ترجمة معاني سورة الرحمن باللغة الأوزبكية من كتاب الترجمة الأوزبكية - علاء الدين منصور

آية رقم 1

ﭷ ﭸ ​

1. Меҳрибон (Аллоҳ Муҳаммад пайғамбар ва унинг умматларига)

آية رقم 2

ﭹﭺ ﭻ ​

2. Қуръонни таълим берди.

آية رقم 3

ﭼﭽ ﭾ ​

3. У зот инсонни яратди.

آية رقم 4

ﭿﮀ ﮁ ​

4. Ва унга (дилидаги мақсадини баён эта олиши учун) баённи (нутқни) таълим берди.

آية رقم 5

ﮂﮃﮄ ﮅ ​

5. Қуёш ҳам, ой ҳам (аниқ) ҳисоб-ўлчов билан (жорий бўлур).

آية رقم 6

ﮆﮇﮈ ﮉ ​

6. Ўт-ўлан ҳам, дов-дарахт ҳам (ёлғиз Аллоҳга) сажда қилур — бўйинсунур.

آية رقم 7

ﮊﮋﮌﮍ ﮎ ​

7. У зот осмонни баланд қилиб қўйди ва мезон-тарозини ўрнатди.

آية رقم 8

ﮏﮐﮑﮒ ﮓ ​

8. Сизлар тош-тарозида туғёнга тушмасликларингиз (яъни, ўзгаларга зулм қилмасликларингиз) учун (мезон-тарозини ўрнатди).

آية رقم 9

ﮔﮕﮖﮗﮘﮙ ﮚ ​

9. (Эй инсонлар, ўзаро олди-берди муомалаларингизда) тўғри, адолат билан тортинглар ва тарозидан уриб қолманглар!

آية رقم 10

ﮛﮜﮝ ﮞ ​

10. Ерни У зот (жамийки) жонзотлар учун (яъни, улар жойлашиб, фойдаланишлари учун) паст-текис қилиб қўйди.

آية رقم 11

ﮟﮠﮡﮢﮣ ﮤ ​

11. Унда (турли-туман) мева-чева ва гулкосали хурмо дарахтлари бор.

آية رقم 12

ﮥﮦﮧﮨ ﮩ ​

12. Яна сомонли дон-дун ва хушбўй (гуллар) бор.

آية رقم 13

ﮪﮫﮬﮭ ﮮ ​

13. Бас, (эй инсонлар ва жинлар), Парвардигорингизнинг қайси неъматларини ёлғон дея (яъни, инкор қила) олурсизлар?!

آية رقم 14

ﮯﮰﮱﯓﯔ ﯕ ​

14. У зот инсонни (яьни, Одам алайҳиссаломни) сопол каби қуриган қора лойдан яратди.

آية رقم 15

ﯖﯗﯘﯙﯚﯛ ﯜ ​

15. Жинларни эса аланга-оловдан яратди.

آية رقم 16

ﯝﯞﯟﯠ ﯡ ​

16. Бас, (эй инсонлар ва жинлар), Парвардигорингизнинг қайси неъматларини ёлғон дея олурсизлар?!

آية رقم 17

ﯢﯣﯤﯥ ﯦ ​

17. (Аллоҳ) икки шарқнинг (яъни, кун ва ой ботадиган жойларнинг) ҳам Парвардигоридир.

آية رقم 18

ﯧﯨﯩﯪ ﯫ ​

18. Бас, (эй инсонлар ва жинлар), Парвардигорингизнинг қайси неъматларини ёлғон дея олурсизлар?!

آية رقم 19

ﭑﭒﭓ ﭔ ​

19. У зот икки денгиз-дарёни бир-бирлари билан учрашадиган ҳолларида (ёнма-ён) оқизиб қўйди.

