ترجمة معاني سورة القصص باللغة ماراناو من كتاب Maranao - Maranao translation

آية رقم 1

ﮝ ﮞ ​

Ta, Sin, Mim. (so Allah i Matao ko paka-aantapan Iyan on).

آية رقم 2

ﮟﮠﮡﮢ ﮣ ​

Giyaya na manga ayat ko kitab a miyakawsay.

آية رقم 3

ﮤﮥﮦﮧﮨﮩﮪﮫﮬ ﮭ ​

Pmbatiyaan Ami rka so sabaad ko totholan ko Mosa, go so Pir´awn sii ko bnar, a bagian o pagtaw a khipaparatiyaya.

آية رقم 4

ﮮﮯﮰﮱﯓﯔﯕﯖﯗﯘﯙﯚﯛﯜﯝﯞﯟﯠﯡﯢ ﯣ ​

Mataan! a so Pir´awn na miphaporo ko lopa, go biyaloy niyan so taw ron a miyambaabaad, pangangarasiyan iyan so sabaad kiran: Pphanombaliin iyan so manga wata iran a manga mama, na phlambaan iyan so manga babay kiran: Mataan! a skaniyan na miyabaloy a pd ko pphamaminasa.

آية رقم 5

ﯤﯥﯦﯧﯨﯩﯪﯫﯬﯭﯮﯯ ﯰ ​

Na kabaya Ami a ikalimo Ami so siran a piyamangarasiyan ko lopa, go balowin Ami siran a pkhakawnotan, go balowin Ami siran a manga waris,

آية رقم 6

ﭑﭒﭓﭔﭕﭖﭗﭘﭙﭚﭛﭜ ﭝ ​

Go pakakhapaarn Ami siran ko lopa, go pakiilay Ami ko Pir´awn, go so Haman, go so tantara iran a dowa, a phoon kiran, so siran na ipkhalk iran.

آية رقم 7

ﭞﭟﭠﭡﭢﭣﭤﭥﭦﭧﭨﭩﭪﭫﭬﭭﭮﭯﭰﭱﭲﭳﭴﭵ ﭶ ​

Na iniilaham Ami ko (Yohanid a) ina o Mosa a: "Pakasosowang ka skaniyan, na o bang ka khalkn sa ba kamaratai skaniyan, na anodang ka skaniyan ko kalodan (a Nayl), go di ka pkhalk, go di ka mboboko: Mataan! a Skami na phakandodn Ami skaniyan sii rka, go mbalowin Ami skaniyan a pd ko manga rasol."

آية رقم 8

ﭷﭸﭹﭺﭻﭼﭽﭾﭿﮀﮁﮂﮃﮄ ﮅ ​

Na miyatoon skaniyan o manga taalok ko Pir´awn: Ka kagiya a khabaloy ko bagian iran a ridoay go boko: Mataan! a so Pir´awn go so Haman go so manga tantara iran a dowa na miyabaloy siran a manga ribat.

آية رقم 9

ﮆﮇﮈﮉﮊﮋﮌﮍﮎﮏﮐﮑﮒﮓﮔﮕﮖﮗﮘ ﮙ ​

Na pitharo o (Asiyah a) karoma o Pir´awn a: "Iphakapiya ginawa, a bagian ko go bagian ka: Di niyo mbonoa skaniyan. Masikn a makaompiya rk ta, odi na kowaan ta skaniyan a wata ta; a siran na di iran maiin´ngka!."

آية رقم 10

ﮚﮛﮜﮝﮞﮟﮠﮡﮢﮣﮤﮥﮦﮧﮨﮩﮪﮫ ﮬ ​

Na miyabaloy so poso o ina o Mosa a makakawang: Mataan a mayto bo na khapayag iran dn oto o da Ami tkhsa so poso iyan, ka adn mabaloy a pd ko miyamaratiyaya.

آية رقم 11

ﮭﮮﮯﮰﮱﯓﯔﯕﯖﯗﯘ ﯙ ​

Na pitharo iyan ko babay niyan a: "Tondogang ka skaniyan. Na tiyawdan iyan skaniyan sa mawatan; a siran na di iran maiin´ngka."

آية رقم 12

ﯚﯛﯜﯝﯞﯟﯠﯡﯢﯣﯤﯥﯦﯧﯨﯩﯪ ﯫ ​

Na inrn Ami skaniyan ko pphamakasoso (ron) sa paganay, na pitharo (o babay niyan) a: "Ino o toroon ko rkano so taw ko isa a walay a tagikorn iran skaniyan rkano, go siran na siyapn iran skaniyan?"

آية رقم 13

ﯬﯭﯮﯯﯰﯱﯲﯳﯴﯵﯶﯷﯸﯹﯺﯻﯼ ﯽ ​

Na piyakakasoy Ami skaniyan ki ina iyan, ka adn makapiya a ginawa niyan, go an di makamboboko, go an iyan katokawi a mataan! a so diyandi o Allah na bnar: Na ogaid na so kadaklan kiran na di iran katawan.

