ترجمة معاني سورة المدّثر باللغة الأوزبكية من كتاب الترجمة الأوزبكية - علاء الدين منصور

1. Эй (либосларига) бурканиб олган зот,
____________________
И з о ҳ. Саҳобалардан Жобир ибн Абдуллоҳ (Аллоҳ ундан рози бўлсин) ривоят қилишларича, Пайғамбар алайҳис-салоту вас-салом юқоридаги оятлар нозил бўлиши хусусида шундай деганлар: «Мен бир куни йўлда кетаётиб осмондан бир овоз эшитдим. Бошимни кўтариб қарасам, баногоҳ мен Ҳиро ғорида эканлигимда олдимга келган фаришта осмон билан Ернинг ўртасида муаллақ бўлган бир курсида ўтирибди. Бу ҳолни кўриб қўрққанимдан ерга йиқилдим ва қалтираб-титраган ҳолимда уйга етиб келиб, «Мени ўраб қўйинглар, мени ўраб қўйинглар», дедим. Энди кўрпага бурканиб ётганимда, менга «Эй (либосларига) бурканиб олган зот», деб бошланган оятлар нозил бўлди».

آية رقم 2

ﮭﮮ ﮯ

2. Туринг-да, (инсонларни Охират азобидан) огоҳлантиринг!

آية رقم 3

ﮰﮱ ﯓ

3. Ёлғиз Парвардигорингизни улуғланг!

آية رقم 4

ﯔﯕ ﯖ

4. Либосларингизни пок тутинг!

آية رقم 5

ﯗﯘ ﯙ

5. Бутлардан йироқ бўлинг!

آية رقم 6

ﯚﯛﯜ ﯝ

6. (Бераётган нарсангизни) кўп санаган ҳолингизда эҳсон қилманг!

آية رقم 7

ﯞﯟ ﯠ

7. Ёлғиз Парвардигорингиз (Юзи) учун (кофирлар томонидан етадиган озорларга) сабр қилинг!

آية رقم 8

ﯡﯢﯣﯤ ﯥ

8. Чунки қачон (Қиёмат қойим бўлгани ҳақида хабар бериб) бурғу чалинганида,

آية رقم 9

ﯦﯧﯨﯩ ﯪ

9. ана ўша Кун қийин Кундир!

آية رقم 10

ﯫﯬﯭﯮ ﯯ

10. Кофирларга осон бўлмаган (Кундир)!
____________________
И з о ҳ. Ушбу оятларда Аллоҳ таоло Ўз пайғамбарини зиммасидаги пайғамбарлик вазифасини сабр-тоқат билан адо этишга чорлаб, у зотга яқинда дин йўлига ғов бўлган кимсалар учун қийин бир Кун — Қиёмат келиши тўғрисида хабар берди. Энди қуйидаги оятларда ўша кофирлардан бири бўлган Валид ибн Муғийранинг Қуръон ва Пайғамбар алайҳис-салоту вас-саломга қарши қилган кирдикори ва у топажак оқибат ҳақида сўз боради.

آية رقم 11

ﯰﯱﯲﯳ ﯴ

11. (Эй Муҳаммад алайҳис-салоту вас-салом), Мен сўққабош ҳолида яратган кимсани Ўзимга қўйиб беринг!

آية رقم 12

ﯵﯶﯷﯸ ﯹ

12. Мен унга кенг-мўл мол-давлат,

آية رقم 13

ﯺﯻ ﯼ

13. ва (доимо ёнида) ҳозиру нозир ўғилларни (ато) қилдим.

آية رقم 14

ﯽﯾﯿ ﰀ

14. Яна унга (ҳаётнинг барча неъматларини) қулай-осон қилиб қўйдим.

آية رقم 15

ﰁﰂﰃﰄ ﰅ

15. Сўнгра у яна зиёда қилишимни тамаъ қилур.

آية رقم 16

ﰆﰇﰈﰉﰊﰋ ﰌ

16. Йўқ, (унинг тамаъси беҳудадир)! Чунки у Бизнинг оятларимизга қаршилик қилгувчидир.

آية رقم 17

ﰍﰎ ﰏ

17. Яқинда Мен уни бир харсанг тошга (яъни, ўтиб бўлмас тўсиққа) дучор қилажакман!

آية رقم 18

ﰐﰑﰒ ﰓ

18. Чунки у (Қуръонни эшитгач, бу илоҳий Китобга қандай туҳмат қилиш тўғрисида) ўйлади, режа тузди.

آية رقم 19

ﭑﭒﭓ ﭔ

19. Ҳалок қилингур, қандай режа тузди-я?!

آية رقم 20

ﭕﭖﭗﭘ ﭙ

20. Яна ҳалок қилингур, қандай режа тузди-я?!

آية رقم 21

ﭚﭛ ﭜ

21. Сўнгра у (ўйлаган режаларига) қаради.

