ترجمة معاني سورة عبس باللغة الكردية من كتاب Burhan Muhammad - Kurdish translation

آية رقم 1

ﭑﭒ ﭓ ​

ڕووی گرژکردو ڕووی وه‌رگێڕا (مه‌به‌ست پێغه‌مبه‌ره (صلی الله علیه وسلم) کاتێك (عبدالله ی کوڕی ام مکتوم) که ئیماندارێکی نابینابوو هات بۆ خزمه‌تی، ئه‌ویش هه‌ندێك له سه‌رانی قوره‌یشی کۆ کردبۆوه به ئومێدی هیدایه‌تیان، عبدالله وتی: ئه‌ی پێغه‌مبه‌ری خوا، خوا چی فێرکردوویت منیش فێر بکه‌، پێغه‌مبه‌ر (صلی الله علیه وسلم) پێی ناخۆش بوو که قسه‌کانی پێ ده‌بڕێت، له‌به‌رئه‌وه ڕووی گرژکرد و ڕووی وه‌رگێڕا. بۆیه سه‌ره‌تای ئه‌م سووره‌ته دابه‌زی که گله‌ییه له پێغه‌مبه‌ر (صلی الله علیه وسلم).

آية رقم 2

ﭔﭕﭖ ﭗ ​

له‌به‌رئه‌وه‌ی نابیناکه هات بۆ لای.

آية رقم 3

ﭘﭙﭚﭛ ﭜ ​

جا تۆ چوزانیت به‌ڵکو ئه‌و هاتبێت تا دڵ و ده‌روونی خاوێن بکاته‌وه‌.

آية رقم 4

ﭝﭞﭟﭠ ﭡ ​

یاخود ئامۆژگاری وه‌ربگرێت، تا ئامۆژگاریه‌که سوودی پێبگه‌یه‌نێت.

آية رقم 5

ﭢﭣﭤ ﭥ ​

به‌ڵام ئه‌وه‌ی که خۆی بێ نیاز نیشان ده‌دات و نایه‌وێت ڕێنموومایی وه‌ربگرێت.

آية رقم 6

ﭦﭧﭨ ﭩ ​

تۆ له‌گه‌ڵ ئه‌ودا کۆده‌بیته‌وه و گرنگی به‌و ده‌ده‌یت و ڕوو له‌و ده‌که‌یت.

آية رقم 7

ﭪﭫﭬﭭ ﭮ ​

جا تۆ هیچ گوناهبار نابیت که ئه‌و ئیمانی نه‌وێت و پاك و پوخته‌کردنی ده‌روونی نه‌وێت.

آية رقم 8

ﭯﭰﭱﭲ ﭳ ​

به‌ڵام ئه‌وه‌ی که خۆی هاتوه‌ته لات و کۆشش ده‌کات و مه‌به‌ستێتی که شاره‌زای به‌رنامه‌ی خوا ببێت...

آية رقم 9

ﭴﭵ ﭶ ​

له‌کاتێکدا ئه‌و له خوا ده‌ترسێت.

آية رقم 10

ﭷﭸﭹ ﭺ ​

ئه‌وه تۆ گوێ به‌و ناده‌یت و خۆتی لێ بێ ئاگا ده‌که‌یت.

آية رقم 11

ﭻﭼﭽ ﭾ ​

نه‌خێر وامه‌که‌و وامه‌به‌، چونکه به‌ڕاستی ئه‌م ئایه‌تانه‌، ئه‌م سوره‌ته‌، یادخستنه‌وه و ئامۆژگاریه‌.

آية رقم 12

ﭿﮀﮁ ﮂ ​

جا که‌سێك بیه‌وێت ڕێنموویی وه‌رگرێت، ئه‌وه یادی ده‌کات.

آية رقم 13

ﮃﮄﮅ ﮆ ​

(ئه‌و قورئانه‌) له چه‌ندین لاپه‌ڕه‌ی به‌ڕێزو پیرۆزدا هه‌ڵگیراوه و له (لوح المحفوظ) وه‌رگیراوه‌.

آية رقم 14

ﮇﮈ ﮉ ​

که به‌رزو بڵند و پاك و خاوێنن.

آية رقم 15

ﮊﮋ ﮌ ​

به‌ده‌ستی فریشته نووسه‌ره‌کان.

آية رقم 16

ﮍﮎ ﮏ ​

که به‌ڕێزو خواناس و ملکه‌چ و فه‌رمانبه‌رداران.

آية رقم 17

ﮐﮑﮒﮓ ﮔ ​

ئه‌ی ئاده‌میزاد، به‌کوشت بچیت، چه‌نده کافره‌، سپڵه‌یه‌، چه‌نده خوانه‌ناس و یاخیه‌، یاخود به‌کوشت چێت ئاده‌میزاد چی وای لێکردووه که کافر بێت؟! چ پاساوێکی هه‌یه بۆ خوانه‌ناسی و یاخی بوون.

آية رقم 18

ﮕﮖﮗﮘ ﮙ ​

(بۆ بیرناکاته‌وه‌‌) خوا له‌چی دروستی کردووه‌؟!

