ترجمة معاني سورة الإنسان باللغة ماراناو من كتاب Maranao - Maranao translation
ﰡ
آية رقم 1
Sabnar a somiyagad ko manosiya so wakto a pd ko masa, a da a mayto bo a kiyaaloy niyan.
آية رقم 2
Mataan! a Skami na inadn Ami so manosiya a phoon sa notfa a miyakazaozaog, ka an Ami katpngi skaniyan; na biyaloy Ami skaniyan a pphakan´g, a pphakaylay.
آية رقم 3
Mataan! a Skami na pinggonanao Ami skaniyan ko lalan: Na adn a miyanalamat, na adn a miyongkir.
آية رقم 4
ﯻﯼﯽﯾﯿﰀ
ﰁ
Mataan! a Skami na pithiyagaran Ami so miyamangongkir sa manga rantay, go manga patong, go kadg.
آية رقم 5
Mataan! a so miphipiyapiya, na phamakainom siran ko inomn, a adn a saog iyan a Kafor,
آية رقم 6
Bowalan a pkhaynom skaniyan o manga oripn o Allah, pphamaka ondasn iran oto sa sadn sa phakaondasan iran on.
آية رقم 7
Ipthoman iran so paliyogat, go ikaalk iran so gawii a miyabaloy so karataan iyan a langkap (a giyoto so alongan a qiyamah);
آية رقم 8
Go pphakakn iran sa pangn´ngkn sii ko kapkhababayai rkaniyan so miskin, go so wata a ilo, go so bilanggo;
آية رقم 9
(Pitharo iran:) "Aya bo a kapphakakana mi rkano na makapantag ko balas o Allah: Da a singanin ami rkano a balas, odi na panalamat;
آية رقم 10
"Mataan! a skami na ipkhalk ami phoon ko Kadnan ami so gawii a marimng, a mitataralo."
آية رقم 11
Na phakalidasn siran o Allah ko karata angkoto a gawii, go mbgan Iyan siran sa kataid, go kapipiya ginawa;
آية رقم 12
ﮅﮆﮇﮈﮉ
ﮊ
Go imbalas Iyan kiran sabap ko kiyaphantang iran, so sorga, go (nditarn a) sotra,
آية رقم 13
Gii siran roo zasandasandang ko manga kantir; da a khagdam iran roo a (kayaw) o alongan, go da a matnggaw;
آية رقم 14
ﮗﮘﮙﮚﮛﮜ
ﮝ
Go miyadayondong kiran so manga along roo, go pphamangitaliyadok so manga onga on a pawnotonot,
آية رقم 15
Go iphlibt kiran so manga pananagoay a pirak, go manga baso a ropaan a manga batowintan,
آية رقم 16
ﮧﮨﮩﮪﮫ
ﮬ
Manga batowintan a pirak, a diniyangka iran oto sa samporna a diyangka,
آية رقم 17
ﮭﮮﮯﮰﮱﯓ
ﯔ
Go pphakainom on siran roo sa inomn a aya saog iyan na Zanjabil;
آية رقم 18
ﯕﯖﯗﯘ
ﯙ
Bowalan roo a pmbthowan sa Salsabila;
آية رقم 19
Na gii siran nggagayanan o manga tatap a manga kangodaan; na igira a inilaing ka siran, na aya tarima aka kiran na manga montiya a misasamborak;
آية رقم 20
Go igira a miyailaing ka na ron ka khaylay so limo go kadato a lbi a mala;
آية رقم 21
Khindiditar siran sa manga nditarn a sotra a manipis a gadong, go sotra a makapal; go phangimowan siran sa manga salnda a pirak, go phakainomn siran o Kadnan iran sa inomn a phakasoti:
آية رقم 22
(Ptharoon kiran a) "Mataan! a giyaya na miyabaloy a balas rkano, go miyabaloy so amal iyo a tiyarima."
آية رقم 23
ﰅﰆﰇﰈﰉﰊ
ﰋ
Mataan! a Skami na Skami na initoron Ami rka so Qor´an sa katoron (a miyakazosokli);
آية رقم 24
Na thigr ka makapantag ko kokoman o Kadnan ka, go ding ka pagonoti so pd kiran, a baradosa odi na miyongkir.
آية رقم 25
ﰖﰗﰘﰙﰚ
ﰛ
Go tatadming ka so ngaran o Kadnan ka ko kapitapita, go so kagabigabi;
آية رقم 26
Go so sabaad ko kagagawii na pzojiod ka Rkaniyan; go phoroporo on ka Skaniyan ko kagagawii sa malayat.
آية رقم 27
Mataan! a siran aya na pkhababayaan iran so matag sagad, na ipmbagak iran so kasasangoran iran a gawii a mapnd.
آية رقم 28
Skami na inadn Ami siran, go pimbaibaitan Ami so taong iran. Na amay ka kabaya Ami na somambi Kami sa manga lagid iran sa samporna a kasambi.
آية رقم 29
Mataan! a giyaya na pananadm: Na sa taw a khabaya na mbaal sa lalan sii ko Kadnan iyan.
آية رقم 30
Na da a kapaar iyo inonta o miyog so Allah. Mataan! a so Allah na Tatap a Matao, a Mawngangn.
آية رقم 31
Phakasoldn Iyan so taw a kabaya Iyan sii ko limo Iyan. Na so manga darowaka na pithiyagaran Iyan siran sa siksa a malipds.
تقدم القراءة