ترجمة معاني سورة الطور باللغة ماراناو من كتاب Maranao - Maranao translation

آية رقم 1

ﮞ ﮟ ​

Ibt ko palaw a Tor (a giyoto so palaw a ron inimbitiyarai o Allah so Mosa ko liyawaw niyan).

آية رقم 2

ﮠﮡ ﮢ ​

Go so kitab a misosorat (a giyo to so Qor´an)

آية رقم 3

ﮣﮤﮥ ﮦ ​

Ko karatas a makakayat,

آية رقم 4

ﮧﮨ ﮩ ​

Go so Baytil Maamor (a giyoto so walay a mbabalayn a dii tawapan mambo o manga malaikat sa langit).

آية رقم 5

ﮪﮫ ﮬ ​

Go so atp a ipoporo (a giyoto so langit a matatampar sa donya)

آية رقم 6

ﮭﮮ ﮯ ​

Go so kalodan a mappno,

آية رقم 7

ﮰﮱﯓﯔ ﯕ ​

Ka mataan! a so siksa o Kadnan ka na phakatana dn, -

آية رقم 8

ﯖﯗﯘﯙ ﯚ ​

Daa phakarnon,

آية رقم 9

ﯛﯜﯝﯞ ﯟ ​

Sii ko alongan a mabirbir so langit sa titho a kabirbir,

آية رقم 10

ﯠﯡﯢ ﯣ ​

Go mamangikayontong so manga palaw a mikayambr.

آية رقم 11

ﯤﯥﯦ ﯧ ​

Na sangat a siksa sa alongan oto a bagian o miyamanaplis,

آية رقم 12

ﯨﯩﯪﯫﯬ ﯭ ​

So siran na sii ko ribat khikabibimban;

آية رقم 13

ﯮﯯﯰﯱﯲﯳ ﯴ ​

Sii ko alongan a ipanaromag siran ko naraka Jahanam, sa mabasng a kapanaromag.

آية رقم 14

ﯵﯶﯷﯸﯹﯺ ﯻ ​

(Tharoon kiran:) Giyai so apoy, a so piyakambokhag iyo skaniyan!

آية رقم 15

ﭑﭒﭓﭔﭕﭖ ﭗ ​

Ino balik mata ini, antawaa skano i di phamakanono? -

آية رقم 16

ﭘﭙﭚﭛﭜﭝﭞﭟﭠﭡﭢﭣﭤ ﭥ ​

Sombowi niyo skaniyan: Na phantang kano, antawaa di kano pphantang, na mlagid rkano. Aya bo a imbalas rkano na so pinggolawla niyo.

آية رقم 17

ﭦﭧﭨﭩﭪ ﭫ ​

Mataan! a so miyamananggila na sii ko manga sorga, go kadarandang,

آية رقم 18

ﭬﭭﭮﭯﭰﭱﭲﭳ ﭴ ​

A mabababaya siran sabap ko inibgay kiran o Kadnan iran; go piyakalidas siran o Kadnan iran ko siksa ko naraka Jahim.

آية رقم 19

ﭵﭶﭷﭸﭹﭺ ﭻ ​

(Tharoon kiran:) Kang kano, go inom kano sa kapipiya ginawa, sabap ko pinggolawla niyo;

آية رقم 20

ﭼﭽﭾﭿﮀﮁﮂﮃ ﮄ ​

Gii siran zasandasandang ko manga kantir a khirarantarn; go pakaphamangaromaan Ami siran sa manga tataid, a manga pipiya i kapmata.

آية رقم 21

ﮅﮆﮇﮈﮉﮊﮋﮌﮍﮎﮏﮐﮑﮒﮓﮔﮕﮖﮗﮘ ﮙ ​

Na so miyamaratiyaya, go tiyondog siran o manga moriyataw iran ko paratiyaya, - na pakiraot Ami siran ko manga moriyataw iran, go da a korangn Ami kiran ko galbk iran a mayto bo. Oman i isa a taw na sanda ko galbk iyan.

آية رقم 22

ﮚﮛﮜﮝﮞ ﮟ ​

Na phagomanan Ami siran sa onga, ago sapo, a pkhababayaan iran.

آية رقم 23

ﮠﮡﮢﮣﮤﮥﮦﮧ ﮨ ​

Gii siran roo ndadawaga sa inomn, a da a ilang on, go da a ikhadosa on;

آية رقم 24

ﮩﮪﮫﮬﮭﮮﮯﮰ ﮱ ​

Go phlibtn siran o manga ngongoda iran, lagid o ba siran montiya a totongkopn;

آية رقم 25

ﯓﯔﯕﯖﯗ ﯘ ​

Go pphagadapn o sabaad kiran so sabaad, a pphamagizai siran:

آية رقم 26

ﯙﯚﯛﯜﯝﯞﯟ ﯠ ​

Tharoon iran a: Mataan! a sktano na miyabaloy tano gowani ko zisii tano ko manga tonganay tano a maalk tano.