آية رقم 22

ﭝﭞﭟ ﭠ

22. Сўнгра (Қуръондан бирон айб топа олмагач, пешонасини) тириштирди ва (афтини) буриштирди.

آية رقم 23

ﭡﭢﭣ ﭤ

23. Сўнгра (Ҳақдан) юз ўгирди ва кибр-ҳаво қилди.

آية رقم 24

ﭥﭦﭧﭨﭩﭪ ﭫ

24. Бас, у: «Бу (Қуръон Аллоҳнинг сўзи эмас, балки) фақат (аввалгилардан нақл қилинаётган бир сеҳрдир.

آية رقم 25

ﭬﭭﭮﭯﭰ ﭱ

25. Бу фақат башарнинг сўзидир», деди.

آية رقم 26

ﭲﭳ ﭴ

26. Яқинда Мен уни Сақарга (жаҳаннамга) киритажакман!

آية رقم 27

ﭵﭶﭷﭸ ﭹ

27. (Эй Муҳаммад алайҳис-салоту вас-салом), Сақарнинг нима эканлигини сиз қаердан ҳам билар эдингиз.

آية رقم 28

ﭺﭻﭼﭽ ﭾ

28. У (бирон кофирни) қолдирмас — қўймас (балки куйдириб ҳалок қилур)!

آية رقم 29

ﭿﮀ ﮁ

29. (У беш юз йиллик масофадан) инсонларга яққол кўриниб тургувчидир.

آية رقم 30

ﮂﮃﮄ ﮅ

30. Унинг устида ўн тўққиз (фаришта қўриқчилик-эгалик қилур).

آية رقم 31

ﮆﮇﮈﮉﮊﮋﮌﮍﮎﮏﮐﮑﮒﮓﮔﮕﮖﮗﮘﮙﮚﮛﮜﮝﮞﮟﮠﮡﮢﮣﮤﮥﮦﮧﮨﮩﮪﮫﮬﮭﮮﮯﮰﮱﯓﯔﯕﯖﯗﯘﯙﯚﯛﯜﯝﯞﯟﯠﯡﯢﯣ ﯤ

31. Биз фақат фаришталарни дўзах эгалари-қўриқчилари қилдик ва Биз фақат кофир бўлган кимсаларни синаш учун у (фаришта)ларнинг саноғини (ўн тўққизта) қилдик. Токи китоб берилган кимсалар (яъни, яҳудий ва насронийлар ўзларининг илоҳий китоблари бўлмиш Таврот ва Инжилда ҳам дўзах қўриқчилари бўлган фаришталар саноғи ўн тўққизта экани айтилганини кўриб Қуръоннинг Аллоҳ томонидан нозил қилинган Ҳақ Китоб эканлигини) аниқ билгайлар ва иймон келтирган зотларнинг иймонлари эса янада зиёда бўлгай ҳамда китоб берилган кимсалар ҳам, мўминлар ҳам (дўзах қўриқчиларининг саноғи тўғрисида) шак-шубҳа қилмагайлар. Ва токи дилларида мараз (мунофиқлик) бўлган кимсалар ва кофирлар: «Буни мисол қилиш билан (яъни, фаришталар саноғини ўн тўққизта қилиш билан) Аллоҳ нима демоқчи?», дегайлар. Аллоҳ Ўзи хоҳлаган кимсаларни мана шундай йўлдан оздириб қўюр ва Ўзи хоҳлаган кишиларни ҳидоят қилур. Парвардигорингизнинг қўшинларини (яъни, фаришталарнинг қанча ададда ва қандай сифатда эканликларини) ёлғиз Унинг Ўзигина билур. У (яъни, ушбу оятларда таърифланган жаҳаннам) фақат инсонлар (панд-насиҳат олишлари) учун бир эслатмадир.

آية رقم 32

ﯥﯦ ﯧ

32. Дарҳақиқат, Ойга қасам,

آية رقم 33

ﯨﯩﯪ ﯫ

33. Ўтиб кетган тунга қасам,

آية رقم 34

ﯬﯭﯮ ﯯ

34. Ёришиб келаётган тонгга қасамки,

آية رقم 35

ﯰﯱﯲ ﯳ

35. Албатта у (жаҳаннам) чўнг (бало)лардан биридир.

آية رقم 36

ﯴﯵ ﯶ

36. (Барча) инсонлар учун огоҳлантиргувчи (бўлган чўнг балолардан биридир).

آية رقم 37

ﯷﯸﯹﯺﯻﯼﯽ ﯾ

37. — Сизларнинг орангизда (яхшилик ва тоат-ибодат томонга) илгарилаётган ёки (куфру исён томонига) чекинаётган кишилар учун (огоҳлантиргувчи бўлган чўнг балолардан биридир).

آية رقم 38

ﯿﰀﰁﰂﰃ ﰄ

38. Ҳар бир жон ўзи (ҳаёти-дунёда) касб қилган амали сабабли (дўзахда) ушлангувчидир.

