Surah Al Ala Translation in සිංහල

سورة الأعلى

الترجمة السنهالية

නුඹගේ උත්කෘෂ්ට පරමාධිපතිගේ නාමය පිවිතුරු කරනු.

මවා සැකසූ ද,

නිර්ණය කර මඟ පෙන් වූ ද,

තවද ඔහු තණ බිම් පිට කර

පසු ව එය (වියැළුණු) කළු පැහැති ඉපැනලි බවට පත් කළේය.

අපි ඔබට මතුවට කියවා පෙන්වන්නෙමු.

අල්ලාහ් අභිමත වූ දෑ හැර (අන් කිසිවක්) නුඹ අමතක නොකරන්නෙහිය. සැබැවින්ම ඔහු සැඟවුණු දෑ ද ප්‍රකට දෑ ද දන්නා ය

තවද අපි පහසු ව වෙත නුඹට පහසු කරවන්නෙමු.

එබැවින් සිහිපත් කිරීම (අසන්නාට) ප්‍රයෝජනවත් වේ නම් නුඹ (කුර්ආනය මගින්) සිහිපත් කරනු.

කවරෙකු (අල්ලාහ්ට) බිය වන්නේ ද ඔහු සිහිපත් කර ගනු ඇත.

තවද අභාග්‍යවන්තයා එය වළක්වා ගන්නේය.

ඔහු (නිරයේ) මහත් ගින්නට පිවිසෙයි.

පසු ව ඔහු එහි මරණයට පත් නොවෙයි. ජීවත් ද නොවෙයි.

සැබැවින්ම (කුර්ආනයේ උපදෙස මගින්) පිවිතුරු කර ගත් අය ජයග්‍රහණය කළේය. ත

තවද ඔහු තම පරමාධිපතිගේ නාමය සිහිපත් කර පසු ව සලාතය ද ඉටු කළේය.

නමුත් නුඹලා මෙලොව ජීවිතය තෝරා ගන්නෙහුය.

(මෙලොව ජීවිතයට වඩා) මතු ලොව උතුම් ය. තවද සදා පවතින්නකි.

පූර්ව ලේඛනයන්හි (සඳහන් ව) ඇත.

සැබැවින්ම මෙය ඉබ්‍රාහීම් හා මූසාගේ ලේඛන වන (පූර්ව ලේඛනයන්හි (සඳහන් ව) ඇත.)

تقدم القراءة