ترجمة معاني سورة المرسلات باللغة الطاجيكية من كتاب الترجمة الطاجيكية

17. Баъд аз он умматони охиринро (аз куффори Макка ва амсоли онҳо, ки ҳазрати Муҳаммад саллаллоҳу алайҳи ва салламро дурӯғ мебароранд,) низ аз паи онҳо намебарем(1)?
____________________
1. Яъне, ҳалок намекунем.

آية رقم 18

ﯲﯳﯴ ﯵ

18. Бо гунаҳкорон чунин рафтор мекунем. Ин равиши мо дар мавриди онҳост.(1)
____________________
1. Тафсири Табарӣ 24\132

آية رقم 19

ﯶﯷﯸ ﯹ

19. Дар он рӯз вой (ҳалокӣ ва азоби сахт бод) бар дурӯғшуморандагон; касоне, ки ба ягонагии Аллоҳ ва рисолати паёмбарон ва ба рӯзи зинда шудани баъд аз марг ва ҳисоб бовар надоранд!

آية رقم 20

ﭑﭒﭓﭔﭕ ﭖ

20. Оё эй кофирон, шуморо аз обе ҳақиру ночиз (нутфа) наёфаридаем?

آية رقم 21

ﭗﭘﭙﭚ ﭛ

21. Ва онро дар ҷойгоҳе устувор қарор надодем, ки он бачадони зан аст

آية رقم 22

ﭜﭝﭞ ﭟ

22. то замоне муъайян, ки ҳамон замони ҳомиладорӣ аст?

آية رقم 23

ﭠﭡﭢ ﭣ

23. Мо бар он кор тавоно будаем, пас Мо некӯ тавоно ҳастем!(1)
____________________
1. Тафсири Бағавӣ 8\305

آية رقم 24

ﭤﭥﭦ ﭧ

24. Дар он рӯзи қиёмат вой (ҳалокӣ ва азоби сахт бод) бар дурӯғшуморандагон, ки қудрати Моро дуруғ мебароранд!

آية رقم 25

ﭨﭩﭪﭫ ﭬ

25. Оё заминро ҷойгоҳи фарогире насохтем, ки ҳамаи шуморо фаро мегирад,

آية رقم 26

ﭭﭮ ﭯ

26. барои зиндагиву маргатон, ки зиндаҳо дар он зиндагӣ мекунанд ва мурдаҳо дар он
дафн мешаванд?

آية رقم 27

ﭰﭱﭲﭳﭴﭵﭶ ﭷ

27. Дар он (замин) кӯҳҳои баланд падид овардем, то замин маҳкам гардад ва такон нахӯрад ва ба шумо оби ширин ва гуворо нӯшонидем.(1)
____________________
1. Тафсири Саъдӣ 1\904

آية رقم 28

ﭸﭹﭺ ﭻ

28. Дар он рӯзи қиёмат вой (ҳалокӣ ва азоби сахт бод) бар дурӯғшуморандагон ба ин неъматҳо!

آية رقم 29

ﭼﭽﭾﭿﮀﮁ ﮂ

29. Рӯзи қиёмат барои кофирон гуфта мешавад: Биравед ба сӯи азоби дӯзах он чӣ дар дунё дурӯғаш мешуморидед.

آية رقم 30

ﮃﮄﮅﮆﮇﮈ ﮉ

30. Биравед ба сӯи сояе аз дуди ҷаҳаннам, ки дорои сешоха аст,

آية رقم 31

ﮊﮋﮌﮍﮎﮏ ﮐ

31. ки он на сояи хунук аст ва на дар он рӯз ҳарорати оташро бозмедорад.

آية رقم 32

ﮑﮒﮓﮔ ﮕ

32. Ҳароина, ҷаҳаннам шарораҳое меафканад, ки дар бузургии худ монанди баландии қасри азим аст),

آية رقم 33

ﮖﮗﮘ ﮙ

33. гӯё, ки он шарораҳо уштуроне сияҳтоби зардранг бошанд.(1)
____________________
1. Тафсири Табарӣ 24\139

آية رقم 34

ﮚﮛﮜ ﮝ

34. Дар он рӯзи қиёмат вой (ҳалокӣ ва азоби сахт бод) бар дурӯғшуморандагон, ки азоби Аллоҳро дурӯғ мебароранд!

آية رقم 35

ﮞﮟﮠﮡ ﮢ

35. Ин қиёмат рӯзест, ки ҳеҷ кас аз дурӯғшуморандагон сухан нагӯянд.

