Salin ng Sura Ang Itinakdang Paglalakbay sa sa الفلبينية mula sa الترجمة الفلبينية (تجالوج)
Verse 1
O mga tao, mangilag kayong magkasala sa Panginoon ninyo! Tunay na ang pagyanig ng Huling Sandali ay isang bagay na sukdulan.
Verse 2
Sa Araw na makikita ninyo ito, malilingat ang bawat tagapagpasuso sa pinasuso nito, mailalaglag ng bawat may dinadala [sa sinapupunan] ang dinadala nito, at makikita mo ang mga tao na mga lasing gayong hindi naman sila lasing subalit ang pagdurusa mula kay Allāh ay matindi.
Verse 3
May mga tao na nakikipagtalo hinggil kay Allāh nang walang kaalaman at sumusunod sa bawat demonyong mapaghimagsik.
Verse 4
Itinakda na ang sinumang tumangkilik sa kanya, tunay na siya ay magliligaw rito at magpapatnubay rito sa pagdurusa sa Liyab.
O mga tao kung nangyaring kayo ay nasa pag-aalinlangan sa pagbubuhay, tunay na Kami ay lumikha sa inyo mula sa alabok, pagkatapos ay mula sa isang patak, pagkatapos ay mula sa isang malalinta na namuong dugo, pagkatapos ay mula sa isang kimpal na laman na inanyuan at hindi inanyuan upang maglinaw Kami sa inyo. Nagpapanatili Kami sa mga sinapupunan ng niloloob Namin hanggang sa isang taning na itinakda, pagkatapos ay nagpapalabas Kami sa inyo na isang bata, pagkatapos upang umabot kayo sa pinakamalakas [na gulang] ninyo. Mayroon sa inyo na pinapapanaw at mayroon sa inyo na pinaaabot sa pinakahamak na gulang upang hindi siya makaalam, mula ng matapos ng pagkakaalam, ng anuman. Nakakikita ka na ang lupa ay patay, ngunit kapag nagbaba Kami sa ibabaw nito ng tubig ay gumalaw-galaw ito, lumago ito, at nagpapatubo ito ng bawat uring nakatutuwa.
Verse 6
Iyon ay dahil si Allāh ay ang Totoo, dahil Siya ay nagbibigay-buhay sa mga patay, dahil Siya sa bawat bagay ay May-kakayahan,
Verse 7
na ang Huling Sandali ay darating, walang pag-aalinlangan dito, at na si Allāh ay bubuhay sa mga nasa mga libingan.
Verse 8
May mga tao na nakikipagtalo hinggil kay Allāh nang walang kaalaman ni patnubay ni isang aklat na nagbibigay-liwanag.
Verse 9
Bumabaluktot ng leeg niya [sa kapalaluan] upang magpaligaw palayo sa landas ni Allāh, ukol sa kanya sa Mundo ay kadustaan. Magpapalasap Kami sa kanya sa Araw ng Pagbangon ng pagdurusa sa pagsunog.
Verse 10
Iyon ay dahil sa ipinaunang gawa ng mga kamay mo at na si Allāh ay hindi palalabag sa katarungan sa mga lingkod.
Verse 11
Mayroon sa mga tao na sumasamba kay Allāh ayon sa pag-aatubili. Kaya kapag may dumapo sa kanya na isang mabuti, napapanatag siya rito; at kapag may dumapo sa kanya na isang pagsubok, nanunumbalik siya sa [dating] mukha niya. Nagpalugi siya [sa buhay] sa Mundo at Kabilang-buhay. Iyon ay ang pagkaluging malinaw.
Verse 12
Dumadalangin siya, sa halip kay Allāh, sa hindi nakapipinsala sa kanya at hindi nagpapakinabang sa kanya. Iyon ay ang pagkaligaw na malayo.
Verse 13
Dumadalangin siya sa talagang ang pinsala nito ay higit na malapit kaysa ang pakinabang nito. Talagang kay saklap ang pinagpapatangkilikan at talagang kay saklap ang kapisan.
Verse 14
Tunay na si Allāh ay magpapapasok sa mga sumampalataya at gumawa ng mga maayos sa mga hardin na dumadaloy mula sa ilalim ng mga ito ang mga ilog. Tunay na si Allāh ay gumagawa ng anumang ninanais Niya.
Verse 15
Ang sinumang nag-aakala na hindi mag-aadya si Allāh [sa Propeta] sa Mundo at Kabilang-buhay ay magpaabot siya ng isang tali sa bubong. Pagkatapos ay putulin niya [ito] at tumingin siya: mag-aalis nga ba ang pakana niya ng anumang nagpapangitngit [sa kanya]?
