ترجمة معاني سورة البلد باللغة اليورباوية من كتاب الترجمة اليورباوية

Èmi (Allāhu) búra pẹ̀lú ìlú yìí.
____________________
Ìbúra Allāhu (subhānahu wa ta'ālā) àti ìbúra ẹ̀dá: Nígbà tí ọ̀rọ̀ tàbí ìṣe kan bá jẹ́ kìkìdá òdodo àti àmọ̀dájú, ìbura lórí rẹ̀ jẹ́ ọ̀nà kan pàtàkì tí a lè gba ṣe àfihàn ìdánilójú rẹ̀ fún ẹlòmíìràn nítorí kí ó lè bi iyèméjì àti rújúrújú wó lulẹ̀ nínú ọkàn rẹ̀. Níwọ̀n ìgbà tí ọ̀rọ̀ àti ìṣe Allāhu (subhānahu wa ta'ālā) sì ti dájú pé iṣẹ́ Ọwọ́ Rẹ̀ ni níti òdodo àti àmọ̀dàjù, ẹ̀tọ́ ni fún Allāhu (subhānahu wa ta'ālā) láti fi èyíkéyìí nínú wọn búra. Ṣebí iṣẹ́ ọwọ́ Allāhu ni gbogbo bíbẹ. Àmọ́, ẹ̀dá kan kò gbọdọ̀ fi ẹ̀dá mìíràn búra nítorí pé, ẹ̀dá kan kì í ṣe iṣẹ́ ọwọ́ ẹ̀dá mìíràn. Allāhu nìkan ni òdodo àti àmọ̀dájú fún ẹ̀dá láti fi búra nítorí pé, fífi Allāhu nìkan ṣoṣo búra ni ẹ̀sìn gbà wá láyè mọ láti fi búra. Bíbá Allāhu wá akẹgbẹ́ (ẹbọ ṣíṣe) sì ni fífi n̄ǹkan mìíràn búra lẹ́yìn Allāhu (subhānahu wa ta'ālā).

آية رقم 2

ﮂﮃﮄﮅ ﮆ

Ìwọ sì ní ẹ̀tọ́ sí ìlú yìí (láti jagun nínú rẹ̀).
____________________
Ẹ̀tọ́ tí Allāhu (subhānahu wa ta'ālā) fún Ànábì Rẹ̀ (sollalāhu 'alayhi wa sallam) ni kíkógun ja ìlú Mọkkah lásìkò ogun Ìṣí Mọkkah “Fat-hu Mọkkah”. Ṣíwájú àsìkò yìí àti lẹ́yìn rẹ̀, kò lẹ́tọ̀ọ́ fún ẹnikẹ́ni mọ́ láti jagun nínú Mọkkah alápọ̀n-ọ́nlé.

آية رقم 3

ﮇﮈﮉ ﮊ

(Mo tún) búra pẹ̀lú òbí àti ohun t’ó bí.

آية رقم 4

ﮋﮌﮍﮎﮏ ﮐ

Dájúdájú A ṣẹ̀dá ènìyàn sínú ìṣòro.

آية رقم 5

ﮑﮒﮓﮔﮕﮖ ﮗ

Ṣé ó ń lérò pé ẹnì kan kò ní agbára lórí òun ni?

آية رقم 6

ﮘﮙﮚﮛ ﮜ

Ó (sì) ń wí pé: "Èmi ti bàná dúkìá ọ̀pọ̀lọ́pọ̀ (láti fi tako Ànábì s.a.w.)"

آية رقم 7

ﮝﮞﮟﮠﮡ ﮢ

Ṣé ó ń lérò pé ẹnì kan kò rí òun ni?

آية رقم 8

ﮣﮤﮥﮦ ﮧ

Ṣé A kò ṣe ojú méjì fún un?

آية رقم 9

ﮨﮩ ﮪ

Àti ahọ́n pẹ̀lú ètè méjì (tí A ṣe fún un)?

آية رقم 10

ﮫﮬ ﮭ

A sì fi ọ̀nà méjì mọ̀ ọ́n.

آية رقم 11

ﮮﮯﮰ ﮱ

Kò sì mú àkàbà ìgbàlà gùn!

آية رقم 12

ﯓﯔﯕﯖ ﯗ

Kí sì ni ó mú ọ mọ ohun t’ó ń jẹ́ àkàbà ìgbàlà?

آية رقم 13

ﯘﯙ ﯚ

(Òhun ni) títú ẹrú sílẹ̀ lóko ẹrú.

آية رقم 14

ﯛﯜﯝﯞﯟﯠ ﯡ

Tàbí fífún ènìyàn ní oúnjẹ ní ọjọ́ ebi.

آية رقم 15

ﯢﯣﯤ ﯥ

(Ó lè jẹ́) ọmọ-òrukàn nínú ẹbí,

آية رقم 16

ﯦﯧﯨﯩ ﯪ

tàbí mẹ́kùnnú, ẹni ilẹ̀ẹ́lẹ̀.

آية رقم 17

ﯫﯬﯭﯮﯯﯰﯱﯲﯳ ﯴ

Lẹ́yìn náà, kí ó wà nínú àwọn t’ó gbàgbọ́ ní òdodo, tí wọ́n ń gbara wọn níyànjú sùúrù ṣíṣe, tí wọ́n sì tún ń gbara wọn níyànjú àánú ṣíṣe.

آية رقم 18

ﯵﯶﯷ ﯸ

Àwọn wọ̀nyẹn ni èrò ọwọ́ ọ̀tún.

آية رقم 19

ﭑﭒﭓﭔﭕﭖ ﭗ

Àwọn t’ó sì ṣàì gbàgbọ́ nínú àwọn āyah Wa, àwọn ni èrò ọwọ́ òsì.
____________________
Ẹ wo ìtọsẹ̀-ọ̀rọ̀ fún sūrah al-Wāƙi‘ah; 56:7.

آية رقم 20

ﭘﭙﭚ ﭛ

A máa ti àwọn ìlẹ̀kùn Iná pa mọ́ wọn lórí pátápátá.

تقدم القراءة