ترجمة معاني سورة المطفّفين باللغة الطاجيكية من كتاب الترجمة الطاجيكية

آية رقم 1

ﯖﯗ ﯘ ​

1. Вой(1) бар ҳоли камкунандагон,
____________________
1. Азоби сахт

آية رقم 2

ﯙﯚﯛﯜﯝﯞ ﯟ ​

2. онон, ки чун аз мардум барои худ харид карданд, паймона меситонанд, (бармекашанд) онро пур мекунанд

آية رقم 3

ﯠﯡﯢﯣﯤ ﯥ ​

3. ва чун барои мардум чизе фурӯхтанд, мепаймоянд ё бармекашанд, аз он кам мекунанд.

آية رقم 4

ﯦﯧﯨﯩﯪ ﯫ ​

4. Оё инҳо намедонанд, ки зинда мешаванд,

آية رقم 5

ﭑﭒ ﭓ ​

5. дар он рӯзи бузург? Ва мувофиқи аъмолашон ҳисобу китоб карда мешаванд.

آية رقم 6

ﭔﭕﭖﭗﭘ ﭙ ​

6. Рӯзе, ки мардум дар пешгоҳи Парвардигори ҷаҳониён фурӯтан меистанд.

آية رقم 7

ﭚﭛﭜﭝﭞﭟ ﭠ ​

7. Ҳақиқатан бозгашти бадкорон ҷои танг аст.

آية رقم 8

ﭡﭢﭣﭤ ﭥ ​

8. Ва ту чи медони он тангӣ чист? Ҳамоно он ҷой зиндонест, ки дар он азоби дардовар аст.

آية رقم 9

ﭦﭧ ﭨ ​

9.       Ва барояшон китобест навишташуда! На дар он чизе афзуда мешавад ва на кам карда мешавад.

آية رقم 10

ﭩﭪﭫ ﭬ ​

10.   Дар он рӯз вой бар ҳоли дурӯғшуморандагон,

آية رقم 11

ﭭﭮﭯﭰ ﭱ ​

11.   онон, ки рӯзи ҷазоро дурӯғ меҳисобанд!

آية رقم 12

ﭲﭳﭴﭵﭶﭷﭸ ﭹ ​

12.   Ва он рӯзро ба ҷуз ҳар ситамгари гунаҳкор касе дурӯғ намешуморад.

آية رقم 13

ﭺﭻﭼﭽﭾﭿﮀ ﮁ ​

13.   Чун оёти Мо бар ӯ хонда шуд, ғуфт: «Афсонаҳои пешиниён аст!» Амр чунин нест, ки мепиндоранд, балки он каломи Аллоҳ аст ва ба тариқи ваҳй ба сӯи паёмбараш фиристода шудааст.

آية رقم 14

ﮂﮃﮄﮅﮆﮇﮈﮉﮊﮋ ﮌ ​

14.   Чунин нест, ки мегӯянд, балки корҳое, ки карда буданд аз гуноҳ бар дилҳошон ғолиб шуда занг бастааст.

آية رقم 15

ﮍﮎﮏﮐﮑﮒ ﮓ ​

15.   Чунин нест, ки мегӯянд, бегумон онон дар он рӯз аз дидори Парвардигорашон(1) маҳрум бошанд.
____________________
1. Дар ин оят далелест, ки муъминон Парвардигорашонро мебинанд, модоме ки ғайри мӯъминон аз дидори Ӯ маҳруманд.

آية رقم 16

ﮔﮕﮖﮗ ﮘ ​

16.    Пас онҳо ба ҷаҳаннам дароянд, ҳарорати гармии онро мечашанд.

آية رقم 17

ﮙﮚﮛﮜﮝﮞﮟ ﮠ ​

17.    Сипас ба онҳо гуфта мешавад: «Ин аст он чӣ дурӯғаш мешумурдед!»

آية رقم 18

ﮡﮢﮣﮤﮥﮦ ﮧ ​

18.    Ба дурустӣ, ки номаи амалҳои некӯкорон дар Иллийин(1) қарор дорад.
____________________
1. Дар мартабаҳои олӣ дар ҷаннат

آية رقم 19

ﮨﮩﮪﮫ ﮬ ​

19.    Ва ту эй Расул чӣ медонӣ, ки Иллийин чист?

آية رقم 20

ﮭﮮ ﮯ ​

20.    Китобест навишташуда! На дар он чизе афзуда мешавад ва на кам карда мешавад,

آية رقم 21

ﮰﮱ ﯓ ​

21.    ки фариштагони муқарраби Аллоҳ дар он ҳузур меёбанд.

آية رقم 22

ﯔﯕﯖﯗ ﯘ ​

22.    Бегумон некон(1) дар неъматанд,
____________________
1. Аҳли сидқ ва итоаткорон

آية رقم 23

ﯙﯚﯛ ﯜ ​

23.    бар тахтҳо нишаста ва ба сӯи Парвардигорашон ва ба он чӣ аз неъматҳо барояшон омода карда шудааст, наззора мекунанд.

آية رقم 24

ﯝﯞﯟﯠﯡ ﯢ ​

24.    Хушӣ ва хуррамии неъматро дар чеҳраҳояшон мебинӣ.

آية رقم 25

ﯣﯤﯥﯦ ﯧ ​

25.    Аз шаробе холис, ки бар сари он мӯҳр ниҳодаанд, нӯшонида мешаванд.

آية رقم 26

ﯨﯩﯪﯫﯬﯭﯮ ﯯ ​

26. Мӯҳри он аз мушк аст. Ва рағбаткунандагон бояд, ки барои ҳамин неъмати доими рағбат кунанд.

آية رقم 27

ﯰﯱﯲ ﯳ ​

27. Ва омезиши он шароб аз оби Тасним аст.

آية رقم 28

ﯴﯵﯶﯷ ﯸ ​

28. Тасним чашмаест, ки муақаррабони даргоҳи Аллоҳ аз он менӯшанд ва ба он лаззат мебаранд.

آية رقم 29

ﯹﯺﯻﯼﯽﯾﯿﰀ ﰁ ​

29. Ба дурустӣ, ки гунаҳкорон дар дунё ба мӯъминон механдиданд

آية رقم 30

ﰂﰃﰄﰅ ﰆ ​

30. Ва чун бар онҳо мегузаштанд, масхараомезона ба чашму абрӯ ишора мекарданд

آية رقم 31

ﰇﰈﰉﰊﰋﰌ ﰍ ​

31. ва чун ба аҳли хонаи худ бозмегаштанд, шодмон бозмегаштанд.

آية رقم 32

ﰎﰏﰐﰑﰒﰓ ﰔ ​

32. Ва чун кофирон асҳоби Муҳаммад саллаллоҳу алайҳи ва салламро медиданд, мегуфтанд, ки инҳо гумроҳанд.

آية رقم 33

ﰕﰖﰗﰘ ﰙ ​

33. Ва ҳол он ки ин кофирон ба сари мӯъминон нигоҳбон фиристода нашуда буданд.

آية رقم 34

ﭑﭒﭓﭔﭕﭖ ﭗ ​

34. Пас рӯзи қиёмат мӯъминон ба кофирон
механданд, чунон ки кофирон дар дунё ба онҳо хандида буданд,

آية رقم 35

ﭘﭙﭚ ﭛ ​

35.   бар тахтҳо такя зада ва ба он чӣ аз каромат ва неъматҳои ҷаннат барояшон дода шудааст, менигаранд.

آية رقم 36

ﭜﭝﭞﭟﭠﭡ ﭢ ​

36.   Оё ба кофирон подош ва сазои корҳое, ки мекарданд, дода шудааст?