Verse 16
Gayon nagbaba nito bilang mga talata na naglilinaw, at [dahil] si Allāh ay nagpapatnubay sa sinumang ninanais Niya.
Verse 17
Tunay na ang mga sumampalataya, ang mga nagpakahudyo, ang mga Sabeano, ang mga Kristiyano, ang mga Mago, at ang mga nagtambal [kay Allāh], tunay na si Allāh ay magbubukod sa pagitan nila sa Araw ng Pagbangon. Tunay na si Allāh sa bawat bagay ay Saksi.
Verse 18
Hindi mo ba napag-alaman na kay Allāh ay nagpapatirapa ang sinumang nasa mga langit, ang sinumang nasa lupa, ang araw, ang buwan, ang mga bituin, ang mga bundok, ang mga punong-kahoy, ang mga hayop, at ang marami sa mga tao. May marami na naging karapat-dapat sa pagdurusa. Ang sinumang hinahamak ni Allāh ay wala sa kanyang tagapagparangal. Tunay na si Allāh ay gumagawa ng anumang niloloob Niya.
Verse 19
Ang dalawang ito ay dalawang magkaalitan na nag-aalitan hinggil sa Panginoon nila. Ngunit ang mga tumangging sumampalataya ay magpuputul-putol para sa kanila ng mga damit na yari sa apoy. Ibubuhos mula sa ibabaw ng mga ulo nila ang napakainit na tubig.
Verse 20
ﮱﯓﯔﯕﯖﯗ
ﯘ
Malulusaw sa pamamagitan nito ang nasa mga tiyan nila at ang mga balat.
Verse 21
ﯙﯚﯛﯜ
ﯝ
Ukol sa kanila ay mga bambo na yari sa bakal.
Verse 22
Sa tuwing nagnais sila na lumabas mula roon dahil sa pighati ay ibabalik sila sa loob niyon, at [sasabihin]: "Lumasap kayo ng pagdurusa ng pagsusunog."
Verse 23
Tunay na si Allāh ay magpapasok sa mga sumampalataya at gumawa ng mga maayos sa mga hardin na dumadaloy mula sa ilalim ng mga ito ang mga ilog. Gagayakan sila roon ng mga pulseras na ginto at mga mutya. Ang kasuutan nila sa mga iyon ay sutla.
Verse 24
Pinatnubayan sila sa kaaya-aya sa sinasabi at pinatnubayan sila sa landasin ng Kapuri-puri.
Verse 25
Tunay na ang mga tumangging sumampalataya at sumagabal sa Landas ni Allāh at sa Masjid na Pinakababanal na ginawa Namin para sa mga tao na magkapantay ang nananatili roon at ang pumupunta. Ang sinumang nagnanais doon ng isang paglihis bilang paglabag sa katarungan ay magpapalasap Kami sa kanya ng isang pagdurusang masakit.
Verse 26
[Banggitin] noong naglaan Kami para kay Abraham ng pook ng Bahay na [nagsasabi]: "Huwag kang magtambal sa Akin ng anuman at magdalisay ka ng Bahay Ko para sa mga pumapaligid, mga tumatayo [sa pagdarasal], at mga tagayukod na nagpapatirapa.
Verse 27
Magpahayag ka sa mga tao ng ḥajj, pupunta sila sa iyo nang mga naglalakad at lulan ng bawat payat na kamelyo: pupunta ang mga ito mula sa bawat daanang malalim,
Verse 28
upang makasaksi sila ng mga pakinabang para sa kanila at bumanggit sila sa pangalan ni Allāh sa mga araw na nalalaman dahil sa itinustos Niya sa kanila na hayop na mga panghayupan. Kaya kumain kayo mula sa mga ito at magpakain kayo sa sawing-palad na maralita.
Verse 29
Pagkatapos ay lumubos sila sa mga gawain ng ḥajj nila, tumupad sila sa mga panata nila, at magpaligid-ligid sila sa Bahay na Matanda.
Verse 30
Iyon [ang kautusan]. Ang sinumang gumagalang sa mga pinakababanal ni Allāh, iyon ay higit na mabuti para sa kanya sa ganang Panginoon niya. Ipinahintulot para sa inyo ang mga hayupan maliban sa [bawal na] babanggitin sa inyo. Kaya iwaksi ninyo ang kasalaulaan mula sa mga diyus-diyusan at iwaksi ninyo ang pagsabi ng kabulaanan,
Verse 31
bilang mga nakakiling kay Allāh, na hindi mga tagapagtambal sa Kanya. Ang sinumang nagtatambal kay Allāh ay para bang bumagsak siya mula sa langit kaya dadagit sa kanya ang mga ibon o tatangay sa kanya ang hangin sa isang pook na liblib.
