ترجمة معاني سورة الزخرف باللغة ماراناو من كتاب Maranao - Maranao translation

آية رقم 1

ﮀ ﮁ ​

Ha, Mim. (So Allah i Matao ko paka-aantapan Iyan on.)

آية رقم 2

ﮂﮃ ﮄ ​

Ibt ko kitab a miyakapayag,

آية رقم 3

ﮅﮆﮇﮈﮉﮊ ﮋ ​

Mataan! a Skami na biyaloy Ami skaniyan a Qor´an a basa Arab, ka an iyo sabota.

آية رقم 4

ﮌﮍﮎﮏﮐﮑﮒ ﮓ ​

Na mataan! a skaniyan na madadalm ko asal o kitab (a so Lawh Makhpod), sii ko hadapan Ami, a titho a Maporo, a sindadan o ongangn.

آية رقم 5

ﮔﮕﮖﮗﮘﮙﮚﮛ ﮜ ​

Ba Ami rkano phokasa so pananadm sa kadapay, ka kagiya skano na pagtaw a manga malawani?

آية رقم 6

ﮝﮞﮟﮠﮡﮢ ﮣ ​

Na madakl a siyogo Ami a nabi ko miyangaoona!

آية رقم 7

ﮤﮥﮦﮧﮨﮩﮪﮫ ﮬ ​

Na da a pphakatalingoma kiran a nabi a ba iran oto di pphamagrgi.

آية رقم 8

ﮭﮮﮯﮰﮱﯓﯔ ﯕ ​

Na bininasa Mi so lawan kiran sa bagr; - go miyaypos so ibarat o miyangaoona.

آية رقم 9

ﯖﯗﯘﯙﯚﯛﯜﯝﯞﯟ ﯠ ​

Na ibt o izaan ka kiran, o antawaa i miyadn ko manga langit ago so lopa? Na mataan a ptharoon iran a: Inadn siran o (Allah a) Mabagr, a Matao; -

آية رقم 10

ﯡﯢﯣﯤﯥﯦﯧﯨﯩﯪﯫ ﯬ ​

So inisnggay Niyan rkano so lopa a darpa, go singgayan kano Niyan on sa manga lalan, ka ang kano makaontol;

آية رقم 11

ﭑﭒﭓﭔﭕﭖﭗﭘﭙﭚﭛﭜﭝ ﭞ ​

Go Skaniyan so piyakatoron Iyan phoon ko kawang so ig sa didiyangkaan; - na inoyag Ami sa sabap rkaniyan so ingd a maatay; na lagid man oto a kaphakagmawa rkano (ko manga kobor);

آية رقم 12

ﭟﭠﭡﭢﭣﭤﭥﭦﭧﭨﭩ ﭪ ​

Go Skaniyan so miyadn ko nggaganapa, a kalangolangowan iyan, go sominggay rkano ko manga kapal ago so manga ayam a so kapphagdaan iyo,

آية رقم 13

ﭫﭬﭭﭮﭯﭰﭱﭲﭳﭴﭵﭶﭷﭸﭹﭺﭻﭼﭽﭾ ﭿ ​

Ka ang kano gii makathakna ko manga likod iyan, oriyan iyan na an iyo katadmi so limo o Kadnan iyo, igira a miyakathakna kano ron, go an iyo matharo: "Soti so piyakaphasiyonot Iyan rkami aya, a kna a ba skami i phamakagaga on,

آية رقم 14

ﮀﮁﮂﮃ ﮄ ​

"Go mataan! a skami na sii bo ko Kadnan ami, i titho a khandodan ami!"

آية رقم 15

ﮅﮆﮇﮈﮉﮊﮋﮌﮍﮎ ﮏ ​

Na singgayan iran sa bagian Iyan ko manga oripn Iyan sa sabaad. Mataan! a so manosiya na titho a miyongkir, a mapayag!

آية رقم 16

ﮐﮑﮒﮓﮔﮕﮖ ﮗ ​

Ati kominowa ko phagadnn Iyan sa manga wata a babay, na piyakibisa Niyan rkano so manga wata a mama?