آية رقم 14

ﭑﭒﭓﭔﭕﭖﭗﭘﭙﭚﭛ ﭜ ​

Na kagiya a isampay ko katarotop o bagr iyan, go mikhasad, na bigan Ami skaniyan sa ongangn, go katao: Na lagid aya man a kambalasi Ami ko miphipiyapiya.

آية رقم 15

ﭝﭞﭟﭠﭡﭢﭣﭤﭥﭦﭧﭨﭩﭪﭫﭬﭭﭮﭯﭰﭱﭲﭳﭴﭵﭶﭷﭸﭹﭺﭻﭼﭽﭾﭿﮀﮁﮂﮃﮄﮅ ﮆ ​

Na somiyold ko bandar a ingd sii ko masa a kalilipat o taw ron: Na miyakatoon on sa dowa mama a gii siran mbono, - giya ngkaya (a isa on) na pd ko tampil rkaniyan, go giya ngkaya (a ika dowa) na pd ko ridoay niyan. Na miyangni rkaniyan sa tabang so pd ko tampil rkaniyan sii ko pd ko ridoay niyan, na siyontok skaniyan o Mosa na miyapatay niyan. Pitharo iyan a: "Giyaya na pd ko galbk o shaytan: Mataan! a skaniyan na ridoay a phakadadag, a mapayag!"

آية رقم 16

ﮇﮈﮉﮊﮋﮌﮍﮎﮏﮐﮑﮒﮓﮔ ﮕ ​

Pitharo iyan: "Kadnan ko, mataan a sakn na kiyandarowakaang ko a ginawa ko. Na napii akong Ka! Na niyapiyan Iyan skaniyan: Mataan a so Allah! a Skaniyan so Manapi, a Makalimoon."

آية رقم 17

ﮖﮗﮘﮙﮚﮛﮜﮝﮞ ﮟ ​

Pitharo iyan: "Kadnan ko, sabap ko kinipangalimoon Ka rakn, na di ako dn mabaloy a tabanga o manga rarata i ongar!"

آية رقم 18

ﮠﮡﮢﮣﮤﮥﮦﮧﮨﮩﮪﮫﮬﮭﮮﮯﮰ ﮱ ​

Na kiyapitaan ko bandar a ingd, a maalk, a pakatatanaan iyan (i mapnggolawla niyan), na samawto na so miyakitabang on kagai, na phakitabang on (pman). Pitharo on o Mosa a: "Mataang ka a titho a ribat a mapayag!"

آية رقم 19

ﯓﯔﯕﯖﯗﯘﯙﯚﯛﯜﯝﯞﯟﯠﯡﯢﯣﯤﯥﯦﯧﯨﯩﯪﯫﯬﯭﯮﯯﯰﯱﯲﯳ ﯴ ​

Na kagiya a makhadiyat iyan a kaptan iyan so ridoay ran, na pitharo (o phakitabang): "Hay Mosa, bang ka kadiyat a mbono on akong ka lagid o kiyapamonoo ka sa taw kagai? Da a kadiyat ka a rowar sa kabalowing ka a talibono ko lopa, go ding ka kadiyat o ba ka mabaloy a pd ko pphamangompiya!"

آية رقم 20

ﯵﯶﯷﯸﯹﯺﯻﯼﯽﯾﯿﰀﰁﰂﰃﰄﰅﰆ ﰇ ​

Na miyakaoma a mama, a phoon ko kilid o bandar a ingd, a gii nggagaan. Pitharo iyan: "Hay Mosa, mataan! a so manga nakoda na pphagopakatan ka iran, ka mbono on ka iran: Na awa ka, mataan! a sakn sa makapantag rka na pd ko pphamangoyaw sa mapiya."

آية رقم 21

ﰈﰉﰊﰋﰌﰍﰎﰏﰐﰑﰒ ﰓ ​

Na miyawa roo a pkhalk, a nomanayaw (sa mapnggolawla niyan), pitharo iyan: "Kadnan ko, sabt akong Ka phoon ko pagtaw a manga darowaka."

آية رقم 22

ﭑﭒﭓﭔﭕﭖﭗﭘﭙﭚﭛ ﭜ ​

Na kagiya a makasangor sa tampar sa Madyan, na pitharo iyan: "Oba bo so Kadnan ko na nggonanaon ako Niyan ko ontol a lalan."

