ترجمة معاني سورة النجم باللغة الأوزبكية من كتاب الترجمة الأوزبكية - علاء الدين منصور

علاء الدين منصور

الترجمة الأوزبكية - علاء الدين منصور

علاء الدين منصور

الذهاب لصفحة الكتاب

ﰡ

آية رقم 1

ﭑﭒﭓ ﭔ

1. Ботиб кетаётган юлдузга қасамки,

آية رقم 2

ﭕﭖﭗﭘﭙ ﭚ

2. Сизларнинг соҳибингиз (яъни, Муҳаммад алайҳис-салоту вас-салом) залолатга ҳам кетгани йўқ, йўлдан ҳам озгани йўқ!

آية رقم 3

ﭛﭜﭝﭞ ﭟ

3. Ва у (сизларга келтираётган Қуръонни) ўз ҳавойи-хоҳиши билан сўзламас.

آية رقم 4

ﭠﭡﭢﭣﭤ ﭥ

4. У (Қуръон) фақат (Аллоҳ томонидан пайғамбарга) ваҳий қилинаётган (туширилаётган) бир ваҳийдир.

آية رقم 5

ﭦﭧﭨ ﭩ

5. Унга (бу ваҳийни) бир кучга тўлган зот (яъни, Жаброил алайҳиссалом) таълим бермишдир.

آية رقم 6

ﭪﭫﭬ ﭭ

6. Соҳиби қудрат (яъни, Жаброил алайҳиссалом таълим бермишдир).

آية رقم 7

ﭮﭯﭰ ﭱ

7. Бас, у (аввал) юксак уфқда (кўриниб), тик турди.

آية رقم 8

ﭲﭳﭴ ﭵ

8. Сўнгра яқинлашиб, пастлади.

آية رقم 9

ﭶﭷﭸﭹﭺ ﭻ

9. Бас, (Муҳаммад алайҳис-салоту вас-саломга) икки камон оралиғида ё (ундан-да) яқинроқ бўлиб;

آية رقم 10

ﭼﭽﭾﭿﮀ ﮁ

10. (Аллоҳ) ўз бандаси (Муҳаммад алайҳис-салоту вас-салом)га туширган ваҳийни келтиради.

آية رقم 11

ﮂﮃﮄﮅﮆ ﮇ

11. (Пайғамбарнинг) кўнгли кўрган нарсасини инкор этмади. (Яъни, Жаброил фариштанинг суратини кўриб, пайғамбарнинг кўнгли ҳам қаноатланди ва унинг Аллоҳ таоло томонидаи фаришта эканлигига иймон келтирди).

آية رقم 12

ﮈﮉﮊﮋ ﮌ

12. Энди сизлар, (эй мушриклар, пайғамбар) кўриб турган нарсаси устида у билан тортишурмисизлар?!

آية رقم 13

ﮍﮎﮏﮐ ﮑ

13. Қасамки, (Муҳаммад алайҳис-салоту вас-салом Жаброил фариштани ўзининг аслий суратида) иккинчи бор кўрди.

آية رقم 14

ﮒﮓﮔ ﮕ

14. (Жаннат) четидаги Нилуфар олдида (кўрди).
____________________
И з о ҳ. Бу кўриш Пайғамбар алайҳис-салоту вас-салом Жаброил фаришта билан бирга Меърожга кўтарилганларида рўй берган эди. Энди қуйидаги оятларда Расулуллоҳнинг ўша меърожда кўрган — гувоҳ бўлган манзаралари тасвирланади.

آية رقم 15

ﮖﮗﮘ ﮙ

15. Жаннати маъво ҳам ўша (Нилуфар)нинг олдидадир.

آية رقم 16

ﮚﮛﮜﮝﮞ ﮟ

16. Ўшанда Нилуфарни ўраган нарса (яъни, Аллоҳ таолонинг файзи илоҳийси) ўраб олган эди.

آية رقم 17

ﮠﮡﮢﮣﮤ ﮥ

17. (Пайғамбарнинг) кўзи (ўнгу сўлга) оғгани ҳам йўқ, ўз ҳаддидан ошгани ҳам йўқ.

آية رقم 18

ﮦﮧﮨﮩﮪﮫ ﮬ

18. Дарҳақиқат, у (ўша соатда) Парвардигорининг буюк оятларини (яъни, У зотнинг қудрати илоҳийсига далолат қиладиган жуда кўп аломатларни) кўрди.