آية رقم 17

ﮘﮙﮚﮛﮜﮝﮞﮟﮠﮡﮢﮣ ﮤ ​

Na igira a miyapanothol ko isa kiran so biyaloy niyan a rk o (Allah a) Masalinggagaw a ibarat, na mabaloy so paras iyan a mangirngkirm, a skaniyan na mappno a rata a ginawa!

آية رقم 18

ﮥﮦﮧﮨﮩﮪﮫﮬﮭ ﮮ ​

Ino (iran mbaloya a rk o Allah) so phagoyagn makapantag ko kaphaparahiyasan, a skaniyan makapantag ko kapakiphawala na di phakaosay?

آية رقم 19

ﮯﮰﮱﯓﯔﯕﯖﯗﯘﯙﯚﯛﯜﯝ ﯞ ​

Go biyaloy iran so manga malaikat a so siran na manga oripn o (Allah a) Masalinggagaw a manga babay. Ba iran kiyazaksian so kiyaadna kiran? Khisorat dn so kiyazaksi iran (sa kabokhag), go khiiza kiran!

آية رقم 20

ﯟﯠﯡﯢﯣﯤﯥﯦﯧﯨﯩﯪﯫﯬﯭﯮﯯ ﯰ ​

Na pitharo iran a: "O kabaya o Masalinggagaw, na di ami siran masimba". Da a bagian iran roo a katao! Da ko siran inonta pphangsarn iran!

آية رقم 21

ﯱﯲﯳﯴﯵﯶﯷﯸ ﯹ ​

Ba Ami siran bigan sa kitab ko onaan aya, na siran na aya iran oto kkpitan?

آية رقم 22

ﯺﯻﯼﯽﯾﯿﰀﰁﰂﰃﰄ ﰅ ​

Kna, ka pitharo iran: "Mataan! a skami na miyatoon ami so manga loks ami sangkai a okit, na mataan! a skami na so manga rarad iran i pkhdgn ami."

آية رقم 23

ﭑﭒﭓﭔﭕﭖﭗﭘﭙﭚﭛﭜﭝﭞﭟﭠﭡﭢﭣﭤﭥ ﭦ ​

Na lagid man oto a da a siyogo Ami a miyaonaan ka ko ingd a pphamakaiktiyar, a ba da tharoa o manga gayagomaya on a: "Mataan! a skami na miyatoon ami so manga loks ami sangkai a okit, na mataan! a skami na so manga rarad iran i pkhdgn ami."

آية رقم 24

ﭧﭨﭩﭪﭫﭬﭭﭮﭯﭰﭱﭲﭳﭴﭵﭶ ﭷ ​

Pitharo iyan: "Ati apiya pn minioma ko rkano so lbi a toroan a di so miyatoon iyo ron so manga loks iyo?" Pitharo iran a: "Mataan! a skami na so inisogo rkano to na inongkir ami."

آية رقم 25

ﭸﭹﭺﭻﭼﭽﭾﭿ ﮀ ​

Na siniksa Ami siran: Na pamimikiranang ka o antonaa i miyambtad o kiya akiran ko miyamanaplis!

آية رقم 26

ﮁﮂﮃﮄﮅﮆﮇﮈﮉ ﮊ ​

Na gowani na pitharo o Ibrahim ko ama iyan go so pagtaw niyan a: "Mataan! a sakn na angiyas ako ko pzimbaan iyo:"

آية رقم 27

ﮋﮌﮍﮎﮏ ﮐ ​

"Inonta so (Allah a) miyadn rakn, ka mataan! a Skaniyan na thoroon ako Niyan."

آية رقم 28

ﮑﮒﮓﮔﮕﮖﮗ ﮘ ​

Na biyaloy niyan aya a katharo a posaka ko pkhababadan on, ka an siran makambalingan (ko paratiyaya).

آية رقم 29

ﮙﮚﮛﮜﮝﮞﮟﮠﮡ ﮢ ​

Kna, ka piyakaplagod Akn so siran aya, go so manga loks iran, taman sa miyakaoma kiran so bnar, go so sogo a miyakawsay.

آية رقم 30

ﮣﮤﮥﮦﮧﮨﮩﮪﮫ ﮬ ​

A kagiya a makatalingoma kiran so bnar, na pitharo iran a: "Giyaya na balik mata, go mataan! a skami na inongkir ami aya."