آية رقم 27

ﯡﯢﯣﯤﯥﯦ ﯧ ​

"Na inikalimo tano o Allah, go piyakalidas tano Niyan ko siksa, a phakarobrob.;"

آية رقم 28

ﯨﯩﯪﯫﯬﯭﯮﯯﯰﯱ ﯲ ​

"Mataan! sktano na miyabaloy tano gowani a pphamangni tano Rkaniyan. Mataan! a Skaniyan na Skaniyan so Pphangompiya, a Makalimoon!"

آية رقم 29

ﯳﯴﯵﯶﯷﯸﯹﯺ ﯻ ​

Na pphangthoma ka, ka sabap ko limo o Kadnan ka, na kna a ba ka paririmar, go di ka tataraponan.

آية رقم 30

ﯼﯽﯾﯿﰀﰁﰂ ﰃ ​

Kna, ka gi iran tharoon a: "Pababayok! Na daraan tano rkaniyan so phangababago o masa!"

آية رقم 31

ﰄﰅﰆﰇﰈﰉ ﰊ ​

Tharoang ka: "Dadara kano, ka mataan! a sakn na pd iyo a pd ko khidadara!."

آية رقم 32

ﭑﭒﭓﭔﭕﭖﭗﭘﭙ ﭚ ​

Ba kiran aya sosogoon o manga gdagda iran; kna, ka siran na pagtaw a manga darowaka?

آية رقم 33

ﭛﭜﭝﭞﭟﭠﭡ ﭢ ​

Ino iran gii tharoa a: "Piyangmbaalan iyan aya a katharo?" Kna, ka di siran mapaparatiyaya!

آية رقم 34

ﭣﭤﭥﭦﭧﭨ ﭩ ​

Na bgay siran sa tothol a lagid iyan, o siran i manga bnar!

آية رقم 35

ﭪﭫﭬﭭﭮﭯﭰﭱ ﭲ ​

Ba siran miyaadn sa da a miyangadn, antawaa ba siran i miyangadn?

آية رقم 36

ﭳﭴﭵﭶﭷﭸﭹﭺ ﭻ ​

Ba iran inadn so manga langit ago so lopa? Kna, ka di iran tatangkdn.

آية رقم 37

ﭼﭽﭾﭿﮀﮁﮂ ﮃ ​

Ba kiran zisii so manga kakawasaan o Kadnan ka, antawaa ba siran i phamakabaas?

آية رقم 38

ﮄﮅﮆﮇﮈﮉﮊﮋﮌﮍ ﮎ ​

Ba adn a towak iran (ko langit) a makapphamakin´g siran on? Na talingomaan o miyamamakin´g kiran i katantowan, a mapayag!

آية رقم 39

ﮏﮐﮑﮒﮓ ﮔ ​

Ba aya rk Iyan na so manga wata a babay, na rk iyo so manga wata a mama?

آية رقم 40

ﮕﮖﮗﮘﮙﮚﮛ ﮜ ​

Na ba ka kiran pphangni sa sokay, na siran na phoon ko kapakambayadan na kappndan siran?

آية رقم 41

ﮝﮞﮟﮠﮡ ﮢ ​

Ba kiran zisii so migagaib, na siran i pphamanorat on?

آية رقم 42

ﮣﮤﮥﮦﮧﮨﮩﮪ ﮫ ​

Kna, ka aya antap iran na antangan a marata, na so miyamangongkir na siran i piyangakakaydan!

آية رقم 43

ﮬﮭﮮﮯﮰﮱﯓﯔﯕﯖ ﯗ ​

Ba adn a tohan iran a salakaw ko Allah? Soti so Allah mawatan ko ipphanakoto iran!

آية رقم 44

ﯘﯙﯚﯛﯜﯝﯞﯟﯠ ﯡ ​

Na o makaylay siran sa sagintas ko langit a pkhawlog, na ptharoon iran a: "Gabon a thotorogan!"

آية رقم 45

ﯢﯣﯤﯥﯦﯧﯨ ﯩ ​

Na botawaning ka siran, taman sa mimbaratmowa iran so alongan iran, a so khadaan siran on sa tanod,

آية رقم 46

ﯪﯫﯬﯭﯮﯯﯰﯱﯲ ﯳ ​

Alongan a di kiran makanggay a gona so ikmat iran sa mayto bo, go di siran pangatatabangan.

آية رقم 47

ﯴﯵﯶﯷﯸﯹﯺﯻﯼﯽ ﯾ ​

Na mataan! a adn a bagian o siran a mindadarowaka, a siksa a salakaw roo, na ogaid na so kadaklan kiran na di iran katawan.

آية رقم 48

ﯿﰀﰁﰂﰃﰄﰅﰆﰇﰈﰉ ﰊ ​

Na phantang ka ko kokoman o Kadnan ka; ka mataan! a ska na sii ko manga kaylay Ami: Go pthasbikn ka so podi o Kadnan ka, ko wakto a kangganat ka;

آية رقم 49

ﰋﰌﰍﰎﰏ ﰐ ​

Go sii ko kagagawii na pthasbik ka Rkaniyan, go so kapamakasdp o manga bitoon!