ترجمة معاني سورة المرسلات باللغة الأوزبكية من كتاب الترجمة الأوزبكية - علاء الدين منصور

آية رقم 1

ﮑﮒ ﮓ ​

1. Пайдар-пай юбориладиган (шамол)ларга,

آية رقم 2

ﮔﮕ ﮖ ​

2. қутурадиган (бўрон)ларга қасам;

آية رقم 3

ﮗﮘ ﮙ ​

3. (Булутларни Аллоҳ хоҳлаган томонларга) ёйиб юборадиган,

آية رقم 4

ﮚﮛ ﮜ ​

4. (ҳақ билан ботилни ва ҳалол билан ҳаромни) ажратиб берадиган,

آية رقم 5

ﮝﮞ ﮟ ​

5. эслатма-ваҳий олиб тушадиган,

آية رقم 6

ﮠﮡﮢ ﮣ ​

6. (мўмин бандаларни) узр-мағфират қилиш учун ё (кофирларни Охират азобидан) огоҳлантириш учун (ваҳий олиб тушадиган фаришта)ларга (яъни, юқорида мазкур бўлган барча нарсаларга) қасамки,

آية رقم 7

ﮤﮥﮦ ﮧ ​

7. ҳеч шак-шубҳасиз, сизларга ваъда қилинаётган нарса (Қиёмат ва ҳисоб-китоб) воқеъ бўлгувчидир!

آية رقم 8

ﮨﮩﮪ ﮫ ​

8. Бас, қачон юлдузлар (нурлари сўниб) ўчирилгач;

آية رقم 9

ﮬﮭﮮ ﮯ ​

9. Ва қачон осмон (қобиғи) ёрилиб-очилгач;

آية رقم 10

ﮰﮱﯓ ﯔ ​

10. Ва қачон тоғлар (қумлар каби) сочилгач;

آية رقم 11

ﯕﯖﯗ ﯘ ​

11. Ва қачон пайғамбарларга (уларни ёлғончи қилган қавмлари билан ҳисоб-китоб қилишлари учун) белгиланган вақт келгач, (ана ўша вақтда ваъда қилинган Қиёмат қойим бўлур)!

آية رقم 12

ﯙﯚﯛ ﯜ ​

12. (Пайғамбар ўз қавмлари билан ҳисоб-китоб қилишлари) қай Кунга белгиланган эди?

آية رقم 13

ﯝﯞ ﯟ ​

13. (Ҳақ билан ботил) ажратиладиган Кунга (белгилангандир)!

آية رقم 14

ﯠﯡﯢﯣﯤ ﯥ ​

14. (Эй инсон), сен (ҳақ билан ботил) ажратиладиган Кун нима эканлигини қаердан ҳам билурсан?!

آية رقم 15

ﯦﯧﯨ ﯩ ​

15. У Кунда (ўша Кунни) ёлғон дегувчиларга ҳалокат бўлгай!

آية رقم 16

ﯪﯫﯬ ﯭ ​

16. Ахир Биз аввалги (ўз пайғамбарларини ёлғончи қилган уммат)ларни ҳалок қилмадикми?!

آية رقم 17

ﯮﯯﯰ ﯱ ​

17. Сўнгра кейинги (яъни, Муҳаммад алайҳис-салоту вас-саломни ёлғончи қилгувчи Макка кофирлари ва бошқа)ларни ҳам уларга эргаштирурмиз!

آية رقم 18

ﯲﯳﯴ ﯵ ​

18. Биз барча жиноятчи-кофирларни мана шундай (ҳалок) қилурмиз!

آية رقم 19

ﯶﯷﯸ ﯹ ​

19. У Кунда ўша Кунни ёлғон дегувчиларга ҳалокат бўлгай!

آية رقم 20

ﭑﭒﭓﭔﭕ ﭖ ​

20. Ахир Биз сизларни бир ҳақир сувдан яратмадикми?!

آية رقم 21

ﭗﭘﭙﭚ ﭛ ​

21. Сўнг у (сувни-нутфа)ни мустаҳкам қароргоҳда (она қорнида барқарор) қилиб қўймадикми?!

آية رقم 22

ﭜﭝﭞ ﭟ ​

22. Маълум муддатгача (яъни, ой-куни етиб туғилгунича она қорнида барқарор қилиб қўймадикми?!)

آية رقم 23

ﭠﭡﭢ ﭣ ​

23. Бас, Биз (бир томчи сувни комил инсон қилиб яратишга) қодир бўлдик. Нақадар қудратлидирмиз!
____________________
И з о ҳ. Ушбу оятларда яна қайта тирилиш масаласи баён қилинди. Мана бу ҳадиси қудсий ҳам юқоридаги оятларга муносиб тафсирдир. Пайғамбар алайҳис-салоту вас-салом бир куни кафтларига тупурдилар-да, саҳобаларга бармоқлари билан ўша тупукни кўрсатиб дедилар: «Аллоҳ таоло айтур: «Эй одам боласи, ахир Мeн сени худди мана шунга ўхшаган бир томчи сувдан яратдим-ку! Бас, сен Мендан (яъни, Қиёмат Куни Менинг ҳузуримга йиғилиб, ҳисоб-китоб беришдан) қаёққа ҳам қочиб қутула олар эдинг?!»

آية رقم 24

ﭤﭥﭦ ﭧ ​

24. У Кунда ёлғон дегувчиларга ҳалокат бўлгай!

آية رقم 25

ﭨﭩﭪﭫ ﭬ ​

25. Ахир Биз Ерни йиғгувчи қилиб қўймадикми?!

