ترجمة سورة الرحمن

Maranao - Maranao translation
ترجمة معاني سورة الرحمن باللغة ماراناو من كتاب Maranao - Maranao translation .

ﰡ

ﭷ ﰀ​


So (Allah a) Masalinggagaw!
ﭹﭺ ﰁ​

I mindao ko Qor´an.
ﭼﭽ ﰂ​

Inadn Iyan so manosiya,
ﭿﮀ ﰃ​

Na inindao Niyan on so lalag.
ﮂﮃﮄ ﰄ​

So alongan ago so olan na sii ko itongan.
ﮆﮇﮈ ﰅ​

Na so mangngto a pndonapa, go so manga kayo na mangangalimbabaan siran (ko Masalinggagaw).
ﮊﮋﮌﮍ ﰆ​

Na so langit na iniporo Iyan skaniyan, go inadn Iyan so timbangan,
ﮏﮐﮑﮒ ﰇ​

Ka ang kano di khapokas ko ontol;
ﮔﮕﮖﮗﮘﮙ ﰈ​

Na pakambatanga niyo so kathimbang ko kaontol, go di kano phangorang ko timbangan.
ﮛﮜﮝ ﰉ​

Na so lopa na kiyayat Iyan skaniyan sa baba a rk o manga kaadn:
ﮟﮠﮡﮢﮣ ﰊ​

Katatagoan sa manga onga, go manga korma, a khibobongkosan,
ﮥﮦﮧﮨ ﰋ​

Go so manga onga a maroni, a adn a manga inoot iyan ago so mamot.
ﮪﮫﮬﮭ ﰌ​

Na anda ko manga limo o Kadnan iyo, i pagongkirn niyo?
ﮯﮰﮱﯓﯔ ﰍ​

Inadn Iyan so manosiya a phoon ko botha, a gango, a lagid o kiyomba,
ﯖﯗﯘﯙﯚﯛ ﰎ​

Go inadn Iyan so jinn a phoon ko kadg o apoy:
ﯝﯞﯟﯠ ﰏ​

Na anda ko manga limo o Kadnan iyo, i pagongkirn niyo?
ﯢﯣﯤﯥ ﰐ​

Kadnan o dowa a sbangan, go Kadnan o dowa a sdpan!
ﯧﯨﯩﯪ ﰑ​

Na anda ko manga limo o Kadnan iyo, i pagongkirn niyo?
ﭑﭒﭓ ﰒ​

Biyotawanan Iyan so dowa a kalodan, a gii makambaratmowa:
ﭕﭖﭗﭘ ﰓ​

Kaaltan a dowa oto sa rnding; a di makapzmbor:
ﭚﭛﭜﭝ ﰔ​

Na anda ko manga limo o Kadnan iyo, i pagongkirn niyo?
ﭟﭠﭡﭢ ﰕ​

Pphakagmaw a phoon sa dowa nan so manga tipay, go so manga koralis:
ﭤﭥﭦﭧ ﰖ​

Na anda ko manga limo o Kadnan iyo, i pagongkirn niyo?
ﭩﭪﭫﭬﭭﭮ ﰗ​

Na rk Iyan so pphlalatas, a miyanga-aadn ko kalodan, a lagid o manga palaw:
ﭰﭱﭲﭳ ﰘ​

Na anda ko manga limo o Kadnan iyo, i pagongkirn niyo?
ﭵﭶﭷﭸ ﰙ​

Oman i matatago ko lopa na khada;
ﭺﭻﭼﭽﭾﭿ ﰚ​

Na aya bo a khalamba na so dhat o Kadnan ka, - a Khirk ko kabsaran, ago so kapangalimo: -
ﮁﮂﮃﮄ ﰛ​

Na anda ko manga limo o Kadnan iyo, i pagongkirn niyo?
ﮆﮇﮈﮉﮊﮋﮌﮍﮎﮏﮐ ﰜ​

Makapphamangni Rkaniyan so zisii ko manga langit go so lopa: Oman gawii na Skaniyan na zisii ko btad Iyan!
ﮒﮓﮔﮕ ﰝ​

Na anda ko manga limo o Kadnan iyo, i pagongkirn niyo?
ﮗﮘﮙﮚ ﰞ​

Phamagitongn Ami skano dn, hay dowa a kappndan (a manga manosiya ago manga jinn)!
ﮜﮝﮞﮟ ﰟ​

Na anda ko manga limo o Kadnan iyo, i pagongkirn niyo?
ﮡﮢﮣﮤﮥﮦﮧﮨﮩﮪﮫﮬﮭﮮﮯﮰﮱ ﰠ​

Hay kasamasama o manga jinn, go manga manosiya! O khagaga niyo a kalambasa niyo ko piphisopisokan o manga langit, go so lopa, na lambasa niyo. Di niyo malambas odi misabap sa bagr!
ﯔﯕﯖﯗ ﰡ​

Na anda ko manga limo o Kadnan iyo, i pagongkirn niyo?
ﯙﯚﯛﯜﯝﯞﯟﯠ ﰢ​

Mbotawanan rkano so kadg o apoy, go so bl, na di niyo dn marn:
ﯢﯣﯤﯥ ﰣ​

Na anda ko manga limo o Kadnan iyo, i pagongkirn niyo?
ﯧﯨﯩﯪﯫﯬ ﰤ​

Na amay ka maopak so langit na mbaloy a paras a obarobar, a lagid o kobal a mariga:
ﯮﯯﯰﯱ ﰥ​

Na anda ko manga limo o Kadnan iyo, i pagongkirn niyo?
ﯳﯴﯵﯶﯷﯸﯹﯺ ﰦ​

Na sa alongan oto na di ipagiza ko manosiya so dosa niyan, go di ipagiza ko jinn:
ﯼﯽﯾﯿ ﰧ​