Verse 32
Iyon nga. Ang sinumang dumadakila sa mga sagisag ni Allāh, tunay na ito ay bahagi ng pangingilag sa pagkakasala ng mga puso.
Verse 33
Ukol sa inyo sa mga ito ay mga pakinabang hanggang sa isang yugtong itinakda. Pagkatapos ang pook ng mga ito ay hanggang sa Bahay na Matanda.
Verse 34
Para sa bawat kalipunan ay nagtalaga Kami ng isang pamamaraan upang bumanggit sila sa pangalan ni Allāh sa itinustos Niya sa kanila na hayop ng mga hayupan. Ang Diyos ninyo ay nag-iisang Diyos kaya sa Kanya kayo magpasakop. Magparating ka ng nakagagalak na balita sa mga tagapagpakumbaba,
Verse 35
na kapag nabanggit si Allāh ay nababagabag ang mga puso nila, na mga mapagtiis sa anumang dumapo sa kanila, na mga tagapagpanatili ng dasal, at mula sa itinustos Namin sa kanila ay gumugugol sila.
Verse 36
Ang mga kamelyo at mga baka ay ginawa ang mga ito para sa inyo na mga sagisag ni Allāh; ukol sa inyo sa mga ito ay mabuti. Kaya bumanggit kayo sa pangalan ni Allāh sa mga ito habang mga nakahanay. Kapag bumagsak ang mga tagiliran ng mga ito ay kumain kayo mula sa mga ito at magpakain kayo ng maralitang nagtitimpi at maralitang nanghihingi. Gayon Kami nagpalingkod sa mga ito para sa inyo nang sa gayon kayo ay magpapasalamat.
Verse 37
Hindi makararating kay Allāh ang mga laman ng mga ito ni ang mga dugo ng mga ito, subalit nakararating sa Kanya ang pangingilag sa pagkasasala mula sa inyo. Gayon Siya nagpalingkod sa mga ito para sa inyo upang dumakila kayo kay Allāh dahil nagpatnubay Siya sa inyo. Magbalita ka ng nakagagalak sa mga tagagawa ng maganda.
Verse 38
Tunay na si Allāh ay nagtatanggol sa mga sumampalataya. Tunay na si Allāh ay hindi umiibig sa bawat palataksil na mapagkaila sa utang na loob.
Verse 39
Ipinahintulot [ang pakikipaglaban] para sa mga kinakalaban dahil sila ay nilabag sa katarungan. Tunay na si Allāh sa pag-aadya sa kanila ay talagang May-kakayahan.
Verse 40
[Sila] ang mga pinalayas mula sa mga tahanan nila nang walang karapatan malibang nagsasabi sila: "Ang Panginoon namin ay si Allāh." Kung hindi sa pagsupil ni Allāh sa mga tao: sa ilan sa kanila sa pamamagitan ng iba pa [sa kanila], talaga sanang may winasak na mga monasteryo, mga simbahan, mga sinagoga, at mga masjid na binabanggit sa mga ito ang pangalan ni Allāh nang madalas. Talagang mag-aadya nga si Allāh sa sinumang nag-aadya sa Kanya. Tunay na si Allāh ay talagang Malakas, Makapangyarihan.
Verse 41
[Sila] ang mga kung pamamahalain Namin sa lupa ay magpapanatili sila sa pagdarasal, magbibigay sila ng zakāh, mag-uutos sila ng nakabubuti, at sasaway sila sa nakasasama. Kay Allāh ang mabuting kahihinatnan ng mga bagay.
Verse 42
Kung nagpasinungaling sila sa iyo ay nagpasinungaling bago nila ang mga tao nina Noe, `Ād, at Thamūd,
Verse 43
ﮡﮢﮣﮤ
ﮥ
at ang mga tao ni Abraham, at ang mga tao ni Lot,
Verse 44
at ang mga naninirahan sa Madyan. Pinasinungalingan si Moises kaya nagpalugit Ako sa mga tagatangging sumampalataya, pagkatapos ay sumunggab Ako sa kanila kaya magiging papaano na ang pagtutol Ko?