آية رقم 19

ﮭﮮﮯ ﮰ

19. (Эй мушриклар, ўзларингизча сиғинаётган санамларингиз) — «Лот», «Уззо» ҳақида ҳеч ўйлаб кўрдингларми?!

آية رقم 20

ﮱﯓﯔ ﯕ

20. Ва яна учинчилари бўлмиш тубан «Манот» ҳақидачи?!

آية رقم 21

ﯖﯗﯘﯙ ﯚ

21. (Сизлар ўша бут-санамларни ва фаришталарни «Аллоҳнинг қизлари», дейсизлар, демак) эркак (жинси) сизларники-ю, аёл (жинси) У зотникими?!

آية رقم 22

ﯛﯜﯝﯞ ﯟ

22. У ҳолда бу адолатсиз тақсим-ку?!

آية رقم 23

ﯠﯡﯢﯣﯤﯥﯦﯧﯨﯩﯪﯫﯬﯭﯮﯯﯰﯱﯲﯳﯴﯵﯶﯷﯸﯹﯺ ﯻ

23. У (ном)лар фақат сизлар ўзларингиз ва ота-боболарингиз қўйиб олган номлардир. Аллоҳ улар(га ибодат қилиш) ҳақида бирон ҳужжат туширган эмас. У (мушрик)ларга (Пайғамбар алайҳис-салоту вас-салом воситаларида) Парвардигор томонидан ҳидоят (Қуръон) келиб турган ҳолда улар фақат гумонга ва ҳавойи нафсларигагина эргашадилар-а!

آية رقم 24

ﯼﯽﯾﯿ ﰀ

24. Ёки инсон учун ўзи орзу қилган нарса бўлаверарми?! (Ҳаргиз бўлмас!)
____________________
И з о ҳ. Мушриклар ўзлари ясаб кейин «Лот, Уззо ва Манот» деб ном қўйиб олган бутлари ҳақида «Булар Аллоҳнинг қизларидир. Мана шулар Қиёмат Кунида бизларни шафоат қилишади», деб хомхаёл қилиб юрар эдилар. Юқоридаги оят уларнинг бу хомхаёллари ҳеч қачон амалга ошмаслигини таъкидлади.

آية رقم 25

ﰁﰂﰃ ﰄ

25. Зеро, Охират ҳам, дунё ҳам ёлғиз Аллоҳникидир!

آية رقم 26

ﰅﰆﰇﰈﰉﰊﰋﰌﰍﰎﰏﰐﰑﰒﰓﰔﰕﰖﰗ ﰘ

26. Осмонларда қанчадан-қанча фаришталар бўлиб, ўшаларнинг шафоатлари ҳам бирон фойда бермас, магар Аллоҳ Ўзи хоҳлаган рози бўлган кишилар учун (шафоатга) изн берганидан кейингина (у шафоатнинг фойдаси тегур).

آية رقم 27

ﭑﭒﭓﭔﭕﭖﭗﭘﭙ ﭚ

27. Дарвоқеъ, Охиратга иймон келтирмайдиган кимсалар фаришталарни аёллар номи билан атайдилар.

آية رقم 28

ﭛﭜﭝﭞﭟﭠﭡﭢﭣﭤﭥﭦﭧﭨﭩﭪﭫﭬ ﭭ

28. Ҳолбуки, улар учун бу ҳақда (яъни, фаришталарнинг қайси жинсдан эканлиги ҳақида) бирон билим-ҳужжат йўқдир. Улар фақат гумон-тахминга эргашурлар, холос. Аниқки, гумон ҳақиқатдан бирон нарсанинг ўрнига ўтмас!

آية رقم 29

ﭮﭯﭰﭱﭲﭳﭴﭵﭶﭷﭸ ﭹ

29. Бас, (эй Муҳаммад алайҳис-салоту вас-салом), сиз Бизнинг эслатмамиздан орқа ўгириб кетган ва фақат ҳаёти дунёнигина истаган кимсалардан юз ўгиринг!

آية رقم 30

ﭺﭻﭼﭽﭾﭿﮀﮁﮂﮃﮄﮅﮆﮇﮈﮉﮊ ﮋ

30. Уларнинг «илм»дан етган жойлари мана шу (ҳаёти дунё матоларинигина исташ)дир. Албатта Парвардигорингизнинг Ўзи Унинг йўлидан озган кимсаларни жуда яхши билгувчидир ва У ҳидоят топган зотларни ҳам жуда яхши билгувчидир.

