ترجمة سورة النازعات باللغة اليورباوية

آية رقم 1

ﮢﮣ ﮤ

Allāhu búra pẹ̀lú àwọn mọlāika t’ó ń fi ọ̀nà èle gba ẹ̀mí àwọn aláìgbàgbọ́.

آية رقم 2

ﮥﮦ ﮧ

Ó tún búra pẹ̀lú àwọn mọlāika t’ó ń fi ọ̀nà ẹ̀rọ̀ gba ẹ̀mí àwọn onígbàgbọ́ òdodo.

آية رقم 3

ﮨﮩ ﮪ

Ó tún búra pẹ̀lú àwọn mọlāika t’ó ń yára gágá níbi àṣẹ Rẹ̀.

آية رقم 4

ﮫﮬ ﮭ

Ó tún búra pẹ̀lú àwọn mọlāika t’ó máa ṣíwájú ẹ̀mí àwọn onígbàgbọ́ òdodo wọnú Ọgbà Ìdẹ̀ra tààrà.

آية رقم 5

ﮮﮯ ﮰ

Ó tún búra pẹ̀lú àwọn mọlāika t’ó ń ṣètò ilé ayé.

آية رقم 6

ﮱﯓﯔ ﯕ

Ní ọjọ́ tí ìfọn àkọ́kọ́ fún òpin ayé máa mi gbogbo ayé tìtì pẹ̀lú ohùn igbe.

آية رقم 7

ﯖﯗ ﯘ

Ìfọn kejì fún Àjíǹde sì máa tèlé e.

آية رقم 8

ﯙﯚﯛ ﯜ

Àwọn ọkàn yóò máa gbọ̀n pẹ̀pẹ̀ ní ọjọ́ yẹn.

آية رقم 9

ﯝﯞ ﯟ

Ojú wọn yó sì wálẹ̀ ní ti ìyẹpẹrẹ.

آية رقم 10

ﯠﯡﯢﯣﯤ ﯥ

Wọn yóò wí pé: "Ṣé Wọ́n tún máa dá wa padà sí ìbẹ̀rẹ̀ ìṣẹ̀mí (bíi tayé ni)?

آية رقم 11

ﯦﯧﯨﯩ ﯪ

Ṣé nígbà tí a ti di eegun t’ó kẹfun tán?"

آية رقم 12

ﯫﯬﯭﯮﯯ ﯰ

Wọ́n wí pé: "Ìdápadà òfò nìyẹn nígbà náà (fún ẹni t’ó pè é nírọ́.)"

آية رقم 13

ﯱﯲﯳﯴ ﯵ

Nítorí náà, igbe ẹyọ kan sì ni.

آية رقم 14

ﯶﯷﯸ ﯹ

Nígbà náà ni wọn yóò bára wọn lórí ilẹ̀ gban̄sasa.

آية رقم 15

ﯺﯻﯼﯽ ﯾ

Ǹjẹ́ ọ̀rọ̀ (Ànábì) Mūsā ti dé ọ̀dọ̀ rẹ?

آية رقم 16

ﯿﰀﰁﰂﰃﰄ ﰅ

(Rántí) nígbà tí Olúwa rẹ̀ pè é ní àfonífojì mímọ́, Tuwā.

آية رقم 17

ﭑﭒﭓﭔﭕ ﭖ

Lọ bá Fir‘aon, dájúdájú ó ti tayọ ẹnu-àlà.

آية رقم 18

ﭗﭘﭙﭚﭛﭜ ﭝ

Kí o sì sọ pé: "Ǹjẹ o máa ṣàfọ̀mọ́ ara rẹ (kúrò nínú àìgbàgbọ́) bí?

آية رقم 19

ﭞﭟﭠﭡ ﭢ

Kí èmi sì fi ọ̀nà mọ̀ ọ́ dé ọ̀dọ̀ Olúwa rẹ. Nítorí náà, kí o páyà (Rẹ̀)."

آية رقم 20

ﭣﭤﭥ ﭦ

Ó sì fi àmì t’ó tóbi hàn án.

آية رقم 21

ﭧﭨ ﭩ

(Àmọ́) ó pè é lópùrọ́. Ó sì yapa rẹ̀.

آية رقم 22

ﭪﭫﭬ ﭭ

Lẹ́yìn náà, ó kẹ̀yìn sí i. Ó sì ń ṣiṣẹ́ (takò ó).

آية رقم 23

ﭮﭯ ﭰ

Ó kó (àwọn ènìyàn) jọ, ó sì ké gbàjarì.

آية رقم 24

ﭱﭲﭳﭴ ﭵ

Ó sì wí pé: "Èmi ni olúwa yín, ẹni gíga jùlọ."