آية رقم 20

ﭕﭖﭗﭘ ﭙ ​

20. (Аммо) у иккисининг ўрталарида бир тўсиқ бўлиб, улар (ўша тўсиқдан) ошиб ўтмаслар.
____________________
И з о ҳ. Маълумки, денгиз қаъри ҳам, дарё туби ҳам сув бемалол сизиб ўта оладиган қумлоқ ёки тупроқдир. Кўп ҳолларда шўр сувли денгиз билан чучук сувли дарё ёки кўл шундоқ ёнма-ён жойлашиб ҳам қолади. Лекин Аллоҳ таолонинг қудрати билан улардан бирининг шўри иккинчисига уриб кетмайди.

آية رقم 21

ﭚﭛﭜﭝ ﭞ ​

21. Бас, (эй инсонлар ва жинлар), Парвардигорингизнинг қайси неъматларини ёлғон дея олурсизлар?!

آية رقم 22

ﭟﭠﭡﭢ ﭣ ​

22. У иккисидан (бири бўлмиш денгиздан) марварид ва маржонлар чиқур.

آية رقم 23

ﭤﭥﭦﭧ ﭨ ​

23. Бас, (эй инсонлар ва жинлар), Парвардигорингизнинг қайси неъматларини ёлғон дея олурсизлар?!

آية رقم 24

ﭩﭪﭫﭬﭭﭮ ﭯ ​

24. Денгиздаги тоғлар каби баланд кўтарилган қатновчилар (яъни, елканли кемалар) ҳам ёлғиз У зотникидир.

آية رقم 25

ﭰﭱﭲﭳ ﭴ ​

25. Бас, (эй инсонлар ва жинлар), Парвардигорингизнинг қайси неъматларини ёлғон дея олурсизлар?!

آية رقم 26

ﭵﭶﭷﭸ ﭹ ​

26. (Ер) юзидаги барча жонзот фонийдир.

آية رقم 27

ﭺﭻﭼﭽﭾﭿ ﮀ ​

27. Буюклик ва карам соҳиби бўлган Парвардигорингизнинг Юзи — Ўзигина боқий мангу қолур.
____________________
И з о ҳ. Бу оятда Аллоҳ таолога важҳ (юз) сифатининг У зот субҳанаҳу ва таолонинг Ўзига лойиқ бўлган тарзда, махлуқотларга ўшхатмасдан ва кайфият бермасдан исбот қилиш бордир.

آية رقم 28

ﮁﮂﮃﮄ ﮅ ​

28. Бас, (эй инсонлар ва жинлар), Парвардигорингизнинг қайси неъматларини ёлғон дея олурсизлар?!

آية رقم 29

ﮆﮇﮈﮉﮊﮋﮌﮍﮎﮏﮐ ﮑ ​

29. Осмонлар ва Ердаги (барча) жонзот (Унга муҳтождир ва бор тилак-мақсадларини ёлғиз) Ундан сўрар. У зот ҳар куни бир иш-амалдадир.
____________________
И з о ҳ. Ушбу ояти карима ўзи мўъжаз бўлишига қарамасдан Исломий ақиданинг асосий рукнларидан бирини тўла ифодалагандир. Яъни, Еру осмонда Аллоҳ таолога муҳтож бўлмаган ва Ундан мадад-ёрдам тиламаган бирон жонзот йўқдир. У зот ҳар куни, ҳар соат, ҳар лаҳзада Ўзи яратган коинотдаги барча жонзотни бошқариб-парвариш қилиб турадиган Парвардигордир. Бу оят, «Аллоҳ таоло борлиқ ва ундаги нарсаларни яратгач, уларни ўз ҳолига ташлаб қўйган», дейдиган айрим файласуфларга очиқ раддиядир.

آية رقم 30

ﮒﮓﮔﮕ ﮖ ​

30. Бас, (эй инсонлар ва жинлар), Парвардигорингизнинг қайси неъматларини ёлғон дея олурсизлар?!