آية رقم 23

ﭝﭞﭟﭠﭡﭢﭣﭤﭥﭦﭧﭨﭩﭪﭫﭬﭭﭮﭯﭰﭱﭲﭳﭴﭵﭶﭷﭸﭹﭺ ﭻ ​

Na kagiya a makawma ko ig sa Madyan, na miyatoon iyan on a madakl a taw a pphamanagb siran, go miyatoon iyan ko kababaan iran a dowa a babay a pphangrnn iran (so manga kambing iran). Pitharo iyan: "Ino kano anan?" Pitharo a dowa oto a: "Di kami phakasagb taman sa di domlas so pphamamagonong (sa kambing): Na so ama Ami na loks a matoa."

آية رقم 24

ﭼﭽﭾﭿﮀﮁﮂﮃﮄﮅﮆﮇﮈﮉﮊ ﮋ ​

Na inisagb iyan siran: Oriyan iyan na somiyong ko kasisirongan, na pitharo iyan: "Kadnan ko, mataan! a sakn na apiya antonaa i initoron Ka rakn a pangn´ngkn na makhakadiyat akn!"

آية رقم 25

ﮌﮍﮎﮏﮐﮑﮒﮓﮔﮕﮖﮗﮘﮙﮚﮛﮜﮝﮞﮟﮠﮡﮢﮣﮤﮥﮦﮧ ﮨ ​

Na miyakaoma on so isa sa dowa oto (a babay), a pphlalakaw a pkhamamala. Pitharo iyan a: "Mataan! a si ama na thawagn ka niyan ka imbalas iyan rka so balas o kinisagbn ka rkami". Na kagiya a makawma on go piyanothol iyan on so manga tothol (ko miyasowa iyan), na pitharo (o Shoayb): "Di ka pkhalk: Ka miyakalidas ka ko pagtaw a manga darowaka."

آية رقم 26

ﮩﮪﮫﮬﮭﮮﮯﮰﮱﯓﯔ ﯕ ​

Pitharo o isa sa dowa oto (a babay): "Hay ama, sokaing ka skaniyan: Mataan! a mapiya a taw a zokayan ka, ka mabagr a kasasarigan."

آية رقم 27

ﯖﯗﯘﯙﯚﯛﯜﯝﯞﯟﯠﯡﯢﯣﯤﯥﯦﯧﯨﯩﯪﯫﯬﯭﯮﯯﯰﯱﯲﯳﯴﯵ ﯶ ​

Pitharo (o Shoayb) a: "Mataan! a sakn na kabaya akn a pakiphangaroma ko rka so isa sangkai a dowa a wata akn, sa asar ka nggalbkan ka rakn sa walo ragon; na o tarotopang ka a sapolo (ragon) na phoon sa kabaya aka; ka di ko kabaya iba ko ska pakargni: Khatoon akong ka omiyog so Allah, a pd ko manga bilangataw."

آية رقم 28

ﯷﯸﯹﯺﯻﯼﯽﯾﯿﰀﰁﰂﰃﰄﰅﰆﰇ ﰈ ​

Pitharo (o Mosa) a: "Giyanan (i pasad ta) ko lt akn ago so lt ka: Apiya anda ko dowaa taalik i mitoman akn, na di ako ron ka maridowan. Na so Allah sii ko gii ta tharoon i saksi."

آية رقم 29

ﭑﭒﭓﭔﭕﭖﭗﭘﭙﭚﭛﭜﭝﭞﭟﭠﭡﭢﭣﭤﭥﭦﭧﭨﭩﭪﭫﭬﭭ ﭮ ​

Na kagiya a matarotop o Mosa so taalik, na lomiyalakaw a pd iyan si karoma niyan, na miyakaylay ko kilid o palaw sa apoy, na pitharo iyan ki karoma niyan: "Targ kano; mataan! a sakn na miyakaylay ako sa apoy; na kalokalo o kawitang ko skano a phoon rkaniyan sa tothol, odi na waga a phoon ko apoy, ka an kano maka thitirarang."

آية رقم 30

ﭯﭰﭱﭲﭳﭴﭵﭶﭷﭸﭹﭺﭻﭼﭽﭾﭿﮀﮁ ﮂ ​

Na kagiya a makatalingoma on, na miyatawag ko kilid o balintad sa kawanan, sii ko darpa a piyakambarakat phoon ko kayo: "Hay Mosa, mataan! a Sakn na Sakn so Allah, a Kadnan o manga kaadn."

آية رقم 31

ﮃﮄﮅﮆﮇﮈﮉﮊﮋﮌﮍﮎﮏﮐﮑﮒﮓﮔﮕﮖﮗﮘ ﮙ ​

"Na ithogn ka so badas ka" (na iniithog iyan)! Na kagiya a maylay niyan a gii khaokaog lagid oba skaniyan nipay, na tominingr a pphalagoy, go da kasoy: (na miyatawag:) "Hay Mosa, sangor ka, go di ka khalk: Mataan! a ska na pd ko khipakasasarig."

