ترجمة سورة النجم باللغة الأوزبكية

آية رقم 1

ﭑﭒﭓ ﭔ

Ботаётган юлдуз билан қасам.

آية رقم 2

ﭕﭖﭗﭘﭙ ﭚ

Сизнинг Биродарингиз адашгани ҳам йўқ, йўлдан озгани ҳам йўқ.

آية رقم 3

ﭛﭜﭝﭞ ﭟ

У ҳаводан нутқ қилмас.

آية رقم 4

ﭠﭡﭢﭣﭤ ﭥ

У (Қуръон) ваҳийдан ўзга нарса эмас.

آية رقم 5

ﭦﭧﭨ ﭩ

У(Муҳаммад)га шиддатли қувват эгаси таълим берди.

آية رقم 6

ﭪﭫﭬ ﭭ

Миррат эгаси кўтарилди.

آية رقم 7

ﭮﭯﭰ ﭱ

Ва у олий уфқда эди.

آية رقم 8

ﭲﭳﭴ ﭵ

Сўнгра яқинлашди ва жуда ҳам яқин бўлди.

آية رقم 9

ﭶﭷﭸﭹﭺ ﭻ

Бас, икки камон миқдоридай жойда бўлди. Балки ундан ҳам яқинроқ келди.

آية رقم 10

ﭼﭽﭾﭿﮀ ﮁ

Ва У зот бандасига нимани ваҳий қилган бўлса, етказди.

آية رقم 11

ﮂﮃﮄﮅﮆ ﮇ

Қалб (кўз) кўрганини ёлғонга чиқармади.

آية رقم 12

ﮈﮉﮊﮋ ﮌ

У билан ўзи кўрган нарса устида тортишасизларми?!

آية رقم 13

ﮍﮎﮏﮐ ﮑ

Ва, дарҳақиқат, уни бошқа сафар кўрди.

آية رقم 14

ﮒﮓﮔ ﮕ

Сидратул мунтаҳа(тугаш дарахти) олдида.

آية رقم 15

ﮖﮗﮘ ﮙ

Унинг ҳузурида маъво жаннати бор.

آية رقم 16

ﮚﮛﮜﮝﮞ ﮟ

Ўшанда, у(дарахт)ни ўрайдиган нарса ўраб турибди.

آية رقم 17

ﮠﮡﮢﮣﮤ ﮥ

Нигоҳ бурилмади ҳам, ҳаддидан ошмади ҳам.

آية رقم 18

ﮦﮧﮨﮩﮪﮫ ﮬ

Дарҳақиқат, ўз Роббисининг улкан белгиларидан кўрди.
____________________
(Муҳаммад алайҳиссалом меърож кечасида, жаннатни, дўзахни, Байтул маъмурни, ўтган пайғамбарларни, Жаброил алайҳиссаломнинг асл ҳолатларини ва бошқаларни кўрдилар.)

آية رقم 19

ﮭﮮﮯ ﮰ

Лот ва Уззони ўйлаб кўрдингизми?

آية رقم 20

ﮱﯓﯔ ﯕ

Ва бошқаси, учинчиси — Манотни ҳам (ўйлаб кўрдингизми)?

آية رقم 21

ﯖﯗﯘﯙ ﯚ

Сизларга эркак-у, У зотга аёлми?

آية رقم 22

ﯛﯜﯝﯞ ﯟ

Ундоқ бўлса, бу нотўғри тақсим-ку!

آية رقم 23

ﯠﯡﯢﯣﯤﯥﯦﯧﯨﯩﯪﯫﯬﯭﯮﯯﯰﯱﯲﯳﯴﯵﯶﯷﯸﯹﯺ ﯻ

У(бут)лар сиз ва ота-боболарингиз қўйган номлардан ўзга ҳеч нарса эмас. Аллоҳ бунга ҳеч ҳужжат туширган эмас. У(мушрик)лар, Роббиларидан ҳидоят келганига қарамай, гумон ва ҳавойи нафс хоҳишига эргашарлар, холос.

آية رقم 24

ﯼﯽﯾﯿ ﰀ

Ёки ҳар инсон нимани хоҳласа, шу бўлаверадими?

