ترجمة معاني سورة الإنسان باللغة السواحلية من كتاب Ali Muhsin Al - Swahili translation

آية رقم 1

ﯜﯝﯞﯟﯠﯡﯢﯣﯤﯥﯦ ﯧ ​

Al-Insan

Hakika kilimpitia binaadamu kipindi katika zama ambacho kwamba hakuwa kitu kinacho tajwa.

آية رقم 2

ﯨﯩﯪﯫﯬﯭﯮﯯﯰﯱ ﯲ ​

Hakika Sisi tumemuumba mtu kutokana na mbegu ya uhai iliyo changanyika, tumfanyie mtihani. Kwa hivyo tukamfanya mwenye kusikia, mwenye kuona.

آية رقم 3

ﯳﯴﯵﯶﯷﯸﯹ ﯺ ​

Hakika Sisi tumembainishia Njia. Ama ni mwenye kushukuru, au mwenye kukufuru.

آية رقم 4

ﯻﯼﯽﯾﯿﰀ ﰁ ​

Hakika Sisi tumewaandalia makafiri minyororo na pingu na Moto mkali.

آية رقم 5

ﰂﰃﰄﰅﰆﰇﰈﰉ ﰊ ​

Hakika watu wema watakunywa katika vinywaji vilivyo changanyika na kafuri,

آية رقم 6

ﭑﭒﭓﭔﭕﭖﭗ ﭘ ​

Ni chemchem watakao inywa waja wa Mwenyezi Mungu, wakiifanya imiminike kwa wingi.

آية رقم 7

ﭙﭚﭛﭜﭝﭞﭟ ﭠ ​

Wanatimiza ahadi, na wanaiogopa siku ambayo shari yake inaenea sana,

آية رقم 8

ﭡﭢﭣﭤﭥﭦﭧ ﭨ ​

Na huwalisha chakula, juu ya kukipenda kwake, masikini, na yatima, na wafungwa.

آية رقم 9

ﭩﭪﭫﭬﭭﭮﭯﭰﭱﭲ ﭳ ​

Hakika sisi tunakulisheni kwa wajihi wa Mwenyezi Mungu. Hatutaki kwenu malipo wala shukrani.

آية رقم 10

ﭴﭵﭶﭷﭸﭹﭺ ﭻ ​

Hakika sisi tunaiogopa kwa Mola wetu Mlezi hiyo siku yenye shida na taabu.

آية رقم 11

ﭼﭽﭾﭿﮀﮁﮂﮃ ﮄ ​

Basi Mwenyezi Mungu atawalinda na shari ya siku hiyo, na atawakutanisha na raha na furaha.

آية رقم 12

ﮅﮆﮇﮈﮉ ﮊ ​

Na atawajazi Bustani za Peponi na maguo ya hariri kwa vile walivyo subiri.

آية رقم 13

ﮋﮌﮍﮎﮏﮐﮑﮒﮓﮔﮕ ﮖ ​

Humo wataegemea juu ya viti vya enzi, hawataona humo jua kali wala baridi kali.

آية رقم 14

ﮗﮘﮙﮚﮛﮜ ﮝ ​

Na vivuli vyake vitakuwa karibu yao, na mashada ya matunda yataning'inia mpaka chini.

آية رقم 15

ﮞﮟﮠﮡﮢﮣﮤﮥ ﮦ ​

Na watapitishiwa vyombo vya fedha na vikombe vya vigae,

آية رقم 16

ﮧﮨﮩﮪﮫ ﮬ ​

Vya fedha safi kama kiyoo, wamevipima kwa vipimo.

آية رقم 17

ﮭﮮﮯﮰﮱﯓ ﯔ ​

Na humo watanyweshwa kinywaji kilicho changanyika na tangawizi.

آية رقم 18

ﯕﯖﯗﯘ ﯙ ​

Hiyo ni chemchem iliyo humo inaitwa Salsabil.

آية رقم 19

ﯚﯛﯜﯝﯞﯟﯠﯡﯢﯣ ﯤ ​

Na watawazungukia kuwatumikia wavulana wasio pevuka, ukiwaona utawafikiri ni lulu zilizo tawanywa.

آية رقم 20

ﯥﯦﯧﯨﯩﯪﯫ ﯬ ​

Na utakapo yaona, utakuwa umeona neema na ufalme mkubwa.

آية رقم 21

ﯭﯮﯯﯰﯱﯲﯳﯴﯵﯶﯷﯸﯹﯺ ﯻ ​

Juu yao zipo nguo za hariri laini za kijani kibichi, na hariri nzito ya at'ilasi. Na watavikwa vikuku vya fedha, na Mola wao Mlezi atawanywesha kinywaji safi kabisa.

آية رقم 22

ﯼﯽﯾﯿﰀﰁﰂﰃ ﰄ ​

Hakika haya ni malipo yenu; na juhudi zenu zimekubaliwa.

آية رقم 23

ﰅﰆﰇﰈﰉﰊ ﰋ ​

Hakika Sisi tumekuteremshia Qur'ani kidogo kidogo.

آية رقم 24

ﰌﰍﰎﰏﰐﰑﰒﰓﰔ ﰕ ​

Basi ngojea hukumu ya Mola wako Mlezi wala usimt'ii miongoni mwao mwenye dhambi au mwenye kufuru.

آية رقم 25

ﰖﰗﰘﰙﰚ ﰛ ​

Na likumbuke jina la Mola wako Mlezi asubuhi na jioni;

آية رقم 26

ﭑﭒﭓﭔﭕﭖﭗ ﭘ ​

Na usiku msujudie Yeye, na umtakase usiku, wakati mrefu.

آية رقم 27

ﭙﭚﭛﭜﭝﭞﭟﭠ ﭡ ​

Kwa hakika watu hawa wanapenda maisha ya kidunia, na wanaiacha nyuma yao siku nzito.

آية رقم 28

ﭢﭣﭤﭥﭦﭧﭨﭩﭪﭫ ﭬ ​

Sisi tumewaumba, na tukavitia nguvu viungo vyao. Na tukitaka tutawabadilisha mfano wao wawe badala yao.

آية رقم 29

ﭭﭮﭯﭰﭱﭲﭳﭴﭵﭶ ﭷ ​

Hakika haya ni mawaidha; basi anaye taka atashika Njia ya kwenda kwa Mola wake Mlezi.

آية رقم 30

ﭸﭹﭺﭻﭼﭽﭾﭿﮀﮁﮂﮃ ﮄ ​

Wala hamwezi kutaka ila atakapo Mwenyezi Mungu. Hakika Mwenyezi Mungu ni Mwenye ilimu, Mwenye hikima.

آية رقم 31

ﮅﮆﮇﮈﮉﮊﮋﮌﮍﮎﮏ ﮐ ​

Humuingiza amtakaye katika rehema yake. Na wenye kudhulumu amewawekea adhabu iliyo chungu.