usap sa sinumang nasa lampin na isang paslit?"
Verse 30
Nagsabi ito: "Tunay na ako ay alipin ni Allāh. Nagbigay Siya sa akin ng Kasulatan at gumawa Siya sa akin bilang isang propeta.
Verse 31
Gumawa Siya sa akin bilang isang pinagpala saan man ako naroon at nagtagubilin Siya sa akin ng pagdarasal at pagkakawanggawa hanggat nananatili akong buhay
Verse 32
ﮞﮟﮠﮡﮢﮣ
ﮤ
at isang nagpapakabuti sa ina ko. Hindi Siya gumawa sa akin bilang isang mapaniil na malumbay.
Verse 33
Ang kapayapaan ay sumaakin sa araw na ipinanganak ako, sa araw na mamamatay ako, at sa araw na ibabangon ako bilang buhay."
Verse 34
Iyon si Hesus na anak ni Maria. [Ito ay] pagsasabi ng katotohanan na hinggil dito ay nag-aalinlangan sila.
Verse 35
Hindi nangyaring ukol kay Allāh na magkaroon Siya ng alinmang anak; kaluwalhatian sa Kanya! Kapag nagpasya Siya ng isang bagay ay magsasabi lamang Siya na mangyari at mangyayari ito.
Verse 36
[Nagsabi si Hesus:] "Tunay na si Allāh ay Panginoon ko at Panginoon ninyo kaya sumamba kayo sa Kanya; ito ay isang landasing tuwid."
Verse 37
Nagkaiba-iba ang mga lapian mula sa kabilang sa kanila kaya kapighatian ay ukol sa mga tumangging sumampalataya mula sa masasaksihan sa isang araw na sukdulan.
Verse 38
Kay husay ng pagkarinig nila at kay husay ng pagkakita sa Araw na pupunta sila sa Amin, subalit ang mga tagalabag sa katarungan sa araw na ito ay nasa isang pagkaligaw na malinaw.
Verse 39
Magbabala ka sa kanila ng Araw ng Panghihinayang kapag napagpasyahan ang usapin habang sila ay nasa isang pagkalingat habang sila ay hindi sumasampalataya.
Verse 40
Tunay na Kami ay magmamana ng lupa at ng sinumang nasa ibabaw nito, at sa Amin sila ibabalik.
Verse 41
Banggitin mo sa Aklat si Abraham. Tunay na siya noon ay isang napakatapat, isang propeta.
Verse 42
[Banggitin] noong nagsabi siya sa ama niya: "O ama ko, bakit ka sumasamba sa hindi nakaririnig, hindi nakakikita, at hindi nagdudulot sa iyo ng anuman?
Verse 43
O ama ko, tunay na dumating sa akin ang kaalamang hindi dumating sa iyo; kaya sumunod ka sa akin, magpapatnubay ako sa iyo sa isang landasing patag.
Verse 44
O ama ko, huwag kang sumamba sa demonyo; tunay na ang demonyo ay laging isang masuwayin sa Napakamaawain.
Verse 45
O ama ko, tunay na ako ay nangangamba na salingin ka ng isang pagdurusa mula sa Napakamaawain kaya ikaw sa demonyo ay maging katangkilik."
Verse 46
Nagsabi ito: "Tumututol ka ba sa mga diyos ko, O Abraham? Talagang kung hindi ka titigil ay talagang mambabato nga ako sa iyo, kaya umiwas ka sa akin nang matagal."
Verse 47
Nagsabi siya: "Kapayapaan ay sumaiyo! Hihingi ako ng kapatawaran para sa iyo sa Panginoon ko. Tunay na Siya sa akin ay laging Magiliw.
Verse 48
Hihiwalay ako sa inyo at sa anumang dinadalanginan ninyo bukod pa kay Allāh at dadalangin ako sa Panginoon ko; marahil hindi ako, sa pagdalangin sa Panginoon ko, maging isang malumbay."
Verse 49
Kaya noong humiwalay siya sa kanila at sa anumang sinasamba nila bukod pa kay Allāh ay ipinagkaloob para sa kanya sina Isaac at Jacob. Bawat isa ay ginawa Naming propeta.
Verse 50
Nagkaloob Kami para sa kanila mula sa awa Namin at gumawa Kami para sa kanila ng mataas na pagbanggit ng kagandahan.
Verse 51
Banggitin mo sa Aklat si Moises. Tunay na siya ay isang itinangi at naging isang sugo na propeta.