آية رقم 31

ﮌﮍﮎﮏﮐﮑﮒﮓﮔﮕﮖﮗﮘﮙﮚﮛ ﮜ

31. Осмонлардаги ва Ердаги бор нарсалар ёлғиз Аллоҳникидир. У зотнинг Ўзи ёмонлик-гуноҳ қилиб ўтган кимсаларни қилган амаллари билан жазолагай ва чиройли амал қилган зотларни гўзал (савоб-жаннат) билан мукофотлагай!

آية رقم 32

ﮝﮞﮟﮠﮡﮢﮣﮤﮥﮦﮧﮨﮩﮪﮫﮬﮭﮮﮯﮰﮱﯓﯔﯕﯖﯗﯘﯙﯚﯛﯜﯝﯞﯟﯠ ﯡ

32. Улар (яъни, жаннатга сазовор бўлганлар) кичик хатолардан бошқа катта гуноҳлардан ва бузуқликлардан йироқ бўладиган зотлардир. Албатта Парвардигорингиз мағфирати кенг Зотдир. У сизларни (яъни, оталарингиз Одамни) Ердан — тупроқдан пайдо қилган пайтиданоқ ва сизлар оналарингизнинг қорнида ҳомила бўлган пайтингизданоқ жуда яхши билгувчидир. Бас, сизлар ўзларингизни покламай қўя қолинглар! У тақводор бўлган кишиларни жуда яхши билгувчидир.

آية رقم 33

ﯢﯣﯤ ﯥ

33. (Эй Муҳаммад алайҳис-салоту вас-салом, иймондан) юз ўгириб кетган

آية رقم 34

ﯦﯧﯨ ﯩ

34. ва озгина (мол) бериб, (кейин шарт қилинган молни беришни) тўхтатган кимсани кўрдингизми?
____________________
И з о ҳ. Бу оятларнинг нозил бўлишига бир воқеа сабаб бўлган. Валид ибн Муғийра деган бир киши Пайғамбар алайҳис-салоту вас-салом ҳузурларида ўтириб, у зотнинг панд-насиҳатларини эшитгач, таъсирланиб, Ислом динига кирмоқчи бўлади. Шунда мушриклардан бири унга «Сен ота-боболарингни йўлдан озган кимсалар деб уларнинг динини тарк қилиб, Муҳаммаднинг динига кирмоқчимисан?», деб қутқу солади. Иккиланиб қолган Валид: «Ахир мен Исломга кирмасам, Аллоҳнинг азобига гирифтор бўламан-ку?» деганида, ҳалиги мушрик унга: «Агар сен менга фалон миқдорда мол-пул берсанг, сенинг барча гуноҳларингни Охиратда ўз бўйнимга оламан», дейди. Унинг васвасасига учган Валид диндан юз ўгиради ва ўзаро шартлашган молларидан бир қисмини ҳалиги мушрикка беради, аммо қолганини бахиллик қилиб бермай қўяди. Шунда юқоридаги ояти карималар нозил бўлади ва шу мавзу қуйидаги оятларда ҳам давом этади.

آية رقم 35

ﯪﯫﯬﯭﯮ ﯯ

35. Унинг ҳузурида ғайб илми бормидики, у (келажакда бошқа биров ўзининг гуноҳини зиммасига олишини) билиб олса?!

آية رقم 36

ﯰﯱﯲﯳﯴﯵﯶ ﯷ

36. Ёки унга Мусонинг саҳифаларидаги сўзлар хабари берилмаганмиди?!

آية رقم 37

ﯸﯹﯺ ﯻ

37. Ва (аҳдига) вафодор зот бўлган Иброҳимнинг саҳифаларидаги сўзлар (хабари берилмаганмиди?!)

آية رقم 38

ﯼﯽﯾﯿﰀ ﰁ

38. Ҳеч бир кўтаргувчи (яъни, гуноҳкор жон) ўзга жоннинг юкини (яъни, гуноҳини) кўтармас!

آية رقم 39

ﰂﰃﰄﰅﰆﰇ ﰈ

39. Инсон учун фақат ўзи қилган ҳаракатигина бўлур (яъни, ўзгаларнинг қилган яхши амалларидан унга бирон фойда етмас).

آية رقم 40

ﰉﰊﰋﰌ ﰍ

40. Унинг қилган саъй-ҳаракати эса яқинда (Қиёмат Кунида) кўринур.

آية رقم 41

ﰎﰏﰐﰑ ﰒ

41. Сўнгра у (ўша саъй-ҳаракати учун) тўла-тўкис жазо-мукофот олур.