آية رقم 31

ﮗﮘﮙﮚ ﮛ ​

31. Яқинда (Қиёмат қойим бўлган Кунда) сизлар(ни ҳисоб-китоб қилиш) учун фориғ бўлажакмиз, эй инсу жинлар!
____________________
И з о ҳ. Яъни, озгина фурсат ўтгач, ҳаёти дунё тугаб, ундаги иш-амал битар ва Аллоҳ таоло барча инсонлар ва жинларнинг ҳаётларида қилиб ўтган амалларини ҳисоб-китоб қилиш ва муносиб мукофот-жазо бериш учун фориғ бўлур. У Кунда Аллоҳ таолонинг одил жазосидан ҳеч ким қочиб қутула олмас. Қуйидаги оятларда сўз шу ҳақда боради.

آية رقم 32

ﮜﮝﮞﮟ ﮠ ​

32. Бас, (эй инсонлар ва жинлар), Парвардигорингизнинг қайси неъматларини ёлғон дея олурсизлар?!

آية رقم 33

ﮡﮢﮣﮤﮥﮦﮧﮨﮩﮪﮫﮬﮭﮮﮯﮰﮱ ﯓ ​

33. Эй жин ва инс жамоаси! Агар сизлар (Аллоҳнинг жазосидан қочиб) осмонлар ва Ер чегараларидан ўтиб кетишга қодир бўлсангизлар, у ҳолда ўтиб кетаверинглар! Сизлар фақат куч-қудрат билангина ўта олурсизлар, (лекин у Кунда сизларда ҳеч қандай куч-қудрат бўлмас)!

آية رقم 34

ﯔﯕﯖﯗ ﯘ ​

34. Бас, (эй инсонлар ва жинлар), Парвардигорингизнинг қайси неъматларини ёлғон дея олурсизлар?!

آية رقم 35

ﯙﯚﯛﯜﯝﯞﯟﯠ ﯡ ​

35. (У Кунда) сизларнинг устингизга оловдан бир аланга ва тутун юборилурки, сизлар (ундан ҳаргиз) қутула олмассизлар!

آية رقم 36

ﯢﯣﯤﯥ ﯦ ​

36. Бас, (эй инсонлар ва жинлар), Парвардигорингизнинг қайси неъматларини ёлғон дея олурсизлар?!

آية رقم 37

ﯧﯨﯩﯪﯫﯬ ﯭ ​

37. Энди қачон (Қиёмат қойим бўлгач) осмон ёрилиб, (жаҳаннам ҳароратидан доғланган) ёғ каби қизариб қолганида,

آية رقم 38

ﯮﯯﯰﯱ ﯲ ​

38. Бас, (эй инсонлар ва жинлар). Парвардигорингизнинг қайси неъматларини ёлғон дея олурсизлар?!

آية رقم 39

ﯳﯴﯵﯶﯷﯸﯹﯺ ﯻ ​

39. Ана ўша Кунда на бир инс ва на бир жин (қилиб ўтган) гуноҳидан сўралмас!

آية رقم 40

ﯼﯽﯾﯿ ﰀ ​

40. Бас, (эй инсонлар ва жинлар), Парвардигорингизнинг қайси неъматларини ёлғон дея олурсизлар?!

آية رقم 41

ﰁﰂﰃﰄﰅﰆ ﰇ ​

41. (Чунки у Кунда) жиноятчи-осий кимсалар сиймо-белгиларидан танилиб, пешона ва оёқларидан олинурлар (ва жаҳаннамга отилурлар)!

آية رقم 42

ﭑﭒﭓﭔ ﭕ ​

42. Бас, (эй инсонлар ва жинлар), Парвардигорингизнинг қайси неъматларини ёлғон дея олурсизлар?!

آية رقم 43

ﭖﭗﭘﭙﭚﭛ ﭜ ​

43. Жиноятчи-осий кимсалар ёлғон дейдиган жаҳаннам мана шудир!

آية رقم 44

ﭝﭞﭟﭠﭡ ﭢ ​

44. Улар ўша (жаҳаннам) билан ўта қайноқ сув ўртасида айланаверарлар!
____________________
И з о ҳ. Яъни, ҳаёти-дунёдан куфру-исён билан ўтган кимсалар Охиратда дўзах ўтида куяр эканлар, дўзах ходимлари бўлмиш фаришталардан бирон қултум сув беришни сўрарлар. Шунда уларга қайноқ сув берилиб, яна дўзахга отилурлар ва бу ҳол абадул-абад давом этур. Мазкур оятларда кофирлар дучор бўлажак азоб-уқубатлар баён этилди. Энди қуйида келадиган оятларда иймон эгаларига кўз тутиб турган гўзал оқибат — жаннатдаги мангу саодатли ҳаёт қилинади.

