ترجمة سورة الطور باللغة اليورباوية

آية رقم 1

ﮞ ﮟ

(Allāhu búra pẹ̀lú) àpáta Tūr.

آية رقم 2

ﮠﮡ ﮢ

(Ó tún búra pẹ̀lú) Tírà tí wọ́n kọ sílẹ̀

آية رقم 3

ﮣﮤﮥ ﮦ

sínú tákàdá tí wọ́n tẹ́ sílẹ̀.

آية رقم 4

ﮧﮨ ﮩ

(Ó tún búra pẹ̀lú) Ilé Àbẹ̀wò náà.

آية رقم 5

ﮪﮫ ﮬ

(Ó tún búra pẹ̀lú) àjà tí wọ́n gbé sókè (ìyẹn, sánmọ̀).

آية رقم 6

ﮭﮮ ﮯ

(Ó tún búra pẹ̀lú) agbami odò iná.

آية رقم 7

ﮰﮱﯓﯔ ﯕ

Dájúdájú ìyà Olúwa rẹ máa ṣẹlẹ̀.

آية رقم 8

ﯖﯗﯘﯙ ﯚ

Kò sí olùdènà kan fún un.

آية رقم 9

ﯛﯜﯝﯞ ﯟ

(Ó máa ṣẹlẹ̀) ní ọjọ́ tí sánmọ̀ máa mì tìtì tààrà.

آية رقم 10

ﯠﯡﯢ ﯣ

Àwọn àpáta sì máa rìn lọ tààrà (bí eruku àfẹ́dànù).

آية رقم 11

ﯤﯥﯦ ﯧ

Ní ọjọ́ yẹn, ègbé ni fún àwọn olùpe-òdodo-nírọ́,

آية رقم 12

ﯨﯩﯪﯫﯬ ﯭ

àwọn tí wọ́n wà nínú ìsọkúsọ, tí wọ́n ń ṣeré.

آية رقم 13

ﯮﯯﯰﯱﯲﯳ ﯴ

(Rántí) ọjọ́ tí wọn yóò tì wọ́n lọ́ sínú iná Jahanamọ ní ìtìkutì.

آية رقم 14

ﯵﯶﯷﯸﯹﯺ ﯻ

Èyí ni Iná náà tí ẹ̀ ń pè nírọ́.

آية رقم 15

ﭑﭒﭓﭔﭕﭖ ﭗ

Ṣé idán ni èyí ni tàbí ẹ ò ríran?

آية رقم 16

ﭘﭙﭚﭛﭜﭝﭞﭟﭠﭡﭢﭣﭤ ﭥ

Ẹ wọ inú rẹ̀ lọ. Ẹ fara dà á tàbí ẹ ò fara dà á, bákan náà ni fun yín. Ohun tí ẹ̀ ń ṣe níṣẹ́ ni A óò fi san yín ní ẹ̀san.

آية رقم 17

ﭦﭧﭨﭩﭪ ﭫ

Dájúdájú àwọn olùbẹ̀rù (Allāhu) máa wà nínú àwọn Ọgbà àti ìdẹ̀ra.

آية رقم 18

ﭬﭭﭮﭯﭰﭱﭲﭳ ﭴ

Wọn yóò máa jẹ ìgbádùn pẹ̀lú ohun tí Olúwa wọn fún wọn. Àti pé (Allāhu) yóò ṣọ́ wọn nínú ìyà iná Jẹhīm.

آية رقم 19

ﭵﭶﭷﭸﭹﭺ ﭻ

Ẹ máa jẹ, ẹ máa mu ní gbẹdẹmukẹ nítorí ohun tí ẹ̀ ń ṣe níṣẹ́.

آية رقم 20

ﭼﭽﭾﭿﮀﮁﮂﮃ ﮄ

Wọn yóò rọ̀gbọ̀kú sórí àwọn ibùsùn tí wọ́n tò ní ọ̀wọ̀ọ̀wọ́. A sì máa fún wọn ní àwọn ìyàwó ẹlẹ́yinjú ẹgẹ́.