آية رقم 31

ﮭﮮﮯﮰﮱﯓﯔﯕﯖﯗ ﯘ ​

Go pitharo iran a: "Ino da toronn angkai a Qor´an ko mama a phoon ko dowa a ingd, a sslaan?"

آية رقم 32

ﯙﯚﯛﯜﯝﯞﯟﯠﯡﯢﯣﯤﯥﯦﯧﯨﯩﯪﯫﯬﯭﯮﯯﯰﯱﯲﯳﯴ ﯵ ​

Ba siran i dii mbagibagi ko limo o Kadnan ka? Skami i mimbagibagi kiran ko kawiyagan iran ko kawyagoyag ko doniya: Na iniporo Ami so sabaad kiran ko kaporoan o sabaad sa manga daradat, ka an makowa o sabaad kiran so sabaad a talasogoay. Na so limo o Kadnan ka i tomo a di so pphanimo on iran.

آية رقم 33

ﯶﯷﯸﯹﯺﯻﯼﯽﯾﯿﰀﰁﰂﰃﰄﰅﰆ ﰇ ​

O di so oba mabaloy so manga manosiya ko okit a isa, na mataan a isnggay Ami a rk o taw a moongkir ko (Allah a) Masalinggagaw, a rk o manga walay ran so manga atp a pirak, go manga towak a pkhipanik iran on,

آية رقم 34

ﭑﭒﭓﭔﭕ ﭖ ​

Go rk o manga walay ran so manga pinto, go manga kantir (a pirak) a gii siran on makazandasandang,

آية رقم 35

ﭗﭘﭙﭚﭛﭜﭝﭞﭟﭠﭡﭢﭣﭤ ﭥ ​

Go manga kabolawanan. Na da ko kalangolangowan oto inonta na matag sagad a kapipiya ginawa ko kawyagoyag ko doniya: Na so akhirat, sii ko Kadnan ka, i bagian o khipanananggila.

آية رقم 36

ﭦﭧﭨﭩﭪﭫﭬﭭﭮﭯﭰ ﭱ ​

Na sa taw a tomalikhod ko tadm ko (Allah a) Masalinggagaw, na snggayan Ami skaniyan sa shaytan, na giyoto i sarikita iyan.

آية رقم 37

ﭲﭳﭴﭵﭶﭷﭸ ﭹ ​

Na mataan! a siran na phagalangan iran siran dn ko lalan (a ontol), go aya tangkap iran on na mataan! a siran na makaoontol siran!

آية رقم 38

ﭺﭻﭼﭽﭾﭿﮀﮁﮂﮃﮄ ﮅ ​

Taman sa amay ka makawma Rkami, na tharoon iyan a: "Hay dinganomambo o milt rakn ago ska so kawatan o dowa masarik!" Na sayana a miyakaratarata a sarikita!

آية رقم 39

ﮆﮇﮈﮉﮊﮋﮌﮍﮎ ﮏ ​

Na di rkano dn makanggay a gona sa alongan nai a masa a (kiyapayag o) kiyandarowaka iyo, mataan! a skano na mrakhrakhs kano ko siksa!

آية رقم 40

ﮐﮑﮒﮓﮔﮕﮖﮗﮘﮙﮚ ﮛ ​

Ino ska maphakan´g ka so bngl odi na khatoroo ka so bota, go so taw a aya btad iyan na matatago ko karibat a mapayag?

آية رقم 41

ﮜﮝﮞﮟﮠﮡ ﮢ ​

Na apiya tangann Ami ska dn, na mataan! a Skami na ndan´gn Ami siran nganin,

آية رقم 42

ﮣﮤﮥﮦﮧﮨﮩ ﮪ ​

Odi na pakimasaan Ami rka so inidiyandi Ami kiran: Na mataan! a Skami na khagaga Mi siran.

آية رقم 43

ﮫﮬﮭﮮﮯﮰﮱﯓﯔ ﯕ ​

Na kpiting ka so iniilaham rka: Mataan! a ska na zisii ko okit a makaoontol.