Verse 52
Tinawag Namin siya mula sa gilid ng bundok sa kanan [niya] at pinalapit Namin siya, na nakikipagtapatan.
Verse 53
Nagkaloob Kami sa kanya mula sa awa Namin ng kapatid niyang si Aaron bilang isang propeta.
Verse 54
Banggitin mo sa Aklat si Ismael. Tunay na siya ay tapat sa pangako at naging isang sugo na propeta.
Verse 55
Siya noon ay nag-uutos sa mag-anak niya ng pagdarasal at pagkakawanggawa at siya noon sa ganang Panginoon niya ay isang kinalulugdan.
Verse 56
Banggitin mo sa Aklat si Enoc. Tunay na siya noon ay isang napakatapat, isang propeta.
Verse 57
ﮂﮃﮄ
ﮅ
Nag-angat Kami sa kanya sa isang pook na mataas.
Verse 58
Ang mga iyon ay ang mga nagbibiyaya si Allāh sa kanila kabilang sa mga propeta na mga supling ni Adan, kabilang sa dinala Namin kasama ni Noe, kabilang sa mga supling ni Abraham at ni Israel, at kabilang sa pinatnubayan Namin at hinirang Namin. Kapag binibigkas sa kanila ang mga tanda ng Napakamaawain ay sumusubsob sila na mga nagpapatirapa, na mga umiiyak.
Verse 59
Ngunit may humalili noong matapos nila na kahalili [na masama] na nagwalang-bahala sa pagdarasal at sumunod sa mga nasa, kaya mahaharap sila sa isang kasamaan,
Verse 60
maliban sa sinumang nagbalik-loob, sumampalataya, at gumawa ng maayos sapagkat ang mga iyon ay papasok sa Paraiso at hindi sila lalabagin sa katarungan sa anuman.
Verse 61
Ang mga hardin ng Eden na ipinangako ng Napakamaawain sa mga lingkod Niya sa Lingid, tunay na laging ang pangako Niya ay darating.
Verse 62
Hindi sila makaririnig doon ng kabalbalan ni kasinungalingan – maliban sa kapayapaan – at ukol sa kanila ang panustos sa kanila roon sa umaga at hapon.
Verse 63
Iyon ang Paraiso na ipamamana Namin sa kabilang sa mga lingkod Namin na naging mapangilagin sa pagkakasala.
Verse 64
[Sabihin mo, Gabriel:] "Hindi kami nagbababaan kundi ayon sa utos ng Panginoon mo. Sa Kanya ang nasa harapan namin at ang nasa likuran namin at ang nasa pagitan niyon. Laging ang Panginoon mo ay hindi malilimutin -
Verse 65
Ang Panginoon ng mga langit at lupa at ng nasa pagitan ng mga ito – kaya sumamba ka sa Kanya at magpakamatiisin ka para sa pagsamba sa Kanya. May nalalaman ka bang isang kapangalan para sa Kanya?"
Verse 66
Magsasabi ang tao: "Kapag namatay ba ako ay talagang ilalabas akong buhay?"
Verse 67
Hindi ba naaalaala ng tao na Kami ay lumikha sa kanya noong una samantalang siya noon ay hindi isang bagay?
Verse 68
Kaya sumpa man sa Panginoon mo, talagang magtitipon nga Kami sa kanila at sa mga demonyo. Pagkatapos ay talagang magdadala nga Kami sa kanila sa paligid ng Impiyerno na nakaluhod.
Verse 69
Pagkatapos ay talagang huhugot nga Kami mula sa bawat kampihan kung alin sa kanila ang pinakamatindi laban sa Napakamaawain sa paghihimagsik.
Verse 70
Pagkatapos ay talagang Kami ay higit na nakaaalam sa mga higit na naaangkop doon sa pagpasok.
Verse 71
Walang kabilang sa inyo malibang pupunta roon. Laging ito sa Panginoon mo ay isang kapasyahang itinadhana.
Verse 72
Pagkatapos ay magliligtas Kami sa mga nangilag magkasala at mag-iiwan Kami sa mga tagalabag sa katarungan doon na nakaluhod.
Verse 73
Kapag binibigkas sa kanila ang mga tanda Namin bilang mga malinaw na patunay ay nagsasabi ang mga tumangging sumampalataya sa mga sumampalataya: "Alin sa dalawang pangkat [natin] ang higit na mabuti sa katayuan at ang higit na maganda sa kapisanan?"