آية رقم 21

ﮅﮆﮇﮈﮉﮊﮋﮌﮍﮎﮏﮐﮑﮒﮓﮔﮕﮖﮗﮘ ﮙ

Àti pé àwọn t’ó gbàgbọ́ ní òdodo, tí àwọn àrọ́mọdọ́mọ wọn tún tẹ̀lé wọn nínú ìgbàgbọ́ òdodo, A máa da àwọn àrọ́mọdọ́mọ wọn pọ̀ mọ́ wọn. A ò sì níí dín kiní kan kù nínú iṣẹ́ wọn. Ẹnì kọ̀ọ̀kan ni onídùúró fún ohun t’ó ṣe níṣẹ́.

آية رقم 22

ﮚﮛﮜﮝﮞ ﮟ

A máa fún wọn ní àlékún èso àti ẹran tí wọ́n nífẹ̀ẹ́ sí.

آية رقم 23

ﮠﮡﮢﮣﮤﮥﮦﮧ ﮨ

Wọn yó sì máa gba ife ọtí mu láààrin ara wọn nínú Ọgbà Ìdẹ̀ra. Kò sí ọ̀rọ̀ ìsọkúsọ àti ìwà ẹ̀ṣẹ̀ nínú Ọgbà Ìdẹ̀ra.

آية رقم 24

ﮩﮪﮫﮬﮭﮮﮯﮰ ﮱ

Àwọn ọmọ-ọ̀dọ̀ wọn yó sì máa lọ bọ̀ láààrin wọn. (Wọ́n) dà bí àlúùúlù àfipamọ́.

آية رقم 25

ﯓﯔﯕﯖﯗ ﯘ

Apá kan wọn yóò dojú kọ apá kan, wọn yó sì máa bèèrè ọ̀rọ̀ lọ́wọ́ ara wọn.

آية رقم 26

ﯙﯚﯛﯜﯝﯞﯟ ﯠ

Wọn yóò sọ pé: "Dájúdájú tẹ́lẹ̀tẹ́lẹ̀ àwa jẹ́ olùpáyà láààrin àwọn ènìyàn wa.

آية رقم 27

ﯡﯢﯣﯤﯥﯦ ﯧ

Ṣùgbọ́n Allāhu ṣàánú wa. Ó sì là wá níbi ìyà Iná.

آية رقم 28

ﯨﯩﯪﯫﯬﯭﯮﯯﯰﯱ ﯲ

Dájúdájú àwa máa ń pè É tẹ́lẹ̀tẹ́lẹ̀. Dájúdájú Allāhu, Òun ni Olóore, Àṣàkẹ́-ọ̀run."

آية رقم 29

ﯳﯴﯵﯶﯷﯸﯹﯺ ﯻ

Nítorí náà, ṣèrántí. Ìwọ kì í ṣe adábigba tàbí wèrè lórí ìdẹ̀ra Olúwa rẹ.

آية رقم 30

ﯼﯽﯾﯿﰀﰁﰂ ﰃ

Tàbí wọ́n ń wí pé: "Eléwì kan tí à ń retí ikú rẹ̀ ni."

آية رقم 31

ﰄﰅﰆﰇﰈﰉ ﰊ

Sọ pé: "Ẹ máa retí. Dájúdájú èmi náà wà pẹ̀lú yín nínú àwọn olùretí.

آية رقم 32

ﭑﭒﭓﭔﭕﭖﭗﭘﭙ ﭚ

Tàbí ọpọlọ wọn ń pa wọ́n láṣẹ èyí ni? Tàbí ìjọ alákọyọ ni wọ́n ni?

آية رقم 33

ﭛﭜﭝﭞﭟﭠﭡ ﭢ

Tàbí wọ́n ń wí pé: "Ó dá (al-Ƙur’ān) hun fúnra rẹ̀ ni." Rárá o, wọn kò gbàgbọ́ ni.

آية رقم 34

ﭣﭤﭥﭦﭧﭨ ﭩ

Kí àwọn náà mú ọ̀rọ̀ kan bí irú rẹ̀ wá tí wọ́n bá jẹ́ olódodo.

آية رقم 35

ﭪﭫﭬﭭﭮﭯﭰﭱ ﭲ

Tàbí wọ́n ṣẹ̀dá wọn láì sí Aṣẹ̀dá? Tàbí àwọn ni wọ́n ṣẹ̀dá ara wọn ni?

آية رقم 36

ﭳﭴﭵﭶﭷﭸﭹﭺ ﭻ

Tàbí àwọn ni wọ́n ṣẹ̀dá àwọn sánmọ̀ àti ilẹ̀? Rárá o, wọn kò màmọ̀ dájú ni.

