ترجمة معاني سورة ق باللغة السواحلية من كتاب Ali Muhsin Al - Swahili translation

آية رقم 1

ﭑﭒﭓﭔ ﭕ ​

Kaaf

Qaaf. Naapa kwa Qur'ani tukufu!

آية رقم 2

ﭖﭗﭘﭙﭚﭛﭜﭝﭞﭟﭠ ﭡ ​

Bali wanastaajabu kwamba amewafikia mwonyaji kutoka miongoni mwao, na wakasema makafiri: Hili ni jambo la ajabu!

آية رقم 3

ﭢﭣﭤﭥﭦﭧﭨﭩ ﭪ ​

Ati tukifa na tukawa udongo...? Kurejea huko kuko mbali!

آية رقم 4

ﭫﭬﭭﭮﭯﭰﭱﭲﭳﭴ ﭵ ​

Hakika Sisi tunajua kiasi cha kila kinacho punguzwa na ardhi kutokana nao. Na kwetu kipo Kitabu kinacho hifadhi yote.

آية رقم 5

ﭶﭷﭸﭹﭺﭻﭼﭽﭾ ﭿ ​

Lakini waliikanusha Haki ilipo wajia; kwa hivyo wamo katika mambo ya mkorogo.

آية رقم 6

ﮀﮁﮂﮃﮄﮅﮆﮇﮈﮉﮊﮋ ﮌ ​

Je! Hawaangalii mbingu zilizo juu yao! Vipi tulivyo zijenga, na tukazipamba. Wala hazina nyufa.

آية رقم 7

ﮍﮎﮏﮐﮑﮒﮓﮔﮕﮖﮗ ﮘ ​

Na ardhi tumeitandaza na tukaiwekea milima, na tukaiotesha mimea mizuri ya kila namna.

آية رقم 8

ﮙﮚﮛﮜﮝ ﮞ ​

Yawe haya ni kifumbua macho na ukumbusho kwa kila mja mwenye kuelekea.

آية رقم 9

ﮟﮠﮡﮢﮣﮤﮥﮦﮧﮨ ﮩ ​

Na tumeteremsha kutoka mbinguni maji yaliyo barikiwa, na kwa hayo tukaotesha mabustani na nafaka za kuvunwa.

آية رقم 10

ﮪﮫﮬﮭﮮ ﮯ ​

Na mitende mirefu yenye makole yaliyo zaa kwa wingi,

آية رقم 11

ﮰﮱﯓﯔﯕﯖﯗﯘﯙﯚ ﯛ ​

Ili iwe ni riziki kwa waja wangu. Na tukaifufua kwa maji nchi iliyo kuwa imekufa. Kama hivyo ndivyo utakavyo kuwa ufufuaji.

آية رقم 12

ﯜﯝﯞﯟﯠﯡﯢ ﯣ ​

Kabla yao walikadhibisha kaumu ya Nuhu na wakaazi wa Rassi na Thamudi.

آية رقم 13

ﯤﯥﯦﯧ ﯨ ​

Na A'di na Firauni na kaumu ya Lut'i.

آية رقم 14

ﯩﯪﯫﯬﯭﯮﯯﯰﯱﯲ ﯳ ​

Na wakaazi wa Machakani, na watu wa Tubbaa'. Wote hao waliwakanusha Mitume, kwa hivyo onyo likathibitika juu yao.

آية رقم 15

ﯴﯵﯶﯷﯸﯹﯺﯻﯼﯽﯾ ﯿ ​

Kwani tulichoka kwa kuumba mara ya kwanza. Bali wao wamo katika shaka tu juu ya umbo jipya.

آية رقم 16

ﭑﭒﭓﭔﭕﭖﭗﭘﭙﭚﭛﭜﭝﭞﭟ ﭠ ​

Na hakika tumemuumba mtu, nasi tunayajua yanayo mpitikia katika nafsi yake. Na Sisi tuko karibu naye kuliko mshipa wa shingoni mwake.

آية رقم 17

ﭡﭢﭣﭤﭥﭦﭧﭨ ﭩ ​

Wanapo pokea wapokeaji wawili, wanao kaa kuliani na kushotoni.

آية رقم 18

ﭪﭫﭬﭭﭮﭯﭰﭱ ﭲ ​

Hatamki neno ila karibu yake yupo mwangalizi tayari.

آية رقم 19

ﭳﭴﭵﭶﭷﭸﭹﭺﭻﭼ ﭽ ​

Na uchungu wa kutoka roho utamjia kwa haki. Hayo ndiyo uliyo kuwa ukiyakimbia.

آية رقم 20

ﭾﭿﮀﮁﮂﮃﮄ ﮅ ​

Na litapulizwa baragumu. Hiyo ndiyo Siku ya Miadi.

آية رقم 21

ﮆﮇﮈﮉﮊﮋ ﮌ ​

Na kila nafsi itakuja na pamoja nayo mchungaji na shahidi.

آية رقم 22

ﮍﮎﮏﮐﮑﮒﮓﮔﮕﮖﮗﮘ ﮙ ​

(Aambiwe): Kwa hakika ulikuwa umeghafilika na haya; basi leo tumekuondolea pazia lako, na kwa hivyo kuona kwako leo ni kukali.

