ترجمة سورة المطفّفين باللغة اليورباوية

آية رقم 1

ﯖﯗ ﯘ

Ègbé ni fún àwọn olùdín-òṣùwọ̀n-kù,

آية رقم 2

ﯙﯚﯛﯜﯝﯞ ﯟ

àwọn (òǹtajà) t’ó jẹ́ pé nígbà tí wọ́n bá wọn n̄ǹkan lọ́dọ̀ àwọn ènìyàn, wọ́n á gbà á ní ẹ̀kún,
____________________
“Àwọn ènìyàn” ní àyè yìí dúró fún bíi “ àwọn olóko”.

آية رقم 3

ﯠﯡﯢﯣﯤ ﯥ

nígbà tí àwọn (òǹtajà náà) bá sì lo ìwọ̀n fún àwọn (òǹrajà) tàbí lo òṣùwọ̀n fún wọn, wọn yóò dín in kù.

آية رقم 4

ﯦﯧﯨﯩﯪ ﯫ

Ṣé àwọn wọ̀nyẹn kò mọ̀ dájú pé dájúdájú A máa gbé wọn dìde

آية رقم 5

ﭑﭒ ﭓ

ní Ọjọ́ ńlá kan?

آية رقم 6

ﭔﭕﭖﭗﭘ ﭙ

Ní ọjọ́ tí àwọn ènìyàn yóò dìde nàró fún Olúwa gbogbo ẹ̀dá.

آية رقم 7

ﭚﭛﭜﭝﭞﭟ ﭠ

Bẹ́ẹ̀ ni, dájúdájú ìwé iṣẹ́ àwọn ẹni ibi kúkú wà nínú Sijjīn.

آية رقم 8

ﭡﭢﭣﭤ ﭥ

Kí sì l’ó mú ọ mọ ohun t’ó ń jẹ́ Sijjīn!

آية رقم 9

ﭦﭧ ﭨ

Ìwé tí wọ́n ti kọ iṣẹ́ aburú ẹ̀dá sínú rẹ̀ (tí wọ́n sì fi pamọ́ sínú ilẹ̀ keje ni Sijjīn).

آية رقم 10

ﭩﭪﭫ ﭬ

Ní ọjọ́ yẹn, ègbé ni fún àwọn olùpe-òdodo- nírọ́,

آية رقم 11

ﭭﭮﭯﭰ ﭱ

àwọn t’ó ń pe Ọjọ́ ẹ̀san nírọ́.

آية رقم 12

ﭲﭳﭴﭵﭶﭷﭸ ﭹ

Kò sì sí ẹni t’ó ń pè é nírọ́ àfi gbogbo alákọyọ, ẹlẹ́ṣẹ̀.

آية رقم 13

ﭺﭻﭼﭽﭾﭿﮀ ﮁ

Nígbà tí wọ́n bá ń ké àwọn āyah Wa fún un, ó máa wí pé: "Àwọn àkọsílẹ̀ àlọ́ àwọn ẹni àkọ́kọ́ (nìwọ̀nyí)."

آية رقم 14

ﮂﮃﮄﮅﮆﮇﮈﮉﮊﮋ ﮌ

Rárá kò rí bẹ́ẹ̀, àmọ́ ohun tí wọ́n ń ṣe níṣẹ́ ibi l’ó jọba lórí ọkàn wọn.

آية رقم 15

ﮍﮎﮏﮐﮑﮒ ﮓ

Ní ti òdodo, dájúdájú wọn yóò wà nínú gàgá, wọn kò sì níí rí Olúwa wọn ní ọjọ́ yẹn.

آية رقم 16

ﮔﮕﮖﮗ ﮘ

Lẹ́yìn náà, dájúdájú wọn yóò wọ inú iná Jẹhīm.

آية رقم 17

ﮙﮚﮛﮜﮝﮞﮟ ﮠ

Lẹ́yìn náà, wọ́n máa sọ (fún wọn) pe: "Èyí ni ohun tí ẹ̀ ń pè nírọ́."

آية رقم 18

ﮡﮢﮣﮤﮥﮦ ﮧ

Bẹ́ẹ̀ ni. Dájúdájú ìwé iṣẹ́ àwọn ẹni rere wà nínú ‘illiyyūn.