آية رقم 32

ﮚﮛﮜﮝﮞﮟﮠﮡﮢﮣﮤﮥﮦﮧﮨﮩﮪﮫﮬﮭﮮﮯﮰﮱﯓﯔﯕ ﯖ ​

"Soldn ka a limang ka ko lig o bangkala aka, ka an ka mapakaliyo a sindaw a kna a ba sakit, go kakpn ka a limang ka phoon ko kalk. Na giyaya na dowa a tanda a phoon ko Kadnan ka a izampay ko Pir´awn go so manga nakoda a pagtaw niyan: Mataan! a siran na miyabaloy siran a pagtaw a manga songklid."

آية رقم 33

ﯗﯘﯙﯚﯛﯜﯝﯞﯟ ﯠ ​

Pitharo iyan: "Kadnan ko, mataan! a sakn na miyakapatay ako kiran sa sakataw, na ikhalk akn oba ako iran bonoa."

آية رقم 34

ﯡﯢﯣﯤﯥﯦﯧﯨﯩﯪﯫﯬﯭﯮﯯ ﯰ ​

"Na so pagari ko a Haron, na skaniyan i masagogod a di sakn i katharo; na sogoang Ka skaniyan a pd akn a pphakatabang, a pkhabnar ako niyan: Mataan! a sakn na ipkhalk akn o ba ako iran pakambokhaga."

آية رقم 35

ﯱﯲﯳﯴﯵﯶﯷﯸﯹﯺﯻﯼﯽﯾﯿﰀ ﰁ ​

Pitharo (o Allah) a: "Imbagr Ami ko barokan ka so pagaring ka, go snggayan Ami skano sa guus, na da a misampay ran rkano (a marata): Sabap ko manga tanda Ami na skano a dowa, go so miyonot rkano i phamakadaag."

آية رقم 36

ﭑﭒﭓﭔﭕﭖﭗﭘﭙﭚﭛﭜﭝﭞﭟﭠﭡ ﭢ ​

Na kagiya a makawma kiran so Mosa a rakhs o manga tanda Ami a manga rarayag, na pitharo iran a: "Da ko ngkaya inonta na balik mata a pimbabaas; go da tano man´g angkai ko manga loks tano a miyangaoona!"

آية رقم 37

ﭣﭤﭥﭦﭧﭨﭩﭪﭫﭬﭭﭮﭯﭰﭱﭲﭳﭴﭵ ﭶ ​

Na pitharo o Mosa a: "So Kadnan ko i Matao ko taw a minioma niyan so toroan a phoon ko hadapan Iyan, go so taw a khaadn a bagian iyan so phakatondog a ingd: Mataan aya! a di phakadaag so manga darowaka."

آية رقم 38

ﭷﭸﭹﭺﭻﭼﭽﭾﭿﮀﮁﮂﮃﮄﮅﮆﮇﮈﮉﮊﮋﮌﮍﮎﮏﮐﮑ ﮒ ​

Na pitharo o Pir´awn: "Hay manga nakoda, da a katawan ko a bagian iyo a tohan a salakaw rakn: Na kombaan akong ka hay Haman! sa lipaw, na mbaaln akong ka sa bantabantay, ka an ako makapanik ko tohan o Mosa: Ka mataan! a sakn na ikakarang ko dn skaniyan sa pd ko manga bokhag!"

آية رقم 39

ﮓﮔﮕﮖﮗﮘﮙﮚﮛﮜﮝﮞ ﮟ ​

Na miyanakabor skaniyan go so manga tantara iyan ko lopa sa di ontol, go inipagarangan iran sa mataan! a siran na di siran Rkami phakandodn!

آية رقم 40

ﮠﮡﮢﮣﮤﮥﮦﮧﮨﮩﮪ ﮫ ​

Na siniksa Ami skaniyan go so manga tantara iyan, na inibowang Ami siran ko kalodan: Na pamimikiranang ka o antonaa i miyambtad o kiya akiran ko manga darowaka!

آية رقم 41

ﮬﮭﮮﮯﮰﮱﯓﯔﯕﯖ ﯗ ​

Na biyaloy Ami siran a manga nakoda a ipphananawag iran so naraka; na sii ko alongan a qiyamah na di siran khatabangan.

آية رقم 42

ﯘﯙﯚﯛﯜﯝﯞﯟﯠﯡﯢ ﯣ ​

Na tiyondog Ami siran sangkai a doniya a morka: Na sii ko alongan a qiyamah na siran na pd ko inipamowang.

آية رقم 43

ﯤﯥﯦﯧﯨﯩﯪﯫﯬﯭﯮﯯﯰﯱﯲﯳ ﯴ ​

Na sabnsabnar a inibgay Ami ko Mosa so kitab ko oriyan o kiyabinasa Ami ko miyagapidapid a manga pagtaw a paganay, manga liliwanag a osayan ko manga manosiya, go toroan ago limo, ka an iran katanodi.

