ترجمة سورة الواقعة

Maranao - Maranao translation
ترجمة معاني سورة الواقعة باللغة ماراناو من كتاب Maranao - Maranao translation .

ﰡ

ﮃﮄﮅ ﰀ​


Amay ka makatana so phakatana (a so alongan a qiyamah), -
ﮇﮈﮉ ﰁ​

Da ko kapakatana iyan i maka ongkir on, -
ﮋﮌ ﰂ​

Phakarondann Iyan (so sabaad), phakaombawn Iyan (so sabaad);
ﮎﮏﮐﮑ ﰃ​

Amay ka linogn so lopa sa linog a samporna,
ﮓﮔﮕ ﰄ​

Go mazaropt so manga palaw sa samporna a kazaropt,
ﮗﮘﮙ ﰅ​

Na mbaloy a lopapk, a mikakayambr,
ﮛﮜﮝ ﰆ​

Go mbaloy kano a tlo ka dinis:
ﮟﮠﮡﮢﮣ ﰇ​

Na so manga taw sa kawanan; - na antonaa i manga taw sa kawanan?
ﮥﮦﮧﮨﮩ ﰈ​

Go so manga taw sa diwang, - na antonaa i manga taw sa diwang?
ﮫﮬ ﰉ​

Go so miyangaoona (ko paratiyaya) na phangaoona (ko sorga):
ﮮﮯ ﰊ​

Na siran man i manga rarani (ko Allah),
ﮱﯓﯔ ﰋ​

A khatago ko manga sorga, a pakalma:
ﯖﯗﯘ ﰌ​

Madakl a pd on ko miyangaoona,
ﯚﯛﯜ ﰍ​

Na mayto a pd on ko miyanga oori;
ﯞﯟﯠ ﰎ​

Khidadarpa ko manga kantir, a piyamarabowatan,
ﯢﯣﯤ ﰏ​

Gii siran roo zasandasandang, a khipagaadapadapa.
ﭑﭒﭓﭔ ﰐ​

Ipphagilid kiran o manga wata a tatap a manga kangodaan,
ﭖﭗﭘﭙﭚ ﰑ​

So manga baso, go manga kndi, go so khitatagoan sa inomn a phoon ko bowalan,
ﭜﭝﭞﭟﭠ ﰒ​

Di ron zakit a olo iran, go di siran on khabrg,
ﭢﭣﭤ ﰓ​

Go manga onga, a pd ko matotomo iran,
ﭦﭧﭨﭩ ﰔ​

Go sapo a manga papanok a pd ko pkhababayaan iran;
ﭫﭬ ﰕ​

Go so (manga bai a) manga tataid, a manga pipiya i kapmata,
ﭮﭯﭰ ﰖ​

Manga izan o manga montiya, a totongkopn;
ﭲﭳﭴﭵ ﰗ​

Balas ko pinggolawla iran (a mapiya).
ﭷﭸﭹﭺﭻﭼ ﰘ​

Daa khan´g iran roo a ilang, go da a kambaradosa,
ﭾﭿﮀﮁ ﰙ​

Inonta so katharo a "salaam, kalilintad."
ﮃﮄﮅﮆﮇ ﰚ​

Na so manga taw sa kawanan; - antonaa i manga taw sa kawanan?
ﮉﮊﮋ ﰛ​

Khatago siran ko kayo a Sidr a disorokn,
ﮍﮎ ﰜ​

Go manga saging, a manga titiyolig,
ﮐﮑ ﰝ​

Go kasisirongan a tatap,
ﮓﮔ ﰞ​

Go ig a mabobobos,
ﮖﮗ ﰟ​

Go manga onga a madakl,
ﮙﮚﮛﮜ ﰠ​

Dikharintas go da a rn iyan,
ﮞﮟ ﰡ​

Go manga igaan a manga poporo.
ﮡﮢﮣ ﰢ​

Mataan! a Skami na pagadnn Ami siran (a manga bai ko sorga) sa bago a kapangadn,
ﮥﮦ ﰣ​

