ترجمة معاني سورة الواقعة باللغة السنهالية من كتاب الترجمة السنهالية

آية رقم 1

ﮃﮄﮅ ﮆ ​

සිදු වන දෑ සිදු වූ විට

آية رقم 2

ﮇﮈﮉ ﮊ ​

එම සිදුවීම බොරුවක් නොවෙයි.

آية رقم 3

ﮋﮌ ﮍ ​

(එය අපරාධකරුවන්) පහත් කරවන්නකි. (දැහැමියන්) උසස් කරවන්නකි.

آية رقم 4

ﮎﮏﮐﮑ ﮒ ​

මහපොළොව කම්පනයකින් කම්පනය කරනු ලැබූ විට

آية رقم 5

ﮓﮔﮕ ﮖ ​

තවද කඳු සුනු විසුනු කිරීමෙන් සුනු විසුනු කරනු ලැබූ විට

آية رقم 6

ﮗﮘﮙ ﮚ ​

එවිට එය විසිරුණු දූවිලි බවට පත් වනු ඇත.

آية رقم 7

ﮛﮜﮝ ﮞ ​

එවිට නුඹලා වර්ග තුනක් වන්නෙහුය.

آية رقم 8

ﮟﮠﮡﮢﮣ ﮤ ​

එනම් දකුණු පසට වූ ජනයා. එම දකුණු පසට වූ ජනයා යනු කවරෙක් ද?

آية رقم 9

ﮥﮦﮧﮨﮩ ﮪ ​

තවද වම් පසට වූ ජනයා. එම වම් පසට වූ ජනයා යනු කවරෙක් ද?

آية رقم 10

ﮫﮬ ﮭ ​

පෙරටුගාමීහු පෙරටු ගාමීහුය.

آية رقم 11

ﮮﮯ ﮰ ​

ඔවුහු (අල්ලාහ්ට) සමීපතයෝ වෙති.

آية رقم 12

ﮱﯓﯔ ﯕ ​

(ඔවුන්) සැපවත් උයන්හිය.

آية رقم 13

ﯖﯗﯘ ﯙ ​

මුල් අයගෙන් වූ පිරිසකි.

آية رقم 14

ﯚﯛﯜ ﯝ ​

තවද පසු පැවත එන්නන්ගෙන් වූ ස්වල්පයකි.

آية رقم 15

ﯞﯟﯠ ﯡ ​

(ඔවුන්) අලංකාර කරන ලද කවිච්චි මතය.

آية رقم 16

ﯢﯣﯤ ﯥ ​

ඒ මත එකිනෙකාට මුහුණලමින් හාන්සිවන්නන් ලෙස සිටිති.

آية رقم 17

ﭑﭒﭓﭔ ﭕ ​

ළමා විය සදාතනික වූ ළමුන් ඔවුන් වටා යති.

آية رقم 18

ﭖﭗﭘﭙﭚ ﭛ ​

දිය දහරාවෙන් පුරවනු ලැබූ ගුරු ලේත්තු, කේතල් හා කුසලාන සමග (ඔවුන් වටා යති.)

آية رقم 19

ﭜﭝﭞﭟﭠ ﭡ ​

එයින් ඔවුනට හිසේ රුදාව ඇති නොවේ. තවද ඔවුන් මත් නොවෙති.

آية رقم 20

ﭢﭣﭤ ﭥ ​

ඔවුන් තෝරා ගන්නා පරිදි පලතුරු සමග

آية رقم 21

ﭦﭧﭨﭩ ﭪ ​

ඔවුන් ආශා කරන පරිදි කුරුලු මාංශ සමග

آية رقم 22

ﭫﭬ ﭭ ​

තවද දැකුම්කලු කන්‍යා කුමරියෝ ද වෙති.

آية رقم 23

ﭮﭯﭰ ﭱ ​

(ඔවුන්) සඟවා තබන ලද මුතු වලට සමානය

آية رقم 24

ﭲﭳﭴﭵ ﭶ ​

ඔවුන් (මොලොවෙහි) සිදු කරමින් සිටි දෑ සඳහා ප්‍රතිඵලයක් වශයෙනි.

آية رقم 25

ﭷﭸﭹﭺﭻﭼ ﭽ ​

ඔවුහු එහි පුහු දැයකට හෝ පාපය ඇති කරන කතාවකට හෝ සවන් නොදෙති.

آية رقم 26

ﭾﭿﮀﮁ ﮂ ​

ශාන්තියයි ශාන්තියයි යනුවෙන් පවසනු ලැබීම මිස. (වෙන කිසිවකට සවන් නොදෙති.)