آية رقم 44

ﭑﭒﭓﭔﭕﭖﭗﭘﭙﭚﭛﭜﭝ ﭞ ​

Na kna a ba ka matatago (hay Mohammad) ko kilid (o palaw) a tampar sa sdpan gowani ko i ilaham Ami ko Mosa so sogoan, go kna aba ka pd ko khipakamamasa.

آية رقم 45

ﭟﭠﭡﭢﭣﭤﭥﭦﭧﭨﭩﭪﭫﭬﭭﭮﭯﭰﭱ ﭲ ​

Na ogaid na miyadn Kami sa miyagapidapid a manga pagtaw, na miyakalndo kiran so omor; go kna a ba ka babaling ko manga taw sa Madyan, a pkhabatiya aka kiran so manga ayat Ami; na ogaid na tatap a Skami i miyanonogo (ko manga sogo).

آية رقم 46

ﭳﭴﭵﭶﭷﭸﭹﭺﭻﭼﭽﭾﭿﮀﮁﮂﮃﮄﮅﮆ ﮇ ​

Go kna a ba ka matatago ko kilid o palaw gowani a mananawag Kami; na ogaid na limo a phoon ko Kadnan ka, ka an ka mapakaiktiyar so pagtaw a da a miyakatalingoma kiran a miyamakaiktiyar a miyaonaan ka: ka an siran makatanod.

آية رقم 47

ﮈﮉﮊﮋﮌﮍﮎﮏﮐﮑﮒﮓﮔﮕﮖﮗﮘﮙ ﮚ ​

Na o da (aya) na so kasogat iran a tiyoba sabap ko miyanggalbk o manga lima iran, na tharoon iran a: "Kadnan ami, ino kaming Ka da sogo i sa sogo! ka an ami kawnoti so manga ayat Ka, go ang kami mabaloy a pd ko miyamaratiyaya!"

آية رقم 48

ﮛﮜﮝﮞﮟﮠﮡﮢﮣﮤﮥﮦﮧﮨﮩﮪﮫﮬﮭﮮﮯﮰﮱﯓﯔﯕﯖﯗ ﯘ ​

Na kagiya a makawma kiran so bnar a phoon ko hadapan Ami, na pitharo iran: "Ino ron da bgan, so lagid o inibgay ko Mosa?" Ba iran da ongkira so inibgay ko Mosa gowani? Pitharo iran a: "Dowaa balik mata a mithabanga siran!" go pitharo iran a: "Mataan! a skami na oman i isa kiran na inongkir ami!"

آية رقم 49

ﯙﯚﯛﯜﯝﯞﯟﯠﯡﯢﯣﯤﯥ ﯦ ​

Tharoang ka: "Na witi ako niyo sa kitab a phoon ko hadapan o Allah, a skaniyan i lbi a phakatoro a di giya dowaya (a kitab), ka onotan ko skaniyan! o skano i manga bnar!"

آية رقم 50

ﯧﯨﯩﯪﯫﯬﯭﯮﯯﯰﯱﯲﯳﯴﯵﯶﯷﯸﯹﯺﯻﯼﯽﯾﯿ ﰀ ​

Na odi ka iran masmbag, na tangkdang ka a aya bo a phagonotan iran na so manga kabaya iran a ribat: Na ba adn a taw a makalbi a dadag ko taw a inonotan iyan so kabaya iyan a ribat, a kna a ba toroan a phoon ko Allah? Mataan! a so Allah na di Niyan pnggonanaon so pagtaw a manga darowaka.

آية رقم 51

ﭑﭒﭓﭔﭕﭖﭗ ﭘ ​

Na sabnsabnar a piyakazonosono Ami kiran so katharo, ka an siran makatanod.

آية رقم 52

ﭙﭚﭛﭜﭝﭞﭟﭠ ﭡ ​

So siran a inibgay Ami kiran so kitab ko onaan aya, - na siran na skaniyan i paparatiyayaan iran;

آية رقم 53

ﭢﭣﭤﭥﭦﭧﭨﭩﭪﭫﭬﭭﭮﭯﭰ ﭱ ​

Go igira a pmbatiyaan kiran, na pitharo iran a: "Piyaratiyaya mi aya, mataan aya! a bnar a phoon ko Kadnan ami: Mataan! a skami na miyabaloy kami ko onaan aya a mimbayorantang."

آية رقم 54

ﭲﭳﭴﭵﭶﭷﭸﭹﭺﭻﭼﭽ ﭾ ​

Siran man na imbgay kiran so balas kiran sa takp, sabap ko kiyaphantang iran, go iphagrn iran so mapiya ko marata, go so sabaad ko inibgay Ami kiran na ipphammgay ran.

آية رقم 55

ﭿﮀﮁﮂﮃﮄﮅﮆﮇﮈﮉﮊﮋﮌﮍ ﮎ ​

Go igira a miyan´g iran so ilang, na pthalikhodan iran oto, go gi iran tharoon a: "Rkami so manga galbk ami, na rk iyo so manga galbk iyo; kalilintad a sii rkano: da a singanin Ami ko da a manga mlng iyan."

