ترجمة معاني سورة ق باللغة الأوزبكية من كتاب الترجمة الأوزبكية - محمد صادق

آية رقم 1

ﭑﭒﭓﭔ ﭕ ​

Қооф. Улуғ Қуръон ила қасам.

آية رقم 2

ﭖﭗﭘﭙﭚﭛﭜﭝﭞﭟﭠ ﭡ ​

Балки, уларга ўзларидан огоҳлантирувчи келганидан ажабландилар ва кофирлар: «Бу ажиб нарса-ку?» – дедилар.
____________________
(Мушриклар Муҳаммад алайҳиссаломнинг пайғамбар бўлиб келганлигидан ажабландилар.)

آية رقم 3

ﭢﭣﭤﭥﭦﭧﭨﭩ ﭪ ​

Ўлиб, тупроқ бўлганимиздан кейин ҳам-а? Бу қайтиш (ақлдан) узоқ.

آية رقم 4

ﭫﭬﭭﭮﭯﭰﭱﭲﭳﭴ ﭵ ​

Ҳақиқатан, Биз уларни ер камайтираётганини билдик ва Бизнинг ҳузуримизда сақловчи китоб бор.
____________________
(Ўлик кўмилгандан кейин аста-секин чириб, камайиб тупроққа қўшила боради.)

آية رقم 5

ﭶﭷﭸﭹﭺﭻﭼﭽﭾ ﭿ ​

Аниқки, уларга ҳақ келганда, уни ёлғонга чиқардилар. Бас, улар изтиробли ишдадирлар.
____________________
(Улар ҳақни инкор қилганлар. Буни олдида бошқа нарсаларни инкор қилиш ҳеч гап эмас.)

آية رقم 6

ﮀﮁﮂﮃﮄﮅﮆﮇﮈﮉﮊﮋ ﮌ ​

Устиларидаги осмонга назар солмайдиларми? Уни қандай бино қилибмиз ва зийнатлабмиз? Ва (ҳолбуки), унинг тешиклари ҳам йўқ?!

آية رقم 7

ﮍﮎﮏﮐﮑﮒﮓﮔﮕﮖﮗ ﮘ ​

Ва ерни чўзиб қўйдик, унга тоғларни ташладик ва унда турли гўзал жуфтларни ўстирдик.

آية رقم 8

ﮙﮚﮛﮜﮝ ﮞ ​

(Роббисига) қайтувчи ҳар бир бандага кўргазма ва эслатма қилиб...

آية رقم 9

ﮟﮠﮡﮢﮣﮤﮥﮦﮧﮨ ﮩ ​

Ва осмондан барака сувини туширдик ҳамда у билан боғ-роғларни ва дон ҳосилини ўстирдик.

آية رقم 10

ﮪﮫﮬﮭﮮ ﮯ ​

Ва зич мевали шингиллари бор хурмоларни ҳам.

آية رقم 11

ﮰﮱﯓﯔﯕﯖﯗﯘﯙﯚ ﯛ ​

Бандаларга ризқ қилиб. Ва у (ёмғир) билан ўлган шаҳарни тирилтирдик. Шундай бўладир (қабрдан) чиқиш ҳам.
____________________
(Ўсимликлари қуриб, худди ўлик ҳолига келиб қолган шаҳарларни ёмғир ила ўстириб-тирилтиришни эслатиш орқали инсон худди шу тарзда қайта тирилиши осон эканлигини таъкидламоқда.)

آية رقم 12

ﯜﯝﯞﯟﯠﯡﯢ ﯣ ​

Улардан аввал Нуҳ қавми, қудуқ соҳиблари ва Самуд ёлғонга чиқарганлар.

آية رقم 13

ﯤﯥﯦﯧ ﯨ ​

Ва Од, Фиръавн, Лут биродарлари.

آية رقم 14

ﯩﯪﯫﯬﯭﯮﯯﯰﯱﯲ ﯳ ​

Ва дарахтзор эгалари ва Туббаъ қавми — барчалари Пайғамбарларни ёлғонга чиқарганлар. Бас, (азоб) ваъдам ҳақ бўлди.
____________________
(Бу ояти каримада кофирлар фақат Муҳаммад алайҳиссаломнигина ёлғончига чиқаришмагани, балки бу қадимий одати эканлиги эслатилмоқда.)