Na mbalowin Ami siran a manga raga,
ﮨﮩ ﰤ​

A manga sasalinggagaw, a mrzarza,
ﮫﮬ ﰥ​

A bagian o manga taw sa kawanan.
ﮮﮯﮰ ﰦ​

Madakl a pd on ko miyangaoona,
ﯓﯔﯕ ﰧ​

Go madakl a pd on ko miyangaoori.
ﯗﯘﯙﯚﯛ ﰨ​

Na so manga taw sa diwang; - antonaa i manga taw sa diwang?
ﯝﯞﯟ ﰩ​

Khatago ko mayaw, go phlikabo a ig,
ﯡﯢﯣ ﰪ​

Go along, a bl a maytm,
ﯥﯦﯧﯨ ﰫ​

Di pakarnggay, go di mapiya,
ﯪﯫﯬﯭﯮ ﰬ​

Mataan a siran na aya btad iran ko onaan oto na khikasosonor,
ﯰﯱﯲﯳﯴ ﰭ​

Go aya btad iran na lalalayonn iran so dosa a mala,
ﯶﯷﯸﯹﯺﯻﯼﯽﯾ ﰮ​

Go aya btad iran na gi iran tharoon: "Ino amay ka matay kami, go mbaloy kami a botha, go manga tolan, ba mataan! a khawyag kami dn (zaroman)?"
ﰀﰁ ﰯ​

"Go so manga loks ami a miyangaoona?"
ﰃﰄﰅﰆ ﰰ​

Tharoang ka: "Mataan! a so miyangaoona, go so miyangaoori,"
ﰈﰉﰊﰋﰌ ﰱ​

"Na plimodn siran dn ko kapthatalabokaan ko alongan a mappnto;"
ﭑﭒﭓﭔﭕ ﰲ​

"Oriyan iyan na mataan! a skano hay mithataridadag! - a miyamanaplis, -
ﭗﭘﭙﭚﭛ ﰳ​

"Na phakakan kano dn ko kayo a Zaqqom,"
ﭝﭞﭟ ﰴ​

"Na mapnopno iyo ron so manga tiyan iyo;"
ﭡﭢﭣﭤ ﰵ​

"Na misondok iyo ron so phlikabo a ig."
ﭦﭧﭨ ﰶ​

"Na makainom kano sa kainom a manga onta a pkhawaw!"
ﭪﭫﭬﭭ ﰷ​

Giyaya i talagad kiran ko gawii a kapamalas!
ﭯﭰﭱﭲ ﰸ​

Skami i miyadn rkano; na ba kano di phangimbnar?
ﭴﭵﭶ ﰹ​

Ay gda iyo ko pkhawdod iyo (ko manga rahim o manga babay)?
ﭸﭹﭺﭻﭼ ﰺ​

Ba skano i phagadn on, antawaa Skami i Pphangadn?
ﭾﭿﮀﮁﮂﮃﮄ ﰻ​

Skami i dominiyangka rkano ko kapatay, na di Kami niyo khapalagoyan,
ﮆﮇﮈﮉﮊﮋﮌﮍﮎ ﰼ​

Ko kazambi Ami sa manga lagid iyo, go so kaphagadna Mi rkano ko nganin a di niyo katawan.
ﮐﮑﮒﮓﮔﮕ ﰽ​

Na sabnsabnar a kiyatokawan iyo so kiyapangadn a paganay; na ba niyo di khatadmi?
ﮗﮘﮙ ﰾ​

Ay gda iyo ko ipzawd iyo?
ﮛﮜﮝﮞﮟ ﰿ​

Ba skano i pphamakalonaw ron, antawaa Skami i pphamakalonaw ron?
ﮡﮢﮣﮤﮥﮦ ﱀ​

O kabaya Ami na mataan a khabaloy Ami skaniyan a pols, na mabaloy kano a pphammsa kano,
ﮨﮩ ﱁ​