آية رقم 56

ﮏﮐﮑﮒﮓﮔﮕﮖﮗﮘﮙﮚﮛﮜ ﮝ ​

Mataan! a ska na ding ka khatoro so taw a kiyababayaan ka; na ogaid na so Allah i thoro ko taw a kabaya Iyan; go Skaniyan i Matao ko khikkdg ko ontol.

آية رقم 57

ﮞﮟﮠﮡﮢﮣﮤﮥﮦﮧﮨﮩﮪﮫﮬﮭﮮﮯﮰﮱﯓﯔﯕﯖﯗﯘ ﯙ ​

Na pitharo iran a: "O onoti ami so toroan a pd ami ska, na khaagaw kami ko lopa ami". Ba Ami siran da snggai sa lindonga a panarigan, a pkhawit on so manga onga o langowan taman, - a pagpr a phoon ko hadapan Ami? Na ogaid na so kadaklan kiran na di iran katawan.

آية رقم 58

ﯚﯛﯜﯝﯞﯟﯠﯡﯢﯣﯤﯥﯦﯧﯨﯩﯪﯫﯬ ﯭ ​

Na madakl a bininasa Mi a phagingd, a inizonor iran so kawiyagan iran. Na katatan so manga darpa iran, a da kabalingi ko oriyan iran, inonta so mayto! Na aya btad Ami na Skami i manga Waris!

آية رقم 59

ﯮﯯﯰﯱﯲﯳﯴﯵﯶﯷﯸﯹﯺﯻﯼﯽﯾﯿﰀﰁﰂ ﰃ ​

Na da ko btad o Kadnan ka i ba Niyan binasaa so manga ingd taman sa di Niyan kasogoan so ponsowan iyan sa sogo, a pphakabatiya kiran ko manga ayat Ami; go da ko btad Ami i ba Ami binasaa so manga ingd inonta o so taw ron na manga darowaka.

آية رقم 60

ﭑﭒﭓﭔﭕﭖﭗﭘﭙﭚﭛﭜﭝﭞﭟﭠﭡ ﭢ ​

Na so inibgay rkano a apiya antonaa, na matag sagad a kapipiya ginawa ko kawyagoyag ko doniya, go parahiyasan on; na so zisii ko Allah i tomo ago kakal: Ba niyo di mapng-gdagda?

آية رقم 61

ﭣﭤﭥﭦﭧﭨﭩﭪﭫﭬﭭﭮﭯﭰﭱﭲﭳ ﭴ ​

Ino so taw a diniyandian Ami skaniyan sa diyandi a mapiya, na skaniyan na khatmo niyan oto, ba lagid o taw a piyakisawitan Ami ron so matag sagad a kapipiya ginawa ko kawyagoyag ko doniya, oriyan iyan na skaniyan ko alongan a qiyamah, na pd ko phamakadarpaan (ko naraka)?

آية رقم 62

ﭵﭶﭷﭸﭹﭺﭻﭼ ﭽ ​

Na sii ko gawii a tawagn Iyan siran, na tharoon Iyan: "Anda i manga sakotowa Akn a siran so initgo niyo (sa phamakatabang rkano)?"

آية رقم 63

ﭾﭿﮀﮁﮂﮃﮄﮅﮆﮇﮈﮉﮊﮋﮌﮍﮎﮏﮐﮑ ﮒ ​

Tharoon o siran a piyamadayan siran o katharo: "Kadnan ami, siran aya so diyadag ami: Diyadag ami siran, lagid o kiyadadag ami: Angiyas kami (kiran) ka sii kami Rka: Kna (a ba ami sogoan) i kiyasimbaa iran rkami."

آية رقم 64

ﮓﮔﮕﮖﮗﮘﮙﮚﮛﮜﮝﮞﮟﮠ ﮡ ​

Na adn a tharo sa: "Tawaga niyo so ipphamanakoto niyo": Na tawagn iran siran, na di iran siran masmbag; go kasandngan iran so siksa (na mandingandingan iran a); oba siran bo miyabaloy a khipaka oontol!

آية رقم 65

ﮢﮣﮤﮥﮦﮧ ﮨ ​

Na sii ko gawii a tawagn Iyan siran, na tharoon Iyan: "Antonaa i inismbag iyo ko manga sogo?"

آية رقم 66

ﮩﮪﮫﮬﮭﮮﮯ ﮰ ​

Na karimbotan siran o manga tothol sa alongan oto, na siran na di siran makapamagizai.

آية رقم 67

ﮱﯓﯔﯕﯖﯗﯘﯙﯚﯛﯜ ﯝ ​

Na so pman so taw a mithawbat, go miyaratiyaya, go minggalbk sa mapiya, na matatangkd a khabaloy a pd ko miyamakadaag.