آية رقم 25

ﭶﭷﭸﭹﭺ ﭻ

Nítorí náà, Allāhu gbá a mú pẹ̀lú ìyà ìkẹ́yìn àti àkọ́kọ́ (nípa ọ̀rọ̀ ẹnu rẹ̀ ìkẹ́yìn yìí àti àkọ́kọ́).
____________________
Ọ̀rọ̀ àkọ́kọ́ náà nìyí, Fir‘aon wí pé: "Ẹ̀yin ìjòyè, èmi kò mọ̀ pé ọlọ́hun kan tún wà lẹ́yìn mi!" Sūrah al-Ƙọsọs; 28:38

آية رقم 26

ﭼﭽﭾﭿﮀﮁ ﮂ

Dájúdájú àríwòye wà nínú ìyẹn fún ẹni t’ó ń páyà (Allāhu).

آية رقم 27

ﮃﮄﮅﮆﮇﮈﮉ ﮊ

Ṣé ẹ̀yin lẹ lágbára jùlọ ní ìṣẹ̀dá ni tàbí sánmọ̀ tí Allāhu mọ?

آية رقم 28

ﮋﮌﮍ ﮎ

Allāhu gbé àjà rẹ̀ ga sókè. Ó sì ṣe é ní pípé t’ó gún régé.

آية رقم 29

ﮏﮐﮑﮒ ﮓ

Ó ṣe òru rẹ̀ ní dúdú. Ó sì fa ìyálẹ̀ta rẹ̀ yọ jáde.

آية رقم 30

ﮔﮕﮖﮗ ﮘ

Àti ilẹ̀, Ó tẹ́ ẹ pẹrẹsẹ lẹ́yìn ìyẹn.
____________________
Ẹ wo ìtọsẹ̀-ọ̀rọ̀ fún sūrah al-Baƙọrah; 2:29.

آية رقم 31

ﮙﮚﮛﮜ ﮝ

Ó mú omi rẹ̀ àti irúgbìn rẹ̀ jáde láti inú rẹ̀.

آية رقم 32

ﮞﮟ ﮠ

Àti àwọn àpáta, Ó fi ìdí wọn múlẹ̀ ṣinṣin.

آية رقم 33

ﮡﮢﮣ ﮤ

Ìgbádùn ni fun yín àti fún àwọn ẹran-ọ̀sìn yín.

آية رقم 34

ﮥﮦﮧﮨ ﮩ

Ṣùgbọ́n nígbà tí ìparun ńlá bá dé,

آية رقم 35

ﮪﮫﮬﮭﮮ ﮯ

ní ọjọ́ tí ènìyàn yóò rántí ohun t’ó ṣe níṣẹ́.

آية رقم 36

ﮰﮱﯓﯔ ﯕ

Wọ́n sì máa fi Iná hàn kedere fún (gbogbo) ẹni t’ó ríran.

آية رقم 37

ﯖﯗﯘ ﯙ

Nítorí náà, ní ti ẹni t’ó bá tayọ ẹnu-àlà,

آية رقم 38

ﯚﯛﯜ ﯝ

tí ó tún gbé àjùlọ fún ìṣẹ̀mí ayé,

آية رقم 39

ﯞﯟﯠﯡ ﯢ

dájúdájú iná Jẹhīm, òhun ni ibùgbé (rẹ̀).

آية رقم 40

ﯣﯤﯥﯦﯧﯨﯩﯪﯫ ﯬ

Ní ti ẹni tí ó bá páyà ìdúró níwájú Olúwa rẹ̀, tí ó tún kọ ìfẹ́-inú fún ẹ̀mí (ara rẹ̀),

آية رقم 41

ﯭﯮﯯﯰ ﯱ

dájúdájú Ọgbà Ìdẹ̀ra, òhun ni ibùgbé (rẹ̀).

آية رقم 42

ﯲﯳﯴﯵﯶ ﯷ

Wọ́n ń bi ọ́ léèrè nípa Àkókò náà pé: "Ìgbà wo l’ó máa ṣẹlẹ̀?"

آية رقم 43

ﯸﯹﯺﯻ ﯼ

Ọ̀nà wo ni ìwọ lè fi ní (ìmọ̀) ìrántí rẹ̀ ná?

آية رقم 44

ﯽﯾﯿ ﰀ

Ọ̀dọ̀ Olúwa rẹ ni òpin ìmọ̀ nípa rẹ̀ wà.

آية رقم 45

ﰁﰂﰃﰄﰅ ﰆ

Ìwọ kúkú ni olùkìlọ̀ fún ẹni t’ó ń páyà rẹ̀.

آية رقم 46

ﰇﰈﰉﰊﰋﰌﰍﰎﰏ ﰐ

Ní ọjọ́ tí wọ́n máa rí i, wọn máa dà bí ẹni pé wọn kò lò tayọ ìrọ̀lẹ́ tàbí ìyálẹ̀ta (ọjọ́) kan lọ (nílé ayé).

ترجمة معاني سورة النازعات باللغة اليورباوية من كتاب الترجمة اليورباوية

الترجمة اليورباوية

الترجمة اليورباوية