Na anda ko manga limo o Kadnan iyo, i pagongkirn niyo?
ﰁﰂﰃﰄﰅﰆ ﰨ​

Makikilala so manga baradosa sabap ko manga tanda iran: Na gii nggagandrn sii ko manga ombonombonan, go so manga parapara!
ﭑﭒﭓﭔ ﰩ​

Na anda ko manga limo o Kadnan iyo, i pagongkirn niyo?
ﭖﭗﭘﭙﭚﭛ ﰪ​

Giyaya so naraka Jahannam a so phagongkirn skaniyan o manga baradosa:
ﭝﭞﭟﭠﭡ ﰫ​

Makapphagaloyan siran ko lt iyan go lt o phlikabo a ig, a sangat a mayaw!
ﭣﭤﭥﭦ ﰬ​

Na anda ko manga limo o Kadnan iyo, i pagongkirn niyo?
ﭨﭩﭪﭫﭬ ﰭ​

Na adn a bagian o taw a inikalk iyan so kapakatindg iyan ko hadapan o Kadnan iyan, a dowa a sorga:
ﭮﭯﭰﭱ ﰮ​

Na anda ko manga limo o Kadnan iyo, i pagongkirn niyo?
ﭳﭴ ﰯ​

A romarangiran.
ﭶﭷﭸﭹ ﰰ​

Na anda ko manga limo o Kadnan iyo, i pagongkirn niyo?
ﭻﭼﭽ ﰱ​

Katatagoan a dowa oto sa dowa a bowalan a pphamangondas.
ﭿﮀﮁﮂ ﰲ​

Na anda ko manga limo o Kadnan iyo, i pagongkirn niyo?
ﮄﮅﮆﮇﮈ ﰳ​

Katatagoan a dowa oto sa mbarambarang a onga, a ndodowa soson.
ﮊﮋﮌﮍ ﰴ​

Na anda ko manga limo o Kadnan iyo, i pagongkirn niyo?
ﮏﮐﮑﮒﮓﮔﮕﮖﮗﮘ ﰵ​

Gii siran zasanda sandang ko manga igaan, a so manga didalm iyan na sotra a makapal: Na so kaphropoa ko onga o dowa a pamomolan na marani.
ﮚﮛﮜﮝ ﰶ​

Na anda ko manga limo o Kadnan iyo, i pagongkirn niyo?
ﮟﮠﮡﮢﮣﮤﮥﮦﮧ ﰷ​

Katatagoan oto sa (manga bai a) manga thatangka i kaylay, a da a miyakabatal kiran a manosiya ko onaan o manga karoma iran, antawaa jinn.
ﮩﮪﮫﮬ ﰸ​

Na anda ko manga limo o Kadnan iyo, i pagongkirn niyo?
ﮮﮯﮰ ﰹ​

Lagid oba siran montiya a Yaakot, go Marjan.
ﯓﯔﯕﯖ ﰺ​

Na anda ko manga limo o Kadnan iyo, i pagongkirn niyo?
ﯘﯙﯚﯛﯜ ﰻ​

Ba adn a imbalas ko kaphiyapiya a rowar ko kaphiyapiya?
ﯞﯟﯠﯡ ﰼ​

Na anda ko manga limo o Kadnan iyo, i pagongkirn niyo?
ﯣﯤﯥ ﰽ​

Na adn a salakaw roo pn a dowaa sorga.
ﯧﯨﯩﯪ ﰾ​

Na anda ko manga limo o Kadnan iyo, i pagongkirn niyo?
ﯬ ﰿ​

Miyagadogadong a dowa oto.
ﯮﯯﯰﯱ ﱀ​

Na anda ko manga limo o Kadnan iyo, i pagongkirn niyo?
ﯳﯴﯵ ﱁ​

Katatagoan a dowa oto sa dowa a bowalan, a mipapantos.
ﯷﯸﯹﯺ ﱂ​

Na anda ko manga limo o Kadnan iyo, i pagongkirn niyo?
ﯼﯽﯾﯿ ﱃ​

Katatagoan a dowa oto sa manga onga, go korma, go dalima.
ﰁﰂﰃﰄ ﱄ​

Na anda ko manga limo o Kadnan iyo, i pagongkirn niyo?
ﭑﭒﭓ ﱅ​

Katatagoan oto sa (manga bai a) manga pipiya (i parangay), a manga tataid.
ﭕﭖﭗﭘ ﱆ​

Na anda ko manga limo o Kadnan iyo, i pagongkirn niyo?
ﭚﭛﭜﭝ ﱇ​

A manga lalano, a khigigibonn ko manga lamin,
ﭟﭠﭡﭢ ﱈ​

Na anda ko manga limo o Kadnan iyo, i pagongkirn niyo?
ﭤﭥﭦﭧﭨﭩ ﱉ​

Daa miyakabatal kiran a manosiya, ko onaan o manga karoma iran antawaa jinn.
ﭫﭬﭭﭮ ﱊ​

Na anda ko manga limo o Kadnan iyo, i pagongkirn niyo?
ﭰﭱﭲﭳﭴﭵ ﱋ​

Gii siran zasanda sandang ko manga ontoda, a gadong, go manga paramadali, a manga tatanos.
ﭷﭸﭹﭺ ﱌ​

Na anda ko manga limo o Kadnan iyo, i pagongkirn niyo?
ﭼﭽﭾﭿﮀﮁ ﱍ​

Maporo so ngaran o Kadnan ka, a Khirk ko kabsaran, ago so kapangalimo!
Icon