آية رقم 19

ﮚﮛﮜﮝ ﮞ ​

له نوتفه‌یه‌ك (له خاڵێکی زۆر بچووك که به چاو نابینرێت) دروستی کردووه و هه‌موو ئه‌ندامانی ده‌ر و ناوی پێ به‌خشیوه و ئه‌ندازه‌گیری وردی له دروستکردنیدا ئه‌نجام داوه‌، (کات و شوێنی له‌دایکبوونی و مردنی بۆ دیاری کردووه‌).

آية رقم 20

ﮟﮠﮡ ﮢ ​

له‌وه‌ودوا ژیانی بۆ ئاسان کردووه و سه‌رپشکی کردووه له په‌یڕه‌وی کردنی ڕێگه‌ی چاکه یان خراپه‌، ئیمان یان کوفر، (دوای ئه‌وه‌ی که ده‌ست نیشانی هه‌ردووکیانی بۆ کردووه و سه‌ره‌نجامی ڕوون کردۆته‌وه‌).

آية رقم 21

ﮣﮤﮥ ﮦ ​

له‌وه‌ودوا ده‌یمرێنێت و ده‌یخاته ناو گۆڕه‌وه‌.

آية رقم 22

ﮧﮨﮩﮪ ﮫ ​

پاشان کاتێك بیه‌وێت زیندووی ده‌کاته‌وه‌.

آية رقم 23

ﮬﮭﮮﮯﮰ ﮱ ​

به‌ڕاستی، ئه‌وه‌ی که خوا فه‌رمانی پێداوه هێشتا ئاده‌میزاد به‌جێی نه‌هێناوه‌.

آية رقم 24

ﯓﯔﯕﯖ ﯗ ​

ده‌با ئاده‌میزاد سه‌یری خواردنه‌که‌ی بکات و سه‌رنجی بدات و بیری لێ بکاته‌وه‌.

آية رقم 25

ﯘﯙﯚﯛ ﯜ ​

بێگومان ئێمه ئاومان بۆ دابارانده‌وه‌ته خواره‌وه‌، چۆن دابارینێت.

آية رقم 26

ﯝﯞﯟﯠ ﯡ ​

له‌وه‌ودوا زه‌ویمان بۆ له‌ت له‌ت به چه‌که‌ره‌ی ناسکی ڕووه‌ك.

آية رقم 27

ﯢﯣﯤ ﯥ ​

ئینجا دانه‌وێڵه‌مان تێادا ڕوواند.

آية رقم 28

ﯦﯧ ﯨ ​

هه‌روه‌ها ترێ و سه‌وزه‌مان.

آية رقم 29

ﯩﯪ ﯫ ​

هه‌روه‌ها زه‌یتوون و دارخورمایش.

آية رقم 30

ﯬﯭ ﯮ ​

باخچه‌ی ده‌وره‌دراو به دارخورما یان دره‌ختی تر، یاخود باخی چڕو پڕ.

آية رقم 31

ﯯﯰ ﯱ ​

جۆره‌ها میوه‌، هاوڕێ له‌گه‌ڵ هه‌موو ئه‌و گژو گیایانه‌ی که خواکرده و ماڵات ده‌یخوات له له‌وه‌ڕگاکاندا.

آية رقم 32

ﯲﯳﯴ ﯵ ​

(هه‌موو ئه‌مانه ئاماده‌مان کردووه‌) تا خۆتان و ماڵاته‌کانتان سوودی لێ وه‌ربگرن.

آية رقم 33

ﯶﯷﯸ ﯹ ​

جا کاتێك قیامه‌ت به‌رپا بوو به‌هۆی ده‌نگێکی به‌هێزی گوێ کپ که‌ره‌وه‌.

آية رقم 34

ﯺﯻﯼﯽﯾ ﯿ ​

ئه‌و ڕۆژه (هێنده سامناکه‌) برا له‌ده‌ست براکه‌ی هه‌ڵدێت و ڕاده‌کات و خۆی لێ ده‌شارێته‌وه‌.

آية رقم 35

ﰀﰁ ﰂ ​

هه‌روه‌ها له‌ده‌ست دایك و باوکی...

آية رقم 36

ﰃﰄ ﰅ ​

له‌ده‌ست هاوسه‌رو کوڕه‌کانی...

آية رقم 37

ﰆﰇﰈﰉﰊﰋ ﰌ ​

له‌و ڕۆژه‌دا هه‌رکه‌سێك له‌وانه ئه‌وه‌نده سه‌رگه‌رمی کێشه‌ی خۆیه‌تی، ناتوانێت فریای که‌سی تر بکه‌وێت.

آية رقم 38

ﰍﰎﰏ ﰐ ​

له‌و ڕۆژه‌دا ڕووخسارانێك گه‌ش و جوان و ڕوون و شادن.

آية رقم 39

ﰑﰒ ﰓ ​

ده‌م پێکه‌نینن، مژده و شادییان لێ ده‌دره‌وشێته‌وه‌.

آية رقم 40

ﰔﰕﰖﰗ ﰘ ​

له‌و ڕۆژه‌دا ڕووخسارانێکیش هه‌ن که گژو تاڵ و تۆزاوی و په‌ست غه‌مگینن.

آية رقم 41

ﭑﭒ ﭓ ​

دێزی و ڕه‌شی و تاریکی دایپۆشیوون.

آية رقم 42

ﭔﭕﭖﭗ ﭘ ​

ئا ئه‌وانه بێ باوه‌ڕو خوانه‌ناس و تاوانبارو گوناهکاره‌کانن.