آية رقم 39

ﰅﰆﰇ ﰈ

39. Фақат ўнг қўл эгаларигина (яъни, ҳаёти-дунёда иймон келтирганлари ва эзгу амаллар қилганлари сабабли Қиёмат Кунида номаи аъмоллари ўнг қўлларидан берилган саодатманд зотларгина дўзахдан) нажот топгувчидирлар.

آية رقم 40

ﰉﰊﰋ ﰌ

40. Улар жаннатларда бир-бирлари билан савол-жавоб қилишурлар.

آية رقم 41

ﰍﰎ ﰏ

41. (Дўзахга ташланган) жиноятчи-кофир ҳақида.

آية رقم 42

ﰐﰑﰒﰓ ﰔ

42. (Улар дўзах аҳлига): «Сизларни нима Сақарга киритди?», (деганларида),

آية رقم 43

ﰕﰖﰗﰘﰙ ﰚ

43. Улар айтурлар: «Бизлар намоз ўқигувчилардан бўлмадик.

آية رقم 44

ﰛﰜﰝﰞ ﰟ

44. Мискин-бечорага таом бергувчи ҳам бўлмадик.

آية رقم 45

ﰠﰡﰢﰣ ﰤ

45. Бизлар (ботил-беҳуда сўзларга) шўнғигувчи кимсалар билан бирга шўнғир эдик (яъни, Қуръон ва пайғамбар хусусида туҳмат-ёлғонлар тўқир эдик).

آية رقم 46

ﰥﰦﰧﰨ ﰩ

46. Бизлар Жазо — Қиёмат Кунини ёлғон дер эдик.

آية رقم 47

ﰪﰫﰬ ﰭ

47. То бизларга аниқ (ўлим) келгунича».

آية رقم 48

ﭑﭒﭓﭔ ﭕ

48. Энди оқловчиларнинг оқлови уларга фойда бермас!
____________________
И з о ҳ. Яъни Қиёмат Кунида ҳаёти-дунёдан кофир бўлиб ўтган кимсалар ўзлари учун бирон оқловчи топа олмаслар ва агар фаразан Ер юзидаги барча одамлар уларни оқлаган тақдирда ҳам бу оқлов уларга фойда бермас! Юқоридаги оятларда кофирлар топадиган оқибат зикр қилинди. Энди қуйидаги оятларда уларнинг Ҳақдан юз ўгиришлари тўғрисида бир ибратли мисол келтирилади:

آية رقم 49

ﭖﭗﭘﭙﭚ ﭛ

49. Нега улар бу Эслатмадан — Қуръондан юз ўгирадилар-а?!

آية رقم 50

ﭜﭝﭞ ﭟ

50. Худди ёввойи эшакларга,

آية رقم 51

ﭠﭡﭢ ﭣ

51. Шердан қочган (ёввойи эшакларга ўхшаб Қуръондан юз ўгирадилар-а?!)

آية رقم 52

ﭤﭥﭦﭧﭨﭩﭪﭫﭬ ﭭ

52. Йўқ, (улар ҳеч қачон Қуръон оятларига қулоқ тутмаслар, балки) улардан ҳар бир кимса ўзига очиқ саҳифалар берилишини истар!
____________________
И з о ҳ. Макка мушриклари Муҳаммад алайҳис-салоту вас-саломга: «Токи сен бизларнинг ҳар биримизга осмондан алоҳида саҳифа келтирмагунингча ва бу саҳифада ҳар биримизга Аллоҳ томонидан сенга эргашиш буюрилганини ўқиб кўрмагунимизча, сенга иймон келтирмаймиз», деганларида, ушбу ояти карима нозил бўлди.

آية رقم 53

ﭮﭯﭰﭱﭲﭳ ﭴ

53. Йўқ, (уларнинг кофир бўлишларига сабаб, асло уларга очиқ саҳифалар берилмагани эмас), балки улар Охират(га иймон келтирмайдилар ва унда бўладиган азоб-уқубат)дан қўрқмаслар (ва шу сабабдан Қуръондан юз ўгирурлар).

آية رقم 54

ﭵﭶﭷ ﭸ

54. Ҳа, албатта у (Қуръон) бир эслатмадир.

آية رقم 55

ﭹﭺﭻ ﭼ

55. Бас, хоҳлаган киши ундан эслатма-ибрат олур.

آية رقم 56

ﭽﭾﭿﮀﮁﮂﮃﮄﮅﮆﮇﮈ ﮉ

56. Улар ёлғиз Аллоҳ хоҳлаганидагина (Қуръондан) эслатма-ибрат олурлар. У (Аллоҳ) тақво эгасидир (яъни, бандалари Ундан тақво қилишлари — қўрқишлари лозимдир) ва (У Аллоҳ тақво қилгувчи бандалари учун) мағфират Эгасидир.

تقدم القراءة