آية رقم 36

ﮣﮤﮥﮦ ﮧ

36. Онҳоро рухсат надиҳанд, то узр хоҳанд, зеро барояшон узре нест.(1)
____________________
1. Тафсири Табарӣ 24\142

آية رقم 37

ﮨﮩﮪ ﮫ

37. Дар он рӯзи қиёмат вой (ҳалокӣ ва азоби сахт бод) бар дурӯғшуморандагон, ки ин рӯзро ва он чӣ дар он аст дурӯғ мебароранд!

آية رقم 38

ﮬﮭﮮﮯﮰﮱ ﯓ

38. Ин рӯз, рӯзи фасл аст, ки дар ин рӯз байни ҳақ ва ботил ҷудо мегардад ва шумо
эй кофирони ин уммат ва кофирони пешиниёнатонро гирд меоварем.

آية رقم 39

ﯔﯕﯖﯗﯘ ﯙ

39. Пас, агар ҳилае доред, ки худро аз азоб халос кунед, ба кор баред.(1)
____________________
1. Тафсири Саъдӣ 1\905

آية رقم 40

ﯚﯛﯜ ﯝ

40. Дар он рӯзи қиёмат вой (ҳалокӣ ва азоби сахт бод) бар дурӯғшуморандагон, ки рӯзи қиёматро дурӯғ мебароранд)!

آية رقم 41

ﯞﯟﯠﯡﯢ ﯣ

41. Ҳароина, парҳезгорон, ки дар дунё аз азоби Правардигорашон тарсиданд ва фармудаҳояшро ба ҷо оварданд ва аз манъкардҳояш дур истоданд, дар сояҳо ва канори чашмасоронанд,

آية رقم 42

ﯤﯥﯦ ﯧ

42. Ва аз ҳар мевае, ки орзу кунанд, баҳра мебаранд.

آية رقم 43

ﯨﯩﯪﯫﯬﯭ ﯮ

43. Барояшон гуфта мешавад: Ба подоши корҳое, ки дар дунё аз амалҳои шоиста мекардаед, бо лаззату гуворо бихӯред ва биёшомед.

آية رقم 44

ﯯﯰﯱﯲ ﯳ

44. Ҳароина, Мо некӯкоронро инчунин подош медиҳем!

آية رقم 45

ﯴﯵﯶ ﯷ

45. Дар он рӯзи қиёмат вой (ҳалокӣ ва азоби сахт бод) бар дурӯғшуморандагон, ки рӯзи ҳисобу ҷазоро ва он чӣ дар он аст аз неъматҳо ва азобҳо дурӯғ мебароранд!(1)
____________________
1. Тафсири Табарӣ 24/143

آية رقم 46

ﯸﯹﯺﯻﯼ ﯽ

46. Сипас Аллоҳ кофиронро таҳдид карда гуфтааст: Бихӯреду андак баҳрае баргиред дар дунё, ки ҳароина, шумо гунаҳкоронед ба сабабе, ки ба Аллоҳи якто шарик меовардед.(1)
____________________
1. Тафсири Бағавӣ 8\308

آية رقم 47

ﯾﯿﰀ ﰁ

47. Дар он рӯзи қиёмат вой (ҳалокӣ ва азоби сахт бод) бар дурӯғшуморандагон, ки рӯзи ҳисобу ҷазоро дурӯғ мебароранд.

آية رقم 48

ﰂﰃﰄﰅﰆﰇ ﰈ

48. Ва чун барои мушрикон гуфта шавад, ки намоз гузоред ва рукӯъ кунед, намоз намегузоранд ва рукӯъ намекунанд, балки такаббур меварзанд.(1)
____________________
1. Тафсири ибни Касир

آية رقم 49

ﰉﰊﰋ ﰌ

49. Дар он рӯзи қиёмат вой (ҳалокӣ ва азоби сахт бод) бар дурӯғшуморандагон, ки мӯъҷизаҳои Аллоҳро дурӯғ мебароранд!

آية رقم 50

ﰍﰎﰏﰐ ﰑ

50. Агар ба ин Қуръон имон наоварданд, пас, аз Қуръон ба кадом сухан имон меоваранд? Ҳол он ки Қуръон худ мӯъҷиза ва баёнкунандаи ҳама чизҳост ва аҳкому хабарҳояш равшан аст.

تقدم القراءة