آية رقم 25

ﰁﰂﰃ ﰄ

Зеро, охират ҳам, дунё ҳам Аллоҳникидир.

آية رقم 26

ﰅﰆﰇﰈﰉﰊﰋﰌﰍﰎﰏﰐﰑﰒﰓﰔﰕﰖﰗ ﰘ

Осмонларда қанчадан-қанча фаришталар мавжуд, уларнинг шафоати ҳеч фойда бермас. Магар, Аллоҳ Ўзи хоҳлаган ва рози бўлганларга изн берса.

آية رقم 27

ﭑﭒﭓﭔﭕﭖﭗﭘﭙ ﭚ

Албатта, охиратга иймон келтирмаганлар фаришталарни аёл номи билан номларлар.

آية رقم 28

ﭛﭜﭝﭞﭟﭠﭡﭢﭣﭤﭥﭦﭧﭨﭩﭪﭫﭬ ﭭ

Уларда бу ҳақда ҳеч қандай илм йўқ. Гумондан бошқа нарсага эргашмаслар. Албатта, гумон ҳақиқат ўрнига ўтмас.

آية رقم 29

ﭮﭯﭰﭱﭲﭳﭴﭵﭶﭷﭸ ﭹ

Бизнинг зикримизга орқа ўгирган, ҳаёти дунёдан бошқани хоҳламайдиганлардан юз ўгир.

آية رقم 30

ﭺﭻﭼﭽﭾﭿﮀﮁﮂﮃﮄﮅﮆﮇﮈﮉﮊ ﮋ

Уларнинг эришган илмлари мана шу. Албатта, Роббинг Унинг йўлидан адашганларни билгувчидир ва У ҳидоятдагиларни ҳам билгувчидир.

آية رقم 31

ﮌﮍﮎﮏﮐﮑﮒﮓﮔﮕﮖﮗﮘﮙﮚﮛ ﮜ

Осмонлардагию ердаги барча нарсалар Аллоҳникидир. У ёмонлик қилганларни амалига яраша жазолар ва яхшилик қилганларни гўзал (мукофот) ила мукофотлар.

آية رقم 32

ﮝﮞﮟﮠﮡﮢﮣﮤﮥﮦﮧﮨﮩﮪﮫﮬﮭﮮﮯﮰﮱﯓﯔﯕﯖﯗﯘﯙﯚﯛﯜﯝﯞﯟﯠ ﯡ

Улар кичик гуноҳлардан бошқа катта гуноҳлар ва фаҳш ишлардан четда бўладиганлардир. Албатта, Роббинг мағфирати кенг Зотдир. У сизларни тупроқдан пайдо қилганда ҳам, оналарингиз қоринларида ҳомилалик чоғингизни ҳам яхши билувчидир. Шундоқ экан, ўзингизни оқламанг, У ким тақводорлигини яхши биладир.
____________________
(Оятдаги «Ламам» сўзини биз «кичик гуноҳлар» деб таржима қилдик. Аслида, «ламам» сўзи «оз», «кичик» маъноларини англатади. «Кичик гуноҳ» ибораси энг муносиб маънодир. «Фаҳш ишлар» ибораси қабиҳлиги катта иш ва сўзларга нисбатан ишлатилади. Шариатда «катта гуноҳ» деб Аллоҳ ҳаромлигини баён қилган ва ёки жазоси белгиланган гуноҳларга айтилади. Ўғрилик, одам ўлдириш ва зино кабилар.)

آية رقم 33

ﯢﯣﯤ ﯥ

Юз ўгириб кетганни кўрдингми?!

آية رقم 34

ﯦﯧﯨ ﯩ

У озгина берди ва тўхтади.

آية رقم 35

ﯪﯫﯬﯭﯮ ﯯ

Унинг ҳузурида ғайб илми бор-у, у кўриб турибдими?
____________________
(Ғайбни фақат Аллоҳ билиб, бошқа ҳеч ким билмаслиги аниқ. Охиратнинг ғамини емай юрганлар нимага суянишади? Ғайбни билмагандан кейин инсон доимо ўзига охиратда фойда берадиган ишларни кўпроқ бажаришга ҳаракат қилмоғи лозим.)