آية رقم 23

ﮚﮛﮜﮝﮞﮟ ﮠ ​

Na mwenzake atasema: Huyu niliye naye mimi kesha tayarishwa.

آية رقم 24

ﮡﮢﮣﮤﮥﮦ ﮧ ​

Mtupeni katika Jahannamu kila kafiri mwenye inda,

آية رقم 25

ﮨﮩﮪﮫ ﮬ ​

Akatazaye kheri, arukaye mipaka, mwenye kutia shaka,

آية رقم 26

ﮭﮮﮯﮰﮱﯓﯔﯕﯖﯗ ﯘ ​

Aliye weka mungu mwengine pamoja na Mwenyezi Mungu. Basi mtupeni katika adhabu kali.

آية رقم 27

ﯙﯚﯛﯜﯝﯞﯟﯠﯡﯢﯣ ﯤ ​

Mwenzake aseme: Ee Mola wetu Mlezi! Sikumpoteza mimi, bali yeye mwenyewe alikuwa katika upotovu wa mbali.

آية رقم 28

ﯥﯦﯧﯨﯩﯪﯫﯬ ﯭ ​

(Mwenyezi Mungu) aseme: Msigombane mbele yangu. Nilikuleteeni mbele onyo langu.

آية رقم 29

ﯮﯯﯰﯱﯲﯳﯴﯵ ﯶ ​

Mbele yangu haibadilishwi kauli, wala Mimi siwadhulumu waja wangu.

آية رقم 30

ﯷﯸﯹﯺﯻﯼﯽﯾﯿ ﰀ ​

Siku tutapo iambia Jahannamu: Je! Umejaa? Nayo itasema: Je! Kuna ziada?

آية رقم 31

ﰁﰂﰃﰄﰅ ﰆ ​

Na Pepo italetwa karibu kwa ajili ya wachamngu, haitakuwa mbali.

آية رقم 32

ﰇﰈﰉﰊﰋﰌ ﰍ ​

Haya ndiyo mnayo ahidiwa kwa kila mwenye kurejea kwa Mwenyezi Mungu na akajilinda.

آية رقم 33

ﰎﰏﰐﰑﰒﰓﰔ ﰕ ​

Mwenye kumwogopa Mwingi wa Rehema hali kuwa hamwoni, na akaja kwa moyo ulio elekea-

آية رقم 34

ﰖﰗﰘﰙﰚﰛ ﰜ ​

(Ataambiwa) ingieni kwa salama. Hiyo ndiyo siku ya daima dawamu.

آية رقم 35

ﰝﰞﰟﰠﰡﰢ ﰣ ​

Humo watapata wakitakacho, na kwetu yako ya ziada.

آية رقم 36

ﭑﭒﭓﭔﭕﭖﭗﭘﭙﭚﭛﭜﭝﭞﭟ ﭠ ​

Na kaumu ngapi tuliziangamiza kabla yao walio kuwa na nguvu zaidi kuliko hawa! Nao walitanga tanga katika nchi nyingi. Je! Walipata pa kukimbilia?

آية رقم 37

ﭡﭢﭣﭤﭥﭦﭧﭨﭩﭪﭫﭬﭭ ﭮ ​

Hakika katika hayo upo ukumbusho kwa mwenye moyo au akatega sikio naye yupo anashuhudia.

آية رقم 38

ﭯﭰﭱﭲﭳﭴﭵﭶﭷﭸﭹﭺﭻ ﭼ ​

Na bila ya shaka Sisi tumeziumba mbingu na ardhi na vilio baina yao mnamo siku sita; na wala hayakutugusa machofu.

آية رقم 39

ﭽﭾﭿﮀﮁﮂﮃﮄﮅﮆﮇﮈ ﮉ ​

Basi vumilia kwa hayo wasemayo, na mtakase kwa kumsifu Mola wako Mlezi kabla ya kuchomoza jua na kabla ya kuchwa.

آية رقم 40

ﮊﮋﮌﮍﮎ ﮏ ​

Na katika usiku pia mtakase, na baada ya kusujudu.

آية رقم 41

ﮐﮑﮒﮓﮔﮕﮖ ﮗ ​

Na sikiliza siku atapo nadi mwenye kunadi kutoka pahala karibu.

آية رقم 42

ﮘﮙﮚﮛﮜﮝﮞﮟ ﮠ ​

Siku watakapo sikia ukelele wa haki. Hiyo ndiyo siku ya kufufuka.

آية رقم 43

ﮡﮢﮣﮤﮥﮦ ﮧ ​

Hakika Sisi tunahuisha na tunafisha, na kwetu Sisi ndio marejeo.

آية رقم 44

ﮨﮩﮪﮫﮬﮭﮮﮯﮰﮱ ﯓ ​

Siku itapo wapasukia ardhi mbio mbio! Mkusanyo huo kwetu ni mwepesi.

آية رقم 45

ﯔﯕﯖﯗﯘﯙﯚﯛﯜﯝﯞﯟﯠﯡﯢ ﯣ ​

Sisi tunajua kabisa wayasemayo. Wala wewe si mwenye kuwatawalia kwa ujabari. Basi mkumbushe kwa Qur'ani anaye liogopa onyo.