آية رقم 45

ﭣﭤﭥﭦ ﭧ ​

45. Бас, (эй инсонлар ва жинлар), Парвардигорингизнинг кайси неъматларини ёлғон дея олурсизлар?!

آية رقم 46

ﭨﭩﭪﭫﭬ ﭭ ​

46. Парвардигори (ҳузурида) туришидан (яъни, ўзининг Парвардигор олдида туриб, ҳаёти дунёда қилиб ўтган барча амалларига жавоб беришдан) қўрққан киши учун икки жаннат бордир.

آية رقم 47

ﭮﭯﭰﭱ ﭲ ​

47. Бас, (эй инсонлар ва жинлар), Парвардигорингизнинг қайси неъматларини ёлғон дея олурсизлар?!

آية رقم 48

ﭳﭴ ﭵ ​

48. (У икки жаннат сон-саноқсиз) шох-новдалар эгасидирлар (яъни, сермева ва соя-салқиндирлар).

آية رقم 49

ﭶﭷﭸﭹ ﭺ ​

49. Бас, (эй инсонлар ва жинлар). Парвардигорингизнинг қайси неъматларини ёлғон дея олурсизлар?!

آية رقم 50

ﭻﭼﭽ ﭾ ​

50. У иккисида икки оқар чашма бордир.

آية رقم 51

ﭿﮀﮁﮂ ﮃ ​

51. Бас, (эй инсонлар ва жинлар), Парвардигорингизнинг қайси неъматларини ёлғон дея олурсизлар?!

آية رقم 52

ﮄﮅﮆﮇﮈ ﮉ ​

52. У иккисида барча мевадан икки нави бордир.

آية رقم 53

ﮊﮋﮌﮍ ﮎ ​

53. Бас, (эй инсонлар ва жинлар), Парвардигорингизнинг қайси неъматларини ёлғон дея олурсизлар?!

آية رقم 54

ﮏﮐﮑﮒﮓﮔﮕﮖﮗﮘ ﮙ ​

54. (Аҳли жаннат) астарлари шойидан бўлган кўрпачалар устида ястанган ҳолларида (ўлтирурлар). У жаннатларнинг меваси яқин бўлгувчидир (яъни, жаннат аҳли қай-бир мевани ейишни истаса, ўша меванинг ўзи уларга эгилиб, яқин келур).

آية رقم 55

ﮚﮛﮜﮝ ﮞ ​

55. Бас, (эй инсонлар ва жинлар), Парвардигорингизнинг қайси неъматларини ёлғон дея олурсизлар?!

آية رقم 56

ﮟﮠﮡﮢﮣﮤﮥﮦﮧ ﮨ ​

56. У (жаннат)ларда шундай кўзларини (бегона эркакларга қарашдан) тийгувчи (қиз)лар борки, уларга (жаннат аҳлидан) илгари на бир инс ва на бир жин тегингандир.

آية رقم 57

ﮩﮪﮫﮬ ﮭ ​

57. Бас, (эй инсонлар ва жинлар), Парвардигорингизнинг қайси неъматларини ёлғон дея олурсизлар?!

آية رقم 58

ﮮﮯﮰ ﮱ ​

58. Улар (софлик ва оқликда) гўёки ёқут ва маржондирлар.

آية رقم 59

ﯓﯔﯕﯖ ﯗ ​

59. Бас, (эй инсонлар ва жинлар), Парвардигорингизнинг қайси неъматларини ёлғон дея олурсизлар?!

