ترجمة سورة القارعة

محمد جوناگڑھی - Urdu translation
ترجمة معاني سورة القارعة باللغة الأردية من كتاب محمد جوناگڑھی - Urdu translation .

قارعہ


کھڑکھڑا دینے والی

کیا ہے وه کھڑکھڑا دینے والی

تجھے کیا معلوم کہ وه کھڑ کھڑا دینے والی کیا ہے

جس دن انسان بکھرے ہوئے پروانوں کی طرح ہو جائیں گے

اور پہاڑ دھنے ہوئے رنگین اون کی طرح ہو جائیں گے

پھر جس کے پلڑے بھاری ہوں گے

وه تو دل پسند آرام کی زندگی میں ہوگا

اور جس کے پلڑے ہلکے ہوں گے

اس کا ٹھکانا ہاویہ ہے

تجھے کیا معلوم کہ وه کیا ہے

وه تند وتیز آگ (ہے)
Icon