آية رقم 19

ﮨﮩﮪﮫ ﮬ

Kí sì l’ó mú ọ mọ ohun t’ó ń jẹ́ ‘illiyyūn!

آية رقم 20

ﮭﮮ ﮯ

Ìwé tí wọ́n ti kọ iṣẹ́ rere ẹ̀dá sínú rẹ̀ (tí wọ́n sì fi pamọ́ sí òkè sánmọ̀ ni ‘illiyyūn).

آية رقم 21

ﮰﮱ ﯓ

Àwọn (mọlāika) tí wọ́n súnmọ́ Allāhu ń jẹ́rìí sí i.

آية رقم 22

ﯔﯕﯖﯗ ﯘ

Dájúdájú àwọn ẹni rere máa wà nínú ìgbádùn.

آية رقم 23

ﯙﯚﯛ ﯜ

Wọn yóò máa wòran lórí àwọn ibùsùn.

آية رقم 24

ﯝﯞﯟﯠﯡ ﯢ

Ìwọ yóò dá ìtutù ojú ìgbádùn mọ̀ nínú ojú wọn.

آية رقم 25

ﯣﯤﯥﯦ ﯧ

Wọn yóò máa fún wọn mu nínú ọtí onídèérí.

آية رقم 26

ﯨﯩﯪﯫﯬﯭﯮ ﯯ

Àlùmísìkí ni (òórùn) ìparí rẹ̀. Kí àwọn alápàáǹtètè ṣàpáǹtètè nínú ìyẹn.

آية رقم 27

ﯰﯱﯲ ﯳ

Tẹsnīm ni wọ́n yóò máa pòpọ̀ (mọ́ ọtí náà).

آية رقم 28

ﯴﯵﯶﯷ ﯸ

(Tẹsnīm ni) omi ìṣẹ́lẹ̀rú kan, tí àwọn olùsúnmọ́ (Allāhu) yóò máa mu.

آية رقم 29

ﯹﯺﯻﯼﯽﯾﯿﰀ ﰁ

Dájúdájú àwọn t’ó dẹ́ṣẹ̀, wọ́n máa ń fi àwọn t’ó gbàgbọ́ ní òdodo rẹ́rìn-ín.

آية رقم 30

ﰂﰃﰄﰅ ﰆ

Nígbà tí wọ́n bá gba ẹ̀gbẹ́ wọn kọjá, (àwọn adẹ́ṣẹ̀) yóò máa ṣẹ́jú síra wọn ní ti yẹ̀yẹ́.

آية رقم 31

ﰇﰈﰉﰊﰋﰌ ﰍ

Nígbà tí wọ́n bá sì padà sí ọ̀dọ̀ àwọn ènìyàn wọn, wọ́n á padà tí wọn yóò máa ṣe fáàrí.

آية رقم 32

ﰎﰏﰐﰑﰒﰓ ﰔ

Àti pé nígbà tí wọ́n bá rí (àwọn onígbàgbọ́ òdodo) wọ́n á wí pé: "Dájúdájú àwọn wọ̀nyí ni olùṣìnà."

آية رقم 33

ﰕﰖﰗﰘ ﰙ

Àwa kò sì rán wọn níṣẹ́ olùṣọ́ sí wọn.

آية رقم 34

ﭑﭒﭓﭔﭕﭖ ﭗ

Nítorí náà, ní òní àwọn t’ó gbàgbọ́ ní òdodo yóò fi àwọn aláìgbàgbọ́ rẹ́rìn-ín.

آية رقم 35

ﭘﭙﭚ ﭛ

Wọn yóò máa wòran lórí àwọn ibùsùn.

آية رقم 36

ﭜﭝﭞﭟﭠﭡ ﭢ

Ṣebí wọ́n ti fi ohun tí àwọn aláìgbàgbọ́ ń ṣe níṣẹ́ san wọ́n lẹ́san (báyìí)?

ترجمة معاني سورة المطفّفين باللغة اليورباوية من كتاب الترجمة اليورباوية

الترجمة اليورباوية

الترجمة اليورباوية