آية رقم 44

ﯖﯗﯘﯙﯚﯛﯜ ﯝ ​

Na mataan! a (giya Qor´an aya na) titho a mnang a rk ka, go rk o pagtawng ka; na ipagiza rkano bo.

آية رقم 45

ﯞﯟﯠﯡﯢﯣﯤﯥﯦﯧﯨﯩﯪ ﯫ ​

Na izaan ka so siyogo Ami ko miyaonaan ka a manga sogo Ami; oba adn a inisnggay Ami a salakaw ko (Allah a) Masalinggagaw, a manga tohan a pphamanimbaan?

آية رقم 46

ﯬﯭﯮﯯﯰﯱﯲﯳﯴﯵﯶﯷ ﯸ ​

Na sabnsabnar a siyogo Ami so Mosa rakhs o manga tanda Ami, sii ko Pir´awn go so pagtaw niyan: Na pitharo iyan a: "Mataan! a sakn na sogo o Kadnan o manga kaadn."

آية رقم 47

ﯹﯺﯻﯼﯽﯾﯿ ﰀ ​

Na kagiya a mitalingoma niyan kiran so manga tanda Ami, na samawto na siran na ba iran dn oto gii khakalaan.

آية رقم 48

ﭑﭒﭓﭔﭕﭖﭗﭘﭙﭚﭛﭜﭝﭞ ﭟ ​

Na da a pphakimasaan Ami kiran a tanda a ba di skaniyan i mala a di so pd iyan (a miyaona); na inidan´g Ami kiran so siksa, ka an siran makambalingan (ko ontol).

آية رقم 49

ﭠﭡﭢﭣﭤﭥﭦﭧﭨﭩﭪ ﭫ ​

Na pitharo iran: "Hay mala i katao! Pangning kaming ka ko Kadnan ka sabap ko inidiyandi Iyan rka; mataan! a skami na miyaratiyaya kami dn."

آية رقم 50

ﭬﭭﭮﭯﭰﭱﭲ ﭳ ​

Na kagiya a pokasn Ami kiran so siksa, na samawto na siran na gii siran mbarngkas.

آية رقم 51

ﭴﭵﭶﭷﭸﭹﭺﭻﭼﭽﭾﭿﮀﮁﮂﮃﮄﮅ ﮆ ​

Na piyakalangkap o Pir´awn ko pagtaw niyan, a pitharo iyan a: "Hay pagtaw akn, ba akn di rk so kadato sa Misir, go giya ungkai a manga lawasayg a pphamangondas ko kababaang ko? Ba kano di phakaylay?"

آية رقم 52

ﮇﮈﮉﮊﮋﮌﮍﮎﮏﮐﮑ ﮒ ​

"Kna, ka sakn i tomo a di giya ungkai a (mama a) so skaniyan na pkhalaklak, go margn a kapphakaosay niyan!"

آية رقم 53

ﮓﮔﮕﮖﮗﮘﮙﮚﮛﮜﮝ ﮞ ​

"Na ino da alopa skaniyan a manga salnda a bolawan, odi na da a miyakatalingoma a pd iyan a manga malaikat a khigagabay ron?"

آية رقم 54

ﮟﮠﮡﮢﮣﮤﮥﮦ ﮧ ​

Na miyalalong iyan so pagtaw niyan, na kiya onotan iran skaniyan: Mataan! a siran na mimbaloy siran a pagtaw a manga songklid.

آية رقم 55

ﮨﮩﮪﮫﮬﮭ ﮮ ​

Na kagiya a tiyopowan Kami ran, na diyan´g Ami siran na inld Ami siran langon.

آية رقم 56

ﮯﮰﮱﯓ ﯔ ​

Na biyaloy Ami siran a miyangaoona a poringana, go ibarat ko miyangaoori.

آية رقم 57

ﯕﯖﯗﯘﯙﯚﯛﯜﯝﯞ ﯟ ​

Na kagiya a balowin so wata o Maryam a ibarat, na samawto na so pagtawng ka na phoon roo na pkhisagorong siran a kakayad!.

آية رقم 58

ﯠﯡﯢﯣﯤﯥﯦﯧﯨﯩﯪﯫﯬﯭﯮﯯ ﯰ ​

Go pitharo iran: "Ino so manga katohanan ami aya tomo, antawaa Skaniyan (i tomo)?" da a kiyapayaga iran rka on, a rowar sa kapamawal: Kna, ka siran na pagtaw a manga pawal.