Verse 45
May ilan nang pamayanan na nilipol Namin samantalang ang mga ito ay lumalabag sa katarungan - kaya ang mga ito ay nakaguho sa mga bubong ng mga ito - at may ilan nang balon na pinabayaan at palasyong pinatayog.
Verse 46
Kaya hindi ba sila naglakbay sa lupa para magkaroon sila ng mga pusong uunawa sila sa pamamagitan ng mga ito o ng mga taingang dirinig sila sa pamamagitan ng mga ito? Sapagkat tunay na hindi nabubulag ang mga paningin subalit nabubulag ang mga puso na nasa mga dibdib.
Verse 47
Ipinamamadali nila sa iyo ang pagdurusa at hindi naman sisira si Allāh sa pangako Niya. Tunay na ang isang araw sa ganang Panginoon mo ay gaya ng isang libong taon mula sa binibilang ninyo.
Verse 48
May ilan nang pamayanan na nagpalugit Ako sa mga ito samantalang ang mga ito ay lumalabag sa katarungan. Pagkatapos ay sumunggab Ako sa mga ito, at tungo sa Akin ang kahahantungan.
Verse 49
Sabihin mo: "O mga tao, ako lamang para sa inyo ay isang tagapagbabalang malinaw."
Verse 50
Kaya ang mga sumampalataya at gumawa ng mga maayos, ukol sa kanila ay kapatawaran at isang panustos na masagana.
Verse 51
Ang mga nagsikap naman kaugnay sa mga tanda Namin habang mga nagtatakang bumigo [sa mga ito], ang mga iyon ay ang mga maninirahan sa Impiyerno.
Verse 52
Hindi Kami nagsugo noong wala ka pa ng isang sugo ni isang propeta malibang kapag bumigkas siya ay nagpupukol ang demonyo sa pagbigkas niya, ngunit nagpapawalang-bisa si Allāh sa ipinupukol ng demonyo. Pagkatapos ay nagpapatibay si Allāh sa mga tanda Niya. Si Allāh ay Maalam, Marunong.
Verse 53
[Iyan ay] upang gawin Niya ang ipinupukol ng demonyo na isang pagsubok para sa mga may sakit sa puso nila at matigas ang mga puso nila. Tunay na ang mga tagalabag sa katarungan ay talagang nasa isang hidwaang malayo.
Verse 54
[Iyan ay] upang malaman ng mga binigyan ng kaalaman na ito ay ang katotohanan mula sa Panginoon mo para maniwala sila rito para magpakumbaba rito ang mga puso nila. Tunay na si Allāh ay talagang nagpapatnubay sa mga sumampalataya tungo sa isang landasing tuwid.
Verse 55
Hindi titigil ang mga tumangging sumampalataya sa isang pag-aalangan dito hanggang sa pumunta sa kanila ang Huling Sandali nang biglaan pumunta sa kanila ang pagdurusa sa isang Araw na mapanira.
Verse 56
Ang paghahari sa Araw na iyon ay sa kay Allāh; hahatol Siya sa pagitan nila. Kaya ang mga sumampalataya at gumawa ng mga maayos ay nasa mga hardin ng ginhawa.
Verse 57
Ang mga tumangging sumampalataya at nagpasinungaling sa mga tanda Namin, ang mga iyon ay pag-uukulan ng isang pagdurusang nanghahamak.
Verse 58
Ang mga lumikas sa landas ni Allāh, pagkatapos ay napatay sila o namatay sila, ay talagang magtutustos sa kanila si Allāh ng isang panustos na maganda. Tunay na si Allāh ay talagang Siya ang pinakamabuti sa mga tagapagtustos.
Verse 59
Talagang magpapapasok nga Siya sa kanila sa isang pinagpapasukang kalulugdan nila. Tunay na si Allāh ay talagang Maalam, Matimpiin.
Verse 60
Iyon nga. Ang sinumang nagpasakit ng tulad sa ipinasakit sa kanya, pagkatapos ay siniil siya, talagang mag-aadya nga sa kanya si Allāh. Tunay na si Allāh ay talagang Mapagpaumanhin, Mapagpatawad.
Verse 61
Iyon ay dahil si Allāh ay nagpapapasok ng gabi sa maghapon at nagpapapasok ng maghapon sa gabi, at dahil si Allāh ay Madinigin, Nakakikita.
Verse 62
Iyon ay dahil si Allāh ay ang Totoo, at na ang anumang dinadalanginan nila bukod pa sa Kanya ay ang kabulaanan, at na si Allāh ay ang Mataas, ang Malaki.
