ترجمة معاني سورة المدّثر باللغة ماراناو من كتاب Maranao - Maranao translation

آية رقم 1

ﮪﮫ ﮬ ​

Hay (Nabi a) khokolob!

آية رقم 2

ﮭﮮ ﮯ ​

Pamayandg ka na, go ka pamakaiktiyar!

آية رقم 3

ﮰﮱ ﯓ ​

Go so Kadnan ka na zlaslaang ka!

آية رقم 4

ﯔﯕ ﯖ ​

Go so nditarn ka na sotiyang ka!

آية رقم 5

ﯗﯘ ﯙ ​

Go so marzik na pakawataning ka!

آية رقم 6

ﯚﯛﯜ ﯝ ​

Go di ka phammgay sa pantag sa kaplaba!

آية رقم 7

ﯞﯟ ﯠ ​

Go makapantag ko Kadnan ka na thigr ka!

آية رقم 8

ﯡﯢﯣﯤ ﯥ ​

Na amay ka iyopn so sanggakala,

آية رقم 9

ﯦﯧﯨﯩ ﯪ ​

Na giyoto man sa alongan oto i alongan a margn,

آية رقم 10

ﯫﯬﯭﯮ ﯯ ​

Sii ko miyamangongkir, kna a ba malbod.

آية رقم 11

ﯰﯱﯲﯳ ﯴ ​

Botawani Akong ka, ago so taw a inadn Ko a tawantawan!

آية رقم 12

ﯵﯶﯷﯸ ﯹ ​

Go singgayan Ko sa bagian iyan a tamok a madakl,

آية رقم 13

ﯺﯻ ﯼ ​

Go manga wata a khipakamamasa,

آية رقم 14

ﯽﯾﯿ ﰀ ​

Go piyakapangondaya Akn on sa samporna a kapangondaya

آية رقم 15

ﰁﰂﰃﰄ ﰅ ​

Oriyan iyan na maiinam iyan a kawmani Ko ron.

آية رقم 16

ﰆﰇﰈﰉﰊﰋ ﰌ ​

Di dn oto; ka mataan! skaniyan na miyabaloy sii ko manga ayat Ami a somasangka!

آية رقم 17

ﰍﰎ ﰏ ​

Ipaliyogat Akn on so kapanakdg!

آية رقم 18

ﰐﰑﰒ ﰓ ​

Mataan! a skaniyan ni miyamimikiran go mithakdir,

آية رقم 19

ﭑﭒﭓ ﭔ ​

Na pimorkaan, andamanaya i kiyathakdir iyan!

آية رقم 20

ﭕﭖﭗﭘ ﭙ ​

Oriyan iyan na pimorkaan andamanaya i kiyathakdir iyan!

آية رقم 21

ﭚﭛ ﭜ ​

Oriyan iyan na miyangilaylay,

آية رقم 22

ﭝﭞﭟ ﭠ ​

Oriyan iyan na miyakarimng, go komirs;

آية رقم 23

ﭡﭢﭣ ﭤ ​

Oriyan iyan na tomiyalilkhod go miyanakabor;

آية رقم 24

ﭥﭦﭧﭨﭩﭪ ﭫ ​

Na pitharo iyan a: "Da ko ungkaya inonta na balik mata, gii mithatanana;

آية رقم 25

ﭬﭭﭮﭯﭰ ﭱ ​

"Da ko ungkaya inonta katharo o manosiya!"

آية رقم 26

ﭲﭳ ﭴ ​

Pakasoldn Ko skaniyan ko naraka Sakar!

آية رقم 27

ﭵﭶﭷﭸ ﭹ ​

Na antawaa i miyakandao rka o antonaa i naraka Sakar?

آية رقم 28

ﭺﭻﭼﭽ ﭾ ​

A da a plambaan iyan, go da a imbagak iyan!

آية رقم 29

ﭿﮀ ﮁ ​

Pthotong ko kobal! -

آية رقم 30

ﮂﮃﮄ ﮅ ​

Katatagoan sa sapolo ago siyaw (a malaikat).

