ترجمة معاني سورة القلم باللغة الأوزبكية من كتاب الترجمة الأوزبكية - محمد صادق

آية رقم 1

ﮉﮊﮋﮌﮍ ﮎ ​

Нуун. Қалам билан ва сатрларга ёзадиган нарсалар билан қасам.
____________________
(Оятда қасам қалам билан чекланмади, балки Аллоҳ сатрларга ёзилажак нарсалар билан ҳам қасам ичди. Бизнинг замонамизда қаламдан бошқа ёзув қўлланмалари ҳам чиқди. Қалам ва ёзиш билан қасам ичилиши мусулмонлар учун ўқиш-ёзиш, илм-маърифатга катта эътибор беришга чақириқдур.)

آية رقم 2

ﮏﮐﮑﮒﮓ ﮔ ​

Сен Роббинг неъмати ила мажнун эмассан.

آية رقم 3

ﮕﮖﮗﮘﮙ ﮚ ​

Ва албатта, сенга миннат қилинмайдиган ажр бордур.

آية رقم 4

ﮛﮜﮝﮞ ﮟ ​

Ва албатта, сен улкан хулқдасан.

آية رقم 5

ﮠﮡ ﮢ ​

Бас, тезда кўрасан ва улар ҳам кўрурлар.

آية رقم 6

ﮣﮤ ﮥ ​

Сизлардан қайсингизда мажнунлик борлигини.

آية رقم 7

ﮦﮧﮨﮩﮪﮫﮬﮭﮮﮯﮰ ﮱ ​

Албатта, Роббинг Ўзи ким Унинг йўлидан адашганини билувчидур ва У ҳидоятда юрувчиларни ҳам билувчидур.

آية رقم 8

ﯓﯔﯕ ﯖ ​

Бас, ёлғонга чиқарувчиларга итоат қилма.

آية رقم 9

ﯗﯘﯙﯚ ﯛ ​

Агар сен муроса қилсанг, улар ҳам муроса қилишни орзу қиладилар.

آية رقم 10

ﯜﯝﯞﯟﯠ ﯡ ​

Итоат қилма! Ҳар бир қасамхўр, пасткашга.

آية رقم 11

ﯢﯣﯤ ﯥ ​

Айбловчи, чақимчилик қилиб юрувчига.

آية رقم 12

ﯦﯧﯨﯩ ﯪ ​

Яхшиликни ман қилувчи, тажовузкор, сергуноҳга.

آية رقم 13

ﯫﯬﯭﯮ ﯯ ​

Қўпол, ундан сўнг, отасининг тайини йўққа.

آية رقم 14

ﯰﯱﯲﯳﯴ ﯵ ​

Моли ва ўғиллари кўп бўлганидан.

آية رقم 15

ﯶﯷﯸﯹﯺﯻﯼ ﯽ ​

Бизнинг оятларимиз унга ўқилган пайтда, аввалгиларнинг афсоналари, дер.

آية رقم 16

ﯾﯿﰀ ﰁ ​

Тезда унинг тумшуғига белги қўямиз.

آية رقم 17

ﭑﭒﭓﭔﭕﭖﭗﭘﭙﭚ ﭛ ​

Албатта, Биз уларни боғ эгаларини синаганимиздек синаб кўрдик. Вақтики, эрта тонгда териб оламиз, деб қасам ичдилар.

آية رقم 18

ﭜﭝ ﭞ ​

Ва истисно қилмадилар.

آية رقم 19

ﭟﭠﭡﭢﭣﭤﭥ ﭦ ​

Улар ухлаб ётганда, у(боғ)нинг устидан Роббингдан бўлган айланувчи айланиб чиқди.

آية رقم 20

ﭧﭨ ﭩ ​

Бас, у худди меваси териб олинганга ўхшаб қолди.

آية رقم 21

ﭪﭫ ﭬ ​

Улар тонг саҳарда бир-бирларини чақирдилар.

آية رقم 22

ﭭﭮﭯﭰﭱﭲﭳ ﭴ ​

Агар терадиган бўлсангиз, экинзорингизга эртароқ боринг, деб.

آية رقم 23

ﭵﭶﭷ ﭸ ​

Бас, паст овоз билан гаплашиб юриб кетдилар.

آية رقم 24

ﭹﭺﭻﭼﭽﭾ ﭿ ​

Бугун сиз борингизда у(боғ)га мискин кира кўрмасин, деб.

آية رقم 25

ﮀﮁﮂﮃ ﮄ ​

Ва эрталабда қасд-ла, ўзларини қодир сезиб, бордилар.

آية رقم 26

ﮅﮆﮇﮈﮉ ﮊ ​

Уни кўрганларида, биз адашибмиз, дедилар.

آية رقم 27

ﮋﮌﮍ ﮎ ​

Балки биз маҳрум бўлгандирмиз, дедилар.

آية رقم 28

ﮏﮐﮑﮒﮓﮔﮕ ﮖ ​

Уларнинг энг яхши ва адолатлиси: «Сизларга тасбиҳ айтсаларингиз-чи, демабмидим», деди.

آية رقم 29

ﮗﮘﮙﮚﮛﮜ ﮝ ​

Роббимиз айблардан пок бўлди, албатта, биз золимлардан эдик, дедилар.

آية رقم 30

ﮞﮟﮠﮡﮢ ﮣ ​

Бас, баъзилари баъзиларини маломат қила бошладилар.

آية رقم 31

ﮤﮥﮦﮧﮨ ﮩ ​

«Вой, шўримиз қурсин, туғёнга кетган эканмиз.