Verse 63
Hindi mo ba nakita na si Allāh ay nagpababa mula sa langit ng tubig kaya ang lupa ay naging luntian? Tunay na si Allāh ay Nakatatalos, Tagabatid.
Verse 64
Sa Kanya ang anumang nasa mga langit at ang anumang sa nasa lupa. Tunay na si Allāh ay talagang Siya ang Walang-pangangailangan, ang Kapuri-puri.
Verse 65
Hindi mo ba nakita na si Allāh ay nagpalingkod para sa inyo ng anumang nasa lupa at ng mga sasakyang-dagat na naglalayag sa dagat ayon sa utos Niya. Pinipigilan Niya ang langit na bumagsak sa lupa malibang may kapahintulutan Niya. Tunay na si Allāh sa mga tao ay talagang Mahabagin, Maawain.
Verse 66
Siya ang nagbigay-buhay sa inyo, pagkatapos ay nagbigay-kamatayan sa inyo. Tunay na ang tao ay talagang palatangging magpasalamat.
Verse 67
Para sa bawat kalipunan ay nagtalaga Kami ng isang pamamaraan na sila ay nagsasagawa nito kaya huwag silang makipagtunggali sa iyo sa usapin. Mag-anyaya ka tungo sa Panginoon mo. Tunay na ikaw ay talagang nasa isang patnubay na tuwid.
Verse 68
Kung makikipagtalo sila sa iyo ay sabihin mo: "Si Allāh ay higit na nakaaalam sa anumang ginagawa ninyo."
Verse 69
Si Allāh ay hahatol sa pagitan ninyo sa Araw ng Pagbangon hinggil sa anumang kayo dati ay nagkakaiba-iba.
Verse 70
Hindi mo ba nalaman na si Allāh ay nakaaalam sa anumang nasa langit at lupa. Tunay na iyon ay nasa isang aklat. Tunay na iyon kay Allāh ay madali.
Verse 71
Sumasamba sila bukod pa kay Allāh sa hindi nagpapababa sa kanila ng isang katunayan at sa wala silang kaalaman hinggil doon. Walang ukol sa mga tagalabag sa katarungan na anumang mapag-adya.
Verse 72
Kapag binibigkas sa kanila ang mga tanda Namin nang malinaw, makikilala mo sa mga mukha ng mga tumangging sumampalataya ang pagtutol. Halos dumaluhong sila sa mga bumibigkas sa kanila ng mga tanda Namin. Sabihin mo: "Kaya magbabalita ba ako sa inyo ng higit na masama kaysa roon? Ang apoy ay ipinangako ni Allāh sa mga tumangging sumampalataya. Kaaba-aba ang kahahantungan!"
Verse 73
O mga tao, gumawa ng isang paghahalimbawa kaya makinig kayo roon. Tunay na ang mga dinadalanginan ninyo bukod pa kay Allāh ay hindi makalilikha ng langaw, kung sakaling nagtipon man sila para roon. Kung mangangagaw sa kanila ang langaw ng isang bagay ay hindi sila makasasagip niyon mula rito. Humina ang humuhuli at ang hinuhuli.
Verse 74
Hindi sila nagpahalaga kay Allāh nang totoong pagpapahalaga sa Kanya. Tunay na si Allāh ay talagang Malakas, Makapangyarihan.
Verse 75
Si Allāh ay humihirang mula sa mga anghel ng mga sugo at mula sa mga tao. Tunay na si Allāh ay Madinigin, Nakakikita.
Verse 76
Nakaaalam Siya sa anumang nasa harapan nila at anumang nasa likuran nila. Tungo kay Allāh ibinabalik ang mga bagay-bagay.
Verse 77
O mga sumampalataya, yumukod kayo, magpatirapa kayo, sumamba kayo sa Panginoon ninyo, at gumawa kayo ng mabuti nang sa gayon kayo ay magtatagumpay.
Makibaka kayo alang-alang kay Allāh nang totoong pakikibaka. Siya ay humirang sa inyo at hindi Siya naglagay sa inyo sa Relihiyon ng anumang pahirap, na kapaniwalaan ng ama ninyong si Abraham. Siya ay nagpangalan sa inyo na mga Muslim noon pa at sa [Qur’an na] ito upang ang Sugo ay maging isang saksi sa inyo at kayo naman ay maging mga saksi sa mga tao. Kaya magpanatili kayo ng pagdarasal, magbigay kayo ng zakāh, at mangunyapit kayo kay Allāh. Siya ay ang Tagatangkilik ninyo, kaya kay inam ang Tagatangkilik at kay inam ang Mapag-adya!
تقدم القراءة