Verse 74
Kay raming ipinahamak Namin bago nila na salinlahi na higit na maganda sa ari-arian at anyo!
Verse 75
Sabihin mo: "Ang sinumang nasa kaligawan ay magpapalawig para sa kanya ang Napakamaawain ng isang pagpapalawig hanggang sa kapag nakita nila ang ipinangangako sa kanila na maaaring ang pagdurusa at maaaring ang Oras [ng pagkabuhay] kaya makaaalam sila sa kung sino ang higit na masama sa kalagayan at higit na mahina sa hukbo."
Verse 76
Nagdaragdag si Allāh sa mga napatnubayan ng patnubay. Ang mga nananatiling maayos na gawa ay higit na mabuti sa ganang Panginoon ninyo sa gantimpala at higit na mabuti sa kauuwian.
Verse 77
Nakita mo ba ang tumangging sumampalataya sa mga tanda Namin at nagsabi: "Talagang bibigyan nga ako ng yaman at anak."
Verse 78
Napag-alaman ba niya ang Lingid o gumawa siya sa ganang Napakamaawain ng isang tipan?
Verse 79
Aba’y hindi! Magsusulat Kami sa sinasabi niya at magpapalawig Kami para sa kanya ng pagdurusa sa isang pagpapalawig.
Verse 80
ﭭﭮﭯﭰﭱ
ﭲ
Magmamana Kami sa kanya ng sinasabi niya at pupunta siya sa Amin nang mag-isa.
Verse 81
Gumawa sila bukod pa kay Allāh ng mga diyos upang mangyaring mayroon silang dangal.
Verse 82
Aba’y hindi! Magkakaila ang mga ito sa pagsamba nila at ang mga ito laban sa kanila ay magiging katunggali.
Verse 83
Hindi mo ba nakitang Kami ay nagsugo sa mga demonyo sa mga tagatangging sumampalataya, na nanunulsol sa kanila sa isang panunulsol?
Verse 84
Kaya huwag kang magmabilis sa kanila; nagbibilang lamang Kami para sa kanila ng isang pagbilang.
Verse 85
ﮗﮘﮙﮚﮛﮜ
ﮝ
Sa Araw na magtitipon sa mga tagapangilag sa pagkakasala patungo sa Napakamaawain sa isang delegasyon.
Verse 86
ﮞﮟﮠﮡﮢ
ﮣ
Maghahatid Kami sa mga salarin sa Impiyerno sa uhaw.
Verse 87
Hindi sila makapagdudulot ng Pamamagitan maliban sa sinumang gumawa sa Napakamaawain ng isang tipan.
Verse 88
ﮮﮯﮰﮱ
ﯓ
Nagsabi sila: "Gumawa ang Napakamaawain ng anak."
Verse 89
ﯔﯕﯖﯗ
ﯘ
Talaga ngang nakagawa kayo ng isang bagay na kakila-kilabot.
Verse 90
Halos ang mga langit ay nagkakabitak-bitak dahil dito, nabibiyak ang lupa, at gumuguho ang mga bundok nang durug-durog,
Verse 91
ﯣﯤﯥﯦ
ﯧ
dahil nagparatang sila sa Napakamaawain ng anak.
Verse 92
ﯨﯩﯪﯫﯬﯭ
ﯮ
Hindi nararapat para sa Napakamaawain na gumawa ng anak.
Verse 93
Walang [magagawa] ang bawat sinumang nasa mga langit at lupa kundi pupunta sa Napakamaawain bilang isang alipin.
Verse 94
ﯺﯻﯼﯽ
ﯾ
Talaga ngang nag-isa-isa Siya sa kanila at bumilang Siya sa kanila sa isang pagbilang.
Verse 95
ﯿﰀﰁﰂﰃ
ﰄ
Lahat sila ay pupunta sa Kanya sa Araw ng Pagbangon nang bukod-tangi.
Verse 96
Tunay na ang mga sumampalataya at gumawa ng mga maayos ay magtatalaga para sa kanila ang Napakamaawain ng pagmamahal.
Verse 97
Kaya nagpadali lamang Kami nito sa wika mo upang magbalita ka nito ng nakatutuwa sa mga tagapangilag sa pagkakasala at magbabala ka nito sa mga taong palaban.
Verse 98
Kay raming ipinahamak Namin bago nila na salinlahi! Nakadarama ba kayo sa kanila ng isa man o nakarinig kayo sa kanila ng isang tunog?
تقدم القراءة