آية رقم 15

ﯴﯵﯶﯷﯸﯹﯺﯻﯼﯽﯾ ﯿ ​

Аввалги яратишга ожиз бўл-дикми? Йўқ! Улар янгидан яратилишга шубҳададирлар.

آية رقم 16

ﭑﭒﭓﭔﭕﭖﭗﭘﭙﭚﭛﭜﭝﭞﭟ ﭠ ​

Албатта, инсонни Биз яратганмиз ва унинг нафси нимани васваса қилишини ҳам билурмиз. Ва Биз унга жон томиридан ҳам яқинмиз.

آية رقم 17

ﭡﭢﭣﭤﭥﭦﭧﭨ ﭩ ​

Вақтики икки кутиб олувчи ўнгда ва чапда ўтирган ҳолларида кутиб олурлар.

آية رقم 18

ﭪﭫﭬﭭﭮﭯﭰﭱ ﭲ ​

Бирор сўз айтмас, магар ҳузурида ҳозиру нозир борлар.

آية رقم 19

ﭳﭴﭵﭶﭷﭸﭹﭺﭻﭼ ﭽ ​

Ўлимнинг мастлиги (талвасаси) ҳақиқат бўлиб келди. Сен қочиб юрган нарса шулдир.

آية رقم 20

ﭾﭿﮀﮁﮂﮃﮄ ﮅ ​

Ва сур ҳам чалинди. Бу, қўрқитилган кундир.

آية رقم 21

ﮆﮇﮈﮉﮊﮋ ﮌ ​

Ва ҳар бир жон ҳайдагувчи ва гувоҳлик берувчи билан келди.
____________________
(Яъни, қиёматда ҳар бир жон билан уни маҳшаргоҳга ҳайдовчи фаришта ва бу дунёда қилган ишларга гувоҳлик берувчи фаришта бирга келади. Эҳтимол, бу дунёда унга вакил қилинган икки фаришта шулардир.)

آية رقم 22

ﮍﮎﮏﮐﮑﮒﮓﮔﮕﮖﮗﮘ ﮙ ​

Албатта, сен бундан ғафлатда эдинг. Бас, Биз сенинг пардангни очдик ва бугун кўзинг ўткирдир.

آية رقم 23

ﮚﮛﮜﮝﮞﮟ ﮠ ​

Ва унинг «яқини»: «Мана бу мендаги тайёр нарса», деди.

آية رقم 24

ﮡﮢﮣﮤﮥﮦ ﮧ ​

Ҳар бир қайсарни, кофирни жаҳаннамга ташланг!

آية رقم 25

ﮨﮩﮪﮫ ﮬ ​

Яхшиликни ман қилувчини, тажовузкорни, шак келтирувчини.

آية رقم 26

ﮭﮮﮯﮰﮱﯓﯔﯕﯖﯗ ﯘ ​

Аллоҳ билан бирга бошқани илоҳ қилиб олганни шиддатли азобга ташланг!

آية رقم 27

ﯙﯚﯛﯜﯝﯞﯟﯠﯡﯢﯣ ﯤ ​

Унинг «яқини»: «Роббимиз, уни мен туғёнга кетказганим йўқ, лекин унинг ўзи узоқ залолатда бўлди», дер.

آية رقم 28

ﯥﯦﯧﯨﯩﯪﯫﯬ ﯭ ​

У зот деди: «Менинг ҳузуримда тортишманглар, сизларга азоб ваъдасини тақдим қилувдим.

آية رقم 29

ﯮﯯﯰﯱﯲﯳﯴﯵ ﯶ ​

Менинг ҳузуримда гап ўзгармас ва Мен бандаларга зулм қилгувчи эмасман».

آية رقم 30

ﯷﯸﯹﯺﯻﯼﯽﯾﯿ ﰀ ​

Бугун жаҳаннамга: «Тўлдингми?» десак, у: «Яна қўшимча борми?» дер.

آية رقم 31

ﰁﰂﰃﰄﰅ ﰆ ​

Ва жаннат тақводорларга узоқ бўлмаган жойга яқинлаштирилди.

آية رقم 32

ﰇﰈﰉﰊﰋﰌ ﰍ ​

Бу — сизга ваъда қилинган нарсадир. Ҳар бир сертавбага ва сақловчига.

آية رقم 33

ﰎﰏﰐﰑﰒﰓﰔ ﰕ ​

Роҳмандан ғойибона қўрққан ва саломат қалб ила келган кимсага.