آية رقم 27

ﮃﮄﮅﮆﮇ ﮈ ​

දකුණු පස ජනයා, දකුණු පස ජනයා යනු කවරෙක් ද?

آية رقم 28

ﮉﮊﮋ ﮌ ​

(ඔවුන්) කටු නොමැති මසන් ගස් අතරෙහිය.

آية رقم 29

ﮍﮎ ﮏ ​

තවද කැන් එල්ලෙන කෙසෙල් ගස් අතරය.

آية رقم 30

ﮐﮑ ﮒ ​

දිගු කරනු ලැබූ සෙවණැලි අතරය

آية رقم 31

ﮓﮔ ﮕ ​

ගලා යවනු ලබන ජලය අතරය.

آية رقم 32

ﮖﮗ ﮘ ​

බොහෝ පලතුරු අතරය.

آية رقم 33

ﮙﮚﮛﮜ ﮝ ​

කිසිදු කප්පාදුවක් නැත. එමෙන්ම කිසිදු තහනම් කිරීමක් ද නැත.

آية رقم 34

ﮞﮟ ﮠ ​

උස් ව තබන ලද ඇතිරිලි අතරය.

آية رقم 35

ﮡﮢﮣ ﮤ ​

නියත වශයෙන්ම අපි ඔවුන් (අලංකාර) නිර්මාණයකින් නිර්මාණය කළෙමු.

آية رقم 36

ﮥﮦ ﮧ ​

එවිට අපි ඔවුන් කන්‍යා කුමරියන් බවට පත් කළෙමු.

آية رقم 37

ﮨﮩ ﮪ ​

පෙම්බර සම වයසැති

آية رقم 38

ﮫﮬ ﮭ ​

දකුණු පස ජනයා සඳහා (මේවා සූදානම් කර තිබේ.)

آية رقم 39

ﮮﮯﮰ ﮱ ​

(ඔවුන්) මුල් අයගෙන් වූ පිරිසකි

آية رقم 40

ﯓﯔﯕ ﯖ ​

තවද පසු පැවත එන්නන්ගෙන් වූ පිරිසකි.

آية رقم 41

ﯗﯘﯙﯚﯛ ﯜ ​

තවද වම් පස ජනයා. වම් පස ජනයා යනු කවරෙක් ද?

آية رقم 42

ﯝﯞﯟ ﯠ ​

(ඔවුන්) ලෝ දිය හා ගිනි දැලි සුළං අතරය.

آية رقم 43

ﯡﯢﯣ ﯤ ​

කළු දුමාරයෙන් යුත් හෙවණ අතරය.

آية رقم 44

ﯥﯦﯧﯨ ﯩ ​

තවද (එහි) කිසිදු සිසිලක් හෝ අලංකාර දර්ශනයක් හෝ නැත.

آية رقم 45

ﯪﯫﯬﯭﯮ ﯯ ​

නියත වශයෙන්ම ඔවුහු එයට පෙර (මෙලොවෙහි) සැප විඳින්නන් ලෙස සිටියහ.

آية رقم 46

ﯰﯱﯲﯳﯴ ﯵ ​

තවද ඔවුහු මහත් පාපයන් මත හිතුවක්කාර ලෙස රැඳී සිටින්නන් වූහ.

آية رقم 47

ﯶﯷﯸﯹﯺﯻﯼﯽﯾ ﯿ ​

තවද “අපි මිය ගොස් පස් හා අස්ථි බවට පත් වූ පසු නියත වශයෙන්ම අපි නැවත නැගිටුවනු ලබන්නෝ වෙමු දැ” යි ඔවුහු පවසමින් සිටියහ.

آية رقم 48

ﰀﰁ ﰂ ​

“අපගේ මූලාරම්භක මුතුන් මිත්තන් ද?”

آية رقم 49

ﰃﰄﰅﰆ ﰇ ​

“නියත වශයෙන්ම මූලාරම්භකයින් හා පසු පැවත එන්නන් (යන සියල්ලන්හට) (නබිවරය) නුඹ පවසනු.

آية رقم 50

ﰈﰉﰊﰋﰌ ﰍ ​

නියමිත දිනක නියමිත වේලාවක එක් රැස් කරනු ලබන්නෝ වෙති” යැයි

آية رقم 51

ﭑﭒﭓﭔﭕ ﭖ ​

අහෝ බොරුකාර නොමග ගියවුනි!

آية رقم 52

ﭗﭘﭙﭚﭛ ﭜ ​

අනතුරු ව නියත වශයෙන්ම නුඹලා zසක්කූම් ගසින් අනුභව කරන්නෝ වෙති.