آية رقم 36

ﯰﯱﯲﯳﯴﯵﯶ ﯷ

Ёки Мусонинг саҳифаларидаги нарсалар хабари унга берилмадими?

آية رقم 37

ﯸﯹﯺ ﯻ

Ва вафо қилган Иброҳимнинг?

آية رقم 38

ﯼﯽﯾﯿﰀ ﰁ

Албатта, ҳеч бир гуноҳкор бошқанинг гуноҳини кўтармас.

آية رقم 39

ﰂﰃﰄﰅﰆﰇ ﰈ

Ҳар бир инсонга ўз қилганидан бошқа нарса йўқ.

آية رقم 40

ﰉﰊﰋﰌ ﰍ

Ва, албатта, унинг қилмиши тезда кўринур.

آية رقم 41

ﰎﰏﰐﰑ ﰒ

Сўнгра жазо ёки мукофоти тўлиқ берилур.
____________________
(Ушбу зикр этилган маънолар Мусо алайҳиссаломнинг Тавротларида ва Иброҳим алайҳиссаломнинг саҳифаларида келгандир.)

آية رقم 42

ﰓﰔﰕﰖ ﰗ

Ва, албатта, интиҳо Роббинг ҳузуридадир.

آية رقم 43

ﰘﰙﰚﰛ ﰜ

Ва, албатта, кулдирган ҳам Ўзи, йиғлатган ҳам Ўзидир.

آية رقم 44

ﰝﰞﰟﰠ ﰡ

Албатта, ўлдирган ҳам Ўзи, тирилтирган ҳам Ўзи.

آية رقم 45

ﭑﭒﭓﭔﭕ ﭖ

Албатта, икки жуфтни — эркак ва аёлни яратган ҳам Ўзи.

آية رقم 46

ﭗﭘﭙﭚ ﭛ

Отилиб чиққан нутфадан.

آية رقم 47

ﭜﭝﭞﭟ ﭠ

Ва, албатта, кейинги пайдо қилиш зиммасидаги зот ҳам Ўзи.

آية رقم 48

ﭡﭢﭣﭤ ﭥ

Ва, албатта, беҳожат қилган ҳам Ўзи, бадавлат қилган ҳам Ўзи.

آية رقم 49

ﭦﭧﭨﭩ ﭪ

Ва, албатта Шеъронинг роббиси ҳам Унинг Ўзи.

آية رقم 50

ﭫﭬﭭﭮ ﭯ

Ва, албатта, биринчи Одни ҳалок қилган ҳам Ўзи.

آية رقم 51

ﭰﭱﭲ ﭳ

Ва Самудни боқий қолдирмаган ҳам Ўзи.

آية رقم 52

ﭴﭵﭶﭷﭸﭹﭺﭻﭼﭽ ﭾ

Ва бундан олдин Нуҳ қавмини (ҳалок қилган ҳам Ўзи). Чунки, улар ўта золим ва ўта туғёнга кетган эдилар.

آية رقم 53

ﭿﮀ ﮁ

Ва тўнтарилганни қулатган (ҳам Ўзи).

آية رقم 54

ﮂﮃﮄ ﮅ

Бас, уни ўраган нарса ўраб олди.

آية رقم 55

ﮆﮇﮈﮉ ﮊ

Шундай экан, Роббингнинг қайси неъматларига шак келтирасан?

آية رقم 56

ﮋﮌﮍﮎﮏ ﮐ

Бу, аввалги огоҳлантирувчилар каби бир огоҳлантирувчидир.
____________________
(Огоҳ бўлинглар: аввалги огоҳлантирувчиларга душман бўлганларнинг куни сизларнинг бошингизга тушиб қолмасин!)

آية رقم 57

ﮑﮒ ﮓ

Яқинлашувчи яқинлашди.

آية رقم 58

ﮔﮕﮖﮗﮘﮙ ﮚ

Уни Аллоҳдан бошқа кашф қилувчи йўқ.

آية رقم 59

ﮛﮜﮝﮞ ﮟ

Бу сўздан сизлар ажабланасизларми?

آية رقم 60

ﮠﮡﮢ ﮣ

Ва куласизлар-у, йиғламайсизларми?