آية رقم 42

ﰓﰔﰕﰖ ﰗ

42. Албатта охирги чегара ёлғиз Парвардигорингиз олдига (бормоқлик)дир.

آية رقم 43

ﰘﰙﰚﰛ ﰜ

43. Албатта кулдирган ҳам, йиғлатган ҳам Унинг Ўзидир.

آية رقم 44

ﰝﰞﰟﰠ ﰡ

44. Албатта ўлдирган ҳам, тирилтирган ҳам Унинг Ўзидир.

آية رقم 45

ﭑﭒﭓﭔﭕ ﭖ

45. Ва албатта У зот эркак-аёл жуфтларни яратгандир.

آية رقم 46

ﭗﭘﭙﭚ ﭛ

46. (Уларни) отилиб чиқадиган нутфадан (яратгандир).

آية رقم 47

ﭜﭝﭞﭟ ﭠ

47. Албатта (барча халойиқни ўлганидан сўнг) иккинчи бор пайдо қилиш ҳам ёлғиз Унинг зиммасидадир.

آية رقم 48

ﭡﭢﭣﭤ ﭥ

48. Албатта бой қилган ҳам, бадавлат қилган ҳам Унинг Ўзидир.

آية رقم 49

ﭦﭧﭨﭩ ﭪ

49. Албатта Шеъро (юлдузи)нинг Парвардигори ҳам Унинг Ўзидир.
____________________
И з о ҳ. Мушрикларнинг бир тоифаси ёзнинг иссиқ кечаларида кўринадиган Шеъро (Сириус) номли юлдузга сиғинар эдилар. Мазкур ояти карима Аллоҳ таоло улар сиғинаётган Шеъронинг ҳам Парвардигори эканлигини уқтиради.

آية رقم 50

ﭫﭬﭭﭮ ﭯ

50. Албатта У зот аввалги Од (қабиласи)ни ҳалок қилди;

آية رقم 51

ﭰﭱﭲ ﭳ

51. Ва Самуд (қабиласи)ни ҳам (ҳалок қилди), бас (улардан бирон кишини тирик) қолдирмади.

آية رقم 52

ﭴﭵﭶﭷﭸﭹﭺﭻﭼﭽ ﭾ

52. Яна У зот илгари Нуҳ қавмини ҳам (ҳалок қилгандир). Чунки уларнинг ўзлари жуда золим ва туғёнга тушган кимсалар эдилар.

آية رقم 53

ﭿﮀ ﮁ

53. Яна У зот зеру-забар бўлган қишлоқни (яъни, Лут пайғамбар қавмини) ҳам қулатиб,

آية رقم 54

ﮂﮃﮄ ﮅ

54. уни ўраган нарса (яъни, осмонда ёғилган тошлар) билан ўраб кўмиб ташлади.

آية رقم 55

ﮆﮇﮈﮉ ﮊ

55. Бас, (эй инсон) Парвардигорингнинг қайси неъматлари ҳақида шак-шубҳа қилурсан?!

آية رقم 56

ﮋﮌﮍﮎﮏ ﮐ

56. Бу (яъни, Муҳаммад алайҳис-салоту вас-салом ҳам) аввалги огоҳлантиргувчилар (пайғамбарлар жумласи)дан бир огоҳлантиргувчидир.

آية رقم 57

ﮑﮒ ﮓ

57. Яқин бўлгувчи (Қиёмат) яқин қолди.

آية رقم 58

ﮔﮕﮖﮗﮘﮙ ﮚ

58. Унинг учун Аллоҳдан ўзга бирон очгувчи (қачон бўлишини билдиргувчи) йўқдир.

آية رقم 59

ﮛﮜﮝﮞ ﮟ

59. (Эй мушриклар), ҳали сизлар мана шу Сўздан (Қуръондан) ажабланурсизларми?!

آية رقم 60

ﮠﮡﮢ ﮣ

60. (Ундаги оятларнинг беназир ва бемисл ўгит-насиҳатларидан таъсирланиб) йиғламасдан, кулурсизларми?

آية رقم 61

ﮤﮥ ﮦ

61. Ғофил бўлган ҳолларингизда (йиғламасдан, кулурсизларми?!)

آية رقم 62

ﮧﮨﮩﮪ ﮫ

62. Бас, сизлар ёлғиз Аллоҳга сажда ва ибодат қилинглар!
____________________
И з о ҳ. Ушбу ояти карима навбатдаги сажда ояти бўлиб, уни ўқиган ва тинглаган ҳар бир киши учун бир бор сажда лозим бўлур.

تقدم القراءة