آية رقم 32

ﮪﮫﮬﮭﮮﮯﮰﮱﯓﯔ ﯕ ​

Шояд, Роббимиз унинг ўрнига ундан кўра яхшироғини берса. Биз ўз Роббимизга рағбатлимиз, дедилар.

آية رقم 33

ﯖﯗﯘﯙﯚﯛﯜﯝﯞﯟ ﯠ ​

Азоб шундоқ бўлур ва агар билсалар, албатта, охират азоби бундан катта бўладир.

آية رقم 34

ﯡﯢﯣﯤﯥﯦ ﯧ ​

Албатта, тақводорлар учун Роббилари ҳузурида наъийм жаннатлари бордур.

آية رقم 35

ﯨﯩﯪ ﯫ ​

Мусулмонларни жинояткорларга ўхшатиб қўярмидик?!

آية رقم 36

ﯬﯭﯮﯯ ﯰ ​

Сизларга нима бўлди, қандай ҳукм чиқаряпсизлар?!

آية رقم 37

ﯱﯲﯳﯴﯵ ﯶ ​

Ёки сизларнинг китобингиз бор-у, ундан ўқидингизми?

آية رقم 38

ﯷﯸﯹﯺﯻ ﯼ ​

Унда сизларга нимани ихтиёр қилсангиз, албатта, (бўлаверади) дейилганми?!

آية رقم 39

ﯽﯾﯿﰀﰁﰂﰃﰄﰅﰆﰇﰈ ﰉ ​

Ёки сизларга бизнинг қиёмат кунигача етадиган берган ваъдаларимиз бўлиб, унда, албатта, сиз нима ҳукм қилсангиз, шу бўлади, дейилганми?!

آية رقم 40

ﰊﰋﰌﰍ ﰎ ​

Сўра улардан, қай бирлари бу нарсага кафил экан?

آية رقم 41

ﰏﰐﰑﰒﰓﰔﰕﰖ ﰗ ​

Ёки уларнинг шериклари бормикин, агар ростгўй бўлсалар, ўша шерикларини ҳам олиб келсинлар.

آية رقم 42

ﰘﰙﰚﰛﰜﰝﰞﰟﰠ ﰡ ​

Болдирлар шимарилган кунида ва улар саждага чақирилганда, қодир бўлмаслар.
____________________
(Бу қиёмат куни содир бўлади. У кунда ҳисоб-китоб шиддатли ва аҳвол оғир бўлади. Аллоҳ таоло халқлар ўртасида ҳукм қилиш учун келади, бир пайт У зотнинг мукаррам болдири очилади, бироқ бу махлуқларидаги бирон ҳолатга ўхшамайди. Имом Бухорий ва Муслим ривоят қилган ҳадисда Пайғамбар соллаллоҳу алайҳи ва саллам шундай дедилар: «Роббимиз болдирини очади ва ҳар бир мўмин ва мўмина Унга сажда қилади. Дунёда одамларга кўрсатиш ва эшиттириш учун риёкорона сажда қилган кимсаларгина қолади. Улар сажда қилмоқчи бўладилар-у, бироқ беллари (букилмайдиган) бир бутун қилиб қўйилади».

آية رقم 43

ﭑﭒﭓﭔﭕﭖﭗﭘﭙﭚﭛﭜ ﭝ ​

Уларнинг кўзлари қўрқинчга тўла, хорлик ўраб олган. Ва дарҳақиқат, улар саломатлик ҳолларида сажда қилишга чақирилган эдилар.

آية رقم 44

ﭞﭟﭠﭡﭢﭣﭤﭥﭦﭧﭨ ﭩ ​

Бу гапни ёлғонга чиқарувчиларни Менинг Ўзимга қўйиб қўй. Биз уларни ўзлари билмаган тарафдан аста-секин оламиз.

آية رقم 45

ﭪﭫﭬﭭﭮﭯ ﭰ ​

Ва уларга муҳлат бераман. Албатта, Менинг ҳийлам метиндир.

آية رقم 46

ﭱﭲﭳﭴﭵﭶﭷ ﭸ ​

Ёки сен улардан ҳақ сўраяпсан-у, улар қарзга ботиб қолдиларми?

آية رقم 47

ﭹﭺﭻﭼﭽ ﭾ ​

Ёки ҳузурларида ғойиб илми бор-у, улар ёзиб оладиларми?

آية رقم 48

ﭿﮀﮁﮂﮃﮄﮅﮆﮇﮈﮉ ﮊ ​

Роббинг ҳукмига сабр қил ва бир вақтлар ғамга тўлган ҳолда нидо қилган балиқ соҳибига ўхшама.

آية رقم 49

ﮋﮌﮍﮎﮏﮐﮑﮒﮓﮔ ﮕ ​

Агар уни Роббисининг неъмати топмаганда, очиқ саҳро жойга, мазамматга қолган ҳолда ташланган бўларди.

آية رقم 50

ﮖﮗﮘﮙﮚ ﮛ ​

Бас, уни Роббиси танлаб олди ва солиҳ бандаларидан қилди.

آية رقم 51

ﮜﮝﮞﮟﮠﮡﮢﮣﮤﮥﮦﮧ ﮨ ​

Ва кофирлар зикрни эшитаётганларида сени кўзлари билан тойдирмоқчи бўлдилар ва, албатта, у жиннидур, дерлар.

آية رقم 52

ﮩﮪﮫﮬﮭ ﮮ ​

Ҳолбуки, у бутун оламларга эслатмадан ўзга нарса эмас.