آية رقم 53

ﭝﭞﭟ ﭠ ​

එවිට එයින් කුසවල් පුරවා ගන්නෝ වෙති.

آية رقم 54

ﭡﭢﭣﭤ ﭥ ​

ඒ මත ලෝ දියෙන් පානය කරන්නෝ වෙති.

آية رقم 55

ﭦﭧﭨ ﭩ ​

පිපාසිත ඔටුවන් පානය කරන්නාක් මෙන් පානය කරන්නෝ වෙති.

آية رقم 56

ﭪﭫﭬﭭ ﭮ ​

මෙය විනිශ්චය දිනයේ ඔවුන්ගේ සංග්‍රහය වේ.

آية رقم 57

ﭯﭰﭱﭲ ﭳ ​

අපය නුඹලා ව මැව්වේ. එහෙයින් නුඹලා සත්‍යය කළ යුතු නොවේ ද?

آية رقم 58

ﭴﭵﭶ ﭷ ​

නුඹලා ශුක්‍රාණු ලෙස පිට කරන දෑ ගැන නුඹලා සිතා බැලුවෙහු ද?

آية رقم 59

ﭸﭹﭺﭻﭼ ﭽ ​

එය මැව්වේ නුඹලා ද එසේ නැතහොත් (එහි) මැවුම්කරුවෝ වන්නේ අප ද?

آية رقم 60

ﭾﭿﮀﮁﮂﮃﮄ ﮅ ​

නුඹලා අතර මරණය නිර්ණය කළේ අපය. අපි අසරණයින් නොවෙමු.

آية رقم 61

ﮆﮇﮈﮉﮊﮋﮌﮍﮎ ﮏ ​

නුඹලාගේ හැඩරුව වෙනස් කිරීමටත් නුඹලා නොදන්නා ස්වරූපයක නුඹලා ව (යළි) බිහි කිරීමටත්

آية رقم 62

ﮐﮑﮒﮓﮔﮕ ﮖ ​

තවද මුල් මැවීම ගැන සැබැවින්ම නුඹලා දන්නෙහුය. එහෙයින් නුඹලා මෙනෙහි කළ යුතු නොවේ ද?

آية رقم 63

ﮗﮘﮙ ﮚ ​

නුඹලා වපුරන දෑ ගැන නුඹලා සිතා බැලුවෙහු ද?

آية رقم 64

ﮛﮜﮝﮞﮟ ﮠ ​

එය වගා කරනුයේ නුඹලා ද? එසේ නැතහොත් (එහි) වගාකරුවෝ අප ද?

آية رقم 65

ﮡﮢﮣﮤﮥﮦ ﮧ ​

අපි අභිමත කරන්නේ නම් එය වියැළුණු ඉපැණිලි බවට පත් කරන්නට තිබුණි. එවිට නුඹලා පුදුමයට පත් වනු ඇත.

آية رقم 66

ﮨﮩ ﮪ ​

“නියත වශයෙන්ම අපි ණය කාරයෝ වෙමු.”

آية رقم 67

ﮫﮬﮭ ﮮ ​

“එසේ නොව අපි වළක්වනු ලැබූවෝ වෙමු.” (යැයි පවසති)

آية رقم 68

ﮯﮰﮱﯓ ﯔ ​

නුඹලා පානය කරන ජලය දෙස නුඹලා නිරීක්ෂා කොට බැලුවෙහු ද?

آية رقم 69

ﯕﯖﯗﯘﯙﯚﯛ ﯜ ​

එය වලාකුළෙන් පහළ කළේ නුඹලා ද? එසේ නැතහොත් (එය) පහළ කරන්නෝ අපද?

آية رقم 70

ﯝﯞﯟﯠﯡﯢ ﯣ ​

අපි අභිමත කර ඇත්නම් එය ලුණු බවට පත් කරන්නට තිබුණි. එහෙයින් නුඹලා ගුණගරුක විය යුතු නොවේ ද?

آية رقم 71

ﯤﯥﯦﯧ ﯨ ​

නුඹලා දල්වන ගින්න විමසිල්ලෙන් බැලුවෙහු ද?

آية رقم 72

ﯩﯪﯫﯬﯭﯮ ﯯ ​

එහි ගස නිර්මාණය කළේ නුඹලා ද? එසේ නැතහොත් (එහි) නිර්මාණකරුවෝ අප ද?

آية رقم 73

ﯰﯱﯲﯳﯴ ﯵ ​

අපි එය මෙනෙහි කිරීමක් ලෙසින් හා මගී(අවශ්‍යතා ඇත්ත)න්ට භාණ්ඩයක් ලෙසින් අපි එය පත් කළෙමු.

