ترجمة معاني سورة الجن باللغة السواحلية من كتاب Ali Muhsin Al - Swahili translation

آية رقم 1

ﭑﭒﭓﭔﭕﭖﭗﭘﭙﭚﭛﭜﭝ ﭞ ​

Al-Jinn

Sema: Imefunuliwa kwangu ya kuwa kundi moja la majini lilisikiliza, na likasema: Hakika sisi tumeisikia Qur'ani ya ajabu!

آية رقم 2

ﭟﭠﭡﭢﭣﭤﭥﭦﭧﭨ ﭩ ​

Inaongoza kwenye uwongofu, kwa hivyo tumeiamini, wala hatutamshirikisha yeyote na Mola wetu Mlezi.

آية رقم 3

ﭪﭫﭬﭭﭮﭯﭰﭱﭲ ﭳ ​

Na kwa hakika utukufu wa Mola wetu Mlezi umetukuka kabisa; hana mke wala mwana.

آية رقم 4

ﭴﭵﭶﭷﭸﭹﭺ ﭻ ​

Na kwa hakika wapumbavu miongoni mwetu walikuwa wakisema uwongo ulio pindukia mipaka juu ya Mwenyezi Mungu.

آية رقم 5

ﭼﭽﭾﭿﮀﮁﮂﮃﮄﮅ ﮆ ​

Nasi tulidhani kuwa watu na majini hawamzulii uwongo Mwenyezi Mungu.

آية رقم 6

ﮇﮈﮉﮊﮋﮌﮍﮎﮏﮐﮑ ﮒ ​

Na hakika walikuwako wanaume katika watu walio kuwa wakitafuta kujikinga kwa wanaume wa kijini; kwa hivyo wakawazidisha madhambi.

آية رقم 7

ﮓﮔﮕﮖﮗﮘﮙﮚﮛ ﮜ ​

Na kwa hakika wao walidhani, kama mlivyo dhani nyinyi, ya kuwa Mwenyezi Mungu hatamleta Mtume.

آية رقم 8

ﮝﮞﮟﮠﮡﮢﮣﮤ ﮥ ​

Nasi tulizigusa mbingu, na tukaziona zimejaa walinzi wenye nguvu na vimondo.

آية رقم 9

ﮦﮧﮨﮩﮪﮫﮬﮭﮮﮯﮰﮱﯓ ﯔ ​

Na hakika tulikuwa tukikaa humo katika baadhi ya makao ili kusikiliza; lakini sasa anaye taka kusikiliza atakuta kimondo kinamvizia!

آية رقم 10

ﯕﯖﯗﯘﯙﯚﯛﯜﯝﯞﯟﯠﯡ ﯢ ​

Nasi hatujui kama wanatakiwa shari wale wanao kaa kwenye ardhi au Mola wao Mlezi anawatakia uwongofu.

آية رقم 11

ﯣﯤﯥﯦﯧﯨﯩﯪﯫﯬ ﯭ ​

Na hakika katika sisi wamo walio wema, na wengine wetu ni kinyume na hivyo. Tumekuwa njia mbali mbali.

آية رقم 12

ﯮﯯﯰﯱﯲﯳﯴﯵﯶﯷﯸ ﯹ ​

Nasi tulijua kuwa hatutomshinda Mwenyezi Mungu duniani, wala hatuwezi kumponyoka kwa kukimbia.

آية رقم 13

ﯺﯻﯼﯽﯾﯿﰀﰁﰂﰃﰄﰅﰆﰇﰈ ﰉ ​

Nasi tulipo usikia uwongofu tuliuamini. Basi mwenye kumuamini Mola wake Mlezi basi haogopi kupunjwa wala kudhulumiwa.

آية رقم 14

ﭑﭒﭓﭔﭕﭖﭗﭘﭙﭚﭛ ﭜ ​

Na hakika wamo katika sisi Waislamu, na wamo kati yetu wanao acha haki. Basi walio silimu, hao ndio walio tafuta uwongofu.

آية رقم 15

ﭝﭞﭟﭠﭡ ﭢ ​

Na ama wanao acha haki, hao watakuwa kuni za Jahannamu.

آية رقم 16

ﭣﭤﭥﭦﭧﭨﭩ ﭪ ​

Na lau kama wangeli simama sawasawa juu ya njia tungeli wanywesha maji kwa wingi,

آية رقم 17

ﭫﭬﭭﭮﭯﭰﭱﭲﭳﭴﭵ ﭶ ​

Ili tuwajaribu kwa hayo. Na anaye puuza kumkumbuka Mola wake Mlezi atamsukuma kwenye adhabu ngumu.

آية رقم 18

ﭷﭸﭹﭺﭻﭼﭽﭾ ﭿ ​

Na hakika misikiti ni ya Mwenyezi Mungu, basi msimuabudu yeyote pamoja na Mwenyezi Mungu.

آية رقم 19

ﮀﮁﮂﮃﮄﮅﮆﮇﮈﮉ ﮊ ​

Na hakika Mja wa Mwenyezi Mungu alipo simama kumwomba, wao walikuwa karibu kumzonga!

آية رقم 20

ﮋﮌﮍﮎﮏﮐﮑﮒ ﮓ ​

Sema: Hakika mimi namwomba Mola wangu Mlezi, wala simshirikishi Yeye na yeyote.

آية رقم 21

ﮔﮕﮖﮗﮘﮙﮚﮛ ﮜ ​

Sema: Mimi sina mamlaka ya kukudhuruni wala kukuongozeni.

آية رقم 22

ﮝﮞﮟﮠﮡﮢﮣﮤﮥﮦﮧﮨ ﮩ ​

Sema: Hakika hapana yeyote awezae kunilinda na Mwenyezi Mungu, wala sitapata pa kukimbilia isipo kuwa kwake Yeye tu.

آية رقم 23

ﮪﮫﮬﮭﮮﮯﮰﮱﯓﯔﯕﯖﯗﯘﯙﯚﯛ ﯜ ​

Ila nifikishe Ujumbe utokao kwa Mwenyezi Mungu na risala zake. Na wenye kumuasi Mwenyezi Mungu na Mtume wake, basi hakika hao watapata Moto wa Jahannamu wadumu humo milele.

آية رقم 24

ﯝﯞﯟﯠﯡﯢﯣﯤﯥﯦﯧ ﯨ ​

Hata watakapo yaona wanayo ahidiwa, ndipo watakapo jua ni nani mwenye msaidizi dhaifu, na mchache wa idadi.

آية رقم 25

ﯩﯪﯫﯬﯭﯮﯯﯰﯱﯲﯳ ﯴ ​

Sema: Sijui kama yapo karibu hayo mnayo ahidiwa, au Mola wangu Mlezi atayawekea muda mrefu.

آية رقم 26

ﯵﯶﯷﯸﯹﯺﯻ ﯼ ​

Yeye ndiye Mwenye kujua ya siri, wala hamdhihirishii yeyote siri yake,

آية رقم 27

ﯽﯾﯿﰀﰁﰂﰃﰄﰅﰆﰇﰈﰉ ﰊ ​

Isipo kuwa Mtume wake aliye mridhia. Naye huyo humwekea walinzi mbele yake na nyuma yake.

آية رقم 28

ﰋﰌﰍﰎﰏﰐﰑﰒﰓﰔﰕﰖﰗ ﰘ ​

Ili Yeye ajue kwamba wao wamefikisha ujumbe wa Mola wao Mlezi, na Yeye anayajua vyema yote walio nayo, na amedhibiti idadi ya kila kitu.