آية رقم 60

ﯘﯙﯚﯛﯜ ﯝ ​

60. Эҳсон-яхшиликнинг жазоси-мукофоти фақат яхшилиқдир.
____________________
И з о ҳ. Яъни, ҳаёти-дунёдан иймон ва эзгу амаллар билан ўтган кишининг Охиратдаги мукофоти жаннатдир. Эҳсон калимасининг луғавий маъноси — чиройли амал қилмоқликдир, Пайғамбар алайҳис-салоту вас-саломдан «Эҳсон нимадир?», деб сўралганида, у киши шундай жавоб қилган эканлар: «Эҳсон — Аллоҳ таолога гўё Уни кўриб тургандек ибодат қилишингдир. Зотан, сен У зотни кўрмасанг-да, У зот шак-шубҳасиз, сени кўриб тургувчидир».

آية رقم 61

ﯞﯟﯠﯡ ﯢ ​

61. Бас, (эй инсонлар ва жинлар), Парвардигорингизнинг қайси неъматларини ёлғон дея олурсизлар?!

آية رقم 62

ﯣﯤﯥ ﯦ ​

62. У икки (жаннат)дан қуйироқда яна икки жаннат бордир.

آية رقم 63

ﯧﯨﯩﯪ ﯫ ​

63. Бас, (эй инсонлар ва жинлар), Парвардигорингизнинг қайси неъматларини ёлғон дея олурсизлар?!

آية رقم 64

ﯬ ﯭ ​

64. (У икки жаннат) серсув ва серяпроқликдан қорамтирдирлар.

آية رقم 65

ﯮﯯﯰﯱ ﯲ ​

65. Бас, (эй инсонлар ва жинлар), Парвардигорингизнинг қайси неъматларини ёлғон дея олурсизлар?!

آية رقم 66

ﯳﯴﯵ ﯶ ​

66. У иккисида тинмай отилиб тургувчи икки чашма бордир.

آية رقم 67

ﯷﯸﯹﯺ ﯻ ​

67. Бас, (инсонлар ва жинлар), Парвардигорингизнинг қайси неъматларини ёлғон дея олурсизлар?!

آية رقم 68

ﯼﯽﯾﯿ ﰀ ​

68. У иккисида мева, хурмо ва анорлар бордир.

آية رقم 69

ﰁﰂﰃﰄ ﰅ ​

69. Бас, (эй инсонлар ва жинлар), Парвардигорингизнинг қайси неъматларини ёлғон дея олурсизлар?!

آية رقم 70

ﭑﭒﭓ ﭔ ​

70. У (жаннат)ларда хушхулқ ва гўзал юзли (аёл)лар бордир.

آية رقم 71

ﭕﭖﭗﭘ ﭙ ​

71. Бас, (эй инсонлар ва жинлар), Парвардигорингизнинг қайси неъматларини ёлғон дея олурсизлар?!

آية رقم 72

ﭚﭛﭜﭝ ﭞ ​

72. (Улар) чодирларда асралган ҳурлардир.

آية رقم 73

ﭟﭠﭡﭢ ﭣ ​

73. Бас, (эй инсонлар ва жинлар), Парвардигорингизнинг қайси неъматларини ёлғон дея олурсизлар?!

آية رقم 74

ﭤﭥﭦﭧﭨﭩ ﭪ ​

74. Уларга (жаннат аҳлидан) илгари на бир инс ва на бир жин тегингандир.

آية رقم 75

ﭫﭬﭭﭮ ﭯ ​

75. Бас, (эй инсонлар ва жинлар), Парвардигорингизнинг қайси неъматларини ёлғон дея олурсизлар?!

آية رقم 76

ﭰﭱﭲﭳﭴﭵ ﭶ ​

76. (Жаннат аҳли у жаннатларда) яшил болишлар ва гўзал гиламлар устида ястанган ҳолларида (ўлтирурлар).

آية رقم 77

ﭷﭸﭹﭺ ﭻ ​

77. Бас, (эй инсонлар ва жинлар), Парвардигорингизнинг қайси неъматларини ёлғон дея олурсизлар?!

آية رقم 78

ﭼﭽﭾﭿﮀﮁ ﮂ ​

78. Буюклик ва карам соҳиби бўлган Парвардигорингизнинг номи баракотли — буюкдир.