آية رقم 68

ﯞﯟﯠﯡﯢﯣﯤﯥﯦﯧﯨﯩﯪﯫﯬﯭ ﯮ ​

Na so Kadnan ka na phagadnn Iyan so nganin a kabaya Iyan: Go gii zasamili: da a miyaadn a bagian iran ko kazasamili; Soti so Allah! go Maporo a ka-aawat Iyan ko ipphanakoto iran (Non)!

آية رقم 69

ﯯﯰﯱﯲﯳﯴﯵ ﯶ ​

Na so Kadnan ka na katawan Iyan so pag-umaan o manga rarb iran go so papayagn iran.

آية رقم 70

ﯷﯸﯹﯺﯻﯼﯽﯾﯿﰀﰁﰂﰃﰄﰅﰆﰇ ﰈ ​

Go Skaniyan so Allah: da a tohan inonta Skaniyan. Rk Iyan so podi, sa awal go sa akir: Go rk Iyan so kokoman, go Rong kano phakandoda.

آية رقم 71

ﭑﭒﭓﭔﭕﭖﭗﭘﭙﭚﭛﭜﭝﭞﭟﭠﭡﭢﭣﭤ ﭥ ​

Tharoang ka: Ay gda iyo? O baloya o Allah rkano so gagawii a tatap sa taman ko alongan a qiyamah, antawaa i tohan a salakaw ko Allah, a kawitang kano niyan sa maliwanag? Ino kano di phamamakin´g?

آية رقم 72

ﭦﭧﭨﭩﭪﭫﭬﭭﭮﭯﭰﭱﭲﭳﭴﭵﭶﭷﭸﭹﭺﭻ ﭼ ​

Tharoang ka: Ay gda iyo? O baloya o Allah rkano so dawndaw a tatap sa taman ko alongan a qiyamah, antawaa i tohan a salakaw ko Allah, a kawitang kano niyan sa gagawii a pphakadkha kano ron? Ino kano di phangilaylay?

آية رقم 73

ﭽﭾﭿﮀﮁﮂﮃﮄﮅﮆﮇﮈﮉ ﮊ ​

Go pd ko limo Iyan a kinisnggayn Iyan rkano ko gagawii ago so dawndaw, - ka ang kano ron pphakadkha, go ang kano gii makambabanog ko kakawasaan Iyan; - go ang kano makapanalamat.

آية رقم 74

ﮋﮌﮍﮎﮏﮐﮑﮒ ﮓ ​

Na sii ko gawii a tawagn Iyan siran, na tharoon Iyan: Anda i manga sakotowa Akn a siran so initgo niyo?

آية رقم 75

ﮔﮕﮖﮗﮘﮙﮚﮛﮜﮝﮞﮟﮠﮡﮢﮣﮤ ﮥ ​

Na morot Kami ko oman i pagtaw sa saksi, na tharoon Ami: Bayann iyo i karina niyo: Na katokawan iran a mataan! a so bnar na rk o Allah, go maylang kiran so pimbabaas iran a kabokhag.

آية رقم 76

ﮦﮧﮨﮩﮪﮫﮬﮭﮮﮯﮰﮱﯓﯔﯕﯖﯗﯘﯙﯚﯛﯜﯝﯞﯟﯠﯡﯢﯣﯤﯥﯦ ﯧ ​

Mataan! a so Qaron na miyaadn a pd ko pagtaw o Mosa; na inombawan iyan siran: Go bigan Ami skaniyan ko manga kakawasaan, mataan! a so bo so manga gonsi iyan na mataan a khipnd ko madakl a manga babagr. Gowani na pitharo on o pagtaw niyan: Di ka zosonor, mataan! a so Allah na di Niyan khababayaan so khikasosonor;

آية رقم 77

ﯨﯩﯪﯫﯬﯭﯮﯯﯰﯱﯲﯳﯴﯵﯶﯷﯸﯹﯺﯻﯼﯽﯾﯿﰀﰁﰂﰃﰄﰅ ﰆ ​

Go thontotn ka so inibgay rka o Allah, ko ingd a mawri, go ding ka phakalipati so kipantag ka ko doniya: Go phiyapiya ka, lagid o kiyaphiyapiya i rka o Allah, go ding ka phangontarma so kapaminasa ko lopa: Mataan! a so Allah na di Niyan khababayaan so pphamaminasa.

آية رقم 78

ﭑﭒﭓﭔﭕﭖﭗﭘﭙﭚﭛﭜﭝﭞﭟﭠﭡﭢﭣﭤﭥﭦﭧﭨﭩﭪﭫﭬﭭﭮ ﭯ ​

Pitharo iyan a: Aya bo a kinibgan rakn saya na makapantag ko katao a zisii rakn. Ba niyan di katawi a mataan! a so Allah na sabnar a bininasa Niyan ko miyaonaan iyan so manga pagtaw, a so skaniyan i lbi a di skaniyan i bagr go lbi a madakl i miyatimo? Na di ipagiza ko manga baradosa so manga dosa iran.