آية رقم 59

ﯱﯲﯳﯴﯵﯶﯷﯸﯹﯺ ﯻ ​

Da ko skaniyan (a Eysa) inonta na oripn a inipangalimo Ami skaniyan, go biyaloy Ami, skaniyan a ladiyawan ko manga moriyataw o Israil

آية رقم 60

ﯼﯽﯾﯿﰀﰁﰂﰃ ﰄ ​

Na o kabaya Ami, na mataan a phakaadn Kami sa sambi iyo a manga malaikat ko lopa, a mamakasambi siran.

آية رقم 61

ﭑﭒﭓﭔﭕﭖﭗﭘﭙﭚﭛ ﭜ ​

Na mataan! a so Eysa na titho a nanao ko bangkit: Na di kano ron pkhadowadowai, go onoti Ako niyo: Giyaya i okit a makaoontol.

آية رقم 62

ﭝﭞﭟﭠﭡﭢﭣﭤ ﭥ ​

Na di kano phakialang ko shaytan: Mataan! a skaniyan na ridoay niyo a mapayag.

آية رقم 63

ﭦﭧﭨﭩﭪﭫﭬﭭﭮﭯﭰﭱﭲﭳﭴﭵﭶﭷ ﭸ ​

Na kagiya a makatalingoma so Eysa a rakhs o manga rarayag a karina, na pitharo iyan: "Sabnar a minitalingoma ko rkano so ongangn, go kagiya a pagosayn ko rkano so sabaad ko nganin a di kano ron phagayonayon: Na kalkn iyo so Allah, go onoti ako niyo."

آية رقم 64

ﭹﭺﭻﭼﭽﭾﭿﮀﮁﮂ ﮃ ​

"Mataan! a so Allah na Skaniyan i Kadnan ko go Kadnan iyo: Na zoasoata niyo Skaniyan: Giyaya i okit a makaoontol."

آية رقم 65

ﮄﮅﮆﮇﮈﮉﮊﮋﮌﮍﮎﮏ ﮐ ​

Na mizoransorang so pizagorompong ko ndolondolonan iran: Na sangat a siksa a bagian o siran a mindadarowaka, a pd ko siksa ko gawii a malipds!

آية رقم 66

ﮑﮒﮓﮔﮕﮖﮗﮘﮙﮚ ﮛ ​

Ba adn a pnayawn iran a rowar ko bangkit, sa kapakatalingoma niyan kiran a mitalmba, a siran na di siran makaiin´ngka?

آية رقم 67

ﮜﮝﮞﮟﮠﮡﮢ ﮣ ​

So mbobolayoka sa alongan oto na so sabaad kiran na ridoay o sabaad, - inonta so miyamananggila.

آية رقم 68

ﮤﮥﮦﮧﮨﮩﮪﮫ ﮬ ​

Hay manga oripn Ko, da a pangandam iyo sa alongan nai, go da rkano i ba kano makamboko,

آية رقم 69

ﮭﮮﮯﮰﮱ ﯓ ​

So miyamaratiyaya ko manga ayat Ami, go mimbabayorantang,

آية رقم 70

ﯔﯕﯖﯗﯘ ﯙ ​

(Na ptharoon kiran:) Sold kano ko sorga, skano ago so manga karoma niyo, a kokormatn kano.

آية رقم 71

ﯚﯛﯜﯝﯞﯟﯠﯡﯢﯣﯤﯥﯦﯧﯨﯩﯪ ﯫ ​

Ipphagilid kiran so manga talam a bolawan, go manga baso: Go matatago on so pkhababayaan skaniyan o manga ginawa, go ikhasoat o manga mata: Na skano na makakakal kano ron dn.

آية رقم 72

ﯬﯭﯮﯯﯰﯱﯲ ﯳ ​

Na giyoto man so sorga a so piyakipangowarisan rkano to sabap ko pinggolawla niyo (a mapiya).

آية رقم 73

ﯴﯵﯶﯷﯸﯹ ﯺ ​

Adn a rk iyo roo a manga onga a madakl, a so sabaad on na pkhakan iyo.