آية رقم 26

ﭭﭮ ﭯ ​

26. Тирикларни ҳам, ўликларни ҳам (йиғгувчи қилиб қўймадикми?!)
____________________
И з о ҳ. Мазкур оятлардан заминни беҳуда она дейилмаслиги маълум бўлади. Зеро, у тирикларни ўз елкасида — устида кўтариб турса, ўликларга ўз қучоғидан жой беради.

آية رقم 27

ﭰﭱﭲﭳﭴﭵﭶ ﭷ ​

27. Яна Биз (ерда) баланд тоғларни (пайдо) қилдик ва сизларни (ўша тоғлардан оқиб тушадиган) чучук-тотли сув билан суғордик.

آية رقم 28

ﭸﭹﭺ ﭻ ​

28. У Кунда ёлғон дегувчиларга ҳалокат бўлгай.

آية رقم 29

ﭼﭽﭾﭿﮀﮁ ﮂ ​

29. (У Кунда кофирларга дейилур): «Сизлар (ҳаёти-дунёдалик пайтингизда) ёлғон дегувчи бўлган нарсага (ҳисоб-китоб ва дўзах азобига) боринглар!

آية رقم 30

ﮃﮄﮅﮆﮇﮈ ﮉ ​

30. (Жаҳаннамда ёнаётган дўзахилардан кўтарилаётган бадбуй тутундан иборат, осмонга ўрлаган сари бўлиниб кетган) уч бўлакли «соя»га боринглар!

آية رقم 31

ﮊﮋﮌﮍﮎﮏ ﮐ ​

31. Ҳеч қандай салқинлик бермайдиган ва (дўзах) алангасини ҳам тўсмайдиган («соя»га боринглар!)»

آية رقم 32

ﮑﮒﮓﮔ ﮕ ​

32. Дарвоқеъ, у (жаҳаннам ҳар томонга ҳар бири) қасрдек учқунларни отиб турур!

آية رقم 33

ﮖﮗﮘ ﮙ ​

33. Худди сариқ туяларга ўхшаган (учқунларни отиб турур!)

آية رقم 34

ﮚﮛﮜ ﮝ ​

34. У Кунда ёлғон дегувчиларга ҳалокат бўлғай!

آية رقم 35

ﮞﮟﮠﮡ ﮢ ​

35. Бу (Кун) улар сўзлай олмайдиган

آية رقم 36

ﮣﮤﮥﮦ ﮧ ​

36. Ва улар учун узр айтишларига ҳам изн берилмайдиган Кундир!

آية رقم 37

ﮨﮩﮪ ﮫ ​

37. У Кунда ёлғон дегувчиларга ҳалокат бўлгай!

آية رقم 38

ﮬﮭﮮﮯﮰﮱ ﯓ ​

38. Бу (ҳақ билан ботил) ажратиладиган Кундир! (Эй бу Кунни ёлғон дегувчи кимсалар, мана) Биз сизларни ҳам, аввалги (ўз пайғамбарларини ёлғончи қилган)ларни ҳам жамладик.

آية رقم 39

ﯔﯕﯖﯗﯘ ﯙ ​

39. Мана, агар сизлар учун (дўзахдан қутқарадиган) бирон найранг бўлса, Менга ўша найрангларингизни кўрсатинглар-чи?

آية رقم 40

ﯚﯛﯜ ﯝ ​

40. У Кунда ёлғон дегувчиларга ҳалокат бўлгай!

آية رقم 41

ﯞﯟﯠﯡﯢ ﯣ ​

41. Тақводор зотлар эса (У Кунда) албатта соя-салқинлар ва чашмаларда,

آية رقم 42

ﯤﯥﯦ ﯧ ​

42. Ва кўнгиллари тусаган мева-чевалар устидадирлар.

آية رقم 43

ﯨﯩﯪﯫﯬﯭ ﯮ ​

43. (Уларга дейилур): «Қилиб ўтган (яхши) амалларингиз сабабли (ушбу жаннат ноз-неъматларини) пок билиб еб-ичаверинглар».

آية رقم 44

ﯯﯰﯱﯲ ﯳ ​

44. Албатта Биз чиройли амал қилгувчиларни мана шундай мукофотлармиз.

آية رقم 45

ﯴﯵﯶ ﯷ ​

45. У Кунда ёлғон дегувчиларга ҳалокат бўлгай!

آية رقم 46

ﯸﯹﯺﯻﯼ ﯽ ​

46. (Эй кофирлар) озгина вақт (яъни, тўрт кунлик дунёда ақлсиз ҳайвонлардек) еб, фойдаланиб қолинглар! Албатта сизлар жиноятчидирсизлар!

آية رقم 47

ﯾﯿﰀ ﰁ ​

47. У Кунда ёлғон дегувчиларга ҳалокат бўлгай!

آية رقم 48

ﰂﰃﰄﰅﰆﰇ ﰈ ​

48. Қачон уларга: «Рукуъ қилинглар, (яъни, намоз ўқинглар)», дейилса, рукуъ қилмаслар!

آية رقم 49

ﰉﰊﰋ ﰌ ​

49. У Кунда (ўша Кунни) ёлғон дегувчиларга ҳалокат бўлгай!

آية رقم 50

ﰍﰎﰏﰐ ﰑ ​

50. Ахир улар (Қуръондан) кейин (яъни, беназир илоҳий мўъжиза бўлган шундай азиз Китобга иймон келтирмасдан) қандай сўзга-китобга иймон келтирурлар?!