(Gii niyo matharo:) "Mataan! a skami na ba kami dn miyakambayadan!"
ﮫﮬﮭ ﱂ​

"Kna, ka skami na piyapas rkami (so riskhi)."
ﮯﮰﮱﯓ ﱃ​

Ay gda iyo ko ig a so phaginomn iyo?
ﯕﯖﯗﯘﯙﯚﯛ ﱄ​

Ba skano i pphamakatoron on a phoon ko manga gabon, antawaa Skami i pphamakatoron on?
ﯝﯞﯟﯠﯡﯢ ﱅ​

O kabaya Ami, na khabaloy Ami skaniyan a mapld; na ino kano di phanalamat?
ﯤﯥﯦﯧ ﱆ​

Ay gda iyo ko apoy a so mapphakagmaw niyo?
ﯩﯪﯫﯬﯭﯮ ﱇ​

Ba skano i miyakatho ko kayo niyan, antawaa Skami i miyamakatho on?
ﯰﯱﯲﯳﯴ ﱈ​

Skami na biyaloy Ami skaniyan a pananadm, go kapnggonaan khitatanaw.
ﯶﯷﯸﯹ ﱉ​

Na phoroporo on ka so ngaran o Kadnan ka a Mala!
ﯻﯼﯽﯾﯿ ﱊ​

Na pzapa Ako dn sa ibt ko manga darpa o manga bitoon,
ﰁﰂﰃﰄﰅ ﱋ​

Na mataan aya a titho a kazapa o katawi niyo a lbi a mala,
ﭑﭒﭓ ﱌ​

Mataan! a skaniyan na titho a Qor´an, a pagaadatan,
ﭕﭖﭗ ﱍ​

Zisii ko daptar a pagoongowan (a so Lawkh Mahfod).
ﭙﭚﭛﭜ ﱎ​

Daa phakaskho on inonta so miyanga sosoti;
ﭞﭟﭠﭡ ﱏ​

Initoron a phoon ko Kadnan o manga kaadn.
ﭣﭤﭥﭦ ﱐ​

Antonaa i sabap a giya ungkai a tothol na skano na pakaiitoon iyo,
ﭨﭩﭪﭫ ﱑ​

Go pmbalowin iyo so pagpr rkano a mataan! a skano na phagongkirn niyo?
ﭭﭮﭯﭰ ﱒ​

Na ino igira a miyakasampay (so niyawa) ko bakrng,
ﭲﭳﭴ ﱓ​

A skano sa masa oto na pkhailay niyo,
ﭶﭷﭸﭹﭺﭻﭼ ﱔ​

Go Skami i lbi a marani ron a di skano, - na ogaid na di niyo khaylay,
ﭾﭿﮀﮁﮂ ﱕ​

Na o skano na di kano khabalasan,
ﮄﮅﮆﮇ ﱖ​

Na ino niyo to di maphakakasoy, o skano i manga bnar?
ﮉﮊﮋﮌﮍ ﱗ​

Na amay ka aya btad iyan na pd ko phamakaranin (ko sorga),
ﮏﮐﮑﮒ ﱘ​

Na (rk iyan) so kapakadkha, go pagpr, go sorga, a pakalma.
ﮔﮕﮖﮗﮘﮙ ﱙ​

Na amay ka aya btad iyan na pd ko manga taw sa kawanan,
ﮛﮜﮝﮞﮟ ﱚ​

Na (tharoon on:) "Salaam a bagian ka a pd ko manga taw sa kawanan."
ﮡﮢﮣﮤﮥﮦ ﱛ​

Na amay ka aya btad iyan na sii pd ko miyamanaplis, a mithataridadag,
ﮨﮩﮪ ﱜ​

Na talagad on so phlikabo a ig,
ﮬﮭ ﱝ​

Go phagbong ko naraka Jahim.
ﮯﮰﮱﯓﯔ ﱞ​

Mataan! a giyaya na titho a skaniyan so bnar a matatangkd.
ﯖﯗﯘﯙ ﱟ​

Na phoroporo on ka so ngaran o Kadnan ka, a Lbi-a-mala.
Icon