آية رقم 31

ﮆﮇﮈﮉﮊﮋﮌﮍﮎﮏﮐﮑﮒﮓﮔﮕﮖﮗﮘﮙﮚﮛﮜﮝﮞﮟﮠﮡﮢﮣﮤﮥﮦﮧﮨﮩﮪﮫﮬﮭﮮﮯﮰﮱﯓﯔﯕﯖﯗﯘﯙﯚﯛﯜﯝﯞﯟﯠﯡﯢﯣ ﯤ ​

Na da a tindo Ami a khitotonggo ko naraka a rowar ko manga malaikat; go da a kiyatndo Ami ko itongan iran a rowar sa tpng ko siran a miyamangongkir; ka an makatangkd so piyamgan ko kitab, go an makapagoman so miyamaratiyaya sa paratiyaya, go an di kapaparampangi so piyamgan ko kitab ago so miyamaratiyaya, go an matharo o siran a kiyatagoan so manga poso iran sa gdamn ago so miyamangongkir a: "Antonaa i piyakaantapan o Allah sangkai a ibarat?" Lagid man oto a kandadaga o Allah ko taw a kabaya Iyan, go kathoroa Niyan ko taw a kabaya Iyan: Na da a matao ko manga tantara o Kadnan ka inonta Skaniyan. Na da a salakaw saya a rowar sa pananadm a rk o manosiya.

آية رقم 32

ﯥﯦ ﯧ ​

Di dn: Ibt ko olan,

آية رقم 33

ﯨﯩﯪ ﯫ ​

Go so gagawii igira a khaypos,

آية رقم 34

ﯬﯭﯮ ﯯ ​

Go so khapita igira a mliwanag,

آية رقم 35

ﯰﯱﯲ ﯳ ​

Mataan aya! a titho a isa a mala,

آية رقم 36

ﯴﯵ ﯶ ​

A ipphamakaiktiyar ko manosiya,

آية رقم 37

ﯷﯸﯹﯺﯻﯼﯽ ﯾ ​

Sii ko taw a khabaya rkano mangonakona, odi na pphapakawri.

آية رقم 38

ﯿﰀﰁﰂﰃ ﰄ ​

Oman i ginawa na sanda ko pinggalbk iyan;

آية رقم 39

ﰅﰆﰇ ﰈ ​

Inonta so manga taw ko kawanan,

آية رقم 40

ﰉﰊﰋ ﰌ ​

Ka sii ko manga sorga, gi iran pamagizai iyan,

آية رقم 41

ﰍﰎ ﰏ ​

So manga baradosa:

آية رقم 42

ﰐﰑﰒﰓ ﰔ ​

"Ino kano phakasold ko naraka Sakar?"

آية رقم 43

ﰕﰖﰗﰘﰙ ﰚ ​

Ismbag iran: "Da kami mabaloy a pd ko manga barasambayang,

آية رقم 44

ﰛﰜﰝﰞ ﰟ ​

"Go da kami mabaloy a pphamgay sa pangn´ngkn ko miskin,

آية رقم 45

ﰠﰡﰢﰣ ﰤ ​

"Go miyabaloy kami a pphamrak, a pd o pphamamrak,

آية رقم 46

ﰥﰦﰧﰨ ﰩ ​

"Go miyabaloy kami a gii ami pakambokhagn so alongan a kapamalas,

آية رقم 47

ﰪﰫﰬ ﰭ ​

"Taman sa miyakatalingoma rkami so kapakatangkd (a giyoto so kapatay)."

آية رقم 48

ﭑﭒﭓﭔ ﭕ ​

Na di kiran makanggay a gona so sapaat o pphamanapaat.

آية رقم 49

ﭖﭗﭘﭙﭚ ﭛ ​

Na antonaa i mapmbagian iran sa katatalikhod iran ko pananadm?

آية رقم 50

ﭜﭝﭞ ﭟ ​

Lagid o ba siran manga kimar a pphamalagoy,

آية رقم 51

ﭠﭡﭢ ﭣ ​

A piyalagoyan iran so arimaw!

آية رقم 52

ﭤﭥﭦﭧﭨﭩﭪﭫﭬ ﭭ ​

Kna, ka kabaya o oman i isa kiran a kabgan sa manga sorat a makakayat (a phoon ko Allah)!

آية رقم 53

ﭮﭯﭰﭱﭲﭳ ﭴ ​

Di dn oto. Kna, ka di iran ikhalk so akhirat.

آية رقم 54

ﭵﭶﭷ ﭸ ​

Sabnar, a mataan! a giya Qor´an aya! na pananadm:

آية رقم 55

ﭹﭺﭻ ﭼ ​

Na sa taw a khabaya na pananadmn iyan oto!

آية رقم 56

ﭽﭾﭿﮀﮁﮂﮃﮄﮅﮆﮇﮈ ﮉ ​

Na da a phakatadm kiran inonta sa kabaya o Allah: Skaniyan i patot a ikhalk, go patot a phmaap.