آية رقم 34

ﰖﰗﰘﰙﰚﰛ ﰜ ​

«Унга саломат бўлган ҳолда кирингиз. Бу — мангулик кунидир» (дейилур).

آية رقم 35

ﰝﰞﰟﰠﰡﰢ ﰣ ​

У ерда нима хоҳласалар, уларники. Ва ҳузуримизда зиёдаси бор.
____________________
(Имом Аҳмад ривоят қилган ҳадисда Пайғамбар алайҳиссалом: «Агар мўмин киши жаннатда фарзанд хоҳласа, унинг ҳомиласи, туғилиши, ўсиши бир соатда бўлади», деганлар. «Ва ҳузуримизда зиёдаси бор» — Аллоҳ таолонинг жамолига назар солиш бахтидир, деган ривоят ҳам бор.)

آية رقم 36

ﭑﭒﭓﭔﭕﭖﭗﭘﭙﭚﭛﭜﭝﭞﭟ ﭠ ​

Улардан аввал, улардан кўра кучлироқ аср(авлод)лардан қанчасини ҳалок қилдик. «Қочадиган жой борми?» деб юртма-юрт кезиб чиқдилар.
____________________
(Ҳалокатга учраган ўша аввалги кофирлар авлодлари ҳозиргилардан кўра қувватлироқ эдилар. Аммо чора топа олмай ҳалок бўлдилар.)

آية رقم 37

ﭡﭢﭣﭤﭥﭦﭧﭨﭩﭪﭫﭬﭭ ﭮ ​

Албатта, бунда қалби борларга ва зеҳн билан қулоқ осганларга эслатма бордир.

آية رقم 38

ﭯﭰﭱﭲﭳﭴﭵﭶﭷﭸﭹﭺﭻ ﭼ ​

Албатта, осмонлару ерни ва уларнинг орасидаги нарсаларни олти кунда яратдик. Ва Бизни чарчоқ тутмади.
____________________
(Аллоҳнинг ҳузуридаги кунлар биз ўрганиб қолган кунларнинг айниси эмас. Бизнинг кунларимиз дунё яратилганидан сўнг, Ер курасининг айланиши ҳолати ва вақтига мувофиқ яратилган. Табиийки, бу олти куннинг масофаси ва миқдорини ёлғиз Аллоҳ таоло билади.)

آية رقم 39

ﭽﭾﭿﮀﮁﮂﮃﮄﮅﮆﮇﮈ ﮉ ​

Уларнинг айтаётганларига сабр қил ва Роббингга қуёш чиқиши ва ботишидан аввал ҳамду тасбиҳ айт.

آية رقم 40

ﮊﮋﮌﮍﮎ ﮏ ​

Кечасида ҳам Унга тасбиҳ айт. Ва саждадан кейин ҳам.
____________________
(Тасбеҳ айтишнинг маъноси Аллоҳни поклаб ёд этишдир. Кўпроқ «Субҳоналлоҳи» калимасини айтиш билан бўлади.)

آية رقم 41

ﮐﮑﮒﮓﮔﮕﮖ ﮗ ​

Нидо қилувчи яқин жойдан нидо қилган кунда қулоқ ос.
____________________
(«Нидо қилувчи — фаришта Исрофил алайҳиссаломдир.)

آية رقم 42

ﮘﮙﮚﮛﮜﮝﮞﮟ ﮠ ​

У кунда қичқириқни ҳақ ила эшитурлар. Ана ўша, чиқиш кунидир.
____________________
(«Чиқиш куни» — қабрлардан чиқиш куни, яъни қиёмат кунидир.)

آية رقم 43

ﮡﮢﮣﮤﮥﮦ ﮧ ​

Албатта, Биз тирилтирурмиз, ўлдирурмиз. Ва қайтиш ҳам Бизгадир.

آية رقم 44

ﮨﮩﮪﮫﮬﮭﮮﮯﮰﮱ ﯓ ​

У кунда устларидаги ер ёрилиб, шошиб чиқурлар. Ана ўша, Биз учун осон тўплашдир.

آية رقم 45

ﯔﯕﯖﯗﯘﯙﯚﯛﯜﯝﯞﯟﯠﯡﯢ ﯣ ​

Уларнинг айтганларини Биз билувчимиз. Сен уларнинг устидаги жаббор эмассан. Бас, Қуръон ила азоб ваъдамдан қўрққанларни огоҳлантир.