آية رقم 74

ﭑﭒﭓﭔﭕﭖ ﭗ ​

Mataan! a so manga baradosa na sii ko siksa ko naraka Jahannam, manga kakal:

آية رقم 75

ﭘﭙﭚﭛﭜﭝ ﭞ ​

Di kiran khababasan, go siran na kaadaan siran roo sa panginam.

آية رقم 76

ﭟﭠﭡﭢﭣﭤ ﭥ ​

Na da Ami siran salimboti: Na ogaid na miyabaloy siran a siran i manga salimbot.

آية رقم 77

ﭦﭧﭨﭩﭪﭫﭬﭭﭮ ﭯ ​

Na mizadaw iran: "Hay Malik! tinggasa kami o Kadnan ka". Tharoon iyan: "Mataan! a skano na makakakal kano (ron)!"

آية رقم 78

ﭰﭱﭲﭳﭴﭵﭶ ﭷ ​

Sabnsabnar a minitalingoma Mi rkano so bnar: Na ogaid na so kadaklan rkano na so bnar na ikagogowad iran.

آية رقم 79

ﭸﭹﭺﭻﭼ ﭽ ​

Ba adn a kiyambaibaitan iran a zowaan? Na mataan! a Skami i mimbaibait.

آية رقم 80

ﭾﭿﮀﮁﮂﮃﮄﮅﮆﮇﮈﮉ ﮊ ​

Ba iran tatarimaa sa mataan! a Skami na di ami khan´g so pag-umaan iran go so khokonsikonsi an iran? Oway (pkhan´g Ami), go so manga sogo Ami a (manga malaikat a) makamamasa kiran, na ipphanorat iran.

آية رقم 81

ﮋﮌﮍﮎﮏﮐﮑﮒ ﮓ ​

Tharoang ka (ya Mohammad) a: "O adn a wata o (Allah a) Masalinggagaw, na sakn i mawna ko pphanonoatan On."

آية رقم 82

ﮔﮕﮖﮗﮘﮙﮚﮛ ﮜ ​

Soti so Kadnan o manga langit ago so lopa, a Kadnan o aras, a mawatan ko iphropa iran!

آية رقم 83

ﮝﮞﮟﮠﮡﮢﮣﮤ ﮥ ​

Na ganating ka siran ko kapphamrak iran, go so kabibimban iran, taman sa mithomlanga iran so alongan iran, a so ididiyandi kiran.

آية رقم 84

ﮦﮧﮨﮩﮪﮫﮬﮭﮮﮯﮰﮱ ﯓ ​

Na Skaniyan so sii sa langit na Tohan, go sii sa lopa na Tohan; na Skaniyan so Mawngangn, a Matao.

آية رقم 85

ﯔﯕﯖﯗﯘﯙﯚﯛﯜﯝﯞﯟﯠ ﯡ ​

Na Soti so (Allah a) Khirk ko kapaar ko manga langit ago so lopa, go so nganin a pagltan a dowa nan: Go sii Rkaniyan so katawi ko bangkit: Go Ron kano phakandoda.

آية رقم 86

ﯢﯣﯤﯥﯦﯧﯨﯩﯪﯫﯬﯭﯮ ﯯ ​

Na da a kapaar o siran a pphanongganowin iran a salakaw Rkaniyan, - ko kapanapaat inonta so mizaksi ko bnar, a siran na katawan iran.

آية رقم 87

ﯰﯱﯲﯳﯴﯵﯶﯷﯸ ﯹ ​

Na ibt o izaan ka kiran o antawaa i miyadn kiran, na mataan a ptharoon iran dn a: So Allah: Na andamanaya i katatalikhod iran?

آية رقم 88

ﯺﯻﯼﯽﯾﯿﰀ ﰁ ​

Na pitharo o Nabi: "Hay Kadnan ko, mataan! a siran aya na pagtaw a di siran mapaparatiyaya!"

آية رقم 89

ﰂﰃﰄﰅﰆﰇﰈ ﰉ ​

(Pitharo o Allah:) "Na napiing ka siran (ya Mohammad), go tharo ka sa kalilintad! ka katokawan iran bo!"