آية رقم 79

ﭰﭱﭲﭳﭴﭵﭶﭷﭸﭹﭺﭻﭼﭽﭾﭿﮀﮁﮂﮃﮄ ﮅ ​

Na lominiyo ko pagtaw niyan ko kiyaphaparahiyasan iyan. Pitharo o siran a pkhababaya ko kawyagoyag ko doniya: Ah, oba adn bo a rk tano ko lagid o inibgay ko Qaroon. Mataan! a skaniyan i titho a khirk ko ontong a mala!

آية رقم 80

ﮆﮇﮈﮉﮊﮋﮌﮍﮎﮏﮐﮑﮒﮓﮔﮕﮖ ﮗ ​

Na pitharo o siran a piyamgan ko katao: "Dowan dowaan kano! So balas o Allah i lbi a mapiya a rk o taw a miyaratiyaya, go minggalbk sa mapiya: Na da a khabgan on a rowar ko manga papantang."

آية رقم 81

ﮘﮙﮚﮛﮜﮝﮞﮟﮠﮡﮢﮣﮤﮥﮦﮧﮨ ﮩ ​

Na liyandng Ami skaniyan ago so darpa iyan ko lopa, na da a miyaadn a bagian iyan a pagtaw a katabangan iran skaniyan a salakaw ko Allah, go da mabaloy a pd ko miyangasasabt iran a ginawa iran.

آية رقم 82

ﮪﮫﮬﮭﮮﮯﮰﮱﯓﯔﯕﯖﯗﯘﯙﯚﯛﯜﯝﯞﯟﯠﯡﯢﯣﯤﯥﯦ ﯧ ​

Na miyabaloy so siran a mindingandingan ko darpa iyan kagai, a gi iran matharo a: "Phammsa ko! ka mataan! a so Allah na pphakawladn Iyan so riskhi ko taw a kabaya Iyan, ko manga oripn Iyan. Go pphakasimpitn Iyan. O da kami kalimoon o Allah, na mataan a liyandng kami Niyan (pn)! Phammsa ko! ka mataan aya! a di phakadaag so manga kafir."

آية رقم 83

ﯨﯩﯪﯫﯬﯭﯮﯯﯰﯱﯲﯳﯴﯵﯶ ﯷ ​

Giyang koto a ingd a mawri, na issnggay Ami oto a bagian o siran a di siran khabaya mangarasi ko lopa, go di phaminasa: Na so mababantog a ingd na bagian o khipanananggila.

آية رقم 84

ﯸﯹﯺﯻﯼﯽﯾﯿﰀﰁﰂﰃﰄﰅﰆﰇﰈﰉﰊ ﰋ ​

Sadn sa mitalingoma niyan so mapiya, na adn a bagian iyan a tomo a di giyoto; go sadn sa mitalingoma niyan so marata, na da a imbalas ko siran a minggolawla ko manga rarata a rowar ko pinggolawla iran.

آية رقم 85

ﭑﭒﭓﭔﭕﭖﭗﭘﭙﭚﭛﭜﭝﭞﭟﭠﭡﭢﭣﭤ ﭥ ​

Mataan! a so tomiyoron rka ko Qor´an, na phakakasowin ka Niyan dn ko khandodan. Tharoang ka a: "So Kadnan ko i Matao ko taw a minitalingoma niyan so toroan, go so taw a skaniyan na matatago ko kadadag a mapayag."

آية رقم 86

ﭦﭧﭨﭩﭪﭫﭬﭭﭮﭯﭰﭱﭲﭳﭴﭵ ﭶ ​

Na kna a bang ka mapipikir (hay Mohammad) i kiilahamn rka ko kitab, ogaid na limo a phoon ko Kadnan ka: Na di ka dn pmbaloy a tabanga o manga kafir;

آية رقم 87

ﭷﭸﭹﭺﭻﭼﭽﭾﭿﮀﮁﮂﮃﮄﮅﮆﮇﮈ ﮉ ​

Go di ka kiran dn phakialang ko manga ayat o Allah ko oriyan o masa a kinitoron Iyan rka: Go panolonn ka so (kasimbaa ko) Kadnan ka, go di ka dn pmbaloy a pd ko manga pananakoto;

آية رقم 88

ﮊﮋﮌﮍﮎﮏﮐﮑﮒﮓﮔﮕﮖﮗﮘﮙﮚﮛﮜﮝﮞﮟ ﮠ ​

Go di ka phanongganoy, sa pd o Allah a tohan a salakaw. Da a tohan a inonta Skaniyan. So langowan taman na khabinasa inonta so dhat Iyan. Rk Iyan so kokoman, go Rong kano phakandoda.