آية رقم 74

ﯶﯷﯸﯹ ﯺ ​

එහෙයින් නුඹගේ අති මහත් පරමාධිපතියාණන්ගේ නාමයෙන් නුඹ සුවිශුද්ධ කරනු.

آية رقم 75

ﯻﯼﯽﯾﯿ ﰀ ​

එහෙයින් තාරකා රැඳෙන තැන් මත මම දිවුරමි.

آية رقم 76

ﰁﰂﰃﰄﰅ ﰆ ​

තවද නුඹලා දන්නෙහු නම් නියත වශයෙන්ම එය ඉමහත් දිවුරුමකි.

آية رقم 77

ﭑﭒﭓ ﭔ ​

නියත වශයෙන්ම එය ගෞරවනීය කුර්ආනයකි.

آية رقم 78

ﭕﭖﭗ ﭘ ​

ආරක්ෂා කරනු ලැබූ ලේඛනයෙහිය.

آية رقم 79

ﭙﭚﭛﭜ ﭝ ​

එය පිවිතුරු අය හැර වෙනත් කිසිවකු ස්පර්ශ නොකරති.

آية رقم 80

ﭞﭟﭠﭡ ﭢ ​

ලෝවැසියන්ගේ පරමාධිපතිගෙන් වූ පහළ කිරීමකි.

آية رقم 81

ﭣﭤﭥﭦ ﭧ ​

නුඹලා මෙම ප්‍රකාශය ගැන ද නොසලකා හරින්නන් ලෙස සිටිනුයේ එහෙයින් ද?

آية رقم 82

ﭨﭩﭪﭫ ﭬ ​

තවද නුඹලාගේ පෝෂණය සඳහා (කෘතගුණ සලකන්නක් වශයෙන්) නියත වශයෙන්ම නුඹලා බොරු කිරීම (තෝරා) ගන්නෙහු ද?

آية رقم 83

ﭭﭮﭯﭰ ﭱ ​

(කෙනෙකුගේ ප්‍රාණය) උගුරු දණ්ඩට ළඟා වූ විට

آية رقم 84

ﭲﭳﭴ ﭵ ​

නුඹලා එම අවස්ථාවේ බලමින් සිටින්නෙහුය.

آية رقم 85

ﭶﭷﭸﭹﭺﭻﭼ ﭽ ​

තවද ඔහු වෙත අපි නුඹලාට වඩා සමීපයෙන් වෙමු. නමුත් නුඹලා නොදකිනු ඇත.

آية رقم 86

ﭾﭿﮀﮁﮂ ﮃ ​

එහෙයින් නුඹලා වගකිව යුත්තන් නොවන්නෙහු නම්

آية رقم 87

ﮄﮅﮆﮇ ﮈ ​

(නුඹලා සිතන පරිදි) නුඹලා සත්‍යවාදීන් නම් නුඹලා එය නැවත ගෙන එනු.

آية رقم 88

ﮉﮊﮋﮌﮍ ﮎ ​

එහෙයින් ඔහු (අල්ලාහ්ට) සමීපතයින් අතුරින් වූයේ නම්

آية رقم 89

ﮏﮐﮑﮒ ﮓ ​

සැනසුම ද ප්‍රණීත ආහාර ද සැපවත් (ස්වර්ග) උයන් ද වෙති.

آية رقم 90

ﮔﮕﮖﮗﮘﮙ ﮚ ​

ඔහු දකුණු පස ජනයා අතුරින් වූ කෙනෙකු වූයේ නම්

آية رقم 91

ﮛﮜﮝﮞﮟ ﮠ ​

එසේ නම් දකුණු පස ජනයා අතුරින් වූ ඔබට ශාන්තියයි.

آية رقم 92

ﮡﮢﮣﮤﮥﮦ ﮧ ​

ඔහු නොමග ගිය බොරු කරන්නන් අතුරින් වූයේ නම්

آية رقم 93

ﮨﮩﮪ ﮫ ​

එවිට ලෝ දියෙන් වූ නවාතැනකි.

آية رقم 94

ﮬﮭ ﮮ ​

තවද නිරා ගින්නෙහි දැවීමකි.

آية رقم 95

ﮯﮰﮱﯓﯔ ﯕ ​

ස්ථීර සත්‍යය වනුයේ නියත වශයෙන්ම මෙයමය.

آية رقم 96

ﯖﯗﯘﯙ ﯚ ​

එහෙයින් නුඹගේ අතිමහත් වූ පරමාධිපතිගේ නාමයෙන් සුවිශුද්ධ කරනු.