آية رقم 37

ﭼﭽﭾﭿﮀﮁﮂ ﮃ

Tàbí lọ́dọ̀ wọn ni àwọn àpótí ọrọ̀ Olúwa rẹ wà? Tàbí àwọn ni olùborí?

آية رقم 38

ﮄﮅﮆﮇﮈﮉﮊﮋﮌﮍ ﮎ

Tàbí wọ́n ní àkàbà tí wọ́n ń fi gbọ́rọ̀ (nínú sánmọ̀ ni)? Kí olùgbọ́rọ̀ wọn mú ẹ̀rí pọ́nńbélé wá?

آية رقم 39

ﮏﮐﮑﮒﮓ ﮔ

Tàbí àwọn ọmọbìnrin ni tiRẹ̀, àwọn ọmọkùnrin sì ni tiyín?

آية رقم 40

ﮕﮖﮗﮘﮙﮚﮛ ﮜ

Tàbí ò ń bèèrè owó-ọ̀yà kan lọ́dọ̀ wọn, ni gbèsè fi wọ̀ wọ́n lọ́rùn?

آية رقم 41

ﮝﮞﮟﮠﮡ ﮢ

Tàbí ìmọ̀ ìkọ̀kọ̀ wà lọ́dọ̀ wọn, tí wọ́n sì ń kọ ọ́ sílẹ̀?

آية رقم 42

ﮣﮤﮥﮦﮧﮨﮩﮪ ﮫ

Tàbí wọ́n ń gbèrò ète kan ni? Nígbà náà, àwọn t’ó ṣàì gbàgbọ́, àwọn l’ó máa f’orí kó ète.

آية رقم 43

ﮬﮭﮮﮯﮰﮱﯓﯔﯕﯖ ﯗ

Tàbí wọ́n ní ọlọ́hun kan lẹ́yìn Allāhu ni? Mímọ́ ni fún Allāhu tayọ n̄ǹkan tí wọ́n ń fi ṣẹbọ sí I.

آية رقم 44

ﯘﯙﯚﯛﯜﯝﯞﯟﯠ ﯡ

Tí wọ́n bá sì rí apá kan nínú sánmọ̀ t’ó ya lúlẹ̀, wọ́n á wí pé: "Ẹ̀ṣújò rẹgẹdẹ ni (wọn kò níí gbàgbọ́)."

آية رقم 45

ﯢﯣﯤﯥﯦﯧﯨ ﯩ

Nítorí náà, fi wọ́n sílẹ̀ títí wọn yóò fi bá ọjọ́ wọn tí wọn máa pa wọ́n sínú rẹ̀ pàdé.

آية رقم 46

ﯪﯫﯬﯭﯮﯯﯰﯱﯲ ﯳ

Ọjọ́ tí ète wọn kò níí fi kiní kan rọ̀ wọ́n lọ́rọ̀. A ò sì níí ràn wọ́n lọ́wọ́.

آية رقم 47

ﯴﯵﯶﯷﯸﯹﯺﯻﯼﯽ ﯾ

Àti pé dájúdájú ìyà kan ń bẹ fún àwọn t’ó ṣàbòsí yàtọ̀ sí (ìyà ọ̀run) yẹn, ṣùgbọ́n ọ̀pọ̀lọ́pọ̀ wọn ni kò mọ̀.

آية رقم 48

ﯿﰀﰁﰂﰃﰄﰅﰆﰇﰈﰉ ﰊ

Ṣe sùúrù fún ìdájọ́ Olúwa Rẹ, dájúdájú ìwọ wà ní ojútó Wa. Kí ó sì ṣe àfọ̀mọ́ pẹ̀lú ìdúpẹ́ fún Olúwa rẹ nígbà tí ó bá ń dìde nàró (fún ìrun kíkí).

آية رقم 49

ﰋﰌﰍﰎﰏ ﰐ

Àti ní alẹ́ (nígbà tí) àwọn ìràwọ̀ bá kúrò níta tán, ṣàfọ̀mọ́ fún Un.

ترجمة معاني سورة الطور باللغة اليورباوية من كتاب الترجمة اليورباوية

